|
مبالغة !!!
|
الحضور الان بالمنتدى العام لسودانيز أون لاين دوت كوم 801 شخص » (1 )عضو و (800) زائرا
»عبدالمجيد المقابل
|
|
|
|
|
|
|
|
Re: مبالغة !!! (Re: عبدالمجيد المقابل)
|
الاخ العوض الطيب تحياتي قطعا 55 ليس مبالغة لكن 1 يعتبر مبالغة!. السبب الذي دعاني لفتح البوست هو تحفيز النقاش المعلوماتي عشان ناس الـ IT يجوا يوضحوا لينا المسألة دي ليهه بتحصل؟ خصوصا وأن نقاش تقنية المعلومات من المواضيع التي لا تثار في المنبر إلا لماما بعكس السياسة او الفن او الكورة...ألخ.
لك التقدير والإحترام.
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: هل حدث هذا الأمر من قبل لأحد الزملاء الأفاضل أو إحدى الزميلات الفضليات؟ |
عبد المجيد سلامات قايتو انا شخصيا ماحصل لاحظت حتي للحضور حدي بس المداخلات كيفك يالحخبيب لعلك بخير
| |
|
|
|
|
|
|
Re: مبالغة !!! (Re: د.يوسف محمد طاهر)
|
Quote: الحضور الان بالمنتدى العام لسودانيز أون لاين دوت كوم 801 شخص » (1 )عضو و (800) زائرا
|
دي زي الاستاد يكون فيهو 20 ألف هلالابي ..... و 5 توانسة
ويطلع الصفاقسي غالب ......
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: دي زي الاستاد يكون فيهو 20 ألف هلالابي ..... و 5 توانسة
ويطلع الصفاقسي غالب |
يا جنابو ده تعليق أوسكار، رغم أني محايد جدا في حتة الكورة دي.
تسلم
| |
|
|
|
|
|
|
Re: مبالغة !!! (Re: الفاتح ميرغني)
|
Quote: دي زي الاستاد يكون فيهو 20 ألف هلالابي ..... و 5 توانسة
ويطلع الصفاقسي غالب ...... |
دي زي عشم إبليس في الجنّة يا جنابو، وعشم إبليس في الجنّة اكبر مبالغة...
عبد المجيد، سلآم. فعلاً مبالغة...
| |
|
|
|
|
|
|
Re: مبالغة !!! (Re: الفاتح ميرغني)
|
Quote: تعرف المبالغات بقت 85
لكن المحيرني العضو الإسمو 310 ده مبالغة بالجد
لكن لحقت كبشرت ليك المبالغة دي قبل ما تختفى |
الاخ العوض الطيب سلام تاني تصدق انا حاولت أعمل( Capturing )أو " كبشرة" لقائمة الحضور لكن بسبب ضعف المهارات في مجال الـIT لم أتمكن . فياريت لو تشرح لينا عملية الكبشرة دي بتم كيف عشان نستفيد والواحد في المستقبل لو حب يكبشر بوست يكون عارف يعمل شنو.
لك التقدي والإحترام.
| |
|
|
|
|
|
|
Re: مبالغة !!! (Re: omer osman)
|
دي زي الاستاد يكون فيهو 20 ألف هلالابي ..... و 5 توانسة
ويطلع الصفاقسي غالب ......
لأخ عمر عثمان، حلوة والله.....
| |
|
|
|
|
|
|
Re: مبالغة !!! (Re: عمر محمد ابراهيم)
|
Quote: عبد المجيد، سلآم. فعلاً مبالغة...
|
حبيبنا معاوية المدير , سلام ليك وللمعاك في البرتا قاعدين .. لو عارفين بوستينا بجيبك كان بالغنا زمان من أول.
تسلم يا حبيب وما تشوف شر. ---
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: دكتور مجدي الموضوع ده حصل لي قبل كده لقيت نفسي أبا ذر الغفاري بس. لكن للحق لم يخطر بذهني تحويله إلى مناقشة Information Technology لفته بارعة يا مجدي!
تسلم
|
حبيبنا استاذ الفاتح شكرا على المرور ولفت الإنتباه والثناء.
معزتي المعروفة
| |
|
|
|
|
|
|
Re: مبالغة !!! (Re: عبدالمجيد المقابل)
|
عن نفسى حصلت لى كنت موجوده ومتاكدة من انو اتنين معاى بعرفم كانو متواجدين الحضور كان 0 والمتصفحين 1380 لمن شكيت فى نفسى انا عضوولا متصفحه ساكت اما بخصوص الارقام الغريبه البظهر دى العايز يشوفا على اصولا يجى داخل بعد الساعة صباحا بتوقيت اروربا جنس ارقام هى ... تسلم يارب ..
| |
|
|
|
|
|
|
Re: مبالغة !!! (Re: ماجدة عوض خوجلى)
|
Quote: ممكن تفتح الصفحة العايز تعمل ليها كابشرينق وتضغط مفتاحي Control و Print Scrn معاً في وقت واحد |
العوض يا زميل انت من زمن بدوسو الكونترول مع البرينت سكرين؟ الاخيرة دي بقت يدوسوها براها
مبالغة
| |
|
|
|
|
|
|
Re: مبالغة !!! (Re: محمد يوسف الزين)
|
دكتور المقابل
ملايين تحية
مبالغة شنو يا اخي ؟ المبالغة انو ود المقابل يعمل بوست
كتر خير الحبيب الفاتح ميرغني الوراني بيهو
بالله عليك سيب الاستكانة وتعال لينا برة
ودي
| |
|
|
|
|
|
|
Re: مبالغة !!! (Re: الفاتح ميرغني)
|
حبيبنا طارق تحياتي ياخي زي ما قال ليك الاخ أمير عوض الجمري:(.. الكل معاك بس في حضرتك تنثني الهامات وتظهر انت القائد كما الإمام لحظة الوقوف من السجود.) ====
بالمناسبة أنت وحبيبنا الفاتح ده ما قاعدين يدوكم إجازات! أعملوا غمرانيين وزي م قال ليكم حبيبنا ود الصايم براها بتجيكم. منتظرنك.
