رأفت ميلاد ...

مقدما وقبل يناير سبعة




ere nak

تحياتي الحبيب اشرف

زولك خاتي حفيده قدامه وبمزمز بالعنبلوق لحدي يوم 7 يناير

ماخلاص بقي ارباب معاشات ماعنده حاجة يعملها احسن ليهو بيبي ستر

ارجا الراجيك انت وتامزين يوم سبعة ده انا معاكم كترو الشطوط

شكرا اشرف نتمني من الله ان يعم العالم السلام والمحبة

لك كثير احتراماتي ومحبتي وودادي

عماد تصل بالسلامة

لكن إلا تجيب شطتك معاك للضمان كدة

Quote: زولك خاتي حفيده قدامه وبمزمز بالعنبلوق لحدي يوم 7 يناير ماخلاص بقي ارباب معاشات ماعنده حاجة يعملها احسن ليهو بيبي ستر ارجا الراجيك انت وتامزين يوم سبعة ده انا معاكم كترو الشطوط

سلامات يا عمدة وكل سنة وأنت طيب
أول حاجة ما فقدتنى فى العيد ليه وضربت تسأل .. غايتو كان عندى زوار عزاز وقلت ليهم العمدة بضرب .. بس طلعت أى كلام كدة..

غايتو طالما مطمأنين على المرة والأولاد أنت ما مهم ..

أها يوم سبعة بجى ونشوف رجالة شق التلج دى هههههه

مشتاقين ياخ بقيت زى الفى بلد تانية

تحياتي الحبيب اشرف

زولك خاتي حفيده قدامه وبمزمز بالعنبلوق لحدي يوم 7 يناير

ماخلاص بقي ارباب معاشات ماعنده حاجة يعملها احسن ليهو بيبي ستر

ارجا الراجيك انت وتامزين يوم سبعة ده انا معاكم كترو الشطوط

شكرا اشرف نتمني من الله ان يعم العالم السلام والمحبة

لك كثير احتراماتي ومحبتي وودادي

فرصه الواحد اقول للعذيذ الغالى رأفت ميلاد ...

كل سنه انت والاسره طيبين

ويارأفت مختفى تماما طمئنا عليك

وشكرا كتير الاخ

ASHRAF TAHA

الاعزاء الحلوين كل سنة وانتو ورافت بخير

هو الان معاى فى الاسكيبى وبيسلم عليكم وبقول ليكم

تسلموا كلكم

وهو ممسكينو البيبى وشغال سواق الهانم

سلامات يا أشرف وتعود الأيام بالصحة والسلامة

شكراً لأمينة النبهتنى ..

والله يا أشرف موت سمدنل دخل علىّ شديد وأعتكفت .. حتى بوست التهنئة بتاع فيصل ما قدرت أرجع ليهو

كيفك يا أشرف ومشتاقين والله ليك وللأيام السمحة

عماد ده قول ليهو يوم 7 مسافرين .. ياخ يوم 7 عيد ميلادو ويستغل ظروف العيد ويعيد على حسابنا .. ياخ كمل سكرنا

كل سنة وانت بالف خير اخي العزيز رافت ميلاد ..

Quote: كل سنة وانت بالف خير اخي العزيز رافت ميلاد ..

تسلم أيامك الحبيب بهاء
كل سنة وأنت طيب والأهل بخير ..

أيامكم المضيافة الجميلة لازالت تنير قلوبنا ..

تحياتى للجميع ..

كلما اتذكر أشرف أو رأفت ، أرجع السودان طوالي ،، ليه ما عارف.
رغم إنو رأفت ما لاقيتو في السودان أيام السودان سودان
وأشرف بحكم انو اتربينا في حلة واحدة
فحاجاتنا المشتركة كتيرة، وهناك ذكريات وذكريات ..
من أول أمبارح وأنا بالي (مساسق ) بين الديم ونادي الخرطوم..

