الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن (Re: فايزودالقاضي)
|
الاخ فايز مساك سعيد بصراحة كدة انت جادي ولا بتتريق؟؟؟؟ جرائم قدرية ؟ وتوبة ؟؟؟ ابليس بتوب؟؟؟ ياخ الصالح العام( المنفعة الخاصة ) ده براهو اي زول او اي اسرة ذاقت مراراته لا يمكن ان تسامح حكومة عصابة الانقاذ . الانسان السوداني اتمسخ واصبح بعيد عن العالم الحديث وانت تجي تقول بكل سهولة يسامحوهم .... يسامحوهم على الذلة والمهانة ولا على السرقة وعلى تعليم السرقة ولا على تجهيل الناس ؟ وبعدين الوطن ده هم ليه ما ختو ليهو اعتبار ؟ هم عملو للوطن شنو عشان نسماحهم عشان الوطن ؟ هم بفهمو شنو لكلمة الوطن ؟ شالو الوطن ريال او عشرة رجعوهو لينا فريني (ابو قرشين)؟؟ لو رجعو اي قرش واي قطعة ارض واي منفعة عملوها برضو ما في حد حا يسامحمهم لأنو عمايلهم شالت الرحمة من قلوب البني ادمين...
| |
|
|
|
|
|
|
Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن (Re: Osama Mohammed)
|
فايز يا خوى صباحتك بيض ، كيفك يا زول الواجبات ، شوف بطل حركات ، خلاص سمعت ان السفراء من ابناء الجنوب ، سوف يتم استبدالهم ‘ قلت خلينا نطبل شويه ، الموضوع خلص ، تم ترشيحى انا واخوك عمران ، تعرف ليه ، بتذكر البوست بتاع شنو كده ما عارف فى واحد ذكر فيهو انو اهلنا حضروا من اسبانيا ، المهم قال نحن عبيد ، اها من اليوم داك دخلنا الترشيح ، انت عليك الانتظار لغاية ما ينفصل محل تانى ، وابشر بالخير ، اها بكون عندك واسطة . ايوه تذكرت فى وظائف قناصل لسع باقيه لكن تحت تحت قالو نسكت بيها معاويه عبيد.
| |
|
|
|
|
|
|
Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن (Re: هجو الأقرع)
|
حبيبنا هجو الاقرع ...سلامات ...
Quote: فايز يا خوى صباحتك بيض ، كيفك يا زول الواجبات ، شوف بطل حركات ، خلاص سمعت ان السفراء من ابناء الجنوب ، سوف يتم استبدالهم ‘ قلت خلينا نطبل شويه ، الموضوع خلص ، تم ترشيحى انا واخوك عمران ، تعرف ليه ، بتذكر البوست بتاع شنو كده ما عارف فى واحد ذكر فيهو انو اهلنا حضروا من اسبانيا ، المهم قال نحن عبيد ، اها من اليوم داك دخلنا الترشيح ، انت عليك الانتظار لغاية ما ينفصل محل تانى ، وابشر بالخير ، اها بكون عندك واسطة . ايوه تذكرت فى وظائف قناصل لسع باقيه لكن تحت تحت قالو نسكت بيها معاويه عبيد. |
كل هذه اقدار ياهجو ..كون انت وعمران يتأخدوا اجدادكم من السودان وعبر الجزيرة العربية الى اسبانيا ثم اعادة توريدهم للسودان دي براها فيها حكمة ربانية تدعو للتفكر في قضاء الله وقدره ..
ــــــــــــــــــــــــــــــــ معاوية عبيد اسمه يغنى عن نعته بالعبودية ..
| |
|
|
|
|
|
|
Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن (Re: حامد بدوي بشير)
|
العزيز حامد ...ٍسلامات ..