معزتي المعروفة
| |
|
|
|
|
|
|
Re: مبالغة !!! (Re: الطيب شيقوق)
|
Quote: هل حدث هذا الأمر من قبل لأحد الزملاء الأفاضل أو إحدى الزميلات الفضليات؟ |
مرحب حباب الاخ دكتور عبد المجيد كل سنة وانت طيب مقدما اعاد ه الله عليك والاسرة الكريمة باليمن والخير والبركات ان شاء الله
يوم جيت من الصباح ايام انضمامي لحوش بكري لقيت ليك روحي براااااااااي مقمبرة اون لاين طوالي فتحت بوست زي بوستيك ده وبوست اخوي طارق ود عمي جبريل يا حليلك والله ذكرتني ايام زمان وايام كان اسمي لسه ما لفحوا الهكر وغيروا لي بكري اب صلعة كنت بدخل بي اسمsoma بنزل ليك الرابط هنا برضو عشان تشوفني كيف كنت مستغربة في الظاهرة الاسفيرية دي لووووووووول ***** برااااااى قاعده اون لاين ******
| |
|
|
|
|
|
|
Re: مبالغة !!! (Re: اسماء الجنيد)
|
حبيبنا الدكتور عمر كبير
أشواق و مودة
ياخي جهجهتنا, شهر في السودان و شهر في السعودية !
كنت عايز أقول ليك أركز عشان نلقاك , لكن البركة في الأسافير القربت المسافات مع إنو المودة كما هي, هسي و في الزمن الفات .
معزتي المعروفة
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote:
Quote: هسي أنا مرات كتيرة بقعد أتونس في البورض دا براي!! وأنا من زمان اقول يا ربي الزول ده مالو بيضحك براهو؟ مبالغة!!
تسلم يا حبيبنا |
تسلمو إنتو الأثنين
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: عن نفسى حصلت لى كنت موجوده ومتاكدة من انو اتنين معاى بعرفم كانو متواجدين الحضور كان 0 والمتصفحين 1380 لمن شكيت فى نفسى انا عضوولا متصفحه ساكت اما بخصوص الارقام الغريبه البظهر دى العايز يشوفا على اصولا يجى داخل بعد الساعة صباحا بتوقيت اروربا جنس ارقام هى ... تسلم يارب ..
|
أستاذة ماجدة عوض خوجلي تحيتي مشكورة بلا حدود على المرور وإشراكنا في ظاهرة الأرقام الغريبة.لاحظت ليها كم مرة لكن إنطباعي كان إنها إسم حركي لعضو " زي رقم صفر بتاع الشياطين الـ 13. غايتو توقيت اوروبا ورؤية الارقام دي في ساعات معينة أداني إحساس زي العندها علاقة بالأطباق الطائرة!.
تسلمي على المرور وتقبلي تقديري وإحترامي
| |
|
|
|
|
|
|
Re: مبالغة !!! (Re: الطيب شيقوق)
|
Quote: دكتور المقابل
فطيتني ولا ناسي ؟ ولا بكون كلمك الفاتح المسنوح قال ليك فطو
اصبروا لي عشان اوريكم الفط الصحي صحي |
حبيبنا شيقا يا زول قول بسم الله فط شنوا ياخ!. راجع ردود دكتور مجدي على المداخلات وبتلقى إنو لسع ما وصلك. بعدين ياخ إنت الروسية يلينا ايسينبايفاالكسرت الرقم العالمي في القفز بالزانة ما تقدر تفطك!!.
تسلم من الفط.
| |
|
|
|
|
|
|
Re: مبالغة !!! (Re: الفاتح ميرغني)
|
Quote: العوض يا زميل انت من زمن بدوسو الكونترول مع البرينت سكرين؟ الاخيرة دي بقت يدوسوها براها
مبالغة
|
الأخ محمد يوسف الزين شكرا على المرور والملاحظة.
لك التقدير والإحترام
| |
|
|
|
|
|
|
Re: مبالغة !!! (Re: عبدالمجيد المقابل)
|
الأخ العزيز عبد المجيد والحضور الكريم
أكيد ال 55 في الحضور ما مبالغة قصاد الواحد، لكن قلنا نخت ليك في البوست توم وشمار.
بالنسبة للكابتشرينق ساهل جداً:
ممكن تفتح الصفحة العايز تعمل ليها كابشرينق وتضغط مفتاحي Control و Print Scrn معاً في وقت واحد
بتكون الصورة اتحفظت في ال Clipboard الخطوة التانية إنك تفتح أي برنامج رسم، مثلا، Paint وتعمل نسخ Paste
أما الأجمل أنك تنزل برنامج إسمو Snippy
من الرابط التالي:
http://www.bhelpuri.net/Snippy/
بالنسبة للوندوز فيستا فمعاها برنامج جاهز للكابتشرينق.
==== الاخ العزيز العوض شكرا على التوم والشمار والشرح التوضيحي.
لك التقدير والإحترام
| |
|
|
|
|
|
|
Re: مبالغة !!! (Re: باسط المكي)
|
Quote: مرحب حباب الاخ دكتور عبد المجيد كل سنة وانت طيب مقدما اعاد ه الله عليك والاسرة الكريمة باليمن والخير والبركات ان شاء الله
يوم جيت من الصباح ايام انضمامي لحوش بكري لقيت ليك روحي براااااااااي مقمبرة اون لاين طوالي فتحت بوست زي بوستيك ده وبوست اخوي طارق ود عمي جبريل يا حليلك والله ذكرتني ايام زمان وايام كان اسمي لسه ما لفحوا الهكر وغيروا لي بكري اب صلعة كنت بدخل بي اسمsoma بنزل ليك الرابط هنا برضو عشان تشوفني كيف كنت مستغربة في الظاهرة الاسفيرية دي لووووووووول ***** برااااااى قاعده اون لاين ******
|
الاستاذة والشاعرة المرهفة اسماء الجنيد تحياتي شكرا لإشراكنا معك في تجربة مماثلة، بل اقول بأن تجربتك اكثر تميزا لأنك ( برغم الخلعة) ، نجحتي بروح الشعر في تحوليها لتجربة تواصل إنساني فنان.
