الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
Quote: وليد محمد المبارك عرفنا العسكري الجلد البنية ثقافة محدودة واحتمال يكون فاقد تربوي .. اها اساطين الثقافة ناشري الفلم بدون اذن او موافقة صاحبته ديل نلقى ليهم تبرير وين ؟!
نقول يا جماعة الكلام ده اقسى من الجلد ما تنشروا .. الا بعد موافقة ومباركة صاحبة الشأن يقولوا ليك ما لقيناه في اليوتيوب
طيب جايبنوا هنا ليه ؟
يعني خلاص لقيتو في اليوتيب ده بديك الحق تشنع بباقي سمعت البت دي وتقرض باقيها
يتبرع واحد ارعن يقول ليك .. نخارجها بره البلد حالا
اها الجماعة الباقين ديل ابوها .. امها .. اخوانها .. اخواتها .. اعمامها .. عماتها ... خيلانها ... خالاتها ... اولادها لو عندها .. بناتها ... اولاد خالات .. بنات خلاتها .. اولاد عماتها .. بنات عماتها ... اولاد خيلانها .. بنات خيلانها ... اولا اعمامها .. بنات اعمامها .. جدها .. حبوبتها .. اولاد حلتها
ديل برضو بعد ما شهرتو بي سمعت بتهم اكتر من ناس النظام العام ذات نفسه ... حا تخارجوهم برضو ؟
الغريبة في كم قانوني وكم ناشط بتاع حقوق انسان
نسى انو البت دي انسان واتعامل معاها على اساس انها( فلم جلد ) يستخدم ضد النظام .. اتعامل معاها على اساس انها نقطة قوية تجاه الانقاذ
اما هي كانسان مفروض يحافظ على حقوقها باعتبار انها المتضرر الاول
ولا شغالين بيها الشغلة
نقول يا جماعة اسالوها يمكن تكون ما موافقة على الكلام البتعملوا فيه ده يقول ليك واحد جاهل خليها تفتح فينا بلاغ
مسكينة يا بنية حا تنجلدي باقي عمرك ده كله
شاحد الله أي واحد شهر بالبت ده وما فكر في مشاعرها .. ما فكر في رغبتها .. ما فكر في احساسها من نشهر هذا الفلم يشوف الحصل ليها في روحو في بتو في اختو عشان حا يعرف ساعتها .. السترة حاجة ما هينة ولاها مقبولة في ميزان كسب النقاط (الحكومة والمعارضة )
عالم بيض الكيزان زاتهم شوية عليكم |
فى ساعه غضبى هذه افضل ان لا ارد على عليك حتى لا اتضطر الى الاعتذار اليك لاحقاً........ولكنن ى اتى هنا لادعوا الجميع الى تجاهل هذا البوست
الناس فى شنو وانت فى شنو...ام هى سياسه التشتيت
====== تحياتى ياخ
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: محمد زكريا)
|
Quote: فى ساعه غضبى هذه افضل ان لا ارد على عليك حتى لا اتضطر الى الاعتذار اليك لاحقاً........ولكنن ى اتى هنا لادعوا الجميع الى تجاهل هذا البوست
الناس فى شنو وانت فى شنو...ام هى سياسه التشتيت |
ستعتذر يا زكريا
بكره حا تجيك ردود افعال اسرة الفتاة وحينها ستعتذر احتمال ما تتجرا وتفتح بوست تعتذر فيه
لكن حا تخجل من نفسك
الناس في شنو انا اوريك الناس في انها لقت ليها نقطة ضد الانقاذ
انا في شنو برضو اوريك انا في المسكينة الانجلدت في الكبجاب وانجلد في اليوتيوب وامجلدت هنا في اون لاين
اها يا ابو خليك في تركيزك على الهدف وانشر فلم البنية دي ورسلو لي كم صديق وكم قناة اخبارية ما هي ما قريبتك ولا بتعرفها هي عبارة عن فلم في اليوتيب ما اكتر ولا اقل
وخليني انا في تشتيت الكورة
_____________
خالص التحايا يا ابو الزيك
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
والله ياوليد وجهة نظرك مقدره من ناحيه
لكن من ناحيه تانيه يعني من وجهة نظري
مابهم البت دي منو
المهم الشي الحصل والممكن يحصل لي اي بت سودانيه
الاعلام الغربي بتعامل مع الاشياء دي بصوره غير الصوره الضيقه
الانتا اتعاملتا بيها مع الموضوع من ناحيه
الناحيه التانيه عشان الناس تضع حد للممارسات الغير اخلاقيه
لناس النظام العام بتقوم تتجاوز حتة الخصوصيه دي تماما
لانو المسأله ذي ماذكرت ليك سابقا انها ممكن يوم تطال
اقرب الناس ليك وبدون اي مبرر
ثالثا البت دي ملامحا ماكانت واضحه ولا اسمها ولا اسم عائلتها
كت اوت :
ابشرك انو الخبر نزل في القناة الانجليزيه الرابعه وبالفيديو
ولسه حينزل في قنوات تانيه كثيره
وبعدين دايما شايفك بتتسقط البوستات وتقوم تفتح ليك بوست للفت الانتباه لوجهة نظرك
او تشتيت الجهود , ماعارف الحاجه دي مردها لشنو ؟ ممكن تنورنا
الى كل الاعلاميين الشرفاء ارسال هذا الفيديو لكل القنوات العالميه والمحليه
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: خضر الطيب)
|
مرحب خضر
Quote: وبعدين دايما شايفك بتتسقط البوستات وتقوم تفتح ليك بوست للفت الانتباه لوجهة نظرك
او تشتيت الجهود , ماعارف الحاجه دي مردها لشنو ؟ ممكن تنورنا |
عارف يا خضر مشيت عديت البوستات المفتوحة في الامر ده لقيتهم ملتون
قلت يا الله الناس دي كلها عندها الحق تفتح بوستات الا انا ده ؟! مفروض وكت اجي افتح بوست اشاور خضر ولا كيف يعني ؟
اشمعنى كل الناس الفتحوا ديل ما سالتهم سالك ده
بالنسبة لتشتيت الجهود الجهد المبزول من قبلكم اساسا انا ما كنت مساهم فيه فكيف اكون مشتتو انت جهدك في وادي وانا جهدي في وادي تاني
Quote: ابشرك انو الخبر نزل في القناة الانجليزيه الرابعه وبالفيديو
ولسه حينزل في قنوات تانيه كثيره |
لا امك الا اني اقول ليك امر مؤسف ان يتم ذلك بدون سوال البنية
واتمنى صاقا يا خضر انها تبارك الامر ده .. وتعتبره نقطه في صالحها لانه لو طلع انها ضد الامر ده
ما عارف اقول شنو غايتو الله يكون في عونها
واكرر امنتي كل من تحمس في امر نشهر هذا الفديو وفي حالة انه يكون ضد رغبتها
اتمنى انه يمروا بنفس التجربة في قريبا ليهم عشان حا يعرف حينها حماسه ده عن مبدا ولا عشان البت ما بتقرب ليه
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Maawya Hussein)
|
Quote: الخلاني اشكك يا وليد في عملية الجلد دي ..انو في كم عسكري شايل سوط وبجلد في البنيه وانو الجلد كان همجي وبدون عدد محدد (حسب المفروض لو كان الجلد في حالة زنا ) وبعدين في الجلد الحدي المعاقب بيكون واقف والمنفذ واحد وبيعد بي صوت عالي ..وما تنسي انو في قاضي واقف !! |
انا تابعت الجلد لحدي ما الفلم انتهى هم 23 جلده احتمال يكون في جلده وكت العسكرى غطا الكاميرا طيب وكت هو ما جلد حق زينا شابكنا وليشهد عذابهما طائفة من المسلمين ليه ؟
عموما في المشاكل الجلد 10 جلدات انا مجربهم
اكتر من 20 جلده ده خلاف حد ما اظن في
تسلم معاوية
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Maawya Hussein)
|
الاخ وليد ان الذي رأيناه لا يمت للانسانية بصلة .... ماهذه العقلية العبقرية الطالبنية التفخيخية وما هذا الابداع المتفرد والعزف الاسود الاخرق ومن هو المسؤول ولماذا فعلوا مافعلوا ولماذا في هذا الوقت الذي تشفق فيه حتي الجبال الراسيات من المصير الذي ينتظر السودان ومن هو عدو نفسه والبلاد الذي احتفي وصور وسرب هذه القنبلة الارتدادية التي عبرت الحدود والافاق واستقرت حيث استقرت ومنها ستسود اطنان من الصحائف وستبني عليها الكثير من المواقف وفوق هذا وذاك الا يعرف اولياء امر هذه الامة المنكوبة ان التعجل في العقوبة قد تحولها الي مايشبه الانتقام في عمل لايتفق مع مقاصد الشريعة ولا الاعراف الكريمة وتصرف احمق لم يراعي الظرف الذي تمر به البلاد والاختناق المعيشي والاقتصادي الذي يعيشه الناس وقديما قالوا لافضيلة مع الجوع واينما ذهب الفقر الي بلد قال الكفر خذني معك الكفر بكل توابعة يستوطن البلد التي ينعدم فيها العدل والرحمة..صرخات هذه المسكينة لن تضيع ادراج الرياح وحسبنا الله ونعم الوكيل http://www.youtube.com/watch?v=Piu7D1sYuxU
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
الاخ وليد انتا ما خد الموضوع دا من ناحية غريبة شوية وهي (الخصوصية) واقول ليك كل هذه الناس البتكتب وتنشر الفيديو دا متألمين جدا جدا ليه؟ لانو بلدنا وصلت للحضيض والانسان اصبح ما عندو كرامة ولا قيمة ومش ممكن الحصل للبت دي يحصل لاختي او امي اوخالتي وعمتي ولبنتي ولجاري ولي انا ذاتو وليك انت ولا ما ممكن يحصل؟ وعايز الناس تضاير الموضوع دا وتسكت عليهو بحجة (الخصوصية) !! يا أخي ما حدث للبنت دي صادم ووحشي ولا انساني .. يعني يا وليد ناخد منها (اذن) للوقوف في وجه الظلم والغطرسة دي؟ نسكت على عمايل الكيزان ووس خ ه م بحجة الخصوصية؟ منطقك غريب جدا.. تعرف يا وليد نحن ظالمين اهلنا الحسانية والله.. لك الود..
