|
الغـاز ... المسيل للدموع
|
- الغاز اتعدم من السوق يا عمك و اكلنا كلو بقي ني
* يعني خلااااص انتو قاعدين تاكلو !! ارجعو للعصر الفحمي احسن
- يا لك من مترف, انت قايل نحن ابينا الفحم حبا في الغاز؟ ربع الفحم بي 6 جنيه و يا دووب بقضيك تلاته يوم لكن الانبوبه بي 16 جنيه و لو جازفت معاهابتكفيك شهر, دا طبعا قبل الزيادات
* يا زول حلكم الوحيد الثوره
- و دي مواصلاته لسه جنب ابو جنزير؟
* ابو جنزير مييين, الموقف حولوه زماااان ... لو عاوز تصل ليها جرب من اي موقف و من اي حته
- اها و الثوره دي فيها غاز اكيد!
* دا كلامك !! غاز و مسيل للدموع كمان
- بسسسس وصلنا تب كان كدا
* بالمناسبه, لسه قاعده تجيكم موية صرف صحي بالمواسير؟ :)
|
|
|
|
|
|
|
|
Re: الغـاز ... المسيل للدموع (Re: حسبو عكاشة)
|
ست الكوارع في الزلط , الطلب كان عندها بي 3 جنيه بعد الزيادات ضربنا عندها طلب و قالت الحساب 5 جنيه قرعنا ليها جرس ليه بخمسة جنيه قالت العدس سعرو زاد اجييييي يا العدس زمننا دا كلو ماشين نضرب كوارع ماشين نضرب كوارع و نحن بنضرب في ضلافين بالعدس !!
الغريبه الغاز ما خاشي في المسأله دي لانها شغاله بالفحم
| |
|
|
|
|
|
|
Re: الغـاز ... المسيل للدموع (Re: خضر حسين خليل)
|
Quote: والله بالجد يا لكم مترفين أنحنا لينا كم يوم شغالين عصري فحمي
|
كلامك صااااح ياخضر الاكل الجاهز مالو,,زى ده مثلا....كامل التضامن مع خضر من البيك شارع الستين
حسبو بالمناسبة العدس كتير ما كويس حاول شكل
| |
|
|
|
|
|
|
Re: الغـاز ... المسيل للدموع (Re: احمد محمد بشير)
|
ابو حميد سلامات البلد و الامور ماشه تضيق مع كل يوم جديد حتي لو في ناس ما سمعت بيوم واحد و عشرين ما اظن يرضو بالضيق الحاصل دا غايتو العارفو يا ابوحميد انو الناس بدأت تتخلص من السؤال بتاع (البديل منو)! و دي براها حسنه ولا شنو !
| |
|
|
|
|
|
|
Re: الغـاز ... المسيل للدموع (Re: حسبو عكاشة)
|
Quote: كامل التضامن مع خضر في محنته الغازيه
|
بصراحة ياحسبو انا فترت من التضامن مع المدعو خضر وكرهت اكل اللحمة فى اليوم تلاتة مرات بقيت اضرب مرتين بس وشية وكباب على خفيف..
اسوى شنو برضو خضر زول حبيب....
كامل التضامن مع خضر لمدة 24 ساعة فقط لاغير
| |
|
|
|
|
|
|
Re: الغـاز ... المسيل للدموع (Re: خضر حسين خليل)
|
Quote: ياخ اتلفظ ياخ شنو شابكنا طعمية وامساك وبتاع البوست ده حدو البواسير علي ما أظن |
ما تلاوز يا خضر ما حنصل المرحلة القلتها دي كَبس فردتنا مواعدنا بكره يجيب شغل بتاع اعشاب للشباب حنشيل و نليس و نشوف الطعميه دي فهمه شنو!
| |
|
|
|
|
|
|
Re: الغـاز ... المسيل للدموع (Re: حسبو عكاشة)
|
Quote: هسه بقينا في البتحلنا من الامساك |
ههههههههههه كويس يا حسبو اهو خطوة في اتجاه حل مشكلة الموية وو موضوع الصرف الصحي بالنسبة لكلام الحاجة ست الكوارع عن زيادة السعر بسبب غلاء العدس افتكر دي نسخة مطورة من "الما عارف يقول عدس"
____________________________
يا معلم ما راجين باقي المرادمات وكدا
| |
|
|
|
|
|
|
Re: الغـاز ... المسيل للدموع (Re: Bakhaf)
|
Quote: اها و الثوره دي فيها غاز اكيد! دا كلامك !! غاز و مسيل للدموع كمان |
كان بقت على الغاز المسيل للدموع هينه يا عمك، لكن الكلام في الإعتقال وكمان كان ودوك جمب موقف شندي
Quote: حسبو يكتب للأصالة وذكري تخليد لي كوارع عن كفاح باميلي بامزا |
خضر حسين يقتبس أبيات من مرادمة حسبو لهيثمكا !!! يبدو لي دي بوادر تحالف جديد تستوجب الحضور والمتابعه والعوده بعد أن تتضح الرؤيه
| |
|
|
|
|
|
|
Re: الغـاز ... المسيل للدموع (Re: مرتضى احمد عبد القادر)
|
Quote: خضر حسين يقتبس أبيات من مرادمة حسبو لهيثمكا !!! يبدو لي دي بوادر تحالف جديد تستوجب الحضور والمتابعه والعوده بعد أن تتضح الرؤيه |
يا مورتا لو عرفت التحالف دا بضُم منو, تاني ما بتتحاوم بيجاي هيثمكا+ حسبو + خضر
حنفرتق ليك صلعة امين نوته
| |
|
|
|
|
|
|
Re: الغـاز ... المسيل للدموع (Re: محمد البشرى الخضر)
|
Quote: يا معلم ما راجين باقي المرادمات وكدا |
ردم اكتر من الحاصل دا يا ودالبشري! الناس دي بقت مردومه في اي حته... في البيت في المدرسه في الشارع غايتو هيثم الايام دي شغال مرادمات مع حال البلد المايل و دا جزو منها...
