|
Re: لماذا لم يشارك نوبة مصر في المظاهرات؟؟!! (Re: Medhat Osman)
|
لو كنتا مكانم لا ما فكرتا زاتو اشارك او اكتفيت بالفرجة!
لا معني ان تكون مجرد اداة!
الفرق شنو بين نظام مبارك او اي نظام اخر، عربي في مصر؟
دعك من الدول العربية الحقيقية، ذنوجة الجلابة العاملين عرب، ماشايفنهم ساوين شنو في البفتكروهم ماعرب، او كمان زرقة، في جمهورية الزرقة؟
فايز لا عليك،
مافي اي شئ غلط في كلامك اعلاه!
اتعجب حقيقة من موقف مدحت او تابعه، اعلاه، بخصوص كلام فايز.
في شنو غلط في كونو النوبة في مصر مفروزين؟
اليس هذا واقع معاش؟
في شنو غلط لو فايز خاف ينفردو بيهم؟
هسي فايز بقي هو العنصري البصفق للبشير، لانو فصل الجنوب، وهل فايز هو البتمني السودان يتفتفت؟
وهل هو الطالب بفصل الغرب؟
ام البسووي ده كلو واحد محسي او بالتالي نوبي او بالتالي تغض الطرف يا مدحت، او تشبك في فايز، ياعنصري، فقط لانو مانوبي بي فهمك؟
معليش يا مدحت، لن نجامل قط!
او بما انك صاحب رسالة في المنبر ده، فاعلم:
كل زول، بيحمل رسالة، صادقة، امينة، بعيد مداها...
يعرف التاريخ حيحسب كل خطواتو المشاها....
والحدود الفاصلة هي، تبقي عندنا مسؤولية..
تبقي عندنا مسؤولية..
تبقي عندنا مسؤولية..
تبقي عندنا مسؤولية..
تحياتي موصولة.
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: Abdlaziz Eisa)
|
Quote:
أعلن عدد من النشطاء النوبيين عن مشاركتهم فى مظاهرات، غدا، الثلاثاء، والتى دعت لها العديد من قوى وتيارات المعارضة وقال الناشط النوبى حجاج أدول، إن النوبيين سيشاركون فى المظاهرات باعتبارهم جزء من النسيج المصرى لهم نفس الحقوق والمطالب.
ونفى أدول ما يثار حول أن النوبيين سينادوا بمطالب خاصة أثناء المظاهرات مؤكدا أن الأولوية للأمور العامة وهى الحرية والديمقراطية وتأتى بعدها المطالبة بتسكين النوبيين وعودتهم لأراضيهم، وأوضح أدول أن عدد كبير من النوبيين سيشاركون فى مظاهرات بالقاهرة والإسكندرية وأسوان.
ومن جانبه، أكد مسعد هركى رئيس النادى النوبى، أن المظاهرات تعد عمل مشروع و على الدولة حمايتها مؤكدا على حق النوبيين فى المشاركة والمطالبة بحقوقهم وأوضح عضو لجان المتابعة بأسوان عبد الصبور حسب الله أنه سيشارك هو ومجموعة من الشباب النوبيين فى مظاهرات الغد بالتعاون مع أعضاء جمعية التغيير بأسوان مؤكدا أنه تم التنسيق معهم للمشاركة والتعبير عن نفس المطالب والحقوق.
ونوهت الناشطة منال الطيبى عن مشاركة عدد من النشطاء غدا والتحرك كأفراد للمطالبة بالحقوق العامة مؤكدة على عدم وضع مطالب النوبيين فى الأولوية غدا مؤكدة أن هذا الأمر سيأتى فى مرحلة قادمة.