لك التقدير والإحترام وكل سنة وأسرتك الكريمة بالف خير
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: Quote: دكتور المقابل
فطيتني ولا ناسي ؟ ولا بكون كلمك الفاتح المسنوح قال ليك فطو
اصبروا لي عشان اوريكم الفط الصحي صحي
حبيبنا شيقا يا زول قول بسم الله فط شنوا ياخ!. راجع ردود دكتور مجدي على المداخلات وبتلقى إنو لسع ما وصلك. بعدين ياخ إنت الروسية يلينا ايسينبايفاالكسرت الرقم العالمي في القفز بالزانة ما تقدر تفطك!!.
تسلم من الفط |
مستشارنا شيقا , القلوب شواهد ! , جيت جاري أرد ليك , لقيت المسنوح خطف الكلام من كيبوردي !!
| |
|
|
|
|
|
|
Re: مبالغة !!! (Re: عبدالمجيد المقابل)
|
مجيدو الذي بالدويم..
كيفنك يا دفعة؟
البوست دا تويييييييييييييييييييييييييييييييل وملو لو,باليل دا, ماشي وين؟
شكرا,إذ جعلت من فسيخ الإسفير المر شرابا ذائقاً,يَسُرُ القارئين.
كن بخير
ودمت.
| |
|
|
|
|
|
|
Re: مبالغة !!! (Re: مرتضي عبد الجليل)
|
حبيبنا شيقا يا زول قول بسم الله فط شنوا ياخ!. راجع ردود دكتور مجدي على المداخلات وبتلقى إنو لسع ما وصلك. بعدين ياخ إنت الروسية يلينا ايسينبايفاالكسرت الرقم العالمي في القفز بالزانة ما تقدر تفطك!!.
الفاتح
بطل كسير التلج بطلاق تاني تفطونى اوريكم جنس فطان - قال لسع ما وصلك - يعني بعد يسل روحي ؟
| |
|
|
|
|
|
|
Re: مبالغة !!! (Re: الطيب شيقوق)
|
مستشارنا شيقا , القلوب شواهد ! , جيت جاري أرد ليك , لقيت المسنوح خطف الكلام من كيبوردي !!
يا زول هو اتيم وكنا مترقبنو ا لينا زمن كمان تفطنا
المسنوح دا ما تسمع كلامو بحلقك امات طه وعندو اجندة خفية مافي حد ناقشها غيري انا
| |
|
|
|
|
|
|
Re: مبالغة !!! (Re: الطيب شيقوق)
|
Quote: مجيدو الذي بالدويم..
كيفنك يا دفعة؟
|
مرتضانا الذي بالسعودية
كيفك و أحوالك ؟
أخوك في عروس النيل الأبيض ( مدينة ربك) وكل إسبوعين بندي عروس الرمال(مدينة الأبيض ) طلة ( خميس-جمعة)
مودتي
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: المسنوح دا ما تسمع كلامو بحلقك امات طه وعندو اجندة خفية مافي حد ناقشها غيري انا |
مستشارنا شيقا , صاحبنا دا زول نقي و شفاف وأجندته كلها بيضاء و ناصعة ومعلنة ...
== أمس كنت مع صحبك د.حسن , يغريك السلام و قال متوقع منك إتصال في العيد!!!
| |
|
|
|
|
|
|
Re: مبالغة !!! (Re: عبدالمجيد المقابل)
|
المقابل
أمس كنت مع صحبك د.حسن , يغريك السلام و قال متوقع منك إتصال في العيد!!!
يا اخي حييهو شدييييييييد الزعيم وليك على يوم العيد بتلحو ليك - بس بحب العضة والشربوت بنوم كتير
| |
|
|
|
|
|
|
Re: مبالغة !!! (Re: الطيب شيقوق)
|
Quote: دي زي الاستاد يكون فيهو 20 ألف هلالابي ..... و 5 توانسة
ويطلع الصفاقسي غالب ...... |
جنابو عمر ..
د.مجيد
موضوع 801 وفيهم عضو 1 مبالغة ...
بس الصفاقسي يغلب دا طبيعي ، المبالغة تكون يتأهل الهلال علي حساب الصفاقسي
يا جنابو أمس كنت منتشياً بعودة الطوربيد وبالمستوي المقنع لمرابط
صاحبنا الهلالابي قال لي ربنا يمرقكم منا في العيد ... قلت له يازول
عيد شنو الاحد دا قبل الوقفة خليهو العيد ، اللهم نسألك بأن لا تفرتق الصفر الدولي
التابع للسودان ..
| |
|
|
|
|
|
|
عفوا مجيد الدويم دايما في البال.
تحياتي
دمت.
| |
|
|
|
|
|
|
Re: مبالغة !!! (Re: مرتضي عبد الجليل)
|
Quote: المبالغة تكون يتأهل الهلال علي حساب الصفاقسي
|
بخاري سلام
خلاص خليك جاهز لمبالغة يوم الأحد !!
== صحبك جنابو قنعان من الصفاقصي و فتح بوست (غير قابل للبلع) يلمح فيه بأن الصفاقصي حمام !!
مودتي و كل عام أنت و الأسرة الكريمة بألف خير
| |
|
|
|
|
|
|
Re: مبالغة !!! (Re: الطيب شيقوق)
|
Quote: الأخ عبد المجيد بوست عبقري و مبالغة سأعود إليه بالتحليل فالأرقام لها معان و دلالات. |
الشاعر النحرير و القانوني الضليع أستاذ أسعد العباسي , سلام
في إنتظار عودتك هنا محللا لمعاني و دلالات الأرقام !!
