|
ماجوك في شمبات (الحلو مقيلا)
|
ماجوك جنوبي استوطن الشمال وفيه اختار شمبات (الحلو مقيلا ) وعرف اهلها وعشق جنائنها وناسها ، وقد جمعه وابنائه حب المكان والزمان وسكان المدينة.. حتى أنه اصبح سجلا مدنيا لاهالي المنطقة .. يعرفهم واحداً واحداً وأسرة أسرة قبائل واصول , وهو محل تقدير اهل شمبات قاطبة .. وقال الملحن محمد ديكور: ان ماجوك اصبح هو الذي يكتب دعوات كروت الافراح ويقوم بخدمة الجميع في المناسبات المختلفة حزن، وأهل المنطقة اذا حصل الانفصال لان ماجوك سيفارقهم وهو لا يريد المغادرة والناس تتمنى ان لا يكون الانفصال واقع وأن يظل ماجوك واسرته سودانيا وشمالي الهوى.
http://www.rayaam.info/News_view.aspx?pid=849&id=68125
|
|
|
|
|
|
|
|
Re: ماجوك في شمبات (الحلو مقيلا) (Re: حمزه بابكر الكوبي)
|
أخي الكوبي
الأخ ماجوك علم من أعلام شمبات
ولا نقول أنه عاش بيننا
لكننا نقول بأننا عشنا معه في شمبات
لأنه له في شمبات أكثر منا
هو السباق في الأفراح والاتراح
هو أكثرنا عشقاً لشمبات
كنت أسميه البحر
كعادة أهل شريط النيل فهم يطلقون على نهر النيل
البحر
ومثلما البحر كبير كما تقول السيدة فيروز
كذلك ماجوك هو عندنا كبير
ويبقى الذي بيننا أكبر من عبث الساسة
ويبقى ماجوك عصي على التقسيم والانفصال
ولا أخاله ذهب للتسجيل ناهيك عن التصويت
دم بخير أخي الحبيب ماجوك
فهو بحق مرجع لمجتمع شمبات وله ذاكرة متقده
وكنا نحتكم له لمعرفة علاقات النسب في شمبات
فهو بحق عالم نسابة
كامل الموده
| |
|
|
|
|
|
|
Re: ماجوك في شمبات (الحلو مقيلا) (Re: عبد الرحيم حسب الرسول)
|
التحيه لك عزيزي عبدالرحيم ولكل اهلنا بشمبات ماجوك رقم صعب في شمبات ومحبوب من الجميع ولا اخال اهلنا في شمبات يعيشون من دونه !!! عاصرناه في المدرسه ( كان يسبقني بدفعه ) وعاصرناه في كرة القدم (في الرابطه) وتابعناه وهو صخره دفاعيه تكسرت اماها اعتى الخطط الهجوميه حينما كان مدافعا صلدا في فريق التعاون الذي عشقناه . شاهدناه في اغلب الافراح يعيش الفرح مع الجميع بشمبات . شاهدناه دوما اول المتقدمين للمقابر ليواري الجثامين .
منعول ابوالسياسه !!!!!
