|
لجعل السودان جاذب لجميع السودانيين
|
سمعنا عن الوحدة الجاذبة والتي لم تجذب لآنها كانت أحادية القطب
وسمعنا عن الانفصال الجاذب وكان هو الأقوي
ولكننا لم نسمع بالسودان الجاذب لبنيه في الداخل والخارج
فما رأيكم دام فضلكم لجعل السودان جاذب رغم مرارات الانفصال الوشيك والذي في ظل السودان الجاذب قد يعود الجنوب الحبيب
كيف نجعل ذلك ممكنا؟
الباب مفتوح تفضلوا بالدخول.........
|
|
|
|
|
|
|
|
Re: لجعل السودان جاذب لجميع السودانيين (Re: عمر الفاروق عبد الله الشيخ)
|
سلمات يا عمر الفاروق .. عام سعيد على الجميع .. عارف خيطك دا ربما يصبح من أميز بوستات هذا الربع .. إن أحسنا طروحاتنا وناقشنا السؤال بذهن متقد مفتوح بدون حساسيات أو بشفافية زي ما بقولوا ..
Quote: ولكننا لم نسمع بالسودان الجاذب لبنيه في الداخل والخارج
|
سؤالك ـ مع احترامي ـ واسع شويه .. يعني محتاج لشوية توضيح يلمو من البعثرة .. مثلا الجاذبية القاصدها إنت هل هي سياسية ، تنموية ، حضارية ، ثقافية ، أم اقتصادية ؟ والسودان القاصدو إنت.. هل السودان الاجتماعي ، بثقافاتو وكياناتو الاجتماعية (قبلي ـ طائفي )؟ ام السودان الجغرافي بجهوياتو واقاليمو ومناطقو ؟ مع الوضع في الاعتبار أن مدن مثل (امدرمان ، بحري ، مدني ، بورسودان ..الخ) على سبيل المثال برضها يمكن أن تتزمل بمفهوم الجهوية أو القبلية الحضرية .. أم أنك تعني السودان الدولة بمدولها السياسي والاجتماعي والثقافي والاقتصادي ؟ الأسئله الفوق دي لأن فرضية الجاذبية ومنبع دافعها بختلف بينا من شخص لآخر حسب ما استقر عليه فهمه من السؤال.. مثلا جاذبية السودان عند أصحاب العاطفة القبلية والجهوية والحضرية لا تتعدى إطار قبائلهم أو إقليمهم أو مدنهم .. أما جاذبية السودان بالنسبة لأصحاب الرؤية الاقتصادية فهي لا تتعدى كثافة ورصانة المشاريع الانمائية بالقدر الذي يحقق نجاحا في زيادة الدخل القومي ومن ثم تحقيق الوفرة والرفاهية .. بينما تعني الجاذبية لأصحاب رؤية الدولة بمدولها الشامل .. أن تتاح الفرصة للمجتمع السوداني بكياناته الاجتماعية وأقاليمه المختلفة وطوائفه .. لكي يتسامحوا على تأسيس دولتهم وفق نظام سياسي يكفل لهم حق المشاركة في السلطة واقتسام الثروة .. لقد حسم علماء الاجتماع من زمان ابن خلدون .. أن لا استقامة لحياة الجماعة دون سلطة تحكمهم وتنظم العلاقات فيما بينهم .. ولا استقامة لامر سلطة دون مجتمع يوليها الثقة والولاء .. بالنسبة لنا ككيانات اجتماعية سودانية .. من الثابت أننا ورثنا دولتنا الحالية عن المستعمريين .. وعجزنا طوال سنون استقلالنا في إعادة تاسيس نظام الدولة الموروث ليتسق مع واقعنا الاجتماعي والثقافي .. تاريخنا يشئ بأن نظم الحكم في بلاد السودان لم تعرف الحكم المركزي الا من المستعمرين .. فالنظام المركزي هو الاوفق لتحقيق مصالح المستعمر والنظم الشمولية .. إذ يكفل لهم بيسر تجميع الثروة في المركز ليسهل عليهم نهبها وتوجيهها لبطانتهم .. بعد استقلال البلاد مضى الحال على ما علية .. بحيث ظلت المدن المركزية وتجارها ورجال اعمالها هم من تصب في جيوبهم جهود الكادحين في الأقاليم .. ولم تكن الفرصة متاحة أمام الأقاليم للمطالبة بنصيبها من الثروة القومية .. حيث لا يسمح هيكل النظام المركزي بشيء من ذلك .. ويستعيض عنه بالعمل على جذب الوعي والقدرات التى تبرز في الاقاليم واغرائها على البقاء في المركز .. لتصبح مع مرور الزمن جزءا من المركز وامتدادا لقبضتها على الأقاليم أو ما اصطلح عليه مؤخرا ب (الهوامش ). .. كسرة على قول عابرسبيل.. إذا هبرت بالبوست بعيدا عن مقصدقك بالله قول عوك عشان الملم اوراقي واتخارج .