كما في إنتظار عودتك هناك عند أمنا الرؤوم(بوست الأبيض الثانوية)
مودتي وكل عام أنت و الأسرة الكريمة بألف خير
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: مجيد يا حبيب
كامل الإعتزار علي الخطأ الوارد في المداخلة الاولي
والتانية يا مجيد (مهارات نهي)
الدويم دايما علي البال.
لك كل الود
دمت |
مرتضانا شكرا" للعودة مجددا", أحب أن أطمئنك بأن المهارات بتتكسب تتدرجيا", شوية كدة وتلقي نفسك ماهر ,هههههههههه !!!!!!!! الدويم وناس الدويم دايما علي بالنا كلنا ’ هي فركة كعب مني , لو لا البنطونوفوبيا حقتي لكنت كل يومين هنالك .... وإنشاء الله بعد الكبري نعمل الدرب ساساق .. مودتي
| |
|
|
|
|
|
|
Re: مبالغة !!! (Re: الفاتح ميرغني)
|
دي قلبت فيها هوبا عديييييييييييييييييييييييييييل كدة
إسفيروفوبيا كيف؟؟
علي ذكر الهوبا إنشاء اللة اليلة النتيجة 3 هوبات/0
دمت
| |
|
|
|
|
|
|
Re: مبالغة !!! (Re: مرتضي عبد الجليل)
|
Quote: يا جنابو أمس كنت منتشياً بعودة الطوربيد وبالمستوي المقنع لمرابط
|
هلا بخاري .....
مرابط ماشاء الله سيطرة وتحكم وباصات بالسيركي من القدم للقدم .....
طمبل مستواه بقدر ما اسعدنا قطع شك لم يسعد الهلالاب مشجعين ولعيبة واولهم (المعز شربكة) ....
دكتور عبدالمجيد .... الاعصاب كيف ...
| |
|
|
|
|
|
|
Re: مبالغة !!! (Re: الفاتح ميرغني)
|
Quote: تصدق يا مجدي أنا زاتي إكتشفت إني معاكم في نفس القارب، وبعاني من من خوف كده ممكن تسميهو صوروفوبيا"أخاف من نظرتك لـيّـا ". والله ردت لي زولة قبل كده لدرجة الخوف من صورتها !. يا حببيب ده رهاب بالكوم.
|
صوروفوبيا= الخوف من صورة المحبوب( اخاف من نظرتك ليًأ)
يا فاتح دي مبالغة المبالغة زاتها!
معزتي المعروفة
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: B]صوروفوبيا= الخوف من صورة المحبوب( اخاف من نظرتك ليًأ)
يا فاتح دي مبالغة المبالغة زاتها!
|
] سلام لصاحب البوست وضيفوفه تحية المبالغة هي انك انت فكرت للحكاية دي كيف كنت بحب بت الجيران لدرجة الخوف وقت اشوفها قلبي يقرب ينط من صدري واقول ليك للان سريتها بتجهجني الفوبيا مشكلة افيدونا
| |
|
|
|
|
|
|
Re: مبالغة !!! (Re: عبدالمجيد المقابل)
|
دكتور عبدالمجيد .... الاعصاب كيف ...
== تصدق يا جنابو من من الستة المباريات المتبقية لسيد البلد ,أنا ما خائف إلا من مبارة مازيمبي في السيوبر !
| |
|
|
|
|
|
|
Re: مبالغة !!! (Re: عبدالمجيد المقابل)
|
الأخ البروف عبد المجيد كل سنة و أنت طيب،، سؤالي: هل باتت هنالك جدوى للمنتديات الإسفيرية السودانية إن كانت مشاركة أعضاءها في المواضيع الجادة في مثل هذا الضعف و قد أصبحت ميدانا للتسلية و ليس للإفادة و سترى في هذه الليلة كيف سيتكالب الأعضاء بأقوال فجة في بوستات ستفتح اليوم تباعا عن مباراة الهلال و الصفاقصي، الأمر يحتاج لدراسة عميقة.
| |
|
|
|
|
|
|
Re: مبالغة !!! (Re: Asaad Alabbasi)
|
أها يادكتور مرتضى إسفيروفوبيا دي أنت قلبت فيها هوبا هوائية عديييييل!!.
والله المبالغة هنا بس - الفاتح دا عرف المفردة ( هوبا هوائية ) من وين ؟
غايتو علا يكون كان عندو جكسوية في الرهد ابو دكنة ولما يزورها بيمشي يعوم في التردة
والله يا الفاتح بالجد مبالغة لانها مفردة لا يعرفها الا الساكنون جوار الانهار .
| |
|
|
|
|
|
|
Re: مبالغة !!! (Re: الطيب شيقوق)
|
Quote: لصاحب البوست وضيفوفه تحية المبالغة هي انك انت فكرت للحكاية دي كيف كنت بحب بت الجيران لدرجة الخوف وقت اشوفها قلبي يقرب ينط من صدري واقول ليك للان سريتها بتجهجني الفوبيا مشكلة افيدونا |
حبيبنا باسط ,نعم واضح للآن سيرتها بتجهجهك بدليل الكبكبة الواضحة باللون الأحمر , هههههههههههه
كمان ممكن نضيف حالتك دي لحالات الفوبيا بهذا البوست :
جيرانوفوبيا= الخوف من بنت الجيران !
مودتي وكل عام أنت و الأسرة بألف خير
| |
|
|
|
|
|
|
Re: مبالغة !!! (Re: الفاتح ميرغني)
|
Quote: السبب الذي دعاني لفتح البوست هو تحفيز النقاش المعلوماتي عشان ناس الـ IT يجوا يوضحوا لينا المسألة دي ليهه بتحصل؟ خصوصا وأن نقاش تقنية المعلومات من المواضيع التي لا تثار في المنبر إلا لماما بعكس السياسة او الفن او الكورة...ألخ. |
والله يا دكتور بدون فخر نحن اصحاب الاختصاص و قلنا ندلى بدلونا لكن و الله لقيت موضوع بت الجيران و الحضور ..بالله حدد ياتو نوع من الحضور لانو الحضور خشم بيوت و انت سيد العارفين يااااخ كل سنة وانت طيب و ضيوفك الكرام كلهم طيبين و بجيك برواقة بس اضبح !!!!