| |
|
|
|
|
|
|
Re: ماجوك في شمبات (الحلو مقيلا) (Re: حبيب نورة)
|
العزيزان الشمباتيان حمزه الكوبي وعبدو الرفيع
تحياتي واشواقي لكما ولكل اهل شمبات الاحباء
اسمح لي استاذ عبد الرحيم ان انقل مداخلتك لتعبر عني
الأخ ماجوك علم من أعلام شمبات
ولا نقول أنه عاش بيننا
لكننا نقول بأننا عشنا معه في شمبات
لأنه له في شمبات أكثر منا
هو السباق في الأفراح والاتراح
هو أكثرنا عشقاً لشمبات
كنت أسميه البحر
كعادة أهل شريط النيل فهم يطلقون على نهر النيل
البحر
ومثلما البحر كبير كما تقول السيدة فيروز
كذلك ماجوك هو عندنا كبير
ويبقى الذي بيننا أكبر من عبث الساسة
ويبقى ماجوك عصي على التقسيم والانفصال
ولا أخاله ذهب للتسجيل ناهيك عن التصويت
دم بخير أخي الحبيب ماجوك
فهو بحق مرجع لمجتمع شمبات وله ذاكرة متقده
وكنا نحتكم له لمعرفة علاقات النسب في شمبات
فهو بحق عالم نسابة
كامل الموده
| |
|
|
|
|
|
|
Re: ماجوك في شمبات (الحلو مقيلا) (Re: حبيب نورة)
|
حبيب نورة نقول ليك صباح الخير ولا مساء النور
شمبات ملهمة الفنانين والشعراء من الان مقدمة ليك دعوة مني ومن اهل البوست لزيارتها والمقيل
جمب البحر وامتاع النظر بالخضرة والجمال اما الحديث عن اهلها يحتاج منا لبوستات عديدة
يا جمال شمبات وبحرها وترابها ونضارها
تقول لي يا شاطئ اسكندريه
| |
|
|
|
|
|
|
Re: ماجوك في شمبات (الحلو مقيلا) (Re: إحسان عبدالمتعال أحمد)
|
الدفعة العزيز حمزة والمتداخلين شمباته وغيرهم تحايا واحترام وربنا يديكم العافية.. عارف ياحمزة انا (ومن منظور ضيق جداً) أكتر حاجة ماعايزة تقع لي هي إنه: بعد نتيجة الإستفتاء، مجوك ده ممكن يكون ماسوداني؟؟؟ والله العظيم دي مسألة مامبلوعة خالص... زي ماقال اخوي عبدو: مجوك ده أقدم مننا في شمبات دي. وأزيد على الكلام ده إنه مجوك ده اتربى في بيت خالتنا ومن فتحنا عيونا لقيناهو في بيتنا ووصفنا وتعريفنا ليهو في كل المحافل وقدام كل الناس (إبن خالتي).. عارف ياحمزه مجوك كانوا بشيلوا معاهو الفاتحة قبلنا في وفاة خالتنا الربتو دي والكلام ده يشهدوا بيهو الشافوهو. مجوك علمنا حاجات كتيرة في الحياة دي سواء كانت حاجات اجتماعية أو رياضية أو غيرها, للناس المابيعرفوا مجوك... داير اقول وببساطة إنه الزول ده لما يكون عندنا عزومة عرس في شمبات، عندنا دفتر مسجلين فيهو ناس شمبات كلهم، الناس الدايرين يكتبوا الكروت بجيبوا الدفتر ده وبجيبوا مجوك لأنه هو البيوري الناس إذا في زول رحل أو سافر أو اتوفي عشان يشطبوهو من الدفتر، أو إذا في زول بقى كبير ومامكتوب في الدفتر ده عشان تتم إضافته،وكمان غير كده بيقول لينا منو المفروض نكتب ليهو كرت ومنو الزول المفروض نعتبره قريب ونكلمه شفاهة لأنه لو كتبا ليهو كرت بيزعل ..و...و.... باختصار أفتكر إنه مجوك والزيو ديل ممكن يكونوا هم الإستفتاء الحقيقي أو ممكن يكونو نماذج ل(محمد البوعزيزي). مجوك ياابن خالتي العافية والصحة يبروك محل ما تقبل
| |
|
|
|
|
|
|
Re: ماجوك في شمبات (الحلو مقيلا) (Re: حمزه بابكر الكوبي)