نحن بنسكر لا لنخالف شرع الله نحن بنسكر شان نتذكر عمق الوجع الفينا محكر و دمع الهم السال و اتحدر و كاابة جيل تاريخو مكدر و رعشة خوف من بطش العسكر و برضو زيادة الزيت و السكر و نحن بنسكر
| |
|
|
|
|
|
|
Re: الغـاز ... المسيل للدموع (Re: حسبو عكاشة)
|
Quote: نحن بنسكر لا لنخالف شرع الله نحن بنسكر شان نتذكر عمق الوجع الفينا محكر و دمع الهم السال و اتحدر و كاابة جيل تاريخو مكدر و رعشة خوف من بطش العسكر و برضو زيادة الزيت و السكر و نحن بنسكر |
سكرانين ليها شنو وقت السكر بيذكرهم دا كلو !! إتخيل لي في ما سقطت سهو (نحن بنسكر شان ما نتذكر)
| |
|
|
|
|
|
|
Re: الغـاز ... المسيل للدموع (Re: Amira Elsheikh)
|
أميره الشيخ ما معانا إصطياد في البوست العكر ولا البوست العفن بتاع حسبو(شربنا موية الصرف الصحي)
صدق يا حسبو لمن لقيت عنوان البوست دا امس قريتو وفي ذاكرتي بوستك بتاع الصرف الصحي قلتا الجنى دا الليله البليله أذتو شديد معناها
| |
|
|
|
|
|
|
Re: الغـاز ... المسيل للدموع (Re: حسبو عكاشة)
|
Quote: نحن بنسكر لا لنخالف شرع الله نحن بنسكر شان نتذكر عمق الوجع الفينا محكر و دمع الهم السال و اتحدر و كاابة جيل تاريخو مكدر و رعشة خوف من بطش العسكر و برضو زيادة الزيت و السكر و نحن بنسكر |
ده سكر برجعك للواقع يامورتا سكر عصري يافردة
ـــــــــــ البتاع البعمل البتاع الفوق ده كلو عامل كم عندكم ياحسبو ؟
| |
|
|
|
|
|
|
Re: الغـاز ... المسيل للدموع (Re: محمد البشرى الخضر)
|
Quote: كدي اسأل لينا مورتا عن الإسبرت دا إن شا الله يكون الأصلي عشان في نوع صيني كدا اجارك الله بقطع وش المكنة و يخليك تخلط زيت زي الما حصل شي |
مورتا لو بقي المعلم سمنه ما حيعرفو ليك اصلي ولا موية نار سمنه هسه بكون (بتذكر) خليها للصباح و بديك الاكيده
| |
|
|
|
|
|
|
Re: الغـاز ... المسيل للدموع (Re: محمد البشرى الخضر)
|
Quote: والله ياخي مع العدس الغلا دا الله اعلم يكون اصلي لكن للضمان كدا الصباح خليه يراجع مقاس الزيت |
سمنه قال ليك المفروض يقيسو الزيت عينة ناس مورتا ديل لانهم بجيبو راحاتهم من الطيارات* و شغل الطيارات كلو اسبرت صيني قال الشغل الصيني دا بظهر بعد تلاته يوم و ممكن عاااادي يشق ليك المكنه
سمنه قال ليك الراحات بتجيهم من (كتلو ) و (ابو ريال) دي حتات وراء سكن البنك العقاري و الحتات ديك لسه شغالين بالنظام القديم و لا بعرفو اسبرت ولا سفن اب
--- * الطيارات دي لو ما عرفتها حتكلفنا مشوار تاني لي سمنه يا عمك
| |
|
|
|
|
|
|
Re: الغـاز ... المسيل للدموع (Re: محمد إبراهيم علي)
|
Quote: بالله الناس دي لسه شغالة احب السودان القديم ياخي
|
راااااشه تش لا نظام عام لا سيستم غرق الداخل مفقود و الخارج مولود سمنه قال ليك الخميس الجااي بمشي بجيب التصبينه بتاعتو و حيبلغ سلامك لجميع المناضلات
| |
|
|
|
|
|
|
|