الفاتح ميرغنى الرائع ....انت عارف الابيض دى لو لقيت ليها راعية بس كان بقت "دبي" السودان او "روما " فى العصر الجميل
بس قادر الله ( مقولة حضرية )
| |
|
|
|
|
|
|
Re: مبالغة !!! (Re: عبدالمجيد المقابل)
|
الأخ الدكتور المقابل تحياتي، قرأت بتمعن ردك و لا أستطيع كما قلت أن أحجر على الأعضاء ميولها و إهتماماتها المتباينة فهذا شأنهم فإن كان هناك من يهتم بالرياضة أو بالفن أو السياسة أو الأدب أو العلوم فهذا أمر عادي و لكني أرى أن مثل الإشتمال و العمومية في المنبر يجعله مزدحما للدرجة التي يصعب معها المتابعة فقد قال من قبل الأخ الصديق الفاتح يوسف جبرة أنك ما أن تضع بوستك تجده مشى الخور بعد قليل و أذكر أنني إقترحت على الأخ بكري أبوبكر أن يقسم المنتدى إلى عدة بوابات و لكنه رفض إقتراحي و قال لي أن ما يميز منتدى سودانيز أون لاين هو تباين إهتمامات الأعضاء و شبهه بالسوق الهندي تجد فيه الفيلسوف و الأديب و العالم جنبا إلى جنب مع العامل و الساحر و الرياضي غير أنني ما زلت عند رأييى بتقسيم المنتدى إلى عدة بوابات تفي بإهتمامات أعضائه المتباينة، و سأوضح في مداخلة لاحقة أو في بوست منفصل وجة نظري بتفصيل أشمل.
| |
|
|
|
|
|
|
Re: مبالغة !!! (Re: الطيب شيقوق)
|
Quote: يااااخ كل سنة وانت طيب و ضيوفك الكرام كلهم طيبين و بجيك برواقة بس اضبح !!!!
|
حبيبنا مازن منتظرين جيتك ولا لسة ما ضبحت !
مودتي
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: يا اخي مش مبالغة كمان الفاتح يكتب الكلام دا كلوووووووو وما توروني ارد عليه |
حبيبنا شيقا , صاحبك كلامو كلو سباحة و أنواع السباحة و أنحنا ناس رمال ساي بنخاف من سيرة البحر و العوم !
مودتي
| |
|
|
|
|
|
|
Re: مبالغة !!! (Re: عبدالمجيد المقابل)
|
كتبت د. مقابل الاتى :
Quote: الشاعر الفطحل الأستاذ أسعد العباسي.تحياتي و كل عام و أنت بخيربالطبع أن الاسافير تتباين وتختلف .وده طبعا نتيجة حتمية لإختلاف إهتمامات وأذواق المشتركين. قد نتفق على وجود مواضيع إنصرافية ولكن الصورة الإجمالية مشرقة.هناك من يعشق السياسة وهناك من يعشق الموسيقى وهناك من يعشق الفن او الرياضة بل وهناك من يعشق الونسة.وبالتالي لا يمكن أن نضبط الجميع على ايقاع واحد وإلا لفقد التباين الجميل خاصيتة واصبحت الاسافير بمثل الفصل الدراسي وليس صورة مصغرة للسودان المتباين الذي نحب.فعلا الأمر يحتاج لدراسة عميقة كما ذكرت |
رد الاستاذ الرائع و الشاعر الفطحل :
Quote: الأخ الدكتور المقابل تحياتي، قرأت بتمعن ردك و لا أستطيع كما قلت أن أحجر على الأعضاء ميولها و إهتماماتها المتباينة فهذا شأنهم فإن كان هناك من يهتم بالرياضة أو بالفن أو السياسة أو الأدب أو العلوم فهذا أمر عادي و لكني أرى أن مثل الإشتمال و العمومية في المنبر يجعله مزدحما للدرجة التي يصعب معها المتابعة فقد قال من قبل الأخ الصديق الفاتح يوسف جبرة أنك ما أن تضع بوستك تجده مشى الخور بعد قليل و أذكر أنني إقترحت على الأخ بكري أبوبكر أن يقسم المنتدى إلى عدة بوابات و لكنه رفض إقتراحي و قال لي أن ما يميز منتدى سودانيز أون لاين هو تباين إهتمامات الأعضاء و شبهه بالسوق الهندي تجد فيه الفيلسوف و الأديب و العالم جنبا إلى جنب مع العامل و الساحر و الرياضي غير أنني ما زلت عند رأييى بتقسيم المنتدى إلى عدة بوابات تفي بإهتمامات أعضائه المتباينة، و سأوضح في مداخلة لاحقة أو في بوست منفصل وجة نظري بتفصيل أشمل. |
عندما وقعت عينى على سودانيزاونلاين اول مرة اعجبت بكثير من الكتابات و المقالات بل حتى مايعرف بالونسة و كنت لا اضيع (بايت *) واحد ولكن اقول الان (و هى ليست عن خبرة ) ان سودانيزاونلاين كالجسد يسقم كثيرا و تنتابه الحمى و فيروسات الافكار الهدامة و خلافات الاطفال (هكذا اسميها ) و اجندة خفية ....كما يسمو هذا الجسد فوق قدراته فتتفتق قدرات و مهارات و عجائب لاشخاص نعرفهم فقط من كتاباتهم و لكن نكن لهم اسمى الاحترام و التبجيل ...هذا ليس فقط فى سودانيزاونلاين ولكن كل منتديات المليون ميل مربع .......
