|
Re: اجمل عشرة اهداف سودانية شاهدتها (Re: حمزه بابكر الكوبي)
|
نرجع لمتوكل عبدالسلام متوكل مفخرتنا كشمباته وكل اللعيبه الذين انجبتهم شمبات من الذين لعبوا للقمه والذين لم يلعبوا لم يرقوا لمستواه مع احترامنا لهم وان كان كبارنا في شمبات يقولون ان متوكل لايرقي لمستوي غزالي وكابوس وعبدالعال ومحي الدين حسن طه ومحمد عثمان الهارت وهولاء جميعا لم نشاهدهم حينما كانوا يافعين ........
من غرائب الامور ان متوكل عبدالسلام في مباراه في بداية الثمنينات بين الهلال وبري فاز الهلال باربعه اهداف احرز متوكل ثلاله اهداف من الاربعه وكانت المباراه ليليه وفي نفس اليوم وفي مباراه عصريه بين شمبات وحي الضباط (ايام دوري الثانيه كان موحدا ويسمي دوري الشمس الحاره ) فازت شمبات باربعه اهداف احرز منهم خالد عبدالسلام (شقيق متوكل) ثلاثه اهداف وكان حدث غريب وتناولته الصحافه الرياضيه وقتها وكلنا كنا متعجبين من الصدفه الغريبه ..........لكن قبل سنه تقريبا زكر لي الاخ وزميلنا في المنبر مكاشفي ابن الفنان الراحل خضر بشير ابن عم متوكل وخالد عبدالسلام بشير في قصة المبارتين ديل انه كان في تحدي بين الاشقاء متوكل وخالد ....ياحليل ده زمن اخوان يخشوا في تحدي مع بعض كلوا واحد يطرش له هاتريك وفي فريقين والله ماساهلات لا بري فريق ساهل بالنسبه للهلال ولا حي الضباط والاخير والله بتزكر كان عندهم لاعب كان عباره عن فريق بحاله اسمه (تعبان) الاسم في وادي وهو في وادي لانه كان انشط لاعب في الفريقين وتنبأ له الجميع بالقمه لكنه ذهب الي المورده
يا اخي داك زمن اححححححححححححححححححححححححح
| |
|
|
|
|
|
|
Re: اجمل عشرة اهداف سودانية شاهدتها (Re: حمزه بابكر الكوبي)
|
الكوبي
Quote: لكن قبل سنه تقريبا زكر لي الاخ وزميلنا في المنبر مكاشفي ابن الفنان الراحل خضر بشير ابن عم متوكل وخالد عبدالسلام بشير |
الناحر فؤادي مولع جوفي حر === اضرم نار وجدي نسام السحر ياخي مالك علينا قبضت نفسي ونحرت فؤادي دعني اقف لحظات واترحم على صديقي (مبارك سلمان) لاعب المريخ السابق ونسيب (شنان) حارس المريخ رحمه الله رحمة واسعة اللهم ارحمه واسكنه فسيح جناتك اللهم اعفو عنه واغفر له توفي مبارك هنا في السعودية بطريقة غريبة جدا ودخلت في حاله عجيبة عندما سمعت النبا وهذا المكاشفي صاحب الصوت الجميل ابن الفنان خضر بشير لنا معه ذكريات انا والكابتن المرحوم ( مبارك سلمان )
الكوبي تأمل : ماهر ود الصول و حريري اخوان ومتوكل سند وماهر الحارس وحريري اخوان وعلي رق والضو لاعب الشعب وامين ابشر وامين كباشي شوقي عبد الحميد ( التعاون ) ومتعتي كانت تخصصي في احراز الاهداف في فرق شمبات (شمبات .. الشعب ) عندما اضربهم كنت ارقص لهم لاني في ليلتها اجالسهم السمر واكون كسبان الجلسه وطالع ليهم في الكفر
| |
|
|
|
|
|
|
Re: اجمل عشرة اهداف سودانية شاهدتها (Re: وليد عبد اللطيف)
|