|
Quote: حبيب نورة نقول ليك صباح الخير ولا مساء النور
شمبات ملهمة الفنانين والشعراء من الان مقدمة ليك دعوة مني ومن اهل البوست لزيارتها والمقيل
جمب البحر وامتاع النظر بالخضرة والجمال اما الحديث عن اهلها يحتاج منا لبوستات عديدة
يا جمال شمبات وبحرها وترابها ونضارها
تقول لي يا شاطئ اسكندريه |
الاستاذه احسان لك التحايا والمحبه حبيب نوره وكل الحبايب يشرفونا ويقيلوا فيها جمعه وغير جمعه
| |
|
|
|
|
|
|
Re: ماجوك في شمبات (الحلو مقيلا) (Re: حمزه بابكر الكوبي)
|
Quote: عارف ياحمزة انا (ومن منظور ضيق جداً) أكتر حاجة ماعايزة تقع لي هي إنه: بعد نتيجة الإستفتاء، مجوك ده ممكن يكون ماسوداني؟؟؟ والله العظيم دي مسألة مامبلوعة خالص.. |
ياسر عبدالعزيز زميل التخته لك التحايا والله ياياسر دي مش ما مبلوعه دي من رابع المستحيلات انه يكون اجنبي ؟؟؟!!! وحتي لو فرضت الظروف في السجلات الرسميه ان يحمل بطاقة اجنبي سوف تكون ورقه لا قيمة لها ولكن اخشى ما اخشى ان اختلف الساسه في الدولتين وتوترت العلاقات ان يدفع ماجوك وامثاله التمن !!!!
Quote: عارف ياحمزه مجوك كانوا بشيلوا معاهو الفاتحة قبلنا في وفاة خالتنا الربتو دي والكلام ده يشهدوا بيهو الشافوهو. |
اصدقك والله ياياسر واشهد بذلك واضيف لكلامك انه زول مشوره ورأي في اكثر الامور حساسيه واعرف كتير من تقدم لخطبة بناتهم شباب يُسأل مجوك عن رائه في هذا الشاب او ذاك .
| |
|
|
|
|
|
|
Re: ماجوك في شمبات (الحلو مقيلا) (Re: ياسر عبدالعزيز الطيب)
|
Quote: أحسانننننا لو فتحنا نفّاج عن بحري وحكاويها .. مُش ح نخلص ! |
احححححححححححح استغفرتك يامالك روحي ياخي مالك علينا
التعبان وراهها وان كايس رضاها انا قلبي حباها الفي شمبات براها عليك الله يا اختنا احسان بس نقول شنو عن شمبات ونحكي عن شنو كلو في شمبات يا احسان كما قال الراحل المقيم خضر بشير عندما سالوه ماذا تهوى قال : اهوى الزهور في تبسمه واهوى الطيور في ترنمه واهوى الطبيعة الحالمه - بالله دا كلو مافي شمبات ليك علي يالحبيب حبيب نورة تمشي شمبات إلا نوريك الشجرة التي كان يجلسون بها ناس الكاشف والفان صديق الكحلاوي . . من يوم مابقى فراقو منامي وطرفي ماتلاقو . . ياحبيبي انا خايفك بالشوق ضيع عمري وتكون عليّ الجاني . . ياكوبي ماعذبتنا ما اجمل الايام في شمبات ناس مجوك وسايمون ودينق وجكسا كلهم جنوبين وهم اخوان تعرفنا عليهم في كلية الزراعة شمبات والان يعملون بها لي معهم علاقات طيبة ولو حصل الانفصال تلاقينا كل يوم معاهم كنت اسافر معهم سنار لمشاركتهم مناسباتهم الرياضية . شمبات عالم جميل
| |
|
|
|
|
|
|
Re: ماجوك في شمبات (الحلو مقيلا) (Re: وليد عبد اللطيف)
|
Quote: شمبات ملهمة الفنانين والشعراء
يا جمال شمبات وبحرها وترابها ونضارها |
وأهلها...حفظ الله أهلها..
صدقت يا إحسان
11 سنة في شمبات صنعت فينا الكثير من العشق والتعايش الجميل مع من أحسسنا أنهم لحمنا ودمنا..
لهم الود متصل ....
لن ننساهم
| |
|
|
|
|
|
|
|