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: BAKTASH)
|
Quote: الاخ وليد انتا ما خد الموضوع دا من ناحية غريبة شوية وهي (الخصوصية) واقول ليك كل هذه الناس البتكتب وتنشر الفيديو دا متألمين جدا جدا ليه؟ لانو بلدنا وصلت للحضيض والانسان اصبح ما عندو كرامة ولا قيمة ومش ممكن الحصل للبت دي يحصل لاختي او امي اوخالتي وعمتي ولبنتي ولجاري ولي انا ذاتو وليك انت ولا ما ممكن يحصل؟ وعايز الناس تضاير الموضوع دا وتسكت عليهو بحجة (الخصوصية) !! يا أخي ما حدث للبنت دي صادم ووحشي ولا انساني .. يعني يا وليد ناخد منها (اذن) للوقوف في وجه الظلم والغطرسة دي؟ نسكت على عمايل الكيزان ووس خ ه م بحجة الخصوصية؟ منطقك غريب جدا.. تعرف يا وليد نحن ظالمين اهلنا الحسانية والله.. لك الود.. |
مرحب بوكتاش
لالا ماتسكت ولا تاخد منها اذن في الوقوف في وجه الغطرسة
اخد منها اذن في عرض الفلم الفيه هي
او غطي صورتها شوش عليها قبل ما تنشر الفلم
هسع لو البت طلعت ما موافقه على نشر فلمها ده موقفك بكون شنو يا بوكتاش ؟!
خالص الموده
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
يا وليد ...
أولاً وينك يوم كنت مفروض تجينى .... حرّقت روحى وسفّرتنى من البلد زعلان ...
تانياً جنس الحاجات البتحصل والواحد فى الغربة دى البتندّم الزول على السفر وتكرّهو اليوم الولدوهو فيو سودانى زاتو ...
تالتاً انا قريت معظم البوستات والتعليقات ... زول واحد فى اليوتيوب الأول السحبوهو قال "شكلها زانية خليها تكون عبرة لمن يعتبر" إسمو Mr225*** ... دا تقريباً الزول الوحيد الحاول يمس من شخص هذه المظلومة (مظلومة بالتقاليد السودانية حالة كونها تجلد بواسطة غريب من غير وليانها - وليس أولياءها - على مرأى ومسمع الجميع وفى ساحة تفتح على شارع عام) لم يذكرها أحد بما هو مشين وكل من كتب وعلّق أشان فعل الجلد ...
رابعاً انا غضبان ومتضايق وقد يخوننى التعبير فأستميحك عذراً مقدماً ..... ولكن مسائل خصوصية وسلامة هذه المظلومة تأتى فى الدرجة الأولى لكل ذى عقل وقلب سليم ... فشكراً على التنبيه ونرجو أن تبحث فى هويتها وسبب إنزال هذا الظلم عليها ونشر هذه الحقائق لتثبيت الحقوق.
خامساً هذا أمر لم يتم داخل أروقة منزل خاص بين فتاة وأسرتها (كما يحدث عادةً فنقول للأب والشقيق أن الإسترجال على أنثى ليس من الرجولة) ولكن حدث فى مكان عام وبطريقة معلنة باعتباره الصيغة القانونية بين مواطنة وسلطات القانون فى دولتها (سوط عنج!) وهى صيغة تتنافى مع: 1- كل الديانات وعلى رأسها الديانة الإسلامية 2- كل الأعراف الدولية وعلى رأسها الإعلان العالمى لحقوق الإنسان 3- دستور السودان الإنتقالى السارى حالياً 4- الأعراف والتقاليد السودانية لكل الأعراق والثقافات التى يحويها التعدد السودانى 5- الفطرة الإنسانية التى تحكم تصرفات الإنسان فى شتى صور وجوده على سطح كوكب الأرض 6- التاريخ الذى سجّل الخزى والعار لمن عذّبوا النساء منذ جان دارك وجميلة بوحريد وراشيل كورى وغيرهن الى يومنا هذا ..
فالفيديو ونشره هو درجة أكبر فى التعميم ولكن أصل التعميم فى فعل الجلد فى العلن فى الكبجاب وليس فى اليوتيوب ... بل يحمد لليوتيوب تسليط الضوء المناسب على هذه الأنشطة المشبوهة التى تتنافى مع الدين والقوانين الدولية والمحلية والتقاليد والفطرة السليمة على مرّ الزمن ...
(وانشالله أهل البت يشوفوا الفيديو ... عشان اب كرفتة الداير يقاولا على سنتين سجن زى سماسرة البهايم دا يعرف هو شغال قاضى فى ياتو بلد ... ولو اخوانها ما جلدوهو عريان فى الشارع العام التسف التراب ... وبعد داك تعمل زى ما دايرة ولومها عليّ)
... المهم ....
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: تبارك شيخ الدين جبريل)
|
مرحب تبارك
كان مفروض اجيك جاني زول مرق بي
وكنت مقرر اجيك عصرية حسب ما قلت لي انك مسافر مساء فتفاجات حسب ما اخبروني انك مسافر ظهرا
فعذرا
اغرب حاجة المصور الفلم عسكري
اتفق معاك في خامسا جملة وتفصيلا
بالنسبة لسادسا متفق معاك في اغلبها حتى النشر متفق معاه فيه لكن بعد اخذ الموافقة عشان ما يبقى تشهير او في حالة تعذر امر الموافقة يحصل تعتيم لملامح الفتاة
Quote: (وانشالله أهل البت يشوفوا الفيديو ... عشان اب كرفتة الداير يقاولا على سنتين سجن زى سماسرة البهايم دا يعرف هو شغال قاضى فى ياتو بلد ... ولو اخوانها ما جلدوهو عريان فى الشارع العام التسف التراب ... وبعد داك تعمل زى ما دايرة ولومها عليّ) |
انت متفائل شديد يا تبارك
بكره حا تجينا الاخبار وحا نعرف هل اخوانها حا يجلدوا كرفته ولا حا يمارسوا مزيدا من التعنت تجاه البنت باعتبار انو الموضوع اصبح فضيحة علنية
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: حذيفه ابراهيم الكباشي)
|
يا حذيقة امر نشر الفلم ده شان يخص البنت وحدها
الصور الفلم زول ######## والرفعو في الانترنت زول ######## والتاجر بيه زول ########
الان البت ده بالنسبة للكثيرين هنا (عبارة عن فلم) وبس ما كتر ولا اقل
شايفين موضوع موافقتها رغبتها ضد الكلام ده معاه
ما حاجة مهم
ارفع يا زول ما هي ما بتقرب لي واحد فيهم
الغريبة بتكلموا عن الرجالة قبل الانقاذ التقول الانقاذ دي ركبت في راسنا نحن وقلعت الحكم ده حمرة عين مننا ما ركبت فوق ريسينهم هم وجروا من قدامها زي النساوين
نحن الوكت داك شفع صغار
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: حذيفه ابراهيم الكباشي)
|
في يا وليد طرق ممكن يغبش بيها الوجه وما يكون ظاهر في الفيديو زي ما بتعمل القنوات العالمية لو عندك البرامج دي أو واحد من معارفك يا ريت تعملها في الفيديو و تدي الكليب المعدل للاخ النصري يرفعو بدل الحالي في اليويتيوب وكويس الفيديو الاصلي اتسحب التنبيه مهم وجا في وقت مناسب , اتوقع معلومات الفتاة تتعرف لي بكرة فحقو الناس لو وصلتها تستأذن منها في نشر اسمها أو سكنها دي واحدة و التانية والاهم يا وليد البوست الكنت بديتو ايام قضية لبنى عن ضرورة تغيير قانون النظام العام حقو يتواصل ونشوف طريقة الصوت يصل للبرلمان الحالي على الاقل تجميد عقوبة الجلد لحين تأهيل القائمين بيها التأهيل الإسلامي السليم أو وضع ضوابط صارمة لتنفيذ العقوبة خاصة للنساء يجب ان يكون عن طريق نساء و يراعى الستر
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: محمد البشرى الخضر)
|
Quote: في يا وليد طرق ممكن يغبش بيها الوجه وما يكون ظاهر في الفيديو زي ما بتعمل القنوات العالمية لو عندك البرامج دي أو واحد من معارفك يا ريت تعملها في الفيديو و تدي الكليب المعدل للاخ النصري يرفعو بدل الحالي في اليويتيوب وكويس الفيديو الاصلي اتسحب التنبيه مهم وجا في وقت مناسب , اتوقع معلومات الفتاة تتعرف لي بكرة فحقو الناس لو وصلتها تستأذن منها في نشر اسمها أو سكنها دي واحدة و التانية والاهم يا وليد البوست الكنت بديتو ايام قضية لبنى عن ضرورة تغيير قانون النظام العام حقو يتواصل ونشوف طريقة الصوت يصل للبرلمان الحالي على الاقل تجميد عقوبة الجلد لحين تأهيل القائمين بيها التأهيل الإسلامي السليم أو وضع ضوابط صارمة لتنفيذ العقوبة خاصة للنساء يجب ان يكون عن طريق نساء و يراعى الستر |
ده الكلام يا ود البشرى ما عندي البرنامج ده
اعتقد انه بكون عند المتخصصين ملتميديا
ممكن يساهموا في الامر ده التابعين لحقل الاعلام
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: isam elzein)
|
يا وليد بالجد اذا كان كلو همك البنت وصوره وشها وخصوصيتها اؤكد ليك انو الملايين الشافو الفيديو ديل لو جات ماشه جنبهم واحد واحد .....مافى زول ح يتعرف عليها ياخ انا واثق انو مافى زول بيقدر ينزر ويتطلع فى وجهها ....لاننا جميعا مشعر بالخجل والعار مش الغرض كن الحكم بالجلد فى باحه مركز الشرطه كان من دواعى الحكم والاعلان ياخ ناسك ديل مش جلدوها علشان يشهد جلدها طائفه من الناس.....هسه عاوزين تستروها؟ خلاص يعنى صحوه ضمير ولا بعد ما الفاس وقعت فى الراس....وبهدلتوها فى حضور جمع من الناس والبوليس زاتو بيقول صورها خلى الناس تشوف برضو تقول لى دايرين الحفاظ على خصوصياتها؟
ياخ شوف ليك موضوع تانى.....بعد شويه ح يجى واحد يسب ليك كده لامن تفهم حاجه....الناس دى غضبانه وممكن تفشى فيك
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Sabri Elshareef)
|
الأخ وليد .. تحياتي . مع احترامي لرأيك .. لكن المشاعر هنا تتحرك ضد رجل يمسك بالسوط ومعه ثلة من أضرابه .. يضحكون ويساعدون في الضرب أحيانا .. والمسكينة تجلس بضعف وليس لها سوى الصراخ وبأمها مستنجدة .. ويحدث ذلك وسط جمع من البشر .. كل منهم له رأي قد يصب في مصلحة الفتاة أو ضدها .. المهم لم تتحرك فيهم نخوة .. ونحن هنا ومن باب اضعف الايمان .. تحركنا لما لحقها .. أنا شخصيا لو مؤيد الانقاذ بنسبة مائة بالمائة .. سأغير رأي في بعض ممارساتها .. دمت أخي الكريم ..
