|
21 مارس : شكراً شعب السودان
|
بوست الغد التحية الخالصة لشعب السودان، شيبا وشبابا، لتفويتهم الفرصة على مثيري الشغب والفتنة من طابور الحركة الشعبية الخامس ومن العملاء والمأجورين الذين يريدون احداث فوضى وشغب ييسر للحركة الشعبية الخروج بمكتسبات مقدرة من خلال مفاوضات الوضع النهائي لانفصال السودان
|
|
|
|
|
|
|
|
Re: 21 مارس : شكراً شعب السودان (Re: الشفيع وراق عبد الرحمن)
|
وعلاقه دا بي دا شنو ؟؟ الجنوب دا ما خلاص بابح ماما امريكا وضعت يدها عليه تاني ما في شئ ممكن تعملوه اخذتوها صايمه في نيفاشا . الناس اسع بقت في حله ملاحها يا وراق يا ابني ولا انتوا البيكون متعشي فيكم ما بفكر في حال البايت القوا .
| |
|
|
|
|
|
|
Re: 21 مارس : شكراً شعب السودان (Re: doma)
|
Quote: ولا انتوا البيكون متعشي فيكم ما بفكر في حال البايت القوا . |
هو البايت القوا منتظر ثورة تجيب الواقفين في الصف عشان يتعشى كلهم مروا من هنا وكانوا سبب الجوع والبلاء انقلابات وطائفية عجفاء كلهم حكموا وشبعوا حكم باسم الدين حكموا باسم الامامة المقدسة حكموا باسم الطبقة العاملة حكموا باسم المانفستوالماركسي باسم الكجور حكموا والشريفة المستهبلة والاميرات الزنجيات الجديد شنو عشان يقلبوها لتضع فوق رؤوسنا نفس الاحذية جزمة تعرفا ولاجزمة ماتعرفا والشعب بايت القوى
| |
|
|
|
|
|
|
Re: 21 مارس : شكراً شعب السودان (Re: عبد الملك يوسف الملك)
|
[Quote: جزمة تعرفا ولاجزمة ماتعرفا والشعب بايت القوى |
طيب يا عبد الملك الجزم القبالكم دي مش كنا بنعرفهم ??!! مش كنا نقول احسن لينا من جزمه ما بنعرفها ؟؟!! والله جزمتكم دي عرفنا الفيها وطممت بطنا جزمه كم وعشرين سنه دي يا اخي مفروض تدخل متحف الجزم حقوا شويه تفسحوا المجال يمكن يطلع زول افضل منكم وبصراحه كدا انتوا اسوأ جزمه تمر علينا
| |
|
|
|
|
|
|
Re: 21 مارس : شكراً شعب السودان (Re: الشفيع وراق عبد الرحمن)
|
Quote: وعلاقه دا بي دا شنو ؟؟ الجنوب دا ما خلاص بابح |
يا دوما انت ست العارفين ده مرتبط بي ده وارتباط كبير انت ما فاكرة زمااان، لامن الحركة تتزنق وتقوم تسلط ناس عرمان وباقان ويطلعوا مظاهرات مستغلين احزابنا الشمالية المتعفنة انت ما شفت قانون الاستفتاء كيف تم تمريره؟ وكيف تمت مقايضدته بقانون الامن الوطني الشغلة وااااضحة يا دوما اعصرهم هناك عشان يرخو ليك هنا
الان الشمال في مرحلة تفاوض (صعبة) جدا مع الجنوبيين، ومن مصلحة الجنوبيين انهم يتفاوضوا مع حكومة ضعيفة مشغولة بمشاكل داخلية وبجي هنا دور العملاء الخائنين لوطنهم، اثارة مشاكل وقلاقل في الشمال
من يقومون باحاكة هذه المؤامرة يعلمون علم اليقين باستحالة اسقاط الانقاذ الان، ولكن يودون خلق فوضى وتوتر يحقق بعض المكاسب لاسيادهم
يا ناس بغض النظر عن كل شيء نحنا دايرين الحكومة تكون في احسن حالاتها الاشهر القادمة بتكاتفنا، المكاسب الح نتحصل عليها لن تخص المؤتمر وحده المؤتمر والبشير كلهم الى زوال وسيبقى السودان ايدكم معانا يا شباب لنعزل الخونة والمأجورين
| |
|
|
|
|
|
|
Re: 21 مارس : شكراً شعب السودان (Re: عمر صديق)
|
Quote: شعب السودان يعرف متي واين وكيف يتخذ قراراته المصيرية ويحدد خياراته ويختار قياداته |
والله ان شاء الله يا عمر صديق يا اخوي وتطلع قيادات فيها فائده مش متل الحراميه بتاعين الانقاذ ديل
| |
|
|
|
|
|
|
Re: 21 مارس : شكراً شعب السودان (Re: doma)
|
Quote: احتل المصريون ارضكم وانتوا قاعدين متل الرخم |
دوما يا اختنا الله يهديك صحصحي معانا شوية المصرين (شالوا) حلايب ونحنا (شلنا) مصر كوولها خلي القلق، واسترخي، ودعي القيادة لنا
| |
|
|
|
|
|
|
Re: 21 مارس : شكراً شعب السودان (Re: الشفيع وراق عبد الرحمن)
|
والله يالشفيع الناس ديل محرجين بي شكل ياخي الشعب ابا يعمل مظاهرات خلاص ماتحرجوه الجايات اكتر من الرايحات خلوه المرة دي فتران زهجان ما مقتنع
مافي داعي الحكاية تبقى زي الليمونة الناشفة يمصروها مصر طلبة طلعوا في سوق ام دفسوا عشرة قفلوا شارع المردة تمانية حرقوا سوق مدني
والجزيرة ماشغالة بي الموضوع ولاالعربية بتاعة عبد الرحمن الراشد ولا الحرة بتاعة الامريكان
يعني لو في مظاهرات قدر ده بخلوها لى ناس قريعتي راحت خاصة عاويزين ممسك في السودان
| |
|
|
|
|
|
|
|