Quote: ثقافة البطان عند الجعليين في تقديرى هي من اكثر الثقافات الانسانية تخلفا ووحشية ماممكن اتصور ان هناك انسان ممكن يفرح ويطرب ويجامل بتلك الوحشية المتوحشة
الحمدلله طلعتها ثقافه ، ياى ياى ياى
الصوت بويح اكان ما قدرو زيح يا جنا
11-26-2010, 10:30 AM
خالد المحرب
خالد المحرب
تاريخ التسجيل: 01-14-2007
مجموع المشاركات: 5705
Quote: لا و الله يا بدر ، ده ارث اخوان بنونة بت المك
يعنى ياهجو بتوافق ابن عمك دكتور منصور خالد الراى حين قال:
Quote: فالعرب الذين جاءوا السودان لم يفدوا اليه كغزاة فاتحين. جاءوا إليه وفيهم الباحث عن مرعى اخضر، وفيهم الساعي وراء تجارة رابحة، وفيهم الراغب في نشر الدين والعلم. هؤلاء جميعاً استقروا بين اهلهم من النوبة، وتصاهروا وتناسلوا حتى أصبحوا جزءًا من نسيج جديد. وإن كان هناك بعد كل هذا التمازج من لايزال يظن أنه حفيد لبني عبد شمس فما أحرانا بحمله على النظر على وجهه في مرآة، وإن أصر على أنه مازال عبشمياً (اي من بني عبد شمس) فلا مجال إلا لأخذه إلى أقرب مارستان.
11-25-2010, 01:49 PM
هجو الأقرع
هجو الأقرع
تاريخ التسجيل: 07-19-2006
مجموع المشاركات: 9070
ود الامير مساءك الله بالخير ، يا اللخو انت قلت ده ارث منو كده مش عارف ، قمنا قلنا ليك لا ده ارث حبوبتنا بنونه بت المك نمر ، القالت الخيل عركسن ما قال عدادن كم ، و ختمت بقولها ملاى سروجن دم .
كلام منصور دى يبلو و يشرب ميتو ، نحن ولدنا و خلقنا فى السودان و نفخر باصلنا اللقناهو ، و على المستوى الشخصى اقول انا مسلم و عقيدتى جنسيتى و الله اكبر مبدأ و شعار .
وفات على ان اقول و الكيزان احبتى و اخواتى ، اها رايك شنو فى الشعر ده هههههههههههههه
وكمان ناس حق ديل احلى ناس و الجكسى عندهم تمام دى عشان ودعمى محمد ابوجوده و عشانك انت يا (جعلى الصعيد) اسع الزول الفى عمرك ده مفروض يكون ضهروا كلو محروت من اثر البطان ذى كده ، (صورة مرفقة ).
11-25-2010, 02:29 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 23184
Quote: هجو انت مابتعرف ارث قصى بن كلاب بن مرة جدالعباسى الذى كانت إليه الحجابة والسقاية والرفادة والندوة ، فحاز شرف مكة كله. تانى النسمعك تقول انا جعلى
الامير ياخي خليك زول امير مالك قلبتها لينا درس تاريخ هجو وهاله ابشرو بالخير وانا حلفت علي شبل السناجك وود شيقوق كل واحد ياخد عشرة صيتان
Quote: الامير ياخي خليك زول امير مالك قلبتها لينا درس تاريخ
النسيبة العزيزة ام احمد ياخى خليك حقانية عينك في البطحانى البنقل في المصايب وتحمينى اعرف قريبى هجو بجدو قصى الله يستر مايكون صاحبى ودالمحرب مابعرف طلحة والزبير يكون طلع بطحانى جزيرة ههههههه
11-25-2010, 04:21 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 23184
Quote: الامير ياخي خليك زول امير مالك قلبتها لينا درس تاريخ
النسيبة العزيزة ام احمد ياخى خليك حقانية عينك في البطحانى البنقل في المصايب وتحمينى اعرف قريبى هجو بجدو قصى الله يستر مايكون صاحبى ودالمحرب مابعرف طلحة والزبير يكون طلع بطحانى جزيرة ههههههه
11-25-2010, 04:28 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 23184
العزيز اسماعيل عباس كل الاعوام وانت بخيرين وزيادة ياسيدى نحنا جيل اعمامنا ودالمحرب وودالاقرع قنعانين منهم بس المشكلة بخربو في عقول اولادنا صدقنى لو كنا في امريكا او اوربا كنت بلغت على وحشيتهم الشرطة واخدنا عيالنا منهم نحن في عصر رقائق السلكون والانتر نت والخريطة الجينية والبصمة الوراثية شوف زي كلام المتخلف جعلى البلد هجو
Quote: و عشانك انت يا (جعلى الصعيد) اسع الزول الفى عمرك ده مفروض يكون ضهروا كلو محروت من اثر البطان
مش تلك جريمة ضد الانسانية
11-25-2010, 09:03 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
وفي الوثائق هجو زاتو شهادة عربية يالمسنوح انا ود شيوخ ادبينت في ود المحرب اعمل حسابك ورسل البياض قبال ما امسخك وخليك زي ود المحرب يوم بوست بطان ويوم بوست بقر وردن الحفير ناهيك عن تلك الرواية (شيبان السودان في الخليج ) ودا الاسم الجديد للرواية بعد ما انت دخلت على الخط يكفي ام ازيد .....