http://www.m7la2day.com/vb/t72281-2.html
|
لا نريد من صاحب البوست
اقل من الاعتذار لاخوتنا النوبيين في مصر
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: عاطف عبدون)
|
سلام الاخ مدحت وزوار البوست كلنا ملانين غضب في الايام الفينا دي لكن يجب علينا التريث في ردة الفعل لا ادافع عن الاخ فايز لكن يشهد الله ما شايفة في مداخلته اي عنصرية ولا حتى إشارة لذلك
الشيء التاني حضارة مصر يا جماعة معمظها نوبية واهلنا النوبة في مصر مميزين بطباعهم وده شرف لينا كلنا طباعهم غير طباع المصريين خالص رغم انهم عاشوا وسطهم لكن ما أخدوا طباعهم الما كريمة والمعروفة عند غالبيتهم وبقت سبب ليهم في نبذهم بيها في كل المواقف عشت في الخليج اكثر من 15 سنة تعرفت على عدة جنسيات من الخليجين في اي نقاش واي تعليق ضد الشعب المصري دائما ببادروا وبالحرف الواحد وسمعتها كثير جدا انه المصري الاصلو نوبي سوداني بطباع اهله و مختلف تماما عن المصريين ومعروفين إنهم اكثر صدقا اكثر إلتزام اكثر دقة ونضافة عشان كده لو المصريين اتعنصروا عليهم دي حسااااادة وما شىء غريب عليهم .واي نوبي في مصر عارف الحاجة دي وما مهتم ليها وكونهم يضايقوهم ده شىء بديهي لانهم ناجحين ومحبوبين في كل الاوساط وفي كل البلدان المصريين زاتهم في قرارة نفسهم بعترفوا ليك إنه المصري النوبي احسن منهم بالصفات الذكرتها اعلاه,,
عندي زبونة مصرية بتشتري مني التذاكر كل سنة والمصريين عندهم مشكلة الوزن زينا نحن السودانيين وفي الخطوط المصرية عندنا زميلنا مصري نوبي إسمو مصطفي ,, رجل تخته في الجرح يبرأ اسكندراني الله يطراه بالخير ,, طلبت مني اطلب ليها من ناس الخطوط بحكم وظيفتي زيادة وزن اتصلت قدامها بي الاخ مصطفي وقلت ليه انها ماشة نهائي وقبل ما اتم كلامي طلب مني رقم التذكرة ووعدني يساعدها وقال لي اديها تلفوني لما تجي المطار لما كلمتها واديتها الرقم ما صدقت ,, قالت لي انتي متأكدة انه مصري ؟؟ قلت ليها ده من الخطوط المصرية نفسها ؟ قالت لي اكيد من سودانيين مصر , مستحيل غير كده ... شفتوا ديل اهل البلد زاتهم ؟
متاوقة طولوا بالكم يا عاطف انا عارف انت ما بتستعجل وبالك اطول مني انا زاتي لووول
يديكم الف عافية كلكم
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: اسماء الجنيد)
|
سومه ازيك
انا كمان ما شايف عنصريه في مداخلة فائز
لكن انا داير صاحب البوست يقنعنا انو اهلنا النوبيين في مصر ما شاركوا في المظاهرات
او كمان يعتذر
.............. يا سومه نحنا سكتنا كتير علي نوع التلمحات دي
اي زول داير يقول شئ عننا يقولو بي شكل واضح وصريح
او كمان حيلقانا واقفين ليهو في حلقو
ما حنسكت اكتر من كدا
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: عاطف عبدون)
|
الاخ اسامة صاحب البوست سلام وعذرا والله مع ردي السريع للزملاء نسيت اخاطبك إنت صاحب البوست لك العتبي يا خوي حتى ترضى وحقيقة بدون الرجوع للزميل عاطف وباقي الزملاء كنت متابعة كل الحاصل في مصر الفترة الاخيرة ما كان في اي فرز من المصريين ولا نوبيين ولا حتى السكانين مصر انا ما عارفة المعلومة دي جبتها من وين مع إحترامي ليك لكن كل المكويين بنار مبارك طلعوا ووقفوا وقفة رجل واحد والله بغرونا واتمنينا الحصل عندهم وفي تونس يحصل عندنا ويخلصنا من الشوم الفي بلدنا
لكم التحايا مجداا
شكرا يا عاطف وعليك الله طول بالك
ما تسكت لي اي حق لكن طول بالك
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: اسماء الجنيد)
|