| |
|
|
|
|
|
|
Re: لجعل السودان جاذب لجميع السودانيين (Re: محمد على طه الملك)
|
باختصار نحن فشلنا في ادارة التنوع والذي هو، بمفاهيم اليوم ثروة قيمة
لن يجذبني سوى سودان يقبل التنوع يصونه ويستثمره يتجاوز القبلية والعنصريه والتهميش اساسه المواطنه الكاملة للكل والمساواة وسيادة القانون وفصل السلطات، دوله مؤسسات لا ترتهن لايدلوجيا تقودها استراتيجيه واضحة هدفها رفاه المواطن
دوله كل طاقات مواطنيها موجهة للانتاج والابداع ليست مشغوله بالبحث عن الحقوق والطعام
دوله تشعرني بالعز امام نفسي وابنائي والاخرين دولة اطمئن فيها لمستقبل احفادي دوله تحميني، ترعى طفولتي وشبابي وشيخوختي دولة تجبرني ان احبها وافديها وادافع عنها
| |
|
|
|
|
|
|
Re: لجعل السودان جاذب لجميع السودانيين (Re: محمد على طه الملك)
|
Quote: سلمات يا عمر الفاروق .. عام سعيد على الجميع .. عارف خيطك دا ربما يصبح من أميز بوستات هذا الربع .. إن أحسنا طروحاتنا وناقشنا السؤال بذهن متقد مفتوح بدون حساسيات أو بشفافية زي ما بقولوا ..
Quote: ولكننا لم نسمع بالسودان الجاذب لبنيه في الداخل والخارج
سؤالك ـ مع احترامي ـ واسع شويه .. يعني محتاج لشوية توضيح يلمو من البعثرة .. مثلا الجاذبية القاصدها إنت هل هي سياسية ، تنموية ، حضارية ، ثقافية ، أم اقتصادية ؟ والسودان القاصدو إنت.. هل السودان الاجتماعي ، بثقافاتو وكياناتو الاجتماعية (قبلي ـ طائفي )؟ ام السودان الجغرافي بجهوياتو واقاليمو ومناطقو ؟ مع الوضع في الاعتبار أن مدن مثل (امدرمان ، بحري ، مدني ، بورسودان ..الخ) على سبيل المثال برضها يمكن أن تتزمل بمفهوم الجهوية أو القبلية الحضرية .. أم أنك تعني السودان الدولة بمدولها السياسي والاجتماعي والثقافي والاقتصادي ؟ الأسئله الفوق دي لأن فرضية الجاذبية ومنبع دافعها بختلف بينا من شخص لآخر حسب ما استقر عليه فهمه من السؤال.. مثلا جاذبية السودان عند أصحاب العاطفة القبلية والجهوية والحضرية لا تتعدى إطار قبائلهم أو إقليمهم أو مدنهم .. أما جاذبية السودان بالنسبة لأصحاب الرؤية الاقتصادية فهي لا تتعدى كثافة ورصانة المشاريع الانمائية بالقدر الذي يحقق نجاحا في زيادة الدخل القومي ومن ثم تحقيق الوفرة والرفاهية .. بينما تعني الجاذبية لأصحاب رؤية الدولة بمدولها الشامل .. أن تتاح الفرصة للمجتمع السوداني بكياناته الاجتماعية وأقاليمه المختلفة وطوائفه .. لكي يتسامحوا على تأسيس دولتهم وفق نظام سياسي يكفل لهم حق المشاركة في السلطة واقتسام الثروة .. لقد حسم علماء الاجتماع من زمان ابن خلدون .. أن لا استقامة لحياة الجماعة دون سلطة تحكمهم وتنظم العلاقات فيما بينهم .. ولا استقامة لامر سلطة دون مجتمع يوليها الثقة والولاء .. بالنسبة لنا ككيانات اجتماعية سودانية .. من الثابت أننا ورثنا دولتنا الحالية عن المستعمريين .. وعجزنا طوال سنون استقلالنا في إعادة تاسيس نظام الدولة الموروث ليتسق مع واقعنا الاجتماعي والثقافي .. تاريخنا يشئ بأن نظم الحكم في بلاد السودان لم تعرف الحكم المركزي الا من المستعمرين .. فالنظام المركزي هو الاوفق لتحقيق مصالح المستعمر والنظم الشمولية .. إذ يكفل لهم بيسر تجميع الثروة في المركز ليسهل عليهم نهبها وتوجيهها لبطانتهم .. بعد استقلال البلاد مضى الحال على ما علية .. بحيث ظلت