11-25-2010, 09:07 PM
هجو الأقرع
هجو الأقرع
تاريخ التسجيل: 07-19-2006
مجموع المشاركات: 9070
يا شيخ الطيب يا خوى ، فعلا مجاهد شهادة عربية بس شهادة السرور ، غايتو ما شاء الله من دخل المدرسة اصلا ما اشتكى من طالب ، كلمة و التانية بونيه طوالى ، اخونا محمد السنى مسميهو وزير الرى ، الزول اول ما يجى الضيوف العصائر و الشاى و القهوة طوالى تدور ، لكن كلام كتير ما فى . اها مشي السودان عندو خالو استاذ جامعى تزوج زولك طلع القميص و قعد بى الجنيز قال لازم ينجلد ، المهم عندو عمو اسم محمد قالوا يا و لدى اصلو ما فى زول دقهوه بالجنيز ، المهم زولك تانى يوم صبح فى دامر المجذوب اشترى عراريق و صديرى ، اها باقى ليك ما بسد مكان عمو الطيب .
11-25-2010, 10:34 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 23184
بس المشكلة بخربو في عقول اولادنا صدقنى لو كنا في امريكا او اوربا كنت بلغت على وحشيتهم الشرطة واخدنا عيالنا منهم نحن في عصر رقائق السلكون والانتر نت والخريطة الجينية والبصمة الوراثية
ههههههههههههههههههههههههههههههههههههههههههههههههها الله يجازيك كتلتني بضحكة
هيييييييييييييييييييع انا البيت بلا ستو - دا واحد عمنا لما يركز للبطان بدق كراعو في الواطة نامن العلال يعكل في السماء وبقول ( انا البيت بلا ستو ) يعني انا شين والكعب زى البيت بدون مرة
قال عصر السلكون
11-26-2010, 06:14 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
طلع القميص و قعد بى الجنيز قال لازم ينجلد يا شيخ هجو
الله يطول عمرو
انت عارف يا شيخ هجو التفاعل مع صوت الدلوكة دا زى الحس الوراثي اصلا المدنية والتعليم ما بغير فيهو حاجة
اذكر - اخي هجو - عندما كنا طلاب في جامعة الخرطوم حضر المرحوم الطيب محمد الطيب في كلية الطب عشان يحكي عن اغاني الحماس وجاب معاهو حميراء ( غناية بالدلوكة) - كان يحكي عن شعر الحماس وعن تاثير ذلك على الشخصية السودانية وكانت القاعة وقتها ملايان اولاد وبنات . في اثناء المحاضرة قال لحميراء اسمعينا حاجة من اغاني الحماسة .
والله والله شوف عيني لما حميراء بدت الرمية وواصلت في دق الدلوكة اشوف ليك ناس ود بادي الشاعر كان وقتها طالب طب جاب السوط و طلع ملابسو وراح قادل جوة الفسحة يدق في رجلينو بالسوط بعد شوية تلبوا فيهو مجموعة من طلاب الطلاب بحماس عجيب وراحو راكزين للبطان والله والله جلطوا البلاط كلو دم . والله البنات الفي قاعة كلهن جرن منها واتفرتقت المحاضرة .
دحين مجاهد دا الحس دا اتولد بيهو وما بغيرو تعليم ولا جنز .