وقتها كنا دون السن القانونية ، لذا فقد كنت أطلب من خالي أبو السيد وأستأذنه
في أن يدبر لي أربعة كراسي في نادي الخرطوم ، حيث تعود هو أن يقضى حفل الكريسماس هناك ..
كانت الكراسي بالارقام ولا مجال ( للضهب ) !!
ليلى المغربي هي عريف ومقدم فقرات الحفل
الفنانين كانوا ناس ترباس ، وعبدالعزيز المبارك وشرحبيل ، ومحمد ميرغني وود الأمين وغيرهم كثر
الحفل ينظمه ( عبده زمان ) أشهر منظّم حفلات في الخرطوم ( زمانئذٍ)..
العشاء مشترك بين حمدي القوصي ، ومحمد سيد (الله يرحمه) شقيق عبده زمان ، أخطر من يظبوا عشاء رسمي وحلويات..
البينظم حركة المرور بره ، رتبتو ما بتقل عن عقيد شرطة
ومرة شوف عيني كان بينظم الحركة اللواء محمد عبدالجبار مدير الشرطة الخرطوم وقتها ..
نبتهج ، ونرقص ، ونضحك ، ونتونس، ونغني ، و قلوبنا كما اللبن الحليب، ونفوسنا أصفى من الماء الزلال
ناس عايشين بدون أي منغصات ، علي كيفنا..
كنا نبرمج للكريسماس زي ما بنبرمج لرأس السنة أو عيد الفطر ، أو شم النسيم ، أو عيد الأضحي
أو حتى حولية السيد علي بمحطة الغالي !!
ونتبادل التهاني مع الجميع ، مسيحي واللا مسلم واللا لو كنت شنو زاتو
هي أعيادنا البنعرفها من ما قمنا، لقينا أهلنا بتحتفل وتفرح بيها وتتبادل فيها التهاني ..
ده السودان البنعرفوا ، وما عايزين نعرف غيرو
سودانهم ده نحن منه براء ، لا بيشبهنا ولا بنشبهوا
ح نكون كده لافين بره ، لغاية ما يرجع لينا سوداننا ، أو نرجع ليهو في صناديق..

رأفت ، أشرف ،كل سنة وانتو طيبين ، وربنا يحقق الأمنيات ..

العزيز اشرف وضيوفه تحايا ومحبة , الصديق رأفت مقدما كده عيد سعيد وكل امانيكم محققة
باذن الله , شوف يا رأفت مسافر ما مسافر ما عندنا معاك شغلة , خت لينا حق العنبلوق وسوق
الحاجة دى واتخارجو , كل سنة شابكنا انا مسافر أنا مسافر كترتها ياخ .

صلاح عبدالله ياسلام ذكرتنا ايام الصفاء والنقاء

والحب العزري ...يااخ مااجمل تلك الايام

ليتها تعود ولن تعود ...

بختك ياتامزين عملت ليك سواق !!!

قلت مسافر يوم العيد !!! طيب الوليد ده بمسكو منو؟؟؟

انا اصلو راجع يوم 7 ..يوم عيد ميلادي ..

ياخلي والله سمندل مسخ علينا الدنيا نعمل شنو ؟؟دي ارادة الله ان يتركنا

ويذهب ربنا يرحمه ويحسن اليه ...

الرجل الفاضل رافت ميلاد كل سنه وانت طيب ياخي والسنه الجايه انشاء الله زي ماعاوز
نتمني ليك كل التتمناه يارب ابقي اظهرياخي مره مره علي المنبر

محاسن أحمد محمد

امينة عيسى

تحية طيبة

اوووووووووه ابن خالتي شخصيا انا قلت بوسطيي ده ما حيصلك لكن قلت للضمان كدة اهني يمكن تمر وشكرا لامينة .. ياخي شوق شديد وعيد مجيد

يا صلاح يا صلاح يا حرف العين

صلاح عبد الله ود الجيران تبرا من الصندوق يا يابا .. والله يا صلاح يوم الجمعة الفاتت دي انقر اتذكرت ليك شنو؟ النقعة والدنيا حظر

تجول والمغنى السنين والمساسقة بالحيط غايتو بس الله غالب ... وقطركم (دي) قالو فتحت عن بركة ابيها !