كيكي + خليلو+ طارق (نطلعكم من جو جمال الكورة شويه ) والى عالم جمال ابدع الله في خلقه و اجمل مظاهرات شاهدتها في جامعة الخرطوم والهتاف يقول ويحوم ( سحر اشاعة وتسنيم في زراعة ) يقال ان سحر بنت كلية البيطرة هي اجمل فتيات جامعة الخرطوم وبلا منازع (شوف عيني حقيقة ) برضو سحر بنت زراعة دخلت برلومه جديده (شوف عيني ) تقول للقمر انزل وانا اقعد مكانك يازول بعد شويه اشوف ليك البنات والاولاد لافين في الجامعة وهتاف ( سحر اشاعة وتسنيم في زراعة ) ياخي ايام وزمن جميل ياجماعة اعفو لينا قاسمناكم السمك .. الكبده .. الحليب .. الفول
| |
|
|
|
|
|
|
Re: اجمل عشرة اهداف سودانية شاهدتها (Re: وليد عبد اللطيف)
|
ياخليل مبروك الصفحة (3) شكلك عايز تلحقنا اليوم الحار
كيكي
Quote: ويا وليد الدكتور حسين امام علم فووق راسه نيران عديدة وهو الان الخبير والاستشاري الاول للاتحاد القطري للكرة الطائرة واعتقد ايضا بانه خبير في الاتحاد الدولي بتاع الكورة الطائرة ومفخرة سودانية تمشي علي قدمين من التواضع والاريحية والاخاء السوداني الاصيل.. |
صورة المدرب القدير (حسين امام ) دي هدية مني ليك صراحة كانت ضايعة في وقتها لم اربطها لك مع التليق عنه
| |
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
Quote: ياجماعة اعفو لينا قاسمناكم السمك .. الكبده .. الحليب .. الفول |
لا عليك يا ولي بس انا يا دوبك عرفت الحليب ده بخلص سريع سريع كده لييييييييه لووووووول.. وداك زمن جميل وتعارفنا وتعلمنا من كل الاخوة الذين ياتون من خارج الجامعة وياما صرفونا ورقعونا وونوسنا
وشكرا علي صورة الضليع حسين امام وبحاول باذن الله اديهو خبرية يتابع البوست ده.. ___________ والبوست دفر للصحفة الثالثة ولكن بصراحة كورتو بقت علي الواقف زي كورة عمكم كمبا لمن جلكن خلااااااااص...
| |
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
Quote: من غرائب الامور ان متوكل عبدالسلام في مباراه في بداية الثمنينات بين الهلال وبري فاز الهلال باربعه اهداف احرز متوكل ثلاله اهداف من الاربعه وكانت المباراه ليليه وفي نفس اليوم وفي مباراه عصريه بين شمبات وحي الضباط (ايام دوري الثانيه كان موحدا ويسمي دوري الشمس الحاره ) فازت شمبات باربعه اهداف احرز منهم خالد عبدالسلام (شقيق متوكل) ثلاثه اهداف وكان حدث غريب وتناولته الصحافه الرياضيه وقتها وكلنا كنا متعجبين من الصدفه الغريبه ..........لكن قبل سنه تقريبا زكر لي الاخ وزميلنا في المنبر مكاشفي ابن الفنان الراحل خضر بشير ابن عم متوكل وخالد عبدالسلام بشير في قصة المبارتين ديل انه كان في تحدي بين الاشقاء متوكل وخالد ....ياحليل ده زمن اخوان يخشوا في تحدي مع بعض كلوا واحد يطرش له هاتريك وفي فريقين والله ماساهلات لا بري فريق ساهل بالنسبه للهلال ولا حي الضباط والاخير والله بتزكر كان عندهم لاعب كان عباره عن فريق بحاله اسمه (تعبان) الاسم في وادي وهو في وادي لانه كان انشط لاعب في الفريقين وتنبأ له الجميع بالقمه لكنه ذهب الي المورده |