قلت لي سافر اهلو عشان يشتري سروال ؟
ههههههههههههههههههههههها عافي منو ولدي التلب
11-26-2010, 07:16 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 23184
هيييييييييييييييييييع انا البيت بلا ستو - دا واحد عمنا لما يركز للبطان بدق كراعو في الواطة نامن العلال يعكل في السماء وبقول ( انا البيت بلا ستو ) يعني انا شين والكعب زى البيت بدون مرة
شيقا ياشقى الحال ياخى انا مارق عندى مؤتمر يعنى جمعة وشغل والطيب شيقوق كلام عمك صاح ودى شهادة مجرب حتى هذه اللحظة هههههه لكن داير احكى لك حكاية حكاهالى لى صديقى المشترك مع هجو وهو نوح عبدالواحد الصادق من جعليين ود حامد ذكر لى انه في ذلك الزمان ناس ود حامد كانو بقطعو بالمركب قال ان الجعلى سيد المركب اول ما نصل قدام القيفة عشان يقرر العدد الحا يقطعوع في الدور الاول كان بصيح في الناس ويقول أسمعو الرجال يقيفو على جنب والنسوان وابان بناطلين يقيفو على جنب دلوقت اصحابك هجو وود المحرب فرقهم من سيد المركب شنو انا اقبل كلام سيد المركب وهو جالس في بيئته تلك التى لم يرى غيرها ولا يمكن ان نقول له بجرة قلم ان العالم تغير من حقه تماما ان يرى في لبس البنطلون بالنسبة للرجال نوع من المثلية الجنسية لكن اصحابك القاعدين في الرياض والدوحة وبتعالملو مع النت وبحومو في الاتيوب وبرضو دايرين يكونو زى سيد المركب نعمل معاهم شنو ومع انفصامهم وبرضو ياشيقا تسخر وتقول :
Quote: قال عصر السلكون
تنهدات: ما اورده ودالمحرب وايده ود الاقرع دا في الرياض ودا في الدوحة يجب ان تبلغ به مستشفيات الامراض النفسية لالحجرهم لكن لدراسة الحالة
11-26-2010, 08:41 AM
ابوبكر قسومة
ابوبكر قسومة
تاريخ التسجيل: 11-19-2010
مجموع المشاركات: 437
مرور للتحية فقطا.....غناكم يا شيخ العرب وود الاقرع سمح بالحيل ...نحنا نسمع وبس....علا كان جابت لها صرف سيطان يانا المدينكم عجاج كرعينا.... ود شيقوق أركز.
11-26-2010, 09:09 AM
خالد المحرب
خالد المحرب
تاريخ التسجيل: 01-14-2007
مجموع المشاركات: 5705
الفيديو ده يستاهل أنادي علي أخوي باقي بحب العرضة شدييييييييييييييد
بس ما بضمن إنو يرضى ينجلد
اهم شى انك شفت فعل اهلك اهل منونه ديل كل شى بختوه فى محلو وتانى هيييييييييييع سلمى لى على على وقولى شد حيلك فى التعليم انت ماك مطالب تنجلد اجلد لينا العلم بس
11-26-2010, 09:37 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 23184
Quote: ثقافة البطان عند الجعليين في تقديرى هي من اكثر الثقافات الانسانية تخلفا ووحشية ماممكن اتصور ان هناك انسان ممكن يفرح ويطرب ويجامل بتلك الوحشية المتوحشة
وللسودان قصب السبق فى اضافة البطان كاحد وسائل نقل مرض الايدز والتهاب الكبد الوبائى وامراض الدم الاخرى! بعد دا ياود المحرب وود الاقرع شيلوا معاكم سيطان ديسبوزال وكمان كله واحد يجيب سوط ينجلد بيهو براهو! يا اخى الحرب ذاتا اتغيرت المارينز فيها مثليين معلقين حلقان وضاربين احمر شفايف بشتغلوا الحرب زى البلاى استيشن يضربوا ليك حلة مراحيل الواحد فيهم لابس ليهو عشرة امتار قماش توب وعراقى وصديرى وعمة وشايل درقة وسيف! عشان كدى الامريكان فكوا ليكم حظر الكومبيوترات! جنى
Quote: ألأخ/خالد المحرب .. شيخ العرب..لك التحية...ولآسرتك الجميلة يحفظكم الله.
الفيديو ما فتح عندى.لكن تأكد مادام شيتآ فيه هييييييييييييع أكيد بكون جميل إن شاء الله..
تلك هى ثقافتنا تنتقل من جيل إلى جيل منها القبيح وفيها الجميل....لكن موضوع البطان ده من الشىء الجميل فى نظرى..
دا كلام صاح دا ارث تاريخ والفكاك منه صعب جدا ولكن نحن لاندعوا له ولكن عندما نراه فى كثير من مناسباتنا لا نعترض عليه بل يجد القبول وتقشعر له الابدان طربا شكرا سمعه ولك منى الف تحيه ربنا يز
11-26-2010, 10:53 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
غايتو يا شيخ الطيب ود شيقوق من محن الزمن انو ود الامير عامل فيها صديق محمد و لدى الكبير تعرف ليه لانو مره كده توسط ليهو فى دراسته فى النيو هورايزن ، اها محمد ده عرسو على الابواب جزم بدرالدين لو ربطناهو على ( خشب مسنده) لازم نجلدو عشان يعرف الله حق .
و نعفو عنه فى حال واحده ما يقول محمد هجو نديدى و صديقى ، الصداقة و النداده عربونها السوط فى العرس .