نعم لم بتخلف نوبة مصر عن الانتفاضة والمشاركة فيها مع كافة فئات الشعب المصرى بل لقد استشهد للنوبة فى مصر شهيدان حتى الان هما الشهيد احمد هلال استشهد بالقاهرة فى مسيرة الغضب وهو من ابناء قرية قرته النوبية والشهيد بكرى عبد الوهاب استشهد ابضا فى القاهرة فى ميدان باب اللوق وهو من ابناء قرية ابو هور النوبية ايضا شارك النوبة فى تهجير كوم امبو محافظة اسوان فى المظاهرات التى اندلعت هناك فى كوم امبو حيث احرقت الجماهير مقر الحزب الوطنى الحاكم وفى اسوان شارك ابناء تهجير النوبة من كل قرى التهجير وبندر اسوان فى مظاهرة جابت شوارع مدينة اسوان وقد وصلوا الى اسوان من قرى بلانة وفريق وادندان وقسطل وابريم والجنينة وكشتابنة وغرب اسوان وكافة قرى مركز نصر النوبة وما زلنا على اتصال مع ناشطين نوبة مصرين
محمد (عدل بواسطة محمد داؤد محمد
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: محمد داؤد محمد)
|
Quote: سلام الاخ مدحت وزوار البوست كلنا ملانين غضب في الايام الفينا دي لكن يجب علينا التريث في ردة الفعل لا ادافع عن الاخ فايز لكن يشهد الله ما شايفة في مداخلته اي عنصرية ولا حتى إشارة لذلك |
اكيد يامدحت انك خلطت بين صاحب والبوست وفايز
فايز يستحق الاعتذار له
تحياتى للجميع
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: محمد داؤد محمد)
|
Quote:
نعم لم بتخلف نوبة مصر عن الانتفاضة والمشاركة فيها مع كافة فئات الشعب المصرى بل لقد استشهد للنوبة فى مصر شهيدان حتى الان هما الشهيد احمد هلال استشهد بالقاهرة فى مسيرة الغضب وهو من ابناء قرية قرته النوبية والشهيد بكرى عبد الوهاب استشهد ابضا فى القاهرة فى ميدان باب اللوق وهو من ابناء قرية ابو هور النوبية ايضا شارك النوبة فى تهجير كوم امبو محافظة اسوان فى المظاهرات التى اندلعت هناك فى كوم امبو حيث احرقت الجماهير مقر الحزب الوطنى الحاكم وفى اسوان شارك ابناء تهجير النوبة من كل قرى التهجير وبندر اسوان فى مظاهرة جابت شوارع مدينة اسوان وقد وصلوا الى اسوان من قرى بلانة وفريق وادندان وقسطل وابريم والجنينة وكشتابنة وغرب اسوان وكافة قرى مركز نصر النوبة وما زلنا على اتصال مع ناشطين نوبة مصرين
محمد
|
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: عاطف عبدون)
|
سلام للجميع
الجابني البوست دا السؤال العجيب، وما قصروا الشباب ولقيتهم وقفوا فيهو متحيرين
لكن يبدو انه زول تبع النظام المتعفن العندنا وبحاولوا يسوقوا لتجارتهم العنصرية البائرة التي يحاولون عشرين سنة لزرعها بين السودانيين، كانوا يحلمون بان يعادي الحلفاوي الفوراوي ويصارب الجعلي الهدندوي ويشلت البقاري البجاوي.
تعسا لهم، مصر تجاوزت القبلية منذ ازمان وما بقى منها فعلا بعض الاهمال للمنطاق النوبية والبدوية لكن كان نصيب القاهريين والسكندرانيين من الاهمال والقمع ما يجعلهم كلهم اصحاب وجعة واحدة.
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: أحمد ابن عوف)
|
لا حولا ولا قوة إلا بالله ... الواحد يغيب من المنبر يومين يلقي نفسوا طلع عنصري وكمان حتي مسقط راسو إتغير وبقي من منطقة الدندر قرية بريدانة!! آسف لتأخري عن الرد فلم أدخل المنبر لظروف في اليومين الفاتو ولولا تلفون الأخ محمد زكريا لما عرفت ماجري لي في البوست
حقيقة أتشرف أن أكون من قرية البريدانة وياريت خاصة بعد ما قال أخونا ودشيقوق إبن المنطقة بانه قد تم إكتشاف كمية كبيرة من البترول فيها وستصبح قريبا أغني من قطر فنعود للبلد ونرتاح من البهدلة في بلاد الغربة
أولا أظن أن هناك سوء فهم كبير لكلامي وكلام الأخ فائز فما قصدته أنا يختلف تماما عن ما فهمه بعض المستعجلين وحملة الأختام الجاهزة
والشئ التاني أنا نوبي أصيل لا أقبل أي مزايدة علي إنتمائي النوبي ممن يوصمون الناس بالعنصرية وهم لا يعرفون عنهم شئ سوي أن قرأوا ليهم عنو سطر أو سطرين في المنبر.