يا سسلام يا الكوبي علي امطار الذكريات لمن تهطل ياخي.. ومتوكل عبدالسلام كان احسن زول بتتراح ليهو لمن يمسك كورة في هلال -مريخ
| |
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
البوست يا وليد والكوبي وطارق فيهو مراجعات كثيرة ياخي وكل مداخلة فيها الكثير من الذي يجب ان يقال فيها
وياسسسسسلام يا وليد علي مهارات وفنيات الزول الاسمو فريني ده ياخي.. زدنا ياخي عن سير واخبار الزول الفنان ده .. وين حسسسسسع وبلعب ويييين فهذا اللاعب ثروة قومية وحرفتنو دي لو في اروبا كان قدونا بيها الخواجات ديل فبالله زدنا عن فريني ده
| |
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
خليل
Quote: لاعبو الارتكاز
اعظمهم شرف احمد موسي
واجملهم فيصل عصبة
واحرفهم عادل العوني
والاكثر جهدا منقستو
واجسرهم جمال ابوعنجة
واخشنهم بدر الدين بخيت |
ياخي دا كلام مدربين راسو عديل وفزلكة لذيذه ومرتبة صاح ياخي هيجتم اشجانا بجمال ابوعنجة وذكرتني امتع تكريم للاخ اسامه سكسك في نادي الاسرة الخرطوم وجمال ابوعنجة من ضمن فريق البنك الزراعي وابو السكاسك شوط معنا وشوط معهم وتقدم الحضور الريس عبد المجيد منصور (الهلال ) جمال ابوعنجه : اجاد ابو السكاسك : امتع فايز نصر الدين:اثبت انه كبير وليد عبد اللطيف: يصفق في الملعب
Quote: وياسسسسسلام يا وليد علي مهارات وفنيات الزول الاسمو فريني ده ياخي.. زدنا ياخي عن سير واخبار الزول الفنان ده .. وين حسسسسسع وبلعب ويييين |
يدلعونه( فرو ) لعب للتحرير وتركته في السودان وقال انه متجه هلال بورتسودان ولوكنت في السودان كنت لان اتركة يضيع ويعيش عدم استقرار كروي وعدم انضباط حسب البيئة التي يحيط بها لان هذا اللاعب صغير السن وسبق تحدثت مع هيثم السعودي بالابتعاد عنه كما تعلم هيثم زول فنان وعازف وبتاع سهر اي شريط جلسة (قعدة) تجد بهة هيثم وفريني المشكلة ياكيكي نحن مابنعرف نحترم كرة القدم لذلك كنت احترم (منقستو لاعب الهلال ) كيكي
Quote: وحرفتنو دي لو في اروبا كان قدونا بيها الخواجات ديل
|
ياخي عندي حاجات قاعد استمتع بيهاالان نزل لي ايميلك اباصيها ليك لاني لم استطيع انزالها هنا والعبها لمن تحب
| |
|
|
|
|
|
|
Re: اجمل عشرة اهداف سودانية شاهدتها (Re: وليد عبد اللطيف)
|
Quote: ياخي عندي حاجات قاعد استمتع بيهاالان نزل لي ايميلك اباصيها ليك لاني لم استطيع انزالها هنا والعبها لمن تحب |
هلا يا وليد [email protected] وفرو ده ياخي ضروري ينضبط ويمشي دغري حتي ولو بالبوليس لووول لانو ياخي ثروة وموهبة فنانة دون شك وحرااام ياخي تضيع في مساككة المزازيك والليالي الملاح وهو زول حريف بموهبة نادرة علي مستوي العالم.. ولو في اي طريقة بنقدر نعملهم مستعدين ياوليد وزول زي ده ياخي حرااام يعبر سااااااكت كده دونما يخت بصماته علي الكرة السودانية وينفع ياخي علي الاقل فريقنا القومي الضاربو سمير ده...