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: صلاح الفكي)
|
Quote: الأخ وليد .. تحياتي . مع احترامي لرأيك .. لكن المشاعر هنا تتحرك ضد رجل يمسك بالسوط ومعه ثلة من أضرابه .. يضحكون ويساعدون في الضرب أحيانا .. والمسكينة تجلس بضعف وليس لها سوى الصراخ وبأمها مستنجدة .. ويحدث ذلك وسط جمع من البشر .. كل منهم له رأي قد يصب في مصلحة الفتاة أو ضدها .. المهم لم تتحرك فيهم نخوة .. ونحن هنا ومن باب اضعف الايمان .. تحركنا لما لحقها .. أنا شخصيا لو مؤيد الانقاذ بنسبة مائة بالمائة .. سأغير رأي في بعض ممارساتها .. دمت أخي الكريم .. |
مرحب صلاح الفكي
وانا معاك هو زول قاسي متبلد ما هو براه كل الذين كانو في الساحة الجلد والصور والكان بضحك والكان بقرا في قران
كلهم متبلدي مشاعر
ده الاحساس الان
بعد اسبوع كل واحد حا ينصرف منو الاحساس ده ويشوف اشغالو ،، وحا يفضل فلم البت ده في اليويتيب الى ابد الابدين بصورة وجهها الواضح
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: nazar hussien)
|
Quote: يا وليد...
ثق ان حجم القهر السكن فينا...من جراء المنظر قد الغي فينا كل رغبة للتعرف علي من تكون هذه المجلودة وكل من شاهد الفيديو واكمل مشاهدته فليراجع اقرب طبيب نفسي...
حرصي..ان لا يتكرر هذا الفعل مطلقا... |
مرحب نزار
ده الليه لنك منفعل بكره برضو بعد بكره حا يختلف الوضع والنظره
يا ريت ما يتكرر فعل الجلد بهذه الطريق القبيحة مطلقا كما يا ريت ما يتكرر امر التشهير بامر العباد ساااااااااكت ده بدون اي خصوصيات او موافقات بحجة التشهير بالانقاذ
العاوز يشهر بالانقاذ يجتهد يعتم على وجة البت الكترونيا بعد داك يشهر بالانقاذ
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Sabri Elshareef)
|
الأخ وليد تحياتى لا أعثقد أن أحدا من الذين وضعوا الفديو كان مركزا على المجلودة خاصة وأن ملامحها غير واضحة كل الناس انفعلت وتحركت لادانة الفعل وتحدثت عنه بشكل عام يمكن أن يحدث لأى فتاة أخرى .
ياوليد أنت تعرف شرطة النظام العام وممارساتها فلربما جلدت هذه المسكينة دون جريرة . ألم تسمع بعضهم يقول فى الفديو : خلى الناس تتفرج ديل ما طائفة من المؤمنين . يعنى المجلودة فضحت من قبل أن ترفع صورتها فى الموقع .. لم يكتفى الجلاد بجلدها باهانة بل فضحها كذلك وصورها تمهيدا للمزيد من الفضح .. فهل تدين الناقل أم تدين الجلاد والمشهر والمصور والمسرب للصور ؟ ودة طبعا فاكر نفسه بطبق فى الدين ونسى أنه الدين نفسه وضح طرق محددة وكيفية لتنفيذ العقوبة أولها وأهمها احترام كرامة المعاقب ( بضم الميم وفتح القاف ) وما رأيناه ضد الدين والانسانية ولا يرضى أى عقل أو ضمير أو وجدان سليم ولا بأتى الا من شخص موتور انعدمت فى روحه الانسانية وبنفس سؤالك ألم يسأل الجلاد وقسى عليها لأنها ليست أخته / بنت عمه / خاله الخ
ثم يا وليد يا أخى مسألة التشهير دى بعتبرها حجة ضعيفة لأنه السلطة دى ما خلت زول ما فضحتو كيف ؟ ادت رخص لجرايد زى الدار وغيرها تلقى يوميا أخبار زى البنت دى وأخبار أفظع قتل اغتصاب انتحار سرقة الخ تتصدر الصفحات الاولى من الصحف وما بعيد تلقاها فى الصفحة الاولى بكرة وبصورتها والاحرف الاولى من اسمها واسم المحكمة وقسم الشرطة ونوع الجريمة وهل بعد هذا تشهير ؟
يا وليد يا أخى الكريم فى ناس اتعذبت بدنيا وانتهكت انسانيتها وجوا بمحض حريتهم هنا ونشروا صور الاذى ال اتعرضوا ليه .. هل يعنى ذلك انهم دايرين يشهروا بنفسهم او يتكسبوا ؟ بالتاكيد لا لكن عشان يوروا الناس ممارسات السلطة وفضحها وما تتخيل انه الكلام دة بمشى ساكت الكتير من الانتهاكات ال كانت بتحصل من الامن والنظام العام وغيرهم اختفت بسبب وسائل الضغط زى دى وما تتخيل انه المنبر دة ومنابر اخرى مجرد شاشات صغيرة بل هى مواقع تأثير كبيرة وكل من ارتضى عرض الامه هنا كان يفهم انها تضحية لاجل ان نحيا انا وانت بسلام والا نتعرض لما لاقوه
كل شخص هنا لا بد وان خشى ان يتعرض قريب له لظلم كهذا او ابشع ودافعه الوحيد وقف هذه الممارسات وهذا لا يتم الا بوسائل منها الضغط الذى لا بد له من ادوات وكذلك التغيير للأفضل يتطلب وقودا قد يكون انا او انت او غيرنا ويجب ان نقبل بذلك لان التضحية من شيم الذين يطلبون واقعا افضل وبالمناسبة لم انتبه للتركيز على وجه الفتاة او محاولة تبين ملامحهاالا بعد قراءة عنوان بوستك هذا الذى نبهنى لذلك وسينبه كثيررين . ولك تحياتى وتقديرى وهذه البنت نفسها
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: سمير شيخ ادريس)
|
مرحب الاخ سمير
قلت
Quote: يا وليد يا أخى الكريم فى ناس اتعذبت بدنيا وانتهكت انسانيتها وجوا بمحض حريتهم هنا ونشروا صور الاذى ال اتعرضوا ليه .. هل يعنى ذلك انهم دايرين يشهروا بنفسهم او يتكسبوا ؟ بالتاكيد لا لكن عشان يوروا الناس ممارسات السلطة وفضحها وما تتخيل انه الكلام دة بمشى ساكت الكتير من الانتهاكات ال كانت بتحصل من الامن والنظام العام وغيرهم اختفت بسبب وسائل الضغط زى دى وما تتخيل انه المنبر دة ومنابر اخرى مجرد شاشات صغيرة بل هى مواقع تأثير كبيرة وكل من ارتضى عرض الامه هنا كان يفهم انها تضحية لاجل ان نحيا انا وانت بسلام والا نتعرض لما لاقوه |
وانا بقول ليك قرار عرض ونشر معلومات في قضايا انتهاك وتعذيب يخص اصحابها فقط يا اما يعرضوها هم ( وديل انا بعتبرهم شجعان بل قادة تغيير ) او يخولوا زول بموافقتهم ( وده برضو نوع من الشجاعة )
لكن ما كل الناس واحد وما كل زول بقدر يتعامل نفسيا مع امر زي ده
عموما اي زول طرح قضيت تعذيبه في المنبر راجع بوستيه حا تلقاني متضامن وداعم ليه كل من وقع بوستيه على نظري
لكني لا استطيع انا اتضامن مع انتهاك حقوق سيدة سودانية حقوقها منتهكة اساسا
نتهك حقوقها بعقابها جنائيا بصورة وحشية ثم تنتهك مره اخرى بنشر قضيتها وهي في صورة مزلة بدون ازنها او موافقتها
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: حمزه بابكر الكوبي)
|
ياوليد
سلام عليك
ياخى ماتظلم الناس
والله ووالله ووالله أنا بشاهد فى الفيديو دا وكنت دايما خاتى أنها أختى..
ولم يخطر فى بالى أنها عملت أى حاجة شينة..
بل شايف الشين كلو فى القاضى الواقف والعسكرى البجلد..
ووالله ياوليد لو أراد الله أن يصور وجوه كل الناس الفى المنبر دا وشاهدوا هذا الفيديو لتجدهم باكين رجالا ونساءا
ياخى مين البفكر فى فضيحة وبشوف فى بت صغيرة بتتدرق من عسكرى وبتستنجد بأمها والعسكرى بضحك وبتلذذ بضربها..
ياوليد والله ماقدموه من نشروا هذا الحدث أكبر خدمة لهذه البنت وأهلها وكل البنات فى السودان.