لذلك و بمنطقية بسيطة يا دكتور ان تختلى بالاسفير لوحدك (وهى خلوة شرعية ) هى التى جعلت منك واحدا فى فضاء اسفيرى لاشخاص عزفوا عن التواجد فى المعية من رخصت فكرهم و جاءوا ببضاعة مزجانة ..... هذا قبل ان اقول لك من ناحية IT يمكن و بكل اريحية ان تكون لوحدك فى فضاء اسفيرى و غيرك لاسباب كتيرة منها سرعة تبادل المعلومات بين اجهزتهم و ما يعرف ب ISP- Internet service provider , اول سرعة اجهزتهم
الشاعر الفطحل ..ان بوستكم العامر كدارنا الابيض الرائعة تحفة للناظرين اقصد القارئيين و هو جميل جمال فتان لذلك لم ارد ان ارد ولو بالاعجاب لتحفة لا اريد ان اشينها ولو بتوقيع الحضور
محبتى
* وحدة قياس * قد تكون لوحدك فى الظاهر ولكن بعد عمل التحديث (#######) تجد الكثيرين
| |
|
|
|
|
|
|
Re: مبالغة !!! (Re: مازن عادل النور)
|
Quote: أذكر أنني إقترحت على الأخ بكري أبوبكر أن يقسم المنتدى إلى عدة بوابات و لكنه رفض إقتراحي و قال لي أن ما يميز منتدى سودانيز أون لاين هو تباين إهتمامات الأعضاء و شبهه بالسوق الهندي تجد فيه الفيلسوف و الأديب و العالم جنبا إلى جنب مع العامل و الساحر و الرياضي غير أنني ما زلت عند رأييى بتقسيم المنتدى إلى عدة بوابات تفي بإهتمامات أعضائه المتباينة، و سأوضح في مداخلة لاحقة أو في بوست منفصل وجة نظري بتفصيل أشمل.
|
استاذ اسعد انا شخصيا في الحتة دي بتفق تماما مع باشمهندس بكري أبوبكر. أنا بعتقد إنو سودانيزاونلاين ما إكتسبت هذا الصيت وخاصية الجذب إلا بسبب التباينات التي شبهها بكري بالسوق الهندي. ياخ التباين ده في كل حاجة مصدر جذب حتى في الالوان والكساءات المزركشة.لو قسمناها لادب وقانون وفلسفة وطب صدقني ممكن تكون زي المجتمع الصناعي ( Artificial)او المنمط.حتفقد بريقها وبالتالي رحيقها.
معزتي المعروفة --
| |
|
|
|
|
|
|
Re: مبالغة !!! (Re: عبدالمجيد المقابل)
|
الأخ مازن عادل النور لك التحية الحكاية شنو يا جماعة إنت في ألمانيا و قريبك صديقنا العزيز طارق النور في أمريكا، أمرقولنا جاي. الحقيقة عاوز أتكلم معاك شوية لكن كورة هلال مريخ فضل ليها تسعين دقيقة و الرجفة حصلت و التركيز قل، الله يبعدنا من شر ناس راجي عبد العاطي..!
| |
|
|
|
|
|
|
Re: مبالغة !!! (Re: Asaad Alabbasi)
|
Quote: الله يبعدنا من شر ناس راجي عبد العاطي..! |
يا أستاذ أسعد , توقعك صحيح . راجي عملها فينا
= المبارة شكلها مطبوخة لإزالة التوتر و إعادة التوازن !!!
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: عندما وقعت عينى على سودانيزاونلاين اول مرة اعجبت بكثير من الكتابات و المقالات بل حتى مايعرف بالونسة و كنت لا اضيع (بايت *) واحد ولكن اقول الان (و هى ليست عن خبرة ) ان سودانيزاونلاين كالجسد يسقم كثيرا و تنتابه الحمى و فيروسات الافكار الهدامة و خلافات الاطفال (هكذا اسميها ) و اجندة خفية ....كما يسمو هذا الجسد فوق قدراته فتتفتق قدرات و مهارات و عجائب لاشخاص نعرفهم فقط من كتاباتهم و لكن نكن لهم اسمى الاحترام و التبجيل ...هذا ليس فقط فى سودانيزاونلاين ولكن كل منتديات المليون ميل مربع .......
لذلك و بمنطقية بسيطة يا دكتور ان تختلى بالاسفير لوحدك (وهى خلوة شرعية ) هى التى جعلت منك واحدا فى فضاء اسفيرى لاشخاص عزفوا عن التواجد فى المعية من رخصت فكرهم و جاءوا ببضاعة مزجانة ..... هذا قبل ان اقول لك من ناحية IT يمكن و بكل اريحية ان تكون لوحدك فى فضاء اسفيرى و غيرك لاسباب كتيرة منها سرعة تبادل المعلومات بين اجهزتهم و ما يعرف ب ISP- Internet service provider , اول سرعة اجهزتهم
الشاعر الفطحل ..ان بوستكم العامر كدارنا الابيض الرائعة تحفة للناظرين اقصد القارئيين و هو جميل جمال فتان لذلك لم ارد ان ارد ولو بالاعجاب لتحفة لا اريد ان اشينها ولو بتوقيع الحضور
محبتى
* وحدة قياس * قد تكون لوحدك فى الظاهر ولكن بعد عمل التحديث (#######) تجد الكثيرين |
حبيبنا مازن
كفيت ووفيت بحضورك. تحليلك لجسد هذا المنبر الجميل صورة مدهشة وساحرة في آن، بصراحة أعجبني هذا التحليل الذي يؤكد حضور ذهنيتك الحضرية او فلنقل الكردفانية تسلم يا حبيب.
معزتي المعروفة
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: حبيبنا مازن
كفيت ووفيت بحضورك. تحليلك لجسد هذا المنبر الجميل صورة مدهشة وساحرة في آن، بصراحة أعجبني هذا التحليل الذي يؤكد حضور. ذهنيتك .الحضرية او فلنقل .الكردفانية تسلم يا حبيب.