شيخ العرب ود المحرب مرحبا بعودتك للبوست برجع ليكم.
غايتو يا شيخ الطيب ود شيقوق من محن الزمن انو ود الامير عامل فيها صديق محمد و لدى الكبير تعرف ليه لانو مره كده توسط ليهو فى دراسته فى النيو هورايزن ، اها محمد ده عرسو على الابواب جزم بدرالدين لو ربطناهو على ( خشب مسنده) لازم نجلدو عشان يعرف الله حق .
يا زول ود الامير دا احسن تختاهو الزول دا سليل ناس اربجي الشهدت اكبر معركة بين الفونج والعبدلاب ديل بتلهمو الجيم ثري سيبك من فراطيكم دي
11-26-2010, 04:18 PM
خالد المحرب
خالد المحرب
تاريخ التسجيل: 01-14-2007
مجموع المشاركات: 5705
صاحبى بدر الدين ات ما بتعرف الهوشا هسع دحين اسمع الغنوه والله اعرض لامن افتر واصوقر وهز ورز وبينى بين الركزه ما شيتا بعيد وكان عندى كلاش بفك مجموعه وتانى هييييييييع
دى اسمها الشعره والهوشه زولا بست###### طاب وينك الليله ما بترد على التلفون اظنك جادعو منك بعيد وجالد النوم
11-26-2010, 04:33 PM
هجو الأقرع
هجو الأقرع
تاريخ التسجيل: 07-19-2006
مجموع المشاركات: 9070
Quote: جزم بدرالدين لو ربطناهو على ( خشب مسنده) لازم نجلدو عشان يعرف الله حق .
والله يا بدر الدين كان ما ركز ت فى عرس الجعلى يكون اتلوم لوم البل ما بقومن بيه دحين شد حيلك خلها طوعيه قبل الناس ما تربطك ونبقا فى صلى على النبى ياخ ههههههههههه
11-26-2010, 06:08 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
e: و عشانك انت يا (جعلى الصعيد) اسع الزول الفى عمرك ده مفروض يكون ضهروا كلو محروت من اثر البطان احم احم مالم جعليين الصعيد يا ابو مجاهد؟؟ باقى راس السوط هبشنا
11-26-2010, 07:34 PM
هجو الأقرع
هجو الأقرع
تاريخ التسجيل: 07-19-2006
مجموع المشاركات: 9070
الكريم ود العم ود الفحل ، سلام و احترام ، يا خوى عزاز و غالين ، لحظ مفرد (جعلى ) و ليس جعليين ) و لو راس السوط وصل نكرر الاعتذار بس اخوى بدر كان السبب.
مرحبا بيك معنا فى حوش اعمامك ود المحرب وود شيقوق وجدك بدرالدين . و ابشر بالخير سوف انزل ليك هديه هنا بعد شوية
11-26-2010, 07:35 PM
هجو الأقرع
هجو الأقرع
تاريخ التسجيل: 07-19-2006
مجموع المشاركات: 9070
الكريم ود العم ود الفحل ، سلام و احترام ، يا خوى عزاز و غالين ، لحظ مفرد (جعلى ) و ليس جعليين ) و لو راس السوط وصل نكرر الاعتذار بس اخوى بدر كان السبب.
مرحبا بيك معنا فى حوش اعمامك ود المحرب وود شيقوق وجدك بدرالدين . و ابشر بالخير سوف انزل ليك هديه هنا بعد شوية
11-26-2010, 06:36 PM
هجو الأقرع
هجو الأقرع
تاريخ التسجيل: 07-19-2006
مجموع المشاركات: 9070
تعرف يا ابو احمد صاحبك ده كراعو فى رقبتو لازم ينجد لصاحبو محمد ، وفى حالة العدم انت عارف جماعة النظام العام اخوانا ، اى رخرخة نتصل فى اخو معتز قريش و الباقى معروف ، حناسة مافى ، يندق لازم يندق ، حتى لو ثبتوه من خلف ستار اربعه كبار .
11-26-2010, 07:58 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
(عدل بواسطة هجو الأقرع on 11-26-2010, 09:44 PM) (عدل بواسطة هجو الأقرع on 11-26-2010, 09:45 PM) (عدل بواسطة هجو الأقرع on 11-26-2010, 09:48 PM) (عدل بواسطة هجو الأقرع on 11-26-2010, 09:55 PM) (عدل بواسطة هجو الأقرع on 11-26-2010, 09:58 PM)
11-26-2010, 09:40 PM
خالد المحرب
خالد المحرب
تاريخ التسجيل: 01-14-2007
مجموع المشاركات: 5705
وفي زواج صاحبى ونديدى محمد هجو صاحبتى اللبنانