|
Re: لا لا دا شئ غريب دا جيل عجيب دا جيل مصرى مارد لن يستطيع أحد تكبيله أو ارجاعه إلى القمقم! (Re: jini)
|
Quote: والله يا قمر بوبا ديل الحيتعاملوا مع السودان كانداد دا جيل المعلوماتية جيل مثقف وعارف داير شنو سلام مربع لبوعزيزى جنى |
يا حيدر كمان للدرجة دي..جيل مثقف شنو كمان في مصر..انت ما بتحضر حلقات أرجوك ما تفتيش؟؟ ... والله يا جني لو حيتعاملوا معانا كأنداد لهم التحية...سبب كرهي ليهم تعاملهم مع السودان كزريبة خلفية ...ويغرقونا ويشردونا مرحب بشعب مصري يغير حكومته ويتعامل مع السودان كدولة محترمة بدل الضرب في الانكل
_ عموما لا نملك سوي نحترم وقفتهم الجبارة أمام الظلم..فالحكومة افقرتهم وزادت من أسباب عطالتهم ووفرت لهم الحشيش في سبيل بقاءها
| |
|
|
|
|
|
|
Re: لا لا دا شئ غريب دا جيل عجيب دا جيل مصرى مارد لن يستطيع أحد تكبيله أو ارجاعه إلى القمقم! (Re: GamarBoBa)
|
Quote: يا حيدر كمان للدرجة دي..جيل مثقف شنو كمان في مصر..انت ما بتحضر حلقات أرجوك ما تفتيش؟؟ ... والله يا جني لو حيتعاملوا معانا كأنداد لهم التحية...سبب كرهي ليهم تعاملهم مع السودان كزريبة خلفية ...ويغرقونا ويشردونا مرحب بشعب مصري يغير حكومته ويتعامل مع السودان كدولة محترمة بدل الضرب في الانكل
_ عموما لا نملك سوي نحترم وقفتهم الجبارة أمام الظلم..فالحكومة افقرتهم وزادت من أسباب عطالتهم ووفرت لهم الحشيش في سبيل بقاءها |
والله مثقف دا جيل اسامة الجح انا متابع مداخلاتهم وايمانهم بالديمقراطية والحرية والشفافية دا جيل خطير سعنى ممكن تتحاور معاهو ومش جيل الباشوات يا عم دا جيل مواكب ومتابع بل العكس دا مكسب للسودان بدل الانظمة الديكتاتورية التى تساند الطغاة! ديمقراطية فى مصر مكسب للسودان الديمقراطى تعامل فوق الطاولة وعلى موية بيضاء! يا قمر بوبا انا لى رؤية خاصة فى مايحدث فى مصر وما حدث فى تونس وماسيحدث فى السودان لاحقا انه ثورة ضد الغرب الذى يحمى ويدعم هؤلاء الطغاة اكثر من كونه ضد هؤلاء الاراجوزات فلولا الغرب لما جثم هؤلاء على صدورنا! جنى
| |
|
|
|
|
|
|
Re: لا لا دا شئ غريب دا جيل عجيب دا جيل مصرى مارد لن يستطيع أحد تكبيله أو ارجاعه إلى القمقم! (Re: jini)
|
يا حيدر جيل أسامة الجخ نفسه يحتاج لي (أويرنس) تجاه تعاملهم مع السودان لن أطلق أحكام مغلقة علي الشعب المصري...نحن بنفرح الليلة في السودان للبحصل في مصر لسببين..أول حاجة انو الشعب السوداني كله متسمر قدام التلفزيون وبشاهد عملية التغيير ..ودي نقلة كبيرة للسودانيين خاصة انو برضو تابعوا تونس...يبقي دي جرعة كويسة في حق الشعب السوداني جات من السما...الشي التاني يا جني نظام مصر الحالي الاستخباراتي والاستراتيجي في ظل وضع جديد حياخد زمن عشان يرتب اوضاعه تجاه السودان يعني اهداف النظام الحالي المصري في العمق السوداني قد تتأجل..منها مسألة مناطق شمال دنقلا حتي حلفاودي كويسة عشان تبقي المناطق ديك تابعة للسودان لسة.
_ في تعقيدات تانية يا جني منها...اتفاقية كمب ديفد والتعامل مع اسرائيل...يعني الغرب لن يترك النظام المصري الحالي بكل سهولة يذهب عشان يجوا اخوان مسلمين ولا غيرهم يجهجهوا اسرائيل...الوضع مختلف من تونس والاردن وغيرهم من الدول اي نعم مصر فقدت دورها العربي والشرق أوسطي الكان اصلا متمثل في الاعلام دون دور حقيقي بعد ظهور دولة قطر..لكن كمان وضعها الجغرافي يستحيل يخلي الغرب يجازف بحكومة ما موالية ليها.
| |
|
|
|
|
|
|
|