Quote: Quote: كل الجرايم الارتكبت في حق الوطن وانسانه هي جرائم قدرية ...ربنا سبحانه وتعالى مقدر من قبل ان يخلق آدم لهذه الجرايم ان تحدث في هذا العهد وهذا التاريخ ..وهي من الاقدار التى لا مفر منها...علينا ان نكون مؤمنين بالقضاء والقدر |
هل هذا هو الخط التكتيكي الجديد للمؤتمر الوطني؟ وهنا برضوا مصرين على استغلال الدين وتحريفه؟؟ |
ياحامد مافي استغلال للدين ولا حاجة ...المؤتمر الوطني سبقنا بالايمان بالله وبقدره ..بس نحن تأخرنا شوية ,,,الحمدلله الواحد بدأ يرجع لرشده وعرف ان كل اخطاء وجرائم المؤتمر الوطني هي في مصلحة الانسان السوداني من حيث لايدري ، فقبوله لهذه الاقدار هي اجر ومغفرة ,,, ياحامد شكلك ماعارف معنى انك تتنازل عن حقوقك وحن حقوق من استأمنوك على حقوقهم من اجل الله سبحانه وتعالى ...دي درجة من الايمان عالية لايصلها الا ذو حظٍ عظيم ولااحسبك منهم ...
| |
|
|
|
|
|
|
Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن (Re: فايزودالقاضي)
|
Quote: خلونا نبدأ صفحة جديدة مع المؤتمر الوطني، نجلس معاه وننسى اى حاجة حصلت لينا ولاهلنا من اجل وطنا...الناس الماتوا والله ماماتوا الا في يومهم والاتعذبوا ياهو يوم عذابهم ...والنزلوا الصالح العام واتشردت اسرهم ديل بالذات ربنا واعدهم بالجنة لانهم رضوا بقضاء الله وقدره ...ده اختبار من ربنا عايز يعرف مدى ايمانا والحمدلله الناس اخيراً وصلت لهذه القناعة الايمانية ...
|
ود القاضي
حياك الله
مافي حاجه أسمها عفي الله عن ما سلف مازالت هناك بالحلق غصه ، أنا غايتوا عن نفسي ورب العزه مش لو أنفصل الجنوب لو أنفصلت شندي زاتا حقي مابخلي
بس هي كيف تنقلب وناسي عارفهم وحقي بأخدوا بالسكين لابنتظر محاكم ولايحزنون .بس هم كيف يمشوا آخر نكته قالوا البشير بعد الاطاحه بي بن علي جاهوا كابوس في النوم وقال ليهوا يا البشير أنت لازم ولابد تودع الشعب السوداني ، البشير صحي من النوم وقال ليهوا هو الشعب السوداني ماشي وين الناس دي مابتمشي بأخوي وأخوك الا الدم يصل ركبه .
| |
|
|
|
|
|
|
Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن (Re: عمران حسن صالح)
|
الحبيب .. عمران ...
Quote: الإحباط يا هجو الأقرع نحن ما ناس تنظير في السياسة نحن ناس معايش بنفتش على رمز ياخد بيدنا لي برَ المعايش النضيفة وهينة نضمن معايش أهلنا بس والباقي هين ما عندنا رمز نقيف وراهو من غير هُتاف رمز عارفنو جايِ عشان خاطر أهلو وحاجاتم بس مش جايي يشبع ويكتل الباقي وده حال ناس بلدنا القالو نحن اهل السياسة يلا زحو بعيد |
الاحباط ده ياهو من علامات الايمان بالقضاء والقدر ...
ـــــــــــــــــــــ شكراً للقراءة السليمة ..
| |
|
|
|
|
|
|
Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن (Re: عادل الباهي عبدالرازق)
|
عادل الباهي ...ٍسلامات ..
Quote: مافي حاجه أسمها عفي الله عن ما سلف مازالت هناك بالحلق غصه ، أنا غايتوا عن نفسي ورب العزه مش لو أنفصل الجنوب لو أنفصلت شندي زاتا حقي مابخلي |
ياعادل يبدو انو ايمانك بالله ضعيف ...فيها شنو لو اكلو حقك ولا عذبوك او حتى كتلوك ...ياخي حمزة عم الرسول صلى الله عليه وسلم مات من اجل هذا الدين وجدنا بلال اتعذب من اجله ...ليه بتستكثر روحك او حاجاتك من اجل الوطن الذي هو وطن الدين ..ده قدرك ياحبيب وارضى بيهو ..