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Balla Musa)
|
مرحب دكتور بله
Quote: ووالله ياوليد لو أراد الله أن يصور وجوه كل الناس الفى المنبر دا وشاهدوا هذا الفيديو لتجدهم باكين رجالا ونساءا
ياخى مين البفكر فى فضيحة وبشوف فى بت صغيرة بتتدرق من عسكرى وبتستنجد بأمها والعسكرى بضحك وبتلذذ بضربها.. |
شي طبيعي من الصدمة لكن بكره الامور حا تختلف
وحا يفضل الفديوا ده في اليوتيوب
يا ريت لو كان شوشوا صورة وجهها قبل رفعه
الان كمان شايف في لنكات لحفظة على الحاسوب
خالص الود
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
اخى وليد المبارك..شكرا ... هذا هو الكلام الذى سمعته بعد مشاهدتى لمقاطع الفيديو وقد كتبته فى احد البوستات المفتوحة
ابو كرفتة بيقول زيد ليها سنتين سجن.وما عارف بوجه الكلام لمنو ...ويواصل كلامو .تقعدى ولة نديدك سنتين سجن..ضيف ليها سنتين سجن..يلا عشان نمشى
وفى شخص بيقول لزول تانى خلف الكاميرا..انت معرضا او معرضها (بتشديد الراء )ويضحك ( ومعرضا دى اكيد رندوق ولغة سوقية بتاعت عساكر و امنجية) والتانى بيرد ليهو بعدد همهمة: دى بتجييب ليك مرض ياخ
بالله دى اخلاق ناس مسؤولين من الخلق ومستأمنين عليه وواحد يجى يقول ليك مناضلى كيبورد و تطبيق شريعة
دى ياها خرابتكم الحاكمنها بمؤسسات منهارة ولا اخلاقية
................................................... وفى حضرة جمع كبير من الناس اثناء الجلد تفتكر الناس النقلوا الفيديو هنا او لاى مكان اخر ممكن يعملو شنو ؟؟؟ اخ وليد انا اتفهم مشاعرك ونخوتك السودانية والتى تستمدها من ستر الله مسلما ... بس هذه الحالة او الحادثة تعدت مرحلة السترة بمجرد عدم ايقاع العقوبة المناسبة بالطريقة القانونية و خلف الابواب المغلقة كما نفهم
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
كل يوم تثبت لي انك ساذج ومغفل وتدافع عن نظام الهالك بغباء لا تحسد عليه اسال نفسك اين جلدت هذه الفتاة ؟ الم تجلد في مكان عام وشهد عذابها المؤلم طائفة من الشاذين ..؟ بالله اي ضمير هذا الذي تحمله فجعلك لا ترى في كل هذه المأساة سوى من صور الفتاة ؟ هكذا تقلبون الحقائق فبدلا من سؤال كيف ومن جلد الفتاة البريئة تتحول الى من صور الفتاة ؟ من صور الفتاة يريد ان يستر ما تبقى من بنات الوطن اما من اهانها فهو يريد اذلالهن .. لا حل سوى بالغاء العقوبات المهينة للكرامة الانسانية ومنها الجلد ايا كان مصدرها اما الحل العادل فيكمن في تسليم راعي ما يسمى بالنظام العام المجرم المطارد دوليا عمر الحقير للعدالة الدولية
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: عبد المنعم سليمان)
|
ضمير بتاع اورنيش
Quote: اسال نفسك اين جلدت هذه الفتاة ؟ |
السؤال ده انا جاوبتو في البوست المصدر جلدت هذه الفتاة في قسم الكابجاب
Quote: بالله اي ضمير هذا الذي تحمله فجعلك لا ترى في كل هذه المأساة سوى من صور الفتاة ؟ |
ضمير لا يحمله امثالك ضمير بقول ما يتنشر الفلم ده الا بعلم الفتاة وموافقتها او في حالة التعذر يشوش على وجهها حفاظا على خصوصيتها ضزير بعرف احاسيس الناس وما بعتبره بنط ضد النظام ضمير بفكر في مشاعر البت بعد شهر بعد ما تنتهي هوجتك دي وتشوف ليك موضوع تاني ويفضل فلم البنية دي في اليويتيوب لابد الدهر
Quote: من صور الفتاة يريد ان يستر ما تبقى من بنات الوطن اما من اهانها فهو يريد اذلالهن .. |
الصور واحد من العساكر الجلدوها بقول لزميلة حين غطاه زح زح
عشان تعرف روحك حمار كيف
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
Quote: خارم بارم يا زكريا
خارم بارم
انت والعسكري الجلدها واحد |
انت زعلت ولا شنو يالشفت يعنى بس معقوله بس انا والعسكرى الجلدها ممكن نكون واحد؟ ياخ وزعلتنى شديد والله...يعنى عشان قالت ايك ناسك وشملتك فى التعبير ياخ انا عارفك انت مش كنت معاهم .........لكن اهو صيغه لانو من وجهه نظرك وكانك بتأيد وبتحاول تغطى الموضوع الاساسى بموضوع بالجد خارم بارم
بعدين فى نقطه فوتناها ليك فى اول المداخله لامن قلت العسكرى ممكن يكون فاقد تربوى وبتلقى ليهو عذر؟؟؟؟؟ياخ العسكرى ده عبد مأمور لكن يفترض انه يكون انسان عموماً حتى العسكرى ده ما تقلل من قيمته لانه عسكرى وبس لذا معذور .....طيب رأيك شنو فى ابو كرفته المتعلم والفاهم والبيدى الاوامر
بعدين خلّى روحك رياضيه....مش براك انت الجبتها لروحك......ابقى استحمل وخلّى الناس تتفشى هنا ياخ
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Sabri Elshareef)
|
Quote: لا ليست الشرطة فقط, ولا هى الهيئة القضائية, بل هى الدولة كلها. بكل جهلها, صلفها وجبروتها. الدولة التى إمتهنت إمتهان كرامة الناس, رجالاً ونساء. لا لعقوبة الجلد لا لقانون النظام العام, لا لكل القوانين المهينة والمذلّة لكرامة البشر. ولتسقط دولة الظلم والقهر. |
بعد ما جبت ليك كلام مفيد يا صبري
نقول ليك مرحبا بك في البوست
ونزيد على الكلام الفوق ده حتى القوانين الجائرة هذه لا تطبق على الجميع بعدالة ومساواة
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Sabri Elshareef)
|
الاخ وليد المبارك سلام
ولن اقول لك ان البوست بتاعك يبدو كلكمة حق اريد بها باطل.
يا وليد انا امراة وفي النساء دقيقه جدا ورغم كده لا اعتقد باني ساعرف هذه البنت لو قابلتها.
لوكن هذا طبعا لن يمنع اقربائها كما قلت وجيرانها ومعارفها من نبرة الصوت ممكن يعرفونها.
نحن لن اقول لك (المتعاطفين)....اغلبنا في نظرنا هي بطلة حتى لو هي زانيه!
لاننا نعرف هذه البلد جيدا ولاننا منها...ولاننا نعرف جيدا لاي حضيض هي وصلت.
لذا هي ضحيه بنظرنا وستظل لا يهمنا تهمتها ولا كيفية ادانتها هذا نظام قضائي فاسد وهذا قانون انتقائي عرقي! وهؤلاء قضاة عنصرين.
وبتاع النيابه ذاته ابو كرفته ده في نظري(زول هامش) لكن هذا لا يمنع انه مثل العسكري الفلاتي كما يبدو لانه لقب (بقدوقدو) جميعهم مهمشين وباطشين باهلهم.
انت ينوبك ثواب لمنا فيها بس عنوانه او تلفونها ولك علي نقنعنها انها بطله ونقنع اهلهم ذاتهم!!
انت قايلها زوله سهله دي؟؟؟ دي زوله مبروك ربنا شاء لها ان تفضح كل هذا النظام وتجعله عاري حتى من ورقة التوت.
المجد لها المجد لها المجد لها.
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: محمد زكريا)
|
Quote: ياخ ناسك ديل مش جلدوها علشان يشهد جلدها طائفه من الناس.....هسه عاوزين تستروها؟ خلاص يعنى صحوه ضمير ولا بعد ما الفاس وقعت فى الراس....وبهدلتوها فى حضور جمع من الناس والبوليس زاتو بيقول صورها خلى الناس تشوف برضو تقول لى دايرين الحفاظ على خصوصياتها؟ |
زكريا كدي شوف الكلام البي الاحمر ده منو فينا مفروض يزعل ؟
Quote: .........لكن اهو صيغه لانو من وجهه نظرك وكانك بتأيد وبتحاول تغطى الموضوع الاساسى بموضوع بالجد خارم بارم |
هو شنو الموضوع الاساسي يا زكريا ؟ موش انت زعلان عشان البت دي جلدوها ؟
انا زعلان عشان جلدوها وشهروا بيها ؟
بعدين انت في مليون بوست بتكلم في خطك بوستيني بتاع التشوشيش ده جليه ما تشتغل بيه
Quote: بعدين فى نقطه فوتناها ليك فى اول المداخله لامن قلت العسكرى ممكن يكون فاقد تربوى وبتلقى ليهو عذر؟؟؟؟؟ياخ العسكرى ده عبد مأمور لكن يفترض انه يكون انسان عموماً حتى العسكرى ده ما تقلل من قيمته لانه عسكرى وبس لذا معذور .....طيب رأيك شنو فى ابو كرفته المتعلم والفاهم والبيدى الاوامر |
رائي في اب كرفته انا فاتح ليه بوست معلق في المنبر ده اربع ارباع سنة كاملة بالله انت فهمت انو العسكري بنلقى ليه عذر مجازا دي على اني عزرتو
والله ما عارف اقول ليك شنو
انت والعسكري الجلدها وااااحد يا زكريا
Quote: بعدين خلّى روحك رياضيه....مش براك انت الجبتها لروحك......ابقى استحمل وخلّى الناس تتفشى هنا ياخ |
استحمل شنو يا زكريا انت قايلها قيم
ما هي دي العقلية النشرتوا بيها الفلم قبلي ما تخفو وجه البنية تتفشى شنو يا زكريا
انتو عاوزين تتفشوا في البت ولا في الجلدها
؟؟؟؟؟
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
لأ.. لقهر نساء السودان.. لأ.. للعقوبات الجسدية..
الزول اللابس قميص اصفر و كرفتة في طرف الفيديو.. هو القاضي الذي اصدر الحكم..و ملزم قانونا بحضور تنفيذ الحد..و كل ذلك ليس بمشكلة..!!
المشكلة نفسية البلطجة..و السايكوباتيك (اعمل ليها سنتين سجن) ( دايرة وين) ( يا الله بلاهي سريع خلينا نمشي)..!
الجلد ينفذه شخص واحد ، و اخر مشهر ( يحسب الجلدات بصوت عالي)..و في هذا الفيديو يقوم بالجلد اكثر من شخص..و هذا ينفى ان يكون ذلك عقوبة قانونية و انما هي جريمة و تعدي على امرأة عزلاء..
العسكري الذي نفذ معظم الجلد تجاوز الحد في كثير من المواضع ( الضرب على اماكن حساسة: الرأس.. البطن..و اجزاء امامية من الجسد)..!
هذه المآسي تحدث كثيرا في السودان خلال الواحد و عشرين سنة الماضية..و هذه المرأة محظوظة لأن هناك من قام بتصوير المأساة عرضها للرأي العام..و ياما كثيرات تمت مآسيهن في الخفاء..
جلد النساء في المحاكم يكون في اماكن خاصة مثل قاعة المحكمة..و تدعو المحكمة افراد بالعدد لشهادة تنفيذ العقوبة ان كانت حدية..لأن في ذلك اعتبار لأسر و اعراض اسر كتيرة..و ما يحدث هنا.. هو بلا اخلاق..و ليس في القانون ولا الدين بشئ..!
القاضي يتحدث عن السجن سنتين..و هذا قد يفهم بان عقوبة الجلد هنا كانت عقوبة بديلة..و ان كانت هي عقوبة بديلة.. فهذا لا يعني انها عقوبة حدية..و ان كان الأمر كذلك.. فعقوبات الجلد غير الحدية يمنع التشهير فيها قانونا..و نتمنى ان تضع الناس هذه الإعتبارات في الحسبان.. فقد تكون عقوبة الجلد المصورة هنا عقوبة في شئ اخر غير الجرائم الحدية و الله اعلم..
بالنسبة للخصوصية و الحديث فيها ، نحترم الخصوصية..و لكن هناك قاعدة اصولية تقول الضرورات تبيح المحظورات..و ضرورة حماية الضحيات في المستقبل.. هي غاية تقصر دونها قيمة الخصوصية..! القبض على القاتل هو تعدي على الخصوصية.. فهل نستطيع الدفاع عن ذلك؟..و يمكن القياس.. القبض على اجهزة دولة متلبسة بانتهاك جسد زولة واحدة ..اكثر قيمة من المنادة بخصوصية تلك الزولة.. فالمسألة موزانات..! هذه المادة..و اتمنى أن يتم تداولها لفترة من الزمن.. كفلية بان تجعل الأجهزة العدلية و القضائية في السودان و تتحسس كثيرا من مواقفها و طريقة تعاملها مع الجمهور..
عرض الفيديو هو حماية لأخريات..
لأ.. لقهر المرأة السودانية و بأي تبرير كان..!
كبر
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
والله يا وليد متفهمة وجهة نظرك تماماً , اتمنيت لو اني ما شاهدت الفديو ده .. اصابتني حالة استفراغ و احباط و الموود بتاعي بايظ اليوم كله
حاولت افتح لي بوست غلبني لأني عايزة حاجة تنسيني المنظر الأنا شفته و صوت استجداء المسكينة و هي بتصرخ متألمة و متوسلة
فكرت فيها قلت بعد المهزلة خلصت تكون رجعت البيت كيف؟؟ وسط نظرات الناس ؟؟ ركبت تكسي ؟؟ اكيد ما عندها حق التكسي مشت بالمواصلات اكيد في ناس باروها
متهكمين فيها ..ده كان رجعت البيت و ما عملت في نفسهاحاجة.. فكرت في نفس فكرتك دي يا ربي النحن بنعمل فيهو ده صاح و للا غلط!! المجتمع ما برحم
قلت يمكن بعد الحصل حصل .. ما يكون في زول من الحلة و للا حتى من قرايبا عرف ..و ممكن يكون في ناس من الحلة شافوا الحدث و الفديو بكون اكبر دليل
عشان يثبتوا بيهو كلامن .. صحيح ملامحا ما ظاهرة لكن طالما المكان اتعرف و ممكن في ناس يكونوا بعرفوها شافوا الواقعة يبقى سهل انها تتعرف .. اتخيل لو
عنده اخوان و للا اخوات ممكن يكون حالم كيف و الناس متداولة الفديو في كل مكان.. ده تحطيم لي اسرة كاملة لكن برضو حنوقف المهازل دي كيف لو ما العالم
كله شاف الفديو ده الناس ديل حيتردعوا كيف لو ما شافوا ردة فعلنا .. لو فوتنا الموضوع بكرة مين عالم الدور على منو ؟؟انا محبطة حد المرض
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: سناء عبد السيد)
|
وليد ..حبابك يا صديقي
اضافة لكلامي عن الخصوصية اعلاه..اضيف:
الفيديو يا وليد دليل اثبات لإرتكاب جريمة في حق هذه المرأة.. و تم ضربها في رأسها (و ليس هذا في الحدود الشرعية).. تم ضربها في بطنها و مقدمة الجسد ( و ليس هذا هو موضع تنفيذ الحد الشرعي)..منفذي الجلد اكثر من شخص و هذا شغل بلطجة و جريمة يجب الكشف عنها..
و خذها من يا صديقي..و الخصوصية في هذه المادة المنشورة تعني التستر على جريمة ضرب امراة عزلاء..و عليك بالموازنة..!
الدولة السودانية هنا من ارتكب فعل الجريمة المركبة.. فالفيديو حضره قاضي..و نفذ الجلد موظفي دولة عموميين..فالمشكلة هي مشكلة الدولة و ارتكابها على الجرائم في وضح النهار.. و هذا ما يستدعي الكشف و ليس التستر..!
قيمة الفيديو يا وليد فكر فيها ان تناولها سيحمي اخريات كثر..و الزولة المجلودة دي لو كنت املك سلطة لمنحتها وسام الشجاعة لأنها بمآساتها تلك ستحمي الكثيرات الكثيرات..!
و انا معاك ممكن بكرة الحكومة تقبض على الزولة دي و تفرض عليها تشتكي كل المواقع التي قامت بنشر المادة..و كل منها سيدافع عن موقفه..لأن نشر المادة كان من اجل غاية عامة و نبيلة و عادلة..
و دمت..
كبر
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Kabar)
|
شكرا للأخ وليد ،
مجرد تناول إنسانية هذه الأخت الكريمة يقول أنه لازالت فينا بعضا من نخوه ... وإن إختلفت معك.
شكرا للأخت سناء عبد السيد... فقد مررت بنفس مامررتى به...
Quote: والله يا وليد متفهمة وجهة نظرك تماماً , اتمنيت لو اني ما شاهدت الفديو ده .. اصابتني حالة استفراغ و احباط و الموود بتاعي بايظ اليوم كله
حاولت افتح لي بوست غلبني لأني عايزة حاجة تنسيني المنظر الأنا شفته و صوت استجداء المسكينة و هي بتصرخ متألمة و متوسلة
فكرت فيها قلت بعد المهزلة خلصت تكون رجعت البيت كيف؟؟ وسط نظرات الناس ؟؟ ركبت تكسي ؟؟ اكيد ما عندها حق التكسي مشت بالمواصلات اكيد في ناس باروها
متهكمين فيها ..ده كان رجعت البيت و ما عملت في نفسهاحاجة.. فكرت في نفس فكرتك دي يا ربي النحن بنعمل فيهو ده صاح و للا غلط!! المجتمع ما برحم
قلت يمكن بعد الحصل حصل .. ما يكون في زول من الحلة و للا حتى من قرايبا عرف ..و ممكن يكون في ناس من الحلة شافوا الحدث و الفديو بكون اكبر دليل
عشان يثبتوا بيهو كلامن .. صحيح ملامحا ما ظاهرة لكن طالما المكان اتعرف و ممكن في ناس يكونوا بعرفوها شافوا الواقعة يبقى سهل انها تتعرف .. اتخيل لو
عنده اخوان و للا اخوات ممكن يكون حالم كيف و الناس متداولة الفديو في كل مكان.. ده تحطيم لي اسرة كاملة لكن برضو حنوقف المهازل دي كيف لو ما العالم
كله شاف الفديو ده الناس ديل حيتردعوا كيف لو ما شافوا ردة فعلنا .. لو فوتنا الموضوع بكرة مين عالم الدور على منو ؟؟انا محبطة حد المرض |
وشكرا للأستاذ كبر :
Quote: الفيديو يا وليد دليل اثبات لإرتكاب جريمة في حق هذه المرأة.. و تم ضربها في رأسها (و ليس هذا في الحدود الشرعية).. تم ضربها في بطنها و مقدمة الجسد ( و ليس هذا هو موضع تنفيذ الحد الشرعي)..منفذي الجلد اكثر من شخص و هذا شغل بلطجة و جريمة يجب الكشف عنها..
و خذها من يا صديقي..و الخصوصية في هذه المادة المنشورة تعني التستر على جريمة ضرب امراة عزلاء..و عليك بالموازنة..!
الدولة السودانية هنا من ارتكب فعل الجريمة المركبة.. فالفيديو حضره قاضي..و نفذ الجلد موظفي دولة عموميين..فالمشكلة هي مشكلة الدولة و ارتكابها على الجرائم في وضح النهار.. و هذا ما يستدعي الكشف و ليس التستر..!
قيمة الفيديو يا وليد فكر فيها ان تناولها سيحمي اخريات كثر..و الزولة المجلودة دي لو كنت املك سلطة لمنحتها وسام الشجاعة لأنها بمآساتها تلك ستحمي الكثيرات الكثيرات..!
و انا معاك ممكن بكرة الحكومة تقبض على الزولة دي و تفرض عليها تشتكي كل المواقع التي قامت بنشر المادة..و كل منها سيدافع عن موقفه..لأن نشر المادة كان من اجل غاية عامة و نبيلة و عادلة..
و دمت..
كبر |
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Khalid Kodi)
|
تحياتى وليد .. وتحياتى لكلالمتداخلين
المسالة ما متعلقة بشرطى او مثقف حتى تتحدث عن سمعة بلد ... لكن المسالة فقدان ضمير ووازع دينى وانتهاك حرمات لفئات بعينها
ولكن من خلال هذا الفيديو الموجود فى موقع اليوتيوب فى هذه الواقعه فان الفتاة التى جلدت تم جلدها فى باحة قسم شرطة النظام العام امدرمان شمال بودنوباوى جوار استوب القمائر كبرى الكبجاب كيف يتم جلدها وماذا ارتكبت واى جرم فعلته حتى يتم جلدها فى باحة القسم واين مدير قسم الشرطه واين نائب المدير واين الضابط المناوب نرجو التوضيح
فنناشد ان يتم التصعيد لمستوى اعلى ومحاولة ترجمة الفيديو لعدة لغات والاستعانة بمحامى البورد
حتى نتمكن من وقف هذا العبث والقهر السياسى الذى يمارس ضد نساء السودان وخاصة نساء الهامش ..
والمسئولية تقع على عاتق وزير الداخلية وكل مدراء الشرطة ووالى ولاية الخرطوم ورئيس الجمهورية فى مقدمتهم ... فالشرطة عبد المامور لتنفيذ التعليمات العليا .. فلماذا التنصل من المسئولية .. ..
آدم جمال
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Kabar)
|
صديقي كبر الاخ خالد كودي الاخت سنا
سلامات
دي اول مداخلة لي في هذا الامر
Quote: لا اله الا الله
اولا سمرية هل اخذت اذن وموافقة السيدة المجلوده ؟
ان لم تاخذيه فانت ومن رفع هذا الفلم على الاسافير ان لم يستاذنها ومن صوره ومن جلدها سواء
مشهرين منتهكين خصوصية هذه المرأة المسكين
لا اعرف ماذا فعلت هذه المرأة لكن للجلد في الشريعة اسباب وطرق 1) سبب الجلد ويكون في الزنى والسكر عاوزين نعرف الفتاة دي جلدوها على اي اساس
2) طريقة الجلد وهذه انتهكت فيها اكثر من جهة أ. الجلد يكون على الظهر والاليتين والارداف والكتفين - وفي كم سوط وقع على هذه المرأة من الامام ب. تجلد المرأة جالسة مشدودة يداها لكي لا تنكشف وهذا لم يحدث بتاتا ولم يراعى ج.تجلد داخل السجن ولا يجوز جلدها في مكان عام وهذا لم يحدث ايضا وكان في جمهور في المقصورة فوق متابع
ملاحظات في الفلم في تقريبا 23 جلده او 24 جلده ولم يكتمل الفم او اكتمل ما عارف ؟ مكان الجلد على ما اعتقد هو قسم الكبجاب في امدرمان ( اعتقد ذلك ) واواضح كبري الدباغة اتخذه الجمهور مقصورة للفرجة كمان ان لون الركشة الخضراء المارة في الجسر يوضح ان الجلد في امدرمان
اهم حاجة الزولة دي جلدوها في شنو ؟ لو كان زنى اثبتوه كيف بالاعتراف ام بالاربعة شهود ؟
عشان نعرف ان كان من جلدها يدعي انه قد جلدها بالشريعة فعلا ؟ ولا مزاج منو ساكت
طريقة الجلد ومكان الجلد لا يمتان الى الشريعة بشي
فبالله يا متحيني الفرصة اخرجوا الاسلام عن الذي يحدث في هذا الفلم وشوفوا شغلتكم مع الانقاذ
اهم حاجة هل الكلام ده مطبق على الجميع ؟ ولا خيار وفقوس ؟ عن نفسي لا اعتقد انه مطبق على الجميع
اخر شي يا سمرية لو ما عندك اذن من البنية المسكينة دي فارجو منك شاكرا حزف هذا الفلم ، فهذا تشهير وحا تكون اتعذبت اكتر من مرة
مرة بجلدها ومرة بالتشهير بها بجلدها في مكان عام لكن الامر من ذلك برفعك هذا الفلم سيكون عذابهااكبر بالتشهير بها في كل العالم
اما ان كان ذلك باذنها فهذا شانها ، وعندك كل الحق في رفعة وفتح بوست به
لا حول ولا قوة الا بالله والله كفيل بالظالمين |
كتبت يا كبر يا صديقي
Quote: و انا معاك ممكن بكرة الحكومة تقبض على الزولة دي و تفرض عليها تشتكي كل المواقع التي قامت بنشر المادة..و كل منها سيدافع عن موقفه..لأن نشر المادة كان من اجل غاية عامة و نبيلة و عادلة.. |
المشكلة ما اجبار الحكومة ليها في فرض انها تشتكي المشكلة في تقبلها هي لامر نشر الفديو ده
الناس هنا سبب هيجانا شنو ؟ موش تعدي الحكومة على هذه المسكينة وجلدها بهذه الصورة المهينة
كويس
هل يعقل انو الناس تتدافع على تعدي الحكومة بتعدي اخر على حقوق الفتاة ؟
وقلت يا صديقي
Quote: الدولة السودانية هنا من ارتكب فعل الجريمة المركبة.. فالفيديو حضره قاضي..و نفذ الجلد موظفي دولة عموميين..فالمشكلة هي مشكلة الدولة و ارتكابها على الجرائم في وضح النهار.. و هذا ما يستدعي الكشف و ليس التستر..! |
كلامك ما عندي فيه اي مشكلة لكن يستعدي كشف منو ؟؟
كشف حال الحكومة ولا كشف حال البنت ؟؟؟
انا اطالب بكشف حال الحكومة والتستر على البنت او اخذ موافقتها في هذا الامر
كلامي ده خيالي يا كبر يا صديقي
ممكن كشف حال الحكومة والتستر على البنت
عبر التشويش على وجه الفتاة وتغيرر نبرة الصوت زي ما بتعمل القنوات الفضائية وفي الحالة دي بنكون سترنا الفتاة وشوشنا على صورتها وكشفنا حال الحكومة
الحارقو موضوع البت دي يجتهد في انو يضمن موافقتها او في انه يجتهد ويشوش على وجهها وصورتها حفاظا على خصوصيتها
كلامي ده يا كبير يا صديقي ويا خالد كودي ويا سنا
ويا صديقتي تراجي
فيه شي ؟
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
Quote: كلامي ده يا كبير يا صديقي ويا خالد كودي ويا سنا
ويا صديقتي تراجي
فيه شي ؟ |
وليد يا صديقي.. حبابك
ابدا كلامك تب ما فيهو شي..و المسألة اخذ و رد..! بالنسبة للفيديو.. فهو منشور يا صديقي في النت من يوم الأحد 5 ديسمبر 2010.. بالنسبة لإخفاء وجه المرأة..كلام معقول الى حد ما..و لكن..! المقارنات بين قنوات التلفزة الرسمية و منتديات النت.. فيهو شوية كلام.. القنوات يا صديقي ملزمة بالقانون ان تفعل ذلك..و هي تأخذ اذن تأسيسه من السلطات.. بالنسبة لمنتديات النت.. فهنا الرقابة هي رقابة شعبية يا صديقي..و لو اخذنا نحجمها كما نفعل في القنوات الرسمية كثير من الحقائق سوف تضيع..
كل اتجاهات ثقافة الإنسان تتجه نحو مثل تلك الرقابة.. و الزولة دي متأكد لو عرفت أن الفيديو خاصتها سيكشف ظلم الحكومة عليها فلن تتواني في مساعدة الناس.و مش بعيد بكرة بعد بكرة تجيب اسمها و عنوانها و تطالب بالحماية..!!
كلامك يا صديقي وجهة نظر..و كلامنا وجهة نظر برضك..و في مثل هذه الأمور لا يوجد صاح مطلق أو غلط مطلق..!!
و دمت
كبر
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
Quote: عرفنا العسكري الجلد البنية ثقافة محدودة واحتمال يكون فاقد تربوي .. اها اساطين الثقافة ناشري الفلم بدون اذن او موافقة صاحبته ديل نلقى ليهم تبرير وين ؟!
نقول يا جماعة الكلام ده اقسى من الجلد ما تنشروا .. الا بعد موافقة ومباركة صاحبة الشأن يقولوا ليك ما لقيناه في اليوتيوب
طيب جايبنوا هنا ليه ؟
يعني خلاص لقيتو في اليوتيب ده بديك الحق تشنع بباقي سمعت البت دي وتقرض باقيها
يتبرع واحد ارعن يقول ليك .. نخارجها بره البلد حالا
اها الجماعة الباقين ديل ابوها .. امها .. اخوانها .. اخواتها .. اعمامها .. عماتها ... خيلانها ... خالاتها ... اولادها لو عندها .. بناتها ... اولاد خالات .. بنات خلاتها .. اولاد عماتها .. بنات عماتها ... اولاد خيلانها .. بنات خيلانها ... اولا اعمامها .. بنات اعمامها .. جدها .. حبوبتها .. اولاد حلتها
ديل برضو بعد ما شهرتو بي سمعت بتهم اكتر من ناس النظام العام ذات نفسه ... حا تخارجوهم برضو ؟
الغريبة في كم قانوني وكم ناشط بتاع حقوق انسان
نسى انو البت دي انسان واتعامل معاها على اساس انها( فلم جلد ) يستخدم ضد النظام .. اتعامل معاها على اساس انها نقطة قوية تجاه الانقاذ
اما هي كانسان مفروض يحافظ على حقوقها باعتبار انها المتضرر الاول
ولا شغالين بيها الشغلة
نقول يا جماعة اسالوها يمكن تكون ما موافقة على الكلام البتعملوا فيه ده يقول ليك واحد جاهل خليها تفتح فينا بلاغ
مسكينة يا بنية حا تنجلدي باقي عمرك ده كله
شاحد الله أي واحد شهر بالبت ده وما فكر في مشاعرها .. ما فكر في رغبتها .. ما فكر في احساسها من نشهر هذا الفلم يشوف الحصل ليها في روحو في بتو في اختو عشان حا يعرف ساعتها .. السترة حاجة ما هينة ولاها مقبولة في ميزان كسب النقاط (الحكومة والمعارضة ) |
أجمل ماقرأت ...!!!! شكراُ وليد
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: isam elzein)
|
يا وليد .... كتبت ليك رد في بوست الأخت سمرية، أنقله هنا لأنو طبيعي متابعتك هنا بتكون أكتر من هناك:
Quote: عفواً .... لم أستطع أن أكتب مداخلة منذ الأمس ..
يا وليد محمد المبارك ....
بس عايز أقول ليك .. حكاية التشهير كنتيجة لنشر التسجيل ما أظنها واردة هنا، والسبب إنو الشريط يبين عملية الجلد، لكن بكل صراحة، هل بتقدر تتبين شخصية هذه المرأة؟ ما أظن بعد المسافة والحركة المستمرة تتيح التعرّف على شخصيتها .. إذاً التسجيل يفضح الفعل ولا يكشف عن الشخوص.
الشئ التاني، الزول الصوّر ما أظن من منطلق (نضال) زي ما ذكرت، ولو إنتبهت زميلو جنبو (شرطي) كان بيقول ليهو (صور الناس ديل) عشان يبين حكاية الـ"طائفة من المسلمين". يا وليد الزول الصور ده واحد مريض وصوّر بغرض التشفّي .. وما كان قايل السحر بينقلب على الساحر. |
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: isam elzein)
|
اجمل تحية اخي وليد وسلام للحضور الكريم انا اتعاطف مع هذه البنت ... بدون سبب
طبعا لا اعتراض علي امر الله وشرعه ...
ولكن تنفيذ العقوبات الحدية له احكام وشروط وبالطبع ليس بهذه الطريقة البشعة .. ومن الاولي ان من ينفذ عقوبة حد الجلد علي النساء ان تكون من النساء ...
ربما هذه العقوبة لها ما يبررها عند القضاء واهل القانون ... والا لماذا استسلمت لها هذه الفتاة بكل هذا الخنوع والمزلة ... وكان من الممكن ان تقاومها بكل الطرق والسبل القانونية وانا اعلم تماما ان هذه الفتاة ان كانت علي حق فسوف تجد الكثير والكثيرجدا من من يتصدون للدفاع عنها..ونصرتها وعدم تعريضها لهذا الجلد المهين ..
انما هو الكسب .. فقط اما موضوع تصوير الفلم فهو ايضا له عدة احتمالات .. اما للتشفي من هذه الفتاة .. او لعرض الانتهاكات( طريقة تنفيذ هذه العقوبة فيها انتهاك واضح وصريح لحق هذه الفتاة واهلها واسرتها ويجب في ذلك معاقبة القاضي ومن نفذ هذه العقوبة بهذه الطريقة المزلة) ... او شمارات ساي
واما تسويق الفلم فلا علاقة له بنصرة هذه الفتاة وانما هو سلاح لمحاربة الحكومة بنقطة سوداء سجلت في صحيفتها ويتم تسويقه كما ذكرت بمبدا ... جلدا ما جلدك جر فيه الشوك
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: الفاتح سليمان)
|
بلد عجيبة وناس عجيبة
البت تركب المواصلات يلصق فيها واحد معتوه ويتحرش بها جنسيا ولا بد البت تسكت وما تفضح نفسها عشان ما يقولو عينها قوية وما بتخجل
والواحدة كان ماشى في الشارع مع زميلها ووقفوهم ناس النظام العام مفروض ترضخ للأبتزاز البمارسو عليها عشان الفضيحة وكان لبست البنطلون زي موضوع لبنى لازم تسكت أو تنفضح وأي شيئ يحصل لي واحدة من بناتنا نجي نقول فيهو العود لو ما فيهو شق ما بقول طق وأكيد المسألة ما كانت ساي وطبعا كلنا حراس فضيلة
ياخي دة قرف فايت الحد يعني هسة خلاس مشكلتنا الزنى والبت دي مفروض الطايفة من المؤمنين البيمثلوهم ناس قدو قدو والقاضي ابو كرفتة ومن شابههم يحضروا عذابها يعني الفضيحة بقت فضيحة البت وأهلها وزمان لبني ممكن الله أعلم تكون لابسة جكسا في خط ستة والبتاع داك البيجي وكتيرين ما اتصوروا بالفيديو اكلوها في حنانم ساي والسترة والفضيحة متباريات عشان والله أعلم البت دي لو ما في شيئ ما كان قبضوها من أصلو
اللهم أفضحهم وأفضح من يناصرهم في السر والعلن وأجعل جزاؤهم في الدنيا قبل الآخرة ,اخزي كل من شارك أو تواطأ مع هذا النظام يارب العالمين يا ستار أسترنا وجميع أهل السودان آمين
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: بشرى محمد حامد الفكي)
|
سلامات استاذ وليد
لم يفطن احد للنظر للموضوع من هذة الزوايه..كلنا متالمون وتملانا الحسرة وتقف الغصه فى حلوقنا مما رايناه وسمعناه لم اشكك فى نبل نواياك وغيرتك على سمعه هذه المسكينه ولم يشكك اى من المتداخلين اعلاه فى ذلك وان قالوا غير ذلك انهم غاضبون...فاستميحهم عذرا هالنا ما رايناه...وراينا ان هذا اضعف الايمان لنلتف جميعا ونقف ضد قهر النساء..وازلالهم بتلك الطريقه المهينه التى لا تمثل دين ولا عرف...بل تمثل قبح نفوس هذا النظام الفاسد الاخرق الذى اغض مضاجعنا وارهقنا بتعنته وجبروته تبا لعصرك يا عمر....تبا لعصرك ثم تب
احترامى استاذ وليد
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
Quote: عرفنا العسكري الجلد البنية ثقافة محدودة واحتمال يكون فاقد تربوي .. اها اساطين الثقافة ناشري الفلم بدون اذن او موافقة صاحبته ديل نلقى ليهم تبرير وين ؟!