فأنا نوبي أصيل ولدت وترعرعت تحت ظل إهرامات جدودي المرويين القدماء الذين أفتخر بهم وبحضارتهم وأتفاخر بها داخل وخارج السودان ورغم غربتي الطويلة خارج السودان لكن أحرص علي زيارة إهرامات أجدادي وبقايا مساكنهم ومعابدهم في المنطقة وآخر عهد هو قبل سنتين عندما كنت في السودان مع بعض زملائي النرويجيين ورغم زحمة برنامج العمل لكن أخذتهم يوم جمعة إلي زيارة هذه الحضارة العريقة.
وحتي الأراضي الزراعية التي ورثتها أنا وإخوتي عن أبي وأجدادي في المنطقة مسجلة بإسم قديم للمنطقة وهو كورقس رغم أنه لايوجد حاليا هذا الإسم علي أرض الواقع بعد أن تغيرت كثير من الأسماء بعد دخول الإسلام والتعريب ولكنه إسم راسخ في التاريخ
لهذا كله أرجو ألا تزايدوا علي وأن تفهموا كلامي في إطاره المقصودوسوف أتي بالتفصيل لشرح مقصدي البرئ من البوست
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: أسامة البلال)
|
عاطف عبدون يازميل غربة البرد والقيع في النرويج
God kveld
رغم أني أخذت في نفسي من مخاطبتك لي غير الودودة في ردك الاول بصاحب البوست بدل إسمي وخاصة نحن يلمنا بلد واحد وتربط بينا تيلينور
بعد كلامي الكتير دا برضوا ما عرفت قصدي شنو
رجاء أرسال تلفونك علي الخاص وهي فرصة نتعارف
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: أسامة البلال)
|
God kveld
سلام يا اسامه
قبل كل شئ خليني اعتذر عن مخاظبتك بي صاحب البوست
اتخيل ما لاحظت ليها الا وانا بقرا ردك
انا بالذات في الاسبوع دا بقيت عندي حساسيه ما طبيعيه تجاه تبخيس حاجات النوبيين
وبكون جيت البوست وشايل جواي بوستات تانيه
تعرف يا اسامه لو شكل عنوانك كان استفساري كنت بي كل بساطه رديت وقلت ليك
لا ياخي هاك دا وهاك دا وشوف مواقف النوبيين من ثورة مصر
لكن عنوانك جا وكانك متاكد انو النوبيين ما شاركوا
وانا عارف انو في ناس في البوست دا منتظرين نوع الكلام دا عشان يجو داخلين شماته
عموما تلفوني في الخاص
Jeg tror det var misforståelse
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: عاطف عبدون)
|
شكرا عاطف وبينا تلفون إن شاء الله
عنوان البوست هو عنوان تسأولي وليس تقريري ووضعت علامات إستفهام وتعجب
وانا حريص أنا أري الصوت النوبي عالي ومتميز وأن أري الرموز النوبية في وسائل الإعلام حتي يقطفوا نصيبهم من الثورة
فهم رغم انهم يعيشون علي أرضهم التاريخية وفي ظل حضارتهم التليدة داخل حدود الدولة المصرية لكنهم يعانون الظلم والتمييز ضدهم وهذه فرصة لهم حتي يقلعوا حقوقهم
| |
|
|
|
|
|
|
Re: لماذا لم يشارك نوبة مصر في المظاهرات؟؟!! (Re: أسامة البلال)
|
\Quote: Quote:
نعم لم بتخلف نوبة مصر عن الانتفاضة والمشاركة فيها مع كافة فئات الشعب المصرى بل لقد استشهد للنوبة فى مصر شهيدان حتى الان هما الشهيد احمد هلال استشهد بالقاهرة فى مسيرة الغضب وهو من ابناء قرية قرته النوبية والشهيد بكرى عبد الوهاب استشهد ابضا فى القاهرة فى ميدان باب اللوق وهو من ابناء قرية ابو هور النوبية ايضا شارك النوبة فى تهجير كوم امبو محافظة اسوان فى المظاهرات التى اندلعت هناك فى كوم امبو حيث احرقت الجماهير مقر الحزب الوطنى الحاكم وفى اسوان شارك ابناء تهجير النوبة من كل قرى التهجير وبندر اسوان فى مظاهرة جابت شوارع مدينة اسوان وقد وصلوا الى اسوان من قرى بلانة وفريق وادندان وقسطل وابريم والجنينة وكشتابنة وغرب اسوان وكافة قرى مركز نصر النوبة وما زلنا على اتصال مع ناشطين نوبة مصرين
محمد |
| |
|
|
|
|
|
|
|