|
ورقة التوت تسقط عن هؤلاء
|
وتكشف سوءتهم بالأمس أقاموا الدنيا ولم يقعدوها لجلد تلك الفتاة ،، واليوم يتوارون من سوء ما بشرهم به محمد المسلمي خجلاً ، نعم انفضحوا وأنكشف أمرهم وأثبتوا أنهم ليسوا دعاة قضية ولا يحملون هم النساء ،، وأتضح أن كل تلك الشعارات البراقة والبروفايلات التى تحمل عبارات تدين القهر وقمع وتعذيب النساء ما هي إلا شعارات جوفاء ليس من ورائها قضية ،
ـــــــــ تخريمة : حتى لا أعمم أرى قلة قليلة لا يتعدى عددهم أصابع اليد الواحدة ممن كانوا يصيحون بالأمس هم فقط من أدان وأستنكروا ولكني لم ارى أي واحد فيهم إقترح أن تخرج مظاهرة لتسلم وزير العدل مذكرة تطالب بتعديل او إلقاء القوانيين التى تقهر فتيات جنوب السودان
مالكم كيف تحكمون غايتو سياسة الكيل بمكيالين عندكم عينة
|
|
|
|
|
|
|
|
Re: ورقة التوت تسقط عن هؤلاء (Re: المكاشفي الخضر الطاهر)
|
Quote: ورقة التوت تسقط عن هؤلاء |
الأخ المكاشفي الخضر لك التحية والتقدير .. صدقت فعلاً لقد سقطت ورقة التوت!
من أراد أن يشجب وسيستنكر عليه أن يشجب جلد النساء في كل مكان وليس لغرض في نفس يعقوب ! لا لقهر النساء في كل مكان .. لا لإمتهان كرامة النساء .. لا للكرباج على أجساد النساء .. لا للقوانين المقيدة للحريات .. لا لنظام البطش والجلد .. .
| |
|
|
|
|
|
|
Re: ورقة التوت تسقط عن هؤلاء (Re: HAIDER ALZAIN)
|
Quote: لا لقهر النساء في كل مكان .. لا لإمتهان كرامة النساء .. لا للكرباج على أجساد النساء .. لا للقوانين المقيدة للحريات .. لا لنظام البطش والجلد .. |
الاخت الفاضلة اماني أنت لست منهم لكن انا أعني ناس تانيين وهم يعرفون أنفسهم جيدا
الاخ حيدر الزين كدا وضح لينا شوية إنت قصدك محمد المسلمي وبعدين اللوم في شنو ؟؟؟
| |
|
|
|
|
|
|
Re: ورقة التوت تسقط عن هؤلاء (Re: HAIDER ALZAIN)
|
حيدر الزين انا طبعا مفتكرك قاصد محمد لانو البوست مفتوح بإسموا ولو قاصد العوض اوك انا شت غلط ،،، بعدين دا تكهني بإنك قاصد محمد ولا ما قاصد محمد قول قاصد العوض
أها يا عريس يعتذروا ليك من شنو ؟؟؟
| |
|
|
|
|
|
|
Re: ورقة التوت تسقط عن هؤلاء (Re: المكاشفي الخضر الطاهر)
|
يا مكاشفي .. انا خشيت ليك من باب الممازحة وقلت ليك لو عاوز الناس يطلعوا مسيرة كلم اخونا المسلمي والمسلمي هو شيخ بورداب الخرطوم خشيت فوقي لفت طواالي مما اضطراني اسحب مداخلتي معاك
يآخ اخد الناس حسب ما بترسمو يك من وشوش في المداخلة عشان ما تشاتر
ـــــــــــــ بعدين سيد مسلمي شنو ومحمد مسلمي شنو ؟؟ ديل تبع ياتو بورد الناس دي
لو لميت فيهم قول ليهم لفو لغاية صينية كوبر وتعالوا راجعين
| |
|
|
|
|
|
|
Re: ورقة التوت تسقط عن هؤلاء (Re: HAIDER ALZAIN)
|
الأخ المكاشفي لك التحية وأنت تقف مع الحق دائماً .. لك التحية وأنت تلقن المتزمزغين كل يوم درساً جديداً ..
ــ المقصود بالمتزمزغين هم : حيدر الزين ، ياسر طيفو وود القاضي ! ومن لفة لفهم .
| |
|
|
|
|
|
|
Re: ورقة التوت تسقط عن هؤلاء (Re: السيد المسلمي)
|
Quote: المقصود بالمتزمزغين هم : حيدر الزين ، ياسر طيفو وود القاضي ! ومن لفة لفهم |
حبيبنا الغالي ابو السيد انت عارف من اليوم الجماعة ديل نقول عليهم جماعة رزق اليوم باليوم زي ما قال ود الباوقة
كسرة : ابو السيد أبشر يا حبيب كلنا مع الحق إن شاء الله
| |
|
|
|
|
|
|
Re: ورقة التوت تسقط عن هؤلاء (Re: HAIDER ALZAIN)
|
Quote: بعدين سيد مسلمي شنو ومحمد مسلمي شنو ؟؟ ديل تبع ياتو بورد الناس دي
لو لميت فيهم قول ليهم لفو لغاية صينية كوبر وتعالوا راجعين |
سنة يالأدب
والأخلاق
والقيم
والمثالية
أزيدك ولا كفاك يا ود الزين
| |
|
|
|
|
|
|
|