معزتي المعروفة |
والله يا دكتور مشكور على الاطراء الجميل بس (عِلا ) باقى صور العيد ما شفناها الا صحن الشيوية داك ....
مباااااااالغة
مودتى الحضرية .....
| |
|
|
|
|
|
|
Re: مبالغة !!! (Re: مازن عادل النور)
|
Quote: عندما وقعت عينى على سودانيزاونلاين اول مرة اعجبت بكثير من الكتابات و المقالات بل حتى مايعرف بالونسة و كنت لا اضيع (بايت *) واحد ولكن اقول الان (و هى ليست عن خبرة ) ان سودانيزاونلاين كالجسد يسقم كثيرا و تنتابه الحمى و فيروسات الافكار الهدامة و خلافات الاطفال (هكذا اسميها ) و اجندة خفية ....كما يسمو هذا الجسد فوق قدراته فتتفتق قدرات و مهارات و عجائب لاشخاص نعرفهم فقط من كتاباتهم و لكن نكن لهم اسمى الاحترام و التبجيل ...هذا ليس فقط فى سودانيزاونلاين ولكن كل منتديات المليون ميل مربع ....... |
تصدق يا دكتور مجدي من ما حبيبنا مازن كتب المداخلة أعلاه، فكرت في المقتبس البديع ده وقلت ارد ليهو بس رجيتك تجي. وبصراحة عجبني شديد تشخيصه لجسد المنبر وعجبني أكتر حتة " سمو هذا الجسد فوق قدراته...." يعني جسد Resilient!. ياخي مازن ده ذهنيته أشد إتقادا من جمر شية الحضور!!
محبتي
| |
|
|
|
|
|
|
Re: مبالغة !!! (Re: الفاتح ميرغني)
|
Quote: والله يا دكتور مشكور على الاطراء الجميل بس (عِلا ) باقى صور العيد ما شفناها الا صحن الشيوية داك ....
مباااااااالغة مودتى الحضرية ..... |
حبيبنا مازن المبالغة الجد جد هي صور العيد .. إنشاء الله سوف أنزلها ليكم في بوست الحضور!
معزتي
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: ياخي مازن ده ذهنيته أشد إتقادا من جمر شية الحضور!!
|
حبيبنا الفاتح ياخ ده تشبيه لا يقل طعامة عن شية الحضور زاتها. فعلا حبيبنا مازن فات الكبار والقدرو!!.
معزتي المعروفة لكما.
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: يا اخي مش مبالغة كمان الفاتح يكتب الكلام دا كلوووووووو وما توروني ارد عليه هو قال:- معليش عندي مشكلة فنية في الاقتباس
تصدق يا حبيب أنا إرتبطت في ذهتي اكتر بالرمال! .كنا بنجيب لستك عربية نختوا في نص الخور ونقوم نتدرب.على حس الانهار والموية، طبعا زي مار عارف عندنا في الابيض دي خريف مبالغة زي بوست مجدي ده! أها حلتنا( القبة) بيمر بيها خورين. وكنا في البداية كده نخش نجلبغ في الخور ومرات كده نطلع في الكبري ونجي ناطين في الموية، وما كنا عارفين إنو نحنا بنتدرب على الـ Scuba diving! بعد شوية لمن مهاراتنا إتشحذت، بقينا نمشي نعوم في ود ابصفية( بركة موسمية!).لكن النصيحة برضو ما كنا عارفين طبيعة العوم بتاعنا ده 50 متر فراشة ولا Backstroke! انا شخصيا بقول إنو اسلوبنا كان أقرب للـ Free style يعني لو لقينا شوية رعاية وتدريب كان شاهدتنا في اولمبياد بكين، بس تقول شنو غير سوء حظ قصدنا عديل قلت لي جكسوية وين؟ياخي الله يجيبها من أي بقعة في الدنيا دي بس " كيف القى سيد روحي؟". -- كل سنة وأنت طيب يا الطيب الطيب.وربنا يحفظك من كل شر ويديم المحبة. |
يوروك كيفن يا شيقا وأنت طلعت صفوي نخبوي؟! بعدين يوروك يقولوا ليك شنو؟ إنو الفاتح كان بسبح Backstroke في البحيرة الموسمية
محبتي
| |
|
|
|
|
|
|
Re: مبالغة !!! (Re: الفاتح ميرغني)
|
بعدين يوروك يقولوا ليك شنو؟ إنو الفاتح كان بسبح Backstroke في البحيرة الموسمية
والله جنس حنكشة بالله هي الهوبا اسمها باك استروك؟
| |
|
|
|
|
|
|
Re: مبالغة !!! (Re: الطيب شيقوق)
|
معذرة يا بروف إن إبتعدت قليلا عن هذا البوست الرائع لإنشغالي ببوستات أخرى و مشاغل عديدة و كما توقعت هنا قبل مباراة هلال مريخ الأخيرة بأن راجي عبد العاطي ربما فعلها فينا و بالفعل كما ذكرت أنت أن راجي عبد العاطي فعلها فينا و لكن هل تدري لماذا؟ لأن راجي عبد العاطي كانت عينو على الكاس..!
| |
|
|
|
|
|
|
Re: مبالغة !!! (Re: Asaad Alabbasi)
|
الأخ البروف عبد المجيد لك التحية لا يخالجني شك أن لديك حس الباحث لذا أود أن أعود بك إلى روح هذا البوست ببعض الأسئلة أولها كم عدد أعضاء هذا المنبر تحديدا أو تقريبا؟ هل تقوم منذ وضعك لهذا البوست الفريد بعملية إحصاء يومية لأعداد المتداخلين و الزوار؟ إجابتك على هذين السؤالين يحدد مسار مداخلتي القادمة و التي ربما تكون غاضبة و تحمل العديد من المقترحات لإعادة الألق لهذا المنبر. مع مودتي.