او كما قلت :
الزول أن أباك من غير سبب ماتسكوا أمسح أسموا من خارطه ضميرك حكوا
لذلك ماتسك الجماعة ...وخليها على الله ..
| |
|
|
|
|
|
|
Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن (Re: فايزودالقاضي)
|
Quote: الاخ فايز مساك سعيد بصراحة كدة انت جادي ولا بتتريق؟؟؟؟ جرائم قدرية ؟ وتوبة ؟؟؟ ابليس بتوب؟؟؟ ياخ الصالح العام( المنفعة الخاصة ) ده براهو اي زول او اي اسرة ذاقت مراراته لا يمكن ان تسامح حكومة عصابة الانقاذ . الانسان السوداني اتمسخ واصبح بعيد عن العالم الحديث وانت تجي تقول بكل سهولة يسامحوهم .... يسامحوهم على الذلة والمهانة ولا على السرقة وعلى تعليم السرقة ولا على تجهيل الناس ؟ وبعدين الوطن ده هم ليه ما ختو ليهو اعتبار ؟ هم عملو للوطن شنو عشان نسماحهم عشان الوطن ؟ هم بفهمو شنو لكلمة الوطن ؟ شالو الوطن ريال او عشرة رجعوهو لينا فريني (ابو قرشين)؟؟ لو رجعو اي قرش واي قطعة ارض واي منفعة عملوها برضو ما في حد حا يسامحمهم لأنو عمايلهم شالت الرحمة من قلوب البني ادمين... |
الاخ اسامة محمد تنعدل عليك شقيش ما تقبل يا خوي
سلام وتحية الاخ فايز وحسب سؤال قريبك ليك ود جبريل قالك فطرت بي شنو ؟؟ انا بقولو لا هسة على ريقو بطنو تصاصي عشان كدة جاب الكلام الاشتر ده
مع إحترامي لي رأيك لكن وحات الله الكلام الفوق ده لا بنبلع ولا بنشم ضمـــــــــــــه التحية للجميع
| |
|
|
|
|
|
|
Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن (Re: فايزودالقاضي)
|
فايز صاحبي.. سلامات يا حبيب
بس كدي في الأول كده ال(ده) قصدت بيها شنو ؟ هل قاصد بيها الواحد وعشرين سنة القعدها المؤتمر الوطني ؟ ولّا الناس الاتكتلت واتعذبت واتشردت واتهانت وفلست واحبطت وزيتها طلع؟ قاصد بيها الجنوب الانفصل؟ ولا دارفور الاتحرقت ؟ ولا الشرق الاتسرق ؟ ولا الشمال الغرق؟ ولا الأحزاب الضعفت ؟ ولا القيادات الاتخاذلت ؟ ولا الشارع الحزين ؟ ولا حاجة تانية يا حبيب ؟ كدي عاين لي يا فايز وانت خاشي في دور محبط كده ورد علي ..ال(ده) شنو هنا انا غايتو ما شايف لي سبب إحباط غير إنو نحنا شعب جاااااااااهز لي إنو يحبط ساي كده كهواية يعني .. وبشوف إنو عوامل الوقت الراهن ده هي محفزة أكتر للثورة مش للإحباط .. ده وقت بتتمايز فيهو صفوف .. وحباب البمش بي هناك .. بس شان يتفرز .. وحباب البفضل بي جاي .. بس شان الثورة لما تقوم .. تقوم أقلاها ..نضيفة.. عارف يا فايز .. انا كل ما أسمع بي زول من المعلق في ذمتهم سبب البلا النحنا فيهو ده ..وقاصد هنا اي زعيم سياسي فيهم..بغض النظر عن وضعو الآني معارضة كان أو متوالي أو حليف لي مؤتمر وطني .. كل ما أسمع بيهم قربو من المؤتمر الوطني بحمدالله .. وبقول إن شاءالله أسمع بيهم كلهم بكرة يخشو في تحالف - حكومة عريضة - جبهة عريضة أو برنامج واحد مع المؤتمر الوطني .. إتخيلهم معاي تجي لحظة وكل البلا ده يبقى في صايد .. والشعب الفاضل يكون في الصايد التاني .. دي مش حتكون رحمة ويا دوب حيكون بلا وإنجلا وحمدالله ألف على السلامة ..؟؟
.......