وجايييك يا ابو خليل برضو للعيبة الارتكاز عامل هديتك السمحة دي
| |
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
كيكي
Quote: ولو في اي طريقة بنقدر نعملهم مستعدين ياوليد وزول زي ده ياخي حرااام يعبر سااااااكت كده دونما يخت بصماته علي الكرة السودانية وينفع ياخي علي الاقل فريقنا القومي الضاربو سمير ده... |
ما بتقصر ياكيكي وفكرتي عند العودة سوف احاول اقناعة وارساله اقلاها الى قطر حيث ذهب من عندنا ماجد من ملاعب جده الى منتخب قطر المهم طبعا يوجد خالد حلبي وكدوس في قطر وسوف نرتب مع بعض بأذن الله لان كما قلت حرام موهبة مثل هذه بتضيع
الكوتش خليل
Quote: ايهما احرف
رشيد المهدية ام فائز نصر الدين
يا وليد
ولكن افضل لاعب ارتكاز مر علي السودان
هو بلاشك عادل امين |
سؤال كبير وبلا شك الرشيد المهدية هو الافضل تعرف ياخليل كم تمنيت اللعب بجوار هذا النجم الكبير وعندما عاد الرشيد من مصر تقريبا في عام 85م كنا بنتمرن تمرين مشترك الاشبال مع الفريق الاول وكان التمرين ساعة وبعدها خرجنا وجلسناخارجا وودعت ياسر ابوورقة وفايز نصرالدين وجلست لمشاهدة هذا النجم ولعبوا بعض اللاعبين مباراة مع الخرطوم تلاته بقيادة (رشيد المهدية ) لرفع معدل لياقتهم وكنا جلوس في الخارج اسامه الثغر ويور ومجموعة وجمجرة شديدة بس قول ماذا فعل هذا الرشيد في تلك المباراه وبعدها انتقلت انا الى نادي الاتحاد البحراوي ودخل كابتن الرشيد في مشاكل مع الادارة حول الكبتنية وترك اللعب
عادل امين ياخليل ياهندسة عادل امين مهندس وسط ويعتبر افضل من يربط خطوط الملعب الدفاع مع الهجوم ويكون له القلب النابض بلمساته وحركته في كلتا الحالتين في حالة الهجوم والدفاع ياخي دا (بابا نويل الكرة السودانية) اذا لعبت بجواره لاتحتاس في ماذا تفعل يالله ياخليل يالله ياخي لاانسى عندما صعدنابنادي الرابطة للدرجة الاولى طالبو النجوم بأن العب معهم ولبينا رغبتهم ووقتها الخزين بالميكرفون يهتف ويقول نقش نقش نقش حنه بس لما نقدمه من تمريرات شخصي الضعيف ومهندسها عادل امين وتدبيل باصات لاانساها ياخي لما تلعب مع واحد زي عادل امين الواحد بيتسلطن ويبقى زي المجنون ويحاول يخرج كل ماعنده ياخليل عزبتننننننننننننننننننننننننننا
------------- 1- ياجماعة طارق الكوتش وين 2- معليش الواحد لما يكبر بتمها كلام وونسه
| |
|
|
|
|
|
|
Re: اجمل عشرة اهداف سودانية شاهدتها (Re: وليد عبد اللطيف)
|
كيكي + خليل
Quote: البوست يا وليد والكوبي وطارق فيهو مراجعات كثيرة ياخي وكل مداخلة فيها الكثير من الذي يجب ان يقال فيها
|
دا كلام سليم وانا ملاحظ ذلك توجد اسماء يجب ان نقف عندها وتأخذ حقها كما فعل كيكي مع طارق احمد ادم ومنقستو
Quote: والبوست دفر للصحفة الثالثة ولكن بصراحة كورتو بقت علي الواقف زي كورة عمكم كمبا لمن جلكن خلااااااااص...