| |
|
|
|
|
|
|
Re: مبالغة !!! (Re: Asaad Alabbasi)
|
Quote: لا يخالجني شك أن لديك حس الباحث لذا أود أن أعود بك إلى روح هذا البوست ببعض الأسئلة أولها كم عدد أعضاء هذا المنبر تحديدا أو تقريبا؟ هل تقوم منذ وضعك لهذا البوست الفريد بعملية إحصاء يومية لأعداد المتداخلين و الزوار؟ إجابتك على هذين السؤالين يحدد مسار مداخلتي القادمة و التي ربما تكون غاضبة و تحمل العديد من المقترحات لإعادة الألق لهذا المنبر. مع مودتي. |
الأخ الأستاذ أسعد جمعة خير و بركة نسبة لقائمة الحضور فمن الصعب إجراء دراسة عليها و ذلك لأنها يتم تحدثيها كل دقيقتين . = أري إنك تلمح إلي إن هنالك عزوف من الأعضاء للكتابة في المنبر, إليس هذا ما تلمح به ؟ بالنسبه لي ومن خلال مراجعتي الدورية لإرشيف المكتبات ,إكتشفت بأن هنالك أعضاء كثيرون لديهم مكتبات .توقفوا عن الكتابة الآن . مما لفت إنتباهي !!
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: مبالغة يا دكتور مجدي البنطونوفوبيا دي أنحنا ناس الغرب معذورين فيها بعيدين من البحر عشان كده ممكن نصاب برهاب المياه( Hydrophobia). بالمناسبة حبيبنا عبداللطيف بكري عندو رهاب الطيران( Acrophobia) رغم إنو بيكون في الجو أكثر من وجودو في الرياض وسودانيزاونلاين
|
ياتوحا ، مشتاقون والله ، وكل عام وأنت بألف خير،،
أولا شكرا على الملاحظة العجيبة دي ، وأنا قاعد أقول للناس : قمة الشجاعة أن تركب الطائرة وأنت ترتعد من الخوف!!! ههههه،،
ثانياً : الرهاب ولى إلى غير رجعة بعد أن شهدنا رهاب من نوع آخر طريق الابيض الخرطوم ايام العيد: لا حول ولا قوة الا بالله العلي العظيم: جنس هبالة ، وكضاب أي معارض يجي يقول الشوارع والانقا> ، (حرف الدال ابونقطة ضاع مني)،، والله الشارع رهيب عديل لكن السواقين هم السبب الرئيسي في الكوراث،،
ثالثا " البروف مجيد المرة دي عرفنا جايين بمحطة (ربك) قفل العيادة وسافر الابيض وصلنا الأبيض جانا طشاش طشاش،، قلنا نوصله في ربك في طريق العودة : لقين ليك صف العيانيين حدو كوستي؟؟ معقولة بس ؟؟
حقنا تحولو لينا رصيد يابروف،،
بعداك ممكن ندخل في الجو العام للبوست،،
سلام وتحايا للجميع ، وعيد سعيد،، وفاتك عيد كارب حبيبنا الفاتح ، خلي مجدي يحكي ليك،،
| |
|
|
|
|
|
|
Re: مبالغة !!! (Re: الفاتح ميرغني)
|
Quote: ثانياً : الرهاب ولى إلى غير رجعة بعد أن شهدنا رهاب من نوع آخر طريق الابيض الخرطوم ايام العيد: لا حول ولا قوة الا بالله العلي العظيم: جنس هبالة ، وكضاب أي معارض يجي يقول الشوارع والانقا> ، (حرف الدال ابونقطة ضاع مني)،، والله الشارع رهيب عديل لكن السواقين هم السبب الرئيسي في الكوراث،،
|
سلام يا أبو خالد . يعني نقول الطيرانوفوبيا إتحول إلي زلطوفوبيا ؟ = فعلا" السواقين متهورين , لكن بعد تركيب الرادار دا عملوا حسابهم شوية ! يا ريت يرجعو لينا القطار و يريحونا( لأنه ما أظن في زول عنده قطاروفوبيا ) مودتي
| |
|
|
|
|
|
|
Re: مبالغة !!! (Re: عبدالمجيد المقابل)
|
Quote: الحضور الان بالمنتدى العام لسودانيز أون لاين دوت كوم 801 شخص » (1 )عضو و (800) زائرا
»عبدالمجيد المقابل |
كان تقفل الباب بى جوة عشان تمقلب كل العضوية, والريس زااااتو. وين بتاعين السيكيوريتى, تلقاهم مشوا يشربوا شاى عند "حليوة".
مبالغة فعلاً يا مجيد
| |
|
|
|
|
|
|
Re: مبالغة !!! (Re: عبدالله شمس الدين مصطفى)
|
Quote: وحزين إني ما قدرت اوفي بوعد النوار!.
|
حبيبنا الفاتح , عدم وفاءك بالوعد أدخلي في حرج عظيم , لأنه حسب وعدك لي فإنني قد عممت الخبر الجميل بمقدمكم الكريم,لكن البركة في أخونا عبد الطيف بكري ,أوعد فأوفي ( و إستمتع بشواءات سوف تكلفه الكثير من حبوب القاوت).. مودتي لكما
| |
|
|
|
|
|
|
Re: مبالغة !!! (Re: عبدالمجيد المقابل)
|
د. مجيد سلام كتير،
منذ مدة قدم أحد مراقبي المنبر screen print للحضور وكان ضمن تلك (الكبشره) العجيبه إسم عضوين مكرر يعني على سبيل المثال كالآتي: عبدالمجيد المقابل عبدالمجيد المقابل أحمد القرشي أحمد القرشي وبين الإسمين أسماء أعضاء آخرين أونلاين، بالطبع لا يهتم الناس بجزئية الحضور وإن فعلوا لرأيت العجائب. يعني ممكن تجد بين الحضور مايكل جاكسون
خارج المبالغات: أحمد القرشي بيفتش عليك.
| |
|
|
|
|
|
|