|
Re: 30 يناير يوم الغضب السوداني الرهيب لرياح التغير (Re: Amira Elsheikh)
|
وصايا مهمة لكل الاخوة المتظاهرين:
1 ) يفضل ان يحمل كل شخص زجاجة مياه غازية بدون سكر بالعدم يمكن سفن اب اوبيبسى او اى مياه غازية اخرى عبوة بلاستيك حتى لاتكون خطرة على الشخص اذا سقط . فى حالة اطلاق بنمبان بلل اى قطعه قطنيه بالمياه الغازية وضعها على العين فهى انجع من القطره. 2 ) ان يلبس الشخص اولاد او بنات حذاء ايا كان نوعه و الكعوب العادية او الواطية الشباشب والسفنجات نكون متعبه وكذلك الكعوب العاليه غير عمليه اذا كان ليس من السفنجه بد الرجاء عمل سير خلفى بلاستك او قماش يكون متين ومريح يعنى تقلب السفنجه شبط،بناطلين الجنز عمليه 3 ) كل شخص يحمل معه منديل بشكير او اى قطعه قماش قطنى والبنات الطرحه او الايشارب يكون قطنى لانها تحتفظ بالمياه. 4 ) ساعد اخاك بلل له قطعته او فنيلته الداخليه اذا لم يكن يحمل مياه غازية. عند الضرورة 5 )باقى التعليمات فى الميدان
حاولو البسو القمصات البيج والبلو واحذرو الالوان الحمراء والصارخه عشان ما يكون الزول صيد سهل
| |
|
|
|
|
|
|
Re: 30 يناير يوم الغضب السوداني الرهيب لرياح التغير (Re: صديق الموج)
|
كلمات هاشم صديق هديمك يا وليدمقدود و صابحنا الفقر و الجوع صبح باب التكل مسدود كمل حتي الملح في البيت وشن همّ الملح في البيت وكت ملح الدموع موجود؟! دحين يا وليد هو ديل موُ قالوا ناس إنجاز ؟!! وشن سّولنا مما جونا غير حرقو الفضل بالجاز ؟ كّل شيتا صعب في السوق من الكبريتة للطايوق و كان جانا البخت تموين رطيل سكر و صابونتين نجيب من وين ؟ و اخوك مرفود و عدمان الشهر ملين ؟ أمس زازيت اكوس الدين مشيت لسمية بت مامون لقيت جابولها تلفزيون سمح بالحيل تشوف الصورة بى كم لون وكت في نشرة ألأخبار ظهر مك البلد يضحك جضومو كبار مزرر الكرش بزرار لا مهموم لا مغموم لا زعلان و شيهو يراري بالألوان.. وقّد في حشايا تباق نار طريت رفد الوليد و الجوع و سال دمع الغبينة الحار اريتك يا ملك فد يوم يخلى الجوع عينيك ما تنوم أريتك يا ملك فد يوم تحس بي غصة المظلوم دحين يا وليد هو ديل ما لهم و مال الدين وكت قولهم كلام الله و فعالهم ما فعال صالحين كتير فيهم عديل حقار و بالقرآن كمان تجار و كضابين أكان بنزين عدم .. أو جاز وتعبوُ الناس و ضاقو خلاص صفوف واقفين يقولولك إرادة الله وكان عدم الرخيص و الغالى في التموين يقولولك ده . غضب الله و كان الموية صبحت طين يقولولك ده من امريكا والعملا حمونا الشب ولاد الكـــــــــــلب عشان الشعب يحرن تب يقبّل من صراط الدين دحين يا وليد هو ديل ما لهم و مال الدين أكان كنزو الدهب و المال بلايينهم تسوى جبال وعرباتهم تخطف العين و بناياتم قصور في قصور وحاة الله و كتاب الله أكان ادونا طوب فد سور كان سوينا الف أويضة لي مسكين
| |
|
|
|
|
|
|
Re: 30 يناير يوم الغضب السوداني الرهيب لرياح التغير (Re: خضر عبدالغفور)
|
.
أنِحْنا العِشنا ليالى زمان فى قيود ومظالم وويل وهوان كان فى صدورنا غضب بركان وكنا بنقسم بالاوطان نَسَطَّر اسمك يا سودان بدمانا السّالت راويه الساحه. وحلفنا نسير ما نْضوق الراحه شهرنا سيوف عِصيانّا المدنى إيد فى ايد حلفنا نقاوم ما بنِترْراَجع وما بِنءسَاوم بينّا وبينك تار يا ظالم
| |
|
|
|
|
|
|
Re: 30 يناير يوم الغضب السوداني الرهيب لرياح التغير (Re: خضر عبدالغفور)
|
رغم عصف ودم رغم قيد ودم رغم لفح اللظى بين حلم وهم نجمة الحرية في جبين البلاد نحن نرسمها حرة كالعلم اننا طلبه وبذور حقول ننفض الاتربه عن نشيد العقول ومع الكادحين ضد قهر السنين قسما لن يلين ساعد وقلم ياخطى الفاضل يا اماني فلاح يا وصايا نبيل في دروب الكفاح ابدا لن يضيع دمكم لن يضيع وسنبني الربيع فوق هذه القمم نحن نرعى الزهور ونحب الجمال ونريد الطيور حرة في الاعال فاذا مالربيع لم يكن للجميع قسما لن نطيع غير صوت الحمم شمسنا يا رفاق لا تحب الظلام دربنا يا رفاق دائما للامام خطوة صاعده جبهة صامده قبضة واحده كي نصد الظلم زينب المرزوقي
| |
|
|
|
|
|
|
|