|
كمبا .. كبري .. ترتار (ياسلالالالالالالالالالالالالالالالالالالالالالام) البوست جميل بس عايزين مشاركات يعني مامكن اكون انا مستلم البوست نقه من طرفي لان صراحة مداخلات الاخوان عجبتني جدا جدا بل تعمل تحفيز الذاكرة لان الونسه في كرة القدم لم تخلص وقبل كل هذا نريد ان نلقي الضو على بعض النجوم
| |
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
هلا بالشبيبة عطبرة واخوكم علي مرمي كلك من البوست اللذيذ تفاحو ده ولكن اليوم كانت زنقة بوبي في طاحون.. وساعود ولكن من اجل عادل امين الذي وضعه وليد بالفنيلة الحمراء الفاقع لونها التي كانت لاتسر الناظرين الهلالاب فعادل امين ياخي صعب المراس وزول لعاب وراسو قووووووي وبصراحة بصراحة بخوف
| |
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
Quote: الناحر فؤادي مولع جوفي حر === اضرم نار وجدي نسام السحر ياخي مالك علينا قبضت نفسي ونحرت فؤادي دعني اقف لحظات واترحم على صديقي (مبارك سلمان) لاعب المريخ السابق ونسيب (شنان) حارس المريخ رحمه الله رحمة واسعة اللهم ارحمه واسكنه فسيح جناتك اللهم اعفو عنه واغفر له توفي مبارك هنا في السعودية بطريقة غريبة جدا ودخلت في حاله عجيبة عندما سمعت النبا وهذا المكاشفي صاحب الصوت الجميل ابن الفنان خضر بشير لنا معه ذكريات انا والكابتن المرحوم ( مبارك سلمان )
|
ولي الحبيب رحم الله المدافع الجسور مبارك سلمان (بُل) الذي غيبه الموت فجاءه وبالمناسبه شقيقه الراحل نصرالدين كان ايضا من اميز المدافعين (وهو من الجيل الذي لم نراه)
Quote: الكوبي تأمل : ماهر ود الصول و حريري اخوان ومتوكل سند وماهر الحارس وحريري اخوان وعلي رق والضو لاعب الشعب وامين ابشر وامين كباشي شوقي عبد الحميد ( التعاون ) ومتعتي كانت تخصصي في احراز الاهداف في فرق شمبات (شمبات .. الشعب ) عندما اضربهم كنت ارقص لهم لاني في ليلتها اجالسهم السمر واكون كسبان الجلسه وطالع ليهم في الكفر |
الزكرتهم ديل فلذات الاكباد وضيف لهم اللاعب الخلوق معاويه حسن وكذلك النذير بعدين متين غلبتهم .......ماتخمنا ساكت
| |
|
|
|
|
|
|
Re: اجمل عشرة اهداف سودانية شاهدتها (Re: وليد عبد اللطيف)
|
Quote: تفضل ياعماد واتحف بوست ( خليل ) من ذكريات كرة القدم ونجومها |
متابعين بمتعة شديدة هذا البوست المترع بذكريات الزمن
الجميل والمصاغة باسلوب سلس ومبسط يشد انتباه القارئ
وبرجع ليكم بصور لبعض اللاعبين تم الإشارة لهم لكي تكتمل
الروعة هنا ..
التحية لخليل وزواره الاكارم وشكرآ أخي وليد عبداللطيف .
| |
|
|
|
|
|
|
Re: اجمل عشرة اهداف سودانية شاهدتها (Re: Emad Ahmed)
|
هلا يا كورة وشايف ماشاء الله الكباتن عماد هطل في الملعب ويبدو انو احنا موعودين بون توهات وباصات ثلاثية ورباعية في حضور الكوبي وعماد والمايسترو العجيب وليد...
___________ الصورة دي يا الكوبي لمن نزلت كل مرة بجي بدق فيها وبعمل تكس ترجع..وزولا بتعرفو ومرة عرفتو تربط وفجاة كده تطير من الراس لحدي ما المعلمين عماد ووليد اتونا بالخبر اليقين... ياخي الذاكرة بقت خربة والغربة الملعونة جننت الذاكرة جنون قبورة.. في احدي اجازاتي وبالليل كده كنت متحاوم في سوق مدني بالمساء وفجاة اسمع ليك كواريك وصياح فرح في كراكير السوق وناس بتقول قووووووووون...!! اها مشيت علي اقرب حتة فيها رادي ولمة بتاعة ناس,,,وسالتهم عن الكورة (منو ومنو)...!! تخيل قالوا لي الكورة هلال -مريخ..!! وفجاة حسيت بالفجيعة والغربة والضياع الكروي هلال مريخ دي زمان ولحدي 1999 بتكون مجهز ليها قبل شهرين ونص وتتراجف زي صحن الكاسترد وتغالط زي عشرمية مريخابي.. نجي اخر الزمن الهلال والمريخ تكون مدورة واحنا اخر من يعلم.. غربة فرندقس يا كباتن... غربة فرندقس والله
| |
|
|
|
|
|
| |