نقول يا جماعة الكلام ده اقسى من الجلد ما تنشروا .. الا بعد موافقة ومباركة صاحبة الشأن يقولوا ليك ما لقيناه في اليوتيوب
طيب جايبنوا هنا ليه ؟
يعني خلاص لقيتو في اليوتيب ده بديك الحق تشنع بباقي سمعت البت دي وتقرض باقيها
يتبرع واحد ارعن يقول ليك .. نخارجها بره البلد حالا
اها الجماعة الباقين ديل ابوها .. امها .. اخوانها .. اخواتها .. اعمامها .. عماتها ... خيلانها ... خالاتها ... اولادها لو عندها .. بناتها ... اولاد خالات .. بنات خلاتها .. اولاد عماتها .. بنات عماتها ... اولاد خيلانها .. بنات خيلانها ... اولا اعمامها .. بنات اعمامها .. جدها .. حبوبتها .. اولاد حلتها
ديل برضو بعد ما شهرتو بي سمعت بتهم اكتر من ناس النظام العام ذات نفسه ... حا تخارجوهم برضو ؟
الغريبة في كم قانوني وكم ناشط بتاع حقوق انسان
نسى انو البت دي انسان واتعامل معاها على اساس انها( فلم جلد ) يستخدم ضد النظام .. اتعامل معاها على اساس انها نقطة قوية تجاه الانقاذ
اما هي كانسان مفروض يحافظ على حقوقها باعتبار انها المتضرر الاول
ولا شغالين بيها الشغلة
نقول يا جماعة اسالوها يمكن تكون ما موافقة على الكلام البتعملوا فيه ده يقول ليك واحد جاهل خليها تفتح فينا بلاغ
مسكينة يا بنية حا تنجلدي باقي عمرك ده كله
شاحد الله أي واحد شهر بالبت ده وما فكر في مشاعرها .. ما فكر في رغبتها .. ما فكر في احساسها من نشهر هذا الفلم يشوف الحصل ليها في روحو في بتو في اختو عشان حا يعرف ساعتها .. السترة حاجة ما هينة ولاها مقبولة في ميزان كسب النقاط (الحكومة والمعارضة )
عالم بيض
|
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: توفيق عبد المجيد)
|
ربنا يكملك بعقلك يا باشمهندس حسناً فعلت يا شفت..! اقسم بالذي وضع السموات بلا عمد أني كنت بصدد رفع مثل هذا البوست هذا الصباح وخوض نزال بكل ما أوتيت من قوة لأدافع عن هذه الفكرة! وذلك بعد تفكير عميق بعد مطالعتي حتى ساعة متأخرة من الأمس هذا البورد وطريقة تناوله هذا الحدث! لا أقول أن الناس تعاملوا بعاطفة زائدة أو أن المعارضة التي ليس لها كثير عصيّ تنزل بها على رأس الحكومة وجدت موضوعاً تستثمر فيه..ولكن سؤالي هو..
يا اخوانا انتو ما في السودان؟ ولا ما بتعرفوهو؟!
السترة والفضيحة؟ يا سبحان الله.
لو كانت هذه السيدة الفاضلة قد نفـذ فيها أمر قضائي من شرطة المحاكم وليس النظام العام فقد اغتلتم شخصيتها نهائياً والحقتم بها العار الى أبد الآبدين، سهل علي الآن أن أنزل هذا الفديو على هاتفي وأطوف به أينما أريد! اذا كانت هذه السيدة جلدت في جريمة زنا مثلاً وكانت مظلومة ومن شاهدوها في قسم الشرطة لا يعرفونها فقد شاركتم الآن في فضحها حيث لا يعرف مجتمعنا الرحمة ولا يصدق! عندما يريد أن يثبت أحدنا مثلاً نزاهته في هذا المجتمع الغريب يقول: ما خشيت القسم والله طول حياتي! أو والله ما خشيت القسم الا عشان اطلع بدل فاقد لبطاقتي!
الذي نشر الفديو على الانترنت عديم رحمة. وأنتم أشد قسوة.
لا حول ولا قوة الا بالله
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: رغيم عثمان رغيم الحسن)
|
.. والله يا وليد كلامك 100%
الفيديو حيظل متداول فى الانترنت والموبايلات لسنوات ... والناس البقولو انو وجه البنت دي ما ظاهر دا ما اكيد ، لأنو كل الناس البعرفوها .. حيعرفوها في الفيديو .. وحينتشر الكلام وممكن جدا مصير البنت دي يكون اسود بسبب التصوير دا .. ممكن اسرة البنت دي تكون اصلا ما عرفت بموضوع جلدها ، لكن الان تقريبا معظم الناس شافت التصوير و ممكن اسرتها تكون شافتو .. وطبعا عارفين البيحصل في الحالات دي. .... انا في الحقيقة معترض على مبدأ التصوير نفسو ، كونو ناس الشرطة يصورو ( او يسمحو بتصوير ) المشهد دا ... مفروض تتم محاسبتهم . ومستغرب من استغلال الفيديو كوسيلة للضغط السياسي ، ووسيلة لوصف الشريعة - كمان - بانها مهينة لكرامة البشر ..!!!
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وائل فحل)
|
وليد
والمتداخلين جميعا
سلامات
ياوليد دي وجهة نظر جديرة بالنقاش
وأي تبسيط لهذا الحوار ...هو تبسيط مخل ويُظهرنا بمظهر ساذج
أقصد بالحوار النقاط التي أُثيرت من الجانبين
أولا لا أرى حرج في الزاويا التي تناولت بها الموضوع ...فمسالة الخصوصية الفردية وضرورة إحترام رغبة الشخص في بث أي ماده تحتوي وجوده امر ضروري ...لاسيما إذا تم تصويره في اوضاع مذله ودون رضاه
من ناحية اخرى ...نحن في السودان ياوليد لازلنا في طور بناء المؤسسات ...ومحاولة تنزيل حكم القانون وإخراجه من ضيق التنظير إلى رحاب التفعيل ...نحن في مرحلة البناء وآمالنا في دولة تحترم حقوقنا وحرياتنا وآدميتنا مازالت غير محققة قصدت ان أقول أن الناس ياوليد في مرحلة مغالبة ومجاهده قد يرون ان أي شئ مشروع في إطار تغيير واقع يمس آلاف الناس ويحول حياتهم إلي شئ بغيض
العالم المتقدم في مجالات حقوق الإنسان أصبح الآن لاحديث له إلا الحريات الشخصية ، والحقوق الشخصية ذلك انهم تقدموا في مجال القانون والدستور
ولكن السؤال هل يجدي هذا كمبرر لإنتهاك الحدود الشخصية للبني آدم أعني هل حماية الشعوب تاتي عن طريق التضحية بالأفراد ....
هل يمكننا إستعمال صور اطفال المايقوما من اجل حشد المسانده لقضيتهم ؟
هل يمكننا تصوير شخص في أوضاع مذلة بهدف إنتشاله ؟
من ناحية اخرى
هل يمكننا الصمت عن الجرائم والإنتهاكات والفظاعات بحجة المحافظة على الحقوق الشخصية ؟
انا ماعامل فيها فيصل القاسم
لكن جد الموضوع معقد
شكرا ياوليد لفتح هذه النافذه الحية للنقاش
دعونا لانحاسب النيات وننشغل بالإتهامات المتبادلة
على الأ يُنسينا النقاش في هذا الموضوع المهم ...مطالباتنا المستمرة بإيقاف هذا العنف تجاه افنسان السوداني
____________
تشويش الوجه مقترح مهم وعلى من لم يفعله ان يعترف بأن حساسيته تجاه الوضع الخاص للفتاة كانت قليلة
ربما لأنه غضب بشده وهذا امر مفهوم
إحترامي للجميع
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: osama fadlalla)
|
Quote: اها اساطين الثقافة ناشري الفلم بدون اذن او موافقة صاحبته ديل نلقى ليهم تبرير وين ؟! |
وليد لك التحية وطاب يومك اخي الحبيب صدقني ديل لو الواحد لقى هذه الفتاة تتسول في الشارع ما يرحمها بقرش وواحد ولا يمد ليها يد العون ابدا ديل يا عمك بس دايرين اي جريمة او أي مشكلة يركبوها في عمر البشير ،،، ديل ما دايرين دليل ودايرين أي مبرر مثاما لا تحتاج اسرائيل الى زريعة لقذف غزة
االاخ تبلدينا مشكور على هذا الكلام الطيب
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Tabaldina)
|
Quote: كلامي ده يا كبير يا صديقي ويا خالد كودي ويا سنا
ويا صديقتي تراجي
فيه شي ؟ |
ابداً والله مافيه شي.. وجهات النظر بتختلف.. كل زول بفكر في الموضوع من زاوية مختلفة و ده لا عيب لا حرام و خصوصاانك مغر بظلم البنية المسكينة دي
شيئ مؤسف من بعض الزملا انهم يهاجموا و يشتموا فيك بسبب انه رأيك بخلاف رأيهم.. ممكن يقولوا ليك نحن شايفيين كده و جهة نظرك دي ما كده لكن للأسف
ديل بحبوا الظهور و الصعود الى برج النضال عن طريق سب و شتم كل من يخالفهم الراي .. لكن برضو شايفة زملا تانيين عرضوا اختلافم معاك بكل ادب و احترام
و ناس شوية انفعلوا لكن ما خرجوا عن حدود المعقول .. في النهاية خلينا نلتمس ليهم العذر.. الشي الشافوه وقعوا ما هين و زي ما الاراء بتختلف درجة تحمل
الناس للمصايب بتختلف .... شخصياً من امبارح ماسكاني خمة نفس و صداع و نوم متقلب و صورة البت ما دايرة تغيب من ذهني و حزن ممسخ علي اي شي .. ما تزعل يا وليد و إلتمس ليهم العذر ربنا يعينا و يصلح حالنا و يسترنا في الدنيا و الآخرة
| |
|
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Adam Omer)
|
سلام يا وليد
لا اتفق معك جملة و تفصيلا, في عدم نشر الفيديو، بل أرى واجبية نشره على أوسع نطاق ممكن، لأنه يفضح ما يجري من ظلم و اضطهاد في سابعة النهار، ولا يحتاج النشر إلى إذن من الفتاة لأن الفيدو ليس فيه ما يسيء إليها، بل هو يسيء إلى جلاديها، ورؤسائهم و المتبطنين من خلفهم.. بل في الحقيقة هي أنه لولا قصورنا لما بقيت على بلادنا حكومة الجهل والهوس و الارزقية.