المدن المركزية وتجارها ورجال اعمالها هم من تصب في جيوبهم جهود الكادحين في الأقاليم .. ولم تكن الفرصة متاحة أمام الأقاليم للمطالبة بنصيبها من الثروة القومية .. حيث لا يسمح هيكل النظام المركزي بشيء من ذلك .. ويستعيض عنه بالعمل على جذب الوعي والقدرات التى تبرز في الاقاليم واغرائها على البقاء في المركز .. لتصبح مع مرور الزمن جزءا من المركز وامتدادا لقبضتها على الأقاليم أو ما اصطلح عليه مؤخرا ب (الهوامش ). .. كسرة على قول عابرسبيل.. إذا هبرت بالبوست بعيدا عن مقصدقك بالله قول عوك عشان الملم اوراقي واتخارج . |
محمد علي طه الملك بوركت ياخي تتخارج وين حيثياتك دي في غاية الاهمية ياخ
يديك العافية
| |
|
|
|
|
|
|
Re: لجعل السودان جاذب لجميع السودانيين (Re: الطيب رحمه قريمان)
|
Quote: أنا شخصيا السودان افضل لى من اى مكان آخر و لكن حكام السودان "الانقاذ"
و اتمنى العودة الليلة دى |
اخي الطيب رحمة لك التحية
بعد انفصال الجنوب نخاف من اتساع رقعة التمزق ... العجب العجاب بقينا نتمني السودان القديم ابو مليون ميل مربع واحد متوحد جامع متنوع خيراته تفيض نوع نوع وتكفي اهل السودان بكل بقاعه
| |
|
|
|
|
|
|
Re: لجعل السودان جاذب لجميع السودانيين (Re: عمر الفاروق عبد الله الشيخ)
|
كتر خيرك يا عمر .. وكتين مرحب نلكع معاك لاقدام لامن بقية الأعضاء ينتبهوا ويجو يدافسونا .. شنو ليك في كلمة ( سنون ) اللصقتها في نضمي الفوق ؟ عارفك زول لمّاح .. تعرف الكلمة دي مرّت عليّ قبل سنوات في إحدى عبقريات العقاد .. امبارح لقيتها جايا تتلاعب على لساني قمت شتها طوالي .. لكن ما عارف هل (واخده راحتها صاح ) في الجملة أم لا ؟ ( والله صحي)..
صدقني ياعمر أنا ممغوس وخيطك دا وقع لي في جرح .. السودان دا ياخوي مجرد أرض .. جغرافيا يعني زيها وزي أي أرض تانية .. لكن الأرض أيا كانت قيمتها الحضارية مركوزة على ناسها ـ سكانها .. تبقى العيبه ح تلف وتلف وتجي تندرع في رقابنا .. وسؤالك القوي دا ينقلب ويصير نحن زاتنا سوينا شنو عشان البقعة دي تستاهلنا؟.. مفهوم الوطن يا عمر مرّ بمراحل تطوّرية عديدة قبال تظهر الدولة القومية .. نحن ياخوي ( ونحن دي بتشملنا كلنا بدو وحضر ، متعلمين وأميين ) تطور المفهوم دا عندنا لسع ما بلغ رشده.. في الثيمة دي ( حلوه مش ) مافي فرق بيني أنا الريفي الجاي من قرية في أٌقصى الشمال لم تسمع باسمها .. وبين (وليد الشفت أو تمبس أو ملاسي) ولاد بندر أمدرمان والخرتوم.. أولاد البندر عاطفتهم وولاءهم مرهون اولاً للأسرة ثم الحي ثم المدينة والى حد ما المحافظة .. وفي المجال العقدي للطائفة والمذهب .. أولاد الضهاري ( ناس نحن وقريمان ود شيقوق ومن شابه )عاطفتهم وولاءهم مرهون برضو بالأسره ثم الفريق ثم القبيلة والى حد ما الجهة.. لو داير إثبات تلقاهو في بوستات سودانيز دي .. وإن ماك مصدقني وعندك حيل .. أمش هابش ناس الشعبية أو الصحافة أو قول ناس أمدرمان والا الغرابة والا الدناقلة والا الجعلين فعلوا .. وإن داير يسلقوك بألسنة حداد قول الأنصار أو أنصار السنة أو الختمية أو الشيوعية أو الجمهوريين فعلوا وتركوا .. بلاش من ديل .. ياخي عصبيتنا تلقاها في ( كورة البلاستيكة المدورة دي ).. لكن لو برطمت هنا لا باكر عن السودان بصورة عمومية .. البناضموك ما بزيدوا عن أصابع اليدين .. ..
