الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
العيب وِكْتين بَيِنْ نِحنا ما نَسَو الصاح
|
يعني مثلاً مِتِل "محمد فرح" القال إنو البنَنَت ما بِكون إغْتصبوهِن ولا حاجة... ليه يا العشا أب لبن؟ قال: شينات ساااي يا زول! البنتين القالوا تم التحرش بهن جنسياً بتشابهوا شديد (صور)
أها مِتِل ده حقو بدل ما نطالِب إدارة المنبر بِطردو وندخُل في سياسات عُليا وكِده، نقوم نحنا الشايفين إنو "محمد فرح" سَوا العيب، نقاطعو تاااب أنا أخوك، لا ندْني لأعمِدتو ولا نداخل معاهو نوهائي... أنا قررت أعمِل كِده مِن هِنا ورايِح... طوااااالي حأقنِب مُنتظِر السُلطات تسوي وتعمِل وتنجِز... لا يا خوي أنا زاتي عِندي عمل... علشان المنبر يرجع زي زمان... أدب ومفاكره وإنتاج... بقينا نقضي أغلب وقتنا في ها المنبر مُجابده... نتهِم ونرُد الإتهامات.. ونقول ونضطر لِشرح البنقولو كذا مره... مرات نمرُق بِحقنا ومرات تتشرط هِديماتنا... مرات ننتصِر وكتير ننهزِم فوقا... أصلو ده منبر ولا ساحة معركة يا كافي البلا
ياخ ما تجنِنا وتقنِب تطَوِل لينا المسعله... ونقنِب فوق، البِحدِد العيب منو؟ ما هي المعايير؟ وهل سوف...؟ وأين سيـ...؟ ده رأي عجبك عجبك ما عجبك طوالي تنساهو
|
|
|
|
|
|
|
|
Re: العيب وِكْتين بَيِنْ نِحنا ما نَسَو الصاح (Re: مريم بنت الحسين)
|
اخوي عزام طاب يومك بكل خير وطاب دهر نساء بلادي العفيفات واسال الله الذل والفتن لهؤلا الذكور ********************************** واحدين قاعدين في البيوت ما بيخترو ومن كبي وكشف حال الحريم ما بفترو اخير امشي براي اسد الرضيمه بترو صاحبي ان ذل ما بقشاهو ديمة بسترو
دا كلام خالا لي كلام عرب خلاء لكن اجد فيه ضالتي مودتي
| |
|
|
|
|
|
|
Re: العيب وِكْتين بَيِنْ نِحنا ما نَسَو الصاح (Re: مريم بنت الحسين)
|
كتر خيركم على المرور والمؤازرة... دي حتكون لائِحة "الأعضاء" أصلو ما بِنَورِط تاني إدارة المنبر بِنِداءاتنا وإسْتِغاثاتنا...
[أ] مِن الأعضاء سوا شينه ظاهرا وبَيِنه، يتقاطع طوالي، وعلامة المُقاطعة بقترِح تكون (*)
يعني مثلاً [أ] إفْترعلو عمود جاط فوقو ومحن الأُمات، يِقوم مُقاطِع يدخُل عمود ها المِمَحِنْ ويرسُم علامة المُقاطعه (*) نجمة أو (.) صفر، بَين قَوسين... أها في حركة أسْلم مِن كِده؟ ده "ميدان تحرير" لِنُصره إسْتِمرارِية ها المنبر ولِنُصره القِيم النبيلة في الشعب السوداني الفضل
بِالله شوفو كَمْ الأسماء الكانت بتكتِب في ها المنبر وإعتزلت بِإرادتِها... بِالله كم؟ وين داك.. وين ديك... يا سلالالالام يا سلام كانت أيامُمْ سمحه والله، تقرا تشعَوِد.. تقرا وتقرا وتقرا لامِن تصبِح مِتْلهُم أو قريب... هسِع شوفو بِقينا وين!
| |
|
|
|
|
|
|
Re: العيب وِكْتين بَيِنْ نِحنا ما نَسَو الصاح (Re: اسماء الجنيد)
|
"محمد فرح" ما هدف عمودي ده (يِسْتاهل) بس بِالصُدفة كِده "محمد فرح" أصبح مِثال، لأن حادِثتو طازِجة وحالة قريبة... عمودي ده دايرو لِقِدام... الناس طبيعي جِدًا تختلِف في المُعْتقدات... في التاريخ ... في السياسة، لا بأس إذا خلا مِن الشُتْم الذي هو كما تعلمون، لِلقَوم العواوير... لكِن لامِن النضمي يِمَس قِيَمْ حقو نفعِل أعمالنا
| |
|
|
|
|
|
|
Re: العيب وِكْتين بَيِنْ نِحنا ما نَسَو الصاح (Re: محمد مصطفي مجذوب)
|
<font face="Arabic Transparent" size="5" color=black>محمد مُصطفى مجذوب كيف حالك؟ علك طَيِب
كلامك منطِقي.. بس ما مُمْكِن نقنِب نباري الجِداد.. بِوَدَنا الكوشه يا خوي.. الزول البِقِل أدبو في وشي أو في بكان بقدر أصلو، ده في الأول بحفظ ليهو حقو، كَونو راجِل.. لأنو قال القالو وهو يدري أن لا عاصِم لهُ مني إذا أردت أن أنال منهُ، أما الشبح أو الذي إسْتعصم بِالبُعد عنا، أخير أقاطعو.. لأنو مِتِل ده بنزِل مُسْتواي إلى درجتو الهو مِصنقِر فوقا، ونِحنا يا خوي عِندنا إلْ ووِليدات بِيقرو لينا، وأنا وِكْتين أعلِم ولدي إنو ما يِرُد على السفيه، حقو أبقى ليهو قُدَوة في التبادي وما أرُد على السفيه.. ده رأي.. ورأيك حتو مو كعب ويجوز
لاحظو أنا ما قاصِد "محمد فرح" بِعينو، محمد فرح بس مِثال حي، أنا بناضِم في الجاي</font>
| |
|
|
|
|
|
|
|