وووين النادي العربي والكاثوليكي والايطالي والليطاني :D

وحسكنيت ترب فاروق

والترتر المنظوم بعلب الـ KENT

اه يا نورة اه

جدو رأفت
التحايا والاشواق
وكل عام وأنتم بالف خير
تحياتنا لافراد أسرتكم الكريمه
وشكرا أخ أشرف
وكل عام وأنتم بخير

سلام يا رأفت وكل سنه وانت والاسره بالف خير

Quote: كلما اتذكر أشرف أو رأفت ، أرجع السودان طوالي ،، ليه ما عارف. رغم إنو رأفت ما لاقيتو في السودان أيام السودان سودان وأشرف بحكم انو اتربينا في حلة واحدة فحاجاتنا المشتركة كتيرة، وهناك ذكريات وذكريات .. من أول أمبارح وأنا بالي (مساسق ) بين الديم ونادي الخرطوم.. وقتها كنا دون السن القانونية ، لذا فقد كنت أطلب من خالي أبو السيد وأستأذنه في أن يدبر لي أربعة كراسي في نادي الخرطوم ، حيث تعود هو أن يقضى حفل الكريسماس هناك .. كانت الكراسي بالارقام ولا مجال ( للضهب ) !! ليلى المغربي هي عريف ومقدم فقرات الحفل الفنانين كانوا ناس ترباس ، وعبدالعزيز المبارك وشرحبيل ، ومحمد ميرغني وود الأمين وغيرهم كثر الحفل ينظمه ( عبده زمان ) أشهر منظّم حفلات في الخرطوم ( زمانئذٍ).. العشاء مشترك بين حمدي القوصي ، ومحمد سيد (الله يرحمه) شقيق عبده زمان ، أخطر من يظبوا عشاء رسمي وحلويات.. البينظم حركة المرور بره ، رتبتو ما بتقل عن عقيد شرطة ومرة شوف عيني كان بينظم الحركة اللواء محمد عبدالجبار مدير الشرطة الخرطوم وقتها .. نبتهج ، ونرقص ، ونضحك ، ونتونس، ونغني ، و قلوبنا كما اللبن الحليب، ونفوسنا أصفى من الماء الزلال ناس عايشين بدون أي منغصات ، علي كيفنا.. كنا نبرمج للكريسماس زي ما بنبرمج لرأس السنة أو عيد الفطر ، أو شم النسيم ، أو عيد الأضحي أو حتى حولية السيد علي بمحطة الغالي !! ونتبادل التهاني مع الجميع ، مسيحي واللا مسلم واللا لو كنت شنو زاتو هي أعيادنا البنعرفها من ما قمنا، لقينا أهلنا بتحتفل وتفرح بيها وتتبادل فيها التهاني .. ده السودان البنعرفوا ، وما عايزين نعرف غيرو سودانهم ده نحن منه براء ، لا بيشبهنا ولا بنشبهوا ح نكون كده لافين بره ، لغاية ما يرجع لينا سوداننا ، أو نرجع ليهو في صناديق.. رأفت ، أشرف ،كل سنة وانتو طيبين ، وربنا يحقق الأمنيات ..

غايتو يا صلاح بتبرد قلبى بريد .. والله أنا ذاتى مرات بقيت أحس يا ربى أنا كنت فى السودان ده يوم من الأيام .. لامن أشوف أشكالم وخطبم فى التلفزيون .. قصص البلد ودق البنات بالسوط وكمية الحاصل والإنفصال .. بحس زى الكنت فى غيبوبة وصحيت ..
لامن أقرا كلامك ده يا صلاح بشم ريحة الزبالة لامن المطرة تنزل .. وبتذكر سوق الديم .. وتجينى ريحة الكوارع عند خالتك على أبو حمامة .. وأمنيتى بقت فى مشوار للشجرة أرجع بى بلطى فرش

أذيك يا صلاح وكيف أخبارك وحالك .. والله شوق قدر الليلة وبكرة

Quote: فرصه الواحد اقول للعذيذ الغالى رأفت ميلاد ... كل سنه انت والاسره طيبين ويارأفت مختفى تماما طمئنا عليك وشكرا كتير الاخ

لكن يا سونا مشتاقين وأخبارك أتقطعت ياخ

مشتاقين وكل سنة وأنتى طيبة والأهل كلهم بخير وعافية ..

ياخ ما تقطعى ياخ

تحياتى للوليدات

اشرف ورأفت وعماد وصلاح ومحاسن
كل عام وجميعكم بخير.



حليل الكريسمس وحليل الفصح وحليل السودان كله.
حليل يا رافت ناس خالتي رفقة بهجة واخونها منير واسطفانوس
وبهيه واجمل اكلة فسيخ!


البركه في حفيدك يا رأفت لم يترك لنا شيئا...لنفرح به.
ربنا يكضب الشينه.

تحية طيبة
يا رافت ميلاد
واعيادكم في يناير لكن برضو نقول ليك ميري كريسماس

عيد سعيد