|
يا طالعة من صمت السكون......
|
يا حنين كل القوافي
دونك إنتي كل حاجة بتبقى مافي الشمس بتغيب ترووح والشتا ماببقى دافي والعصافير بي غناها بتمشي تنسانا وتجافي يا حدايق البهجة انتي يا مداخل يا مرافئ
قدري اكون شايلك معاي يا طالعة من صمت السكون وانا وين اروح سايقك معاي شان تدي لي دنياي لون ياروعة الفرح الندي من غير مباهجك ايه اكون بارياك خطاي وهمي الملفح بالجروح شايلك عمر شايلك صبر شايلك فؤاد وجواي روح ما انتي وعدك لي امل خلاني لازمت النزوح عشان اكون عزة وفاك ونبني الأماني تكون صروح ..........................
|
|
|
|
|
|
|
|
Re: يا طالعة من صمت السكون...... (Re: رشا بابكر)
|
Quote: يا طالعة من صمت السكون وانا وين اروح سايقك معاي شان تدي لي دنياي لون ياروعة الفرح الندي من غير مباهجك ايه اكون |
حينما تتدفق ينابيع الوجد تسقي فيافي الابداع حنيناً ينبت حبايظلل حواري الحياة . واصلي يارشا مشاوير الحرف الندي لك التحية .
| |
|
|
|
|
|
|
Re: يا طالعة من صمت السكون...... (Re: Abdlaziz Eisa)
|
الأخ/محمد خليل
هي ليست فكرة قد تكون فكرة للمبتدين وانا زولة بكتب من زماااان ولدي قصائد كثيرة نشرت بمجلة الأذاعة والتلفزيون وبرضو بالمنبر الكتير وبالمناسبة عندي مجموعة جاهزة للطبع عموما شكرا لمرورك
الأخ/ عبد العزيز كل التقدير مشكور ع المرور
| |
|
|
|
|
|
|
Re: يا طالعة من صمت السكون...... (Re: رشا بابكر)
|
Quote: يا حنين كل القوافي
دونك إنتي كل حاجة بتبقى مافي الشمس بتغيب ترووح والشتا ماببقى دافي والعصافير بي غناها بتمشي تنسانا وتجافي يا حدايق البهجة انتي يا مداخل يا مرافئ
قدري اكون شايلك معاي يا طالعة من صمت السكون وانا وين اروح سايقك معاي شان تدي لي دنياي لون ياروعة الفرح الندي من غير مباهجك ايه اكون
بارياك خطاي وهمي الملفح بالجروح شايلك عمر شايلك صبر شايلك فؤاد وجواي روح
ما انتي وعدك لي امل خلاني لازمت النزوح عشان اكون عزة وفاك ونبني الأماني تكون صروح .......................... |
يا سلام عليك يا رشا .... كلام زي الكلام ... كعادة الأنامل الشفيفة .. الروعة تنداح بين حروفك .. والألق يبرق فيها ... حقيقة احترت أي أجزاء النص أختار .. فاخترته بأجمعه ... أجمل ما وجدته هنا أن رأيت الصدق يتنفس وينساب جزلانا بين الحروف التريانه بالروعة والتباهي بالحرف الجميل ...
سلمت يداك يا رشا ..
| |
|
|
|
|
|
|
Re: يا طالعة من صمت السكون...... (Re: إدريس محمد إبراهيم)
|
هلا بالاخت رشا
حبابك والله
Quote: هي ليست فكرة قد تكون فكرة للمبتدين وانا زولة بكتب من زماااان ولدي قصائد كثيرة نشرت بمجلة الأذاعة والتلفزيون وبرضو بالمنبر الكتير وبالمناسبة عندي مجموعة جاهزة للطبع عموما شكرا لمرورك
|
استاذتي الفاضلة اشكرك على التوضيح,,
والحقيقة انا اتناولت القصيدة من منظور نقدي بحت وبالجد يا رشا عندي عليها بعض الملاحظات وحأجيك ليها وهي ما كتيرة لو سمحتي لي,,
والشاعر بنفسو لما يقرا قصيدتو مرة مرتين تلقيهو زاد ونقص فيها,,على كل حال بسعدني جدا لما اكتب قصيدة واجي زميل اقراها بمنظور نقدي
ويفتح معاي باب نقاش ادبي.
لكن من ردك حقيقة اتحسست لاني شعرت بيك اتحسستي ودي اكتر حاجة ما عاوز اوصل نفسي او زميل ليها.
لكي العتبى.
| |
|
|
|
|
|
|
Re: يا طالعة من صمت السكون...... (Re: mohmed khalail)
|
اخي الكريم/محمد لك التحية والتقدير من منا من لا يحتاج الى نقد في كل اشكال الحياة وأنا ربما كنت محظوظة ففي بداياتي وانا اكتب على صفحات المجلات كان هناك نفر من الناس ادباء وشعراء ساذكرهم لاحقا هم من كانوا وراء تجربتي وهي وليدة فوجدت منهم النقد اولا ثم التوجيه في تلك الأيام التي كان للفن فيها معنى وليس مثلما يحدث الأن حيث اصبح الفن تجارة ومع كامل احترامي لقبيلة الفن بجميع اشكالها فاني لن ولم افكر يوما بالدخول الى هذا العالم وما هذا المنبر إلا متكئ هادئ انثر من بين ثناياه شئ من الكلام عسى ان يكون كحبات المطر التي قد تلطف ساعتها بعض الجو لأخوة اعزاء بينهم ما بينهم من شد وجذب وتشنجات رغم اني لا اضمن كم منهم من تستهويه قراءة قصيدة او ما شابه فالناس هوايات اعتذر اخي للأطالة ولا تحسس فقط لتضح الصورة وسعيدة بمداخلتك دمت بخير
| |
|
|
|
|
|
|
|