اليوم ممحوق ياخي.. بجيك بعدين عشان افجر ليك قبلة من قنابلنا الذكية.. هو في مجتمع بفجر قنابل اكتر مننا؟! شعب وهم.
| |
|
|
|
|
|
|
Re: لجعل السودان جاذب لجميع السودانيين (Re: داليا حافظ)
|
يتنا داليا كيفنك .. سنة سعيدة عليك وعلى الجميع .. ممتن ليك وكتر خيرك .. الواحد مع الزمن البقى ما بحوق بحاول من وقت لآخر يقول شيء.. .. الإحساس بالوطن القومي الكبير قيمة ما بتغرسها الأناشيد الوطنية والخطب الحماسية .. الإحساس بالوطن قيمة عندها جذور مغروسه بتأريخانية الأرض وهويتو .. ودور الفرد في تشكيلة محيطو الاجتماعي ، الثقافي ، السياسي ، والاقتصادي .. إذا كل واحد فينا سأل نفسو بصدق وأمانة عن هويتو وعمق إحساسه بجذور تأريخ الأرض .. أكيد إجاباتنا بتكون متباينة ومختلفة .. خلينا نفترض إننا من سكان كبوشية أو شندي .. مشينا وقفنا قدام الأهرامات والنصب القاعده في المصورات والنقعة .. جاء واحد خواجا سألنا دي آثار وحضارة أجدادكم ؟ بنرد عليهو تلقائيا ( أيوه مع شيء من الزهو ).. الشخص ذات نفسو إذا سألنا عن نسبتنا وثقافتنا .. طوالي بنرص ليهو نسبتنا لحد العباس أو الرسول (ص) ونقول ليهو ثقافتنا عربية اسلامية.. بنفس الجدية والزهو الأكدنا بيهو إنو الآثار القدامو دي حقت أجدادنا بدون أن يرف لينا جفن.. ما بقول ليك وهمة السائل بتكون قدر كيف من المفارقة !!.. بس أكيد برمقنا بى نظرة مشفقة ويلتزم الصمت.. نحن ما كذبنا في الحالتين لأننا مجتمعات هجينة .. بس عيب مناهجنا التعليمية الرسمية أنها داست على ثقافة الأرض وأعلت شأن الثقافة المهجّرة .. صحيح وصلت هجرات عربية وافريقية لبلاد السودان من أزمان بعيدة .. تلاقحت وامتزجت مع ثقافة الأرض وبرزت لمنصة القيادة السياسية والثقافية .. فظهرت ممالك البليميون في الشرق ووادي النيل .. ثم مملكة النوبة الإسلامية ( الكنوز ).. ثم سلطنات سنار والعبدلاب وتقلي والفور والمسبعات .. كلها نظم هجينة اجتماعيا وثقافيا .. ظهرت كلها كناتج طبيعي للتلاقح والتمازج الحدث عبر القرون بين التكوينات البشرية التي استوطنت الأرض .. ودي سمة طبيعية من سمات تطور المجتمعات وتطور نظمها السياسية.. النظم السياسية دي بدأت تطورها من الأسرة ثم انتقلت للقبيلة ثم الشعب ثم المدينة ثم الدولة .. الحدث لينا في السودن إنو نظمنا السياسية كانت يا دابا بلغت مرحلة تكوين الممالك والسلطنات .. للاسف ولسوء الطالع لم نترك ليتواصل تطورنا الذاتي حتى نبلغ مرحلة تأسيس الدولة القومية .. دخلوا علينا مستعمرين وجمعونا وفرضوا علينا وحدة شكلية قسرية .. أسسوا عليها نظام الدولة وجغرافيتو واختاروا اسمو .. اوربا دي كلها كانت امبراطورية واحدة .. تحت سطوة حكامها رزحت القوميات المختلفة.. ثارت القوميات دي ونجحت في تأسيس دولها القومية .. دي كانت بداية ظهور الدولة القومية .. الآن اوربا رجعت تجمّع قواها تحت نظام الاتحاد .. بس المره دي