فايز مالك داير تحبط انت ذاتك ياخ وتزهجنا معاك
| |
|
|
|
|
|
|
Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن (Re: حاتم كاهن)
|
تهليل ( الاصبع السبابه مرتفع بمقدار ما يسمح به الفضاء المزدحم بالملائكه ونصف ابتسامة تكفي لأرضاء الشعب الصابر حد الشبع والهجيج من بعد تقربا لله واحتفاء ببيعتك وانت واحد من اهل الشرق الذين عرفوا بحق الانجاز في عهد الانقاذ ) يا اخونا في الله فايز (الهامي ) و (بصيرتي )السياسيه لم تخب ابدا لاني منذ ان عرفتك ( عبر الاثير ) وانا متاكد من ان الله سيشرح قلبك وها انت في هذا المنعطف او ما يعرف بـ(لفة الزقاق الضيق ) تبرهن انك وطني ضد العملاء وامريكا وروسيا سابقا فمرحبا بك في رحاب الحزب المنتخب شرعا -------------------------- بس جيت متأخر شوية يا ود القاضي منصب رئيس هيئة تجميل مدينه درديب كيف معاك
| |
|
|
|
|
|
|
Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن (Re: محمد علي شقدي)
|
Quote: الوطن فوق كل شي يااخوان....تغاضوا عن الصغاير يرحمكم الله ..
كل الجرايم الارتكبت في حق الوطن وانسانه هي جرائم قدرية ...ربنا سبحانه وتعالى مقدر من قبل ان يخلق آدم لهذه الجرايم ان تحدث في هذا العهد وهذا التاريخ ..وهي من الاقدار التى لا مفر منها...علينا ان نكون مؤمنين بالقضاء والقدر كما ورد في حديث اركان الايمان (الإيمان أن تؤمن بالله وملائكته وكتبه ورسله واليوم الآخر وتؤمن بالقَدَر خيره وشره }... صدقوني المؤتمر الوطني جواه حاجة كويسة بس الناس ماقادرة تستوعب الحاجة دي ..وكل ماارتكبه من جرائم ماعنده يد فيها ،هو القضاء والقدر يااعزائي .. لذلك لاتظلموا من لايملك حق التحكم في سلوكياته ولا افعاله وغضوا الطرف عن تجاوزاته من اجل هذا الوطن فالمرحلة تتطلب العفو والمسامحة... خلونا نبدأ صفحة جديدة مع المؤتمر الوطني، نجلس معاه وننسى اى حاجة حصلت لينا ولاهلنا من اجل وطنا...الناس الماتوا والله ماماتوا الا في يومهم والاتعذبوا ياهو يوم عذابهم ...والنزلوا الصالح العام واتشردت اسرهم ديل بالذات ربنا واعدهم بالجنة لانهم رضوا بقضاء الله وقدره ...ده اختبار من ربنا عايز يعرف مدى ايمانا والحمدلله الناس اخيراً وصلت لهذه القناعة الايمانية ...
شكراً لزعماءنا الدايماً بيذكرونا بالايمان بالله وبقضاءه وقدره ...
|
الاخ العزيز فايز ود القاضى
متابع بهدوء شديد ولا تغليق حتى الان
| |
|
|
|
|
|
|
|