و انا من الكاظمين الغيظ, لم استطع غير البصق عليهم شهد الله بكيت من الحزن ومن انني مكتوف اليد, الله عالب فلهم يوم, فهذا او الطوفان
لطفي
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: Adam Omer)
|
Quote: وليد لك التحية وطاب يومك اخي الحبيب صدقني ديل لو الواحد لقى هذه الفتاة تتسول في الشارع ما يرحمها بقرش وواحد ولا يمد ليها يد العون ابدا ديل يا عمك بس دايرين اي جريمة او أي مشكلة يركبوها في عمر البشير ،،، ديل ما دايرين دليل ودايرين أي مبرر مثاما لا تحتاج اسرائيل الى زريعة لقذف غزة
|
المكاشفي
سلامات
فيما يتعلق بإنو الناس دايرين أي جريمة يركبوها في عمر البشير
كيف يعني ؟ لو ممكن توضح اكتر
رجال شرطة بالزي الرسمي يقومون بتعذيب إمرأة وضربها في مناطق متفرقة من جسدها
رد الفعل المناسب إنت شايفو كيف ؟ والمسؤولية بتحملها منو ؟
بعدين تشبيه التمثيل بتاعك ده غريب شوية
يعني الناس ديل إسرائيل ...وعمر البشير غزة ؟
| |
|
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
Quote: شاحد الله أي واحد شهر بالبت ده وما فكر في مشاعرها .. ما فكر في رغبتها .. ما فكر في احساسها من نشهر هذا الفلم يشوف الحصل ليها في روحو في بتو في اختو عشان حا يعرف ساعتها .. السترة حاجة ما هينة ولاها مقبولة في ميزان كسب النقاط (الحكومة والمعارضة ) |
وليد
لا اظن انك محتاح لاثبات رايك بتكرار الظلم علي ناس تانين
يا اخ اقول ليك والله لا نتمني ان يحدث هذا لزوجتك حتي وان كنت انت من يجلد هذه البت المسكينة
او لاختك
او لوالدتك
يا اخينا نبز الناس المختلفة معاك في نقطتك دي زي ما عايز بس مرة تانية نتمني انو تخارج التانين الما كانوا معاك هنا لان ولانو ولانو
ممكن يكونوا عندهم نفس وجهة نظرك
او رايك
الرجالة والمعيار الاتنين ما بخلونا نتمناها حتي للناس المختلفين معانا مش سياسيا في اي حاجة ومهما كانت منطلقاتهم الفكرية او كلامهم دا كان غلط او اذا اساوووك انت في شخصك لا اظن في يوم انو ممكن من المنطق البسيط
انو نجي هنا وندق امهاتهم او اخواتهم بالدعوات
يعني لو مشيت لميت في واحد من الناس الكتبوا ليك راي مخاالف وجلدتهم بالسوووط عديل كان افضل يا احاج من انك تدخل ناس تانين معاهم
قتك بعافية ويبدوا انك مشغول وكلنا
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
تحياتي يا شباب
خلوني اشكر عمر عشاري اولا واشكرو عليه لانه شرح وجهة نظري بصورة ممتازة وما كنت حا اقدر اشرح ما اقصده افضل منه
Quote: وليد
والمتداخلين جميعا
سلامات
ياوليد دي وجهة نظر جديرة بالنقاش
وأي تبسيط لهذا الحوار ...هو تبسيط مخل ويُظهرنا بمظهر ساذج
أقصد بالحوار النقاط التي أُثيرت من الجانبين
أولا لا أرى حرج في الزاويا التي تناولت بها الموضوع ...فمسالة الخصوصية الفردية وضرورة إحترام رغبة الشخص في بث أي ماده تحتوي وجوده امر ضروري ...لاسيما إذا تم تصويره في اوضاع مذله ودون رضاه
من ناحية اخرى ...نحن في السودان ياوليد لازلنا في طور بناء المؤسسات ...ومحاولة تنزيل حكم القانون وإخراجه من ضيق التنظير إلى رحاب التفعيل ...نحن في مرحلة البناء وآمالنا في دولة تحترم حقوقنا وحرياتنا وآدميتنا مازالت غير محققة قصدت ان أقول أن الناس ياوليد في مرحلة مغالبة ومجاهده قد يرون ان أي شئ مشروع في إطار تغيير واقع يمس آلاف الناس ويحول حياتهم إلي شئ بغيض
العالم المتقدم في مجالات حقوق الإنسان أصبح الآن لاحديث له إلا الحريات الشخصية ، والحقوق الشخصية ذلك انهم تقدموا في مجال القانون والدستور
ولكن السؤال هل يجدي هذا كمبرر لإنتهاك الحدود الشخصية للبني آدم أعني هل حماية الشعوب تاتي عن طريق التضحية بالأفراد ....
هل يمكننا إستعمال صور اطفال المايقوما من اجل حشد المسانده لقضيتهم ؟
هل يمكننا تصوير شخص في أوضاع مذلة بهدف إنتشاله ؟ من ناحية اخرى
هل يمكننا الصمت عن الجرائم والإنتهاكات والفظاعات بحجة المحافظة على الحقوق الشخصية ؟
انا ماعامل فيها فيصل القاسم
لكن جد الموضوع معقد
شكرا ياوليد لفتح هذه النافذه الحية للنقاش
دعونا لانحاسب النيات وننشغل بالإتهامات المتبادلة
على الأ يُنسينا النقاش في هذا الموضوع المهم ...مطالباتنا المستمرة بإيقاف هذا العنف تجاه افنسان السوداني
____________
تشويش الوجه مقترح مهم وعلى من لم يفعله ان يعترف بأن حساسيته تجاه الوضع الخاص للفتاة كانت قليلة
ربما لأنه غضب بشده وهذا امر مفهوم
إحترامي للجميع |
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
يا خالة دوما
سلامات
هاك اخدي اول البشريات في التعرف على الفتاة
Quote: الفتاة "كانت" طالبة جامِعِيّة بجامعة خاصّة من جامعات مدينة أم درمان أُدينت في عُدّة جرائم و صحيفة جرائمها تقول الآتي: 1- مُدانة كمُروِّجة لحبوب منْع الحمل في المدارس الثّانويّة و الجّامعات. 2- مُدانة كمُروِّجة هيروين و بنقو في الجّامعة التي فُصِلت مِنْها و جامعات أُخْرى. 3- مُدانة في جرائم دعارة "مُمارِسة" و مُساعدة على المُمارسة.
و هي مِنْ أُسْرة معروفة - شريط الفيديو تمّ تصويره في شهر فبراير من العام 2010م - قامت هي نفسها بعد جلدها بهذه الطّريقة المهينة بفتْح بلاغ في القاضي و تمّ إيقافه لفترة و نقله فوراً بعد التّحقيق معه - يخْضع أفراد الشُّرْطة الآن للتّحقيق في مسألة تصوير الفيديو الذي ظهر مُؤخّراً و سيتم عِقابهم على تفلّتهم في طريقة تنفيذ العقوبة و التّنكيل بالجانية و سبب تصوير الفيديو. |
هذه اول بوادر نشر خصوصيات الفتاة مع الفلم اي زول ممكن يعرف هي منو.
ونحن قبيل شن قلنا
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: وليد محمد المبارك)
|
يا وليد المداخلة دي مشت وين في واحد كان شابح البوست دي ليومين, الليلة يادوب ظهر, المداخلة موجودة لما تعمل سيرش لكن غير موجودة في القراءة المنتظمة عشان كده نعيدها ليك بحزافيرها, و مازلت ممقوصا من هؤلاء القردة الخسئة
سلام يا وليد
لا اتفق معك جملة و تفصيلا, في عدم نشر الفيديو، بل أرى واجبية نشره على أوسع نطاق ممكن، لأنه يفضح ما يجري من ظلم و اضطهاد في سابعة النهار، ولا يحتاج النشر إلى إذن من الفتاة لأن الفيدو ليس فيه ما يسيء إليها، بل هو يسيء إلى جلاديها، ورؤسائهم و المتبطنين من خلفهم.. بل في الحقيقة هي أنه لولا قصورنا لما بقيت على بلادنا حكومة الجهل والهوس و الارزقية.
و انا من الكاظمين الغيظ, لم استطع غير البصق عليهم شهد الله بكيت من الحزن ومن انني مكتوف اليد (لا حولة و لا قوة), الله عالب فلهم يوم, فهذا او الطوفان
لطفي
| |
|
|
|
|
|
|
Re: اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم (Re: لطفي علي لطفي)
|
مرحب العزيز لطفي
زي ما قلت في زول كان شاتح البوست اضطريت اتدخل برمجيا عشان اعدلو .. اتعدل لكن المداخلات بين تدخلي ومداخلة الزول ضاعت
بالنسبة للموضوع
Quote: ولا يحتاج النشر إلى إذن من الفتاة لأن الفيدو ليس فيه ما يسيء إليها، بل هو يسيء إلى جلاديها، ورؤسائهم و المتبطنين من خلفهم |
مختلف معاك في ده الفديو سبب الجلد نفسه ما فيه اساءة للبنت لكن الاسباب التي ادت الى الجلد قد يكون فيها اساءة ليها ولي اسرتها
اديك سيناريو حا يمرق بيان من الشرطة يكون فيه خبر محاكمة القاضي والجلاد والمصور وكل الكان حاضر ( كبش فداء) لكن في نفس البيان حا تجي تفاصيل البنية دي والاسباب التي ادت الى جلدها تفصيليا
ده عشان الشرطة والحكومة تمرق سليمة
خلاصة القول سبق السيف العزل البت موضوعها انتهى على الاقل في السودان واسرتها برضو مشكلتها كبيره جدا حسب عادات وتقاليد بلدنا ما اي تقاليد تانية
ودي
| |
|
|
|
|
|
|
| |