برضا وإرادة شعوبها وليس بإرادة حكامها .. دون المساس بالحقوق القومية لكل شعب وخياراتو في الحكم .. بالنسبة لينا لامن طلع المستعمر ترك لينا نظام حكم ومؤسسات مركزية .. قعدوا عليها اولاد البلد وساقوا في نفس الاتجاه.. عشان كده إحساسنا بالدولة ونظامها على الرغم من حكامها الوطنيين .. ما اختلف عن إحساس ومفهوم أجدادنا ليها في العهود الاستعمارية .. ( نظام للقهر وتحصيل الضرائب والمكوس عنوة ).. إحساسنا بملكينا للدولة لازال مشوّش .. في إحساس دفيين بأنو مال الدولة او المال العام ( تجر فيهو الشوك ).. قبال يومين لمحت بوست للأخ نوريت (حتى دخلت عليهو ووجّهت ليهو لوم ) .. على الرغم من أنو كان بعبّر عن إحساسة .. وبرى إنو أهلو مازالوا مسَتعمرين .. خلاصة الكلام نحن شعبوب لسع ما اتخلصت من بداوتها .. واقعنا بقول كدا .. بدليل أدروب في جبال البحر الأحمر .. وملوال في أحراش الاستوائية .. والقرشي في البطانه .. واساقه قي جبل مرة.. وكوة في جبال النوبة .. ما بعرفوا ولا بشغل حيز ضئيل من تفكيرهم مين البحكم السودان وبأي شكل.. بالإضافه لذلك .. نحن مصابون بداء (العجرفة الثقافية) نتيجة مناهج واساليب تربوية وتعليمية خاطئة .. أيو .. مصطلح العجرفة الثقافية دا انا الناجرو .. بعني بيهو النفخة الكضابة والمشاعر المزورة المزروعة فينا باننا الأفضل والأحسن على الإطلاق.. كل واحد فينا بحمل إحساس وشعور غير قابل للنقض او النقد .. بانو أسرتو ، قبيلتو ، مدينتو ، طائفتو ، مذهبو في الدنيا مافي أفضل منهم.. ودا البخلينا مغمضين مانشوف العند غيرنا .. ومن ثم غير قابلين للتعلم من تجارب الآخرين .. .. كفايه رغينا كتير وناس سودانيز ديل مابريدو النضم الكتير.
| |
|
|
|
|
|
|
Re: لجعل السودان جاذب لجميع السودانيين (Re: محمد على طه الملك)
|
اخونا محمد علي طه الملك شكراً لإثرائك الحوار وخلينا نضع النقاط تحت الحروف الآن
ولنبدأ بالسودان الجغرافي الحالي:
سياحياً هل يملك من مقومات الجذب الخارجي ما يملك ويقيني انها زحمة معضلات وقلة فلوس كما ندعي تحول دون قدوم العالمين إلينا واديك مثال بسيط هنا في سلطنة عمان وفي كل خريف صلالة وما أدراك ما صلالة رقعة من الأرض تزورها زخات من المطر مع خضرة وزوار زرافات ووحدانا من المجمع الخليجي الي صلالة وإليك ما يجري في صلالة كل خريف من مواسم ثقافية وسياحية وفنية وما تدره من اموال لأهل السلطنة وكم في السودان من مقومات سياحية سنفقد جلها للاسف لانفصال الجنوب
نحن قوم جبلنا علي الساهل من الحياة وانتظار حسن الخاتمة مشيريع اقتصادي يدر دخلا يساعد علي سبل كسب العيش .. حافلة ركشة امجاد قطعة ارض وووووو لماذا لا نملك اراض زراعية نفلحها فنساهم في زيادة مدخول السودان من غلة العيش ونصدر ما يفيض وحتي ان لم نصدر نصبح امة تنتج قوتها بعيدا عن الشعارات السياسيةالجوفاء
وراجعين بعد فاصل ونواصل
| |
|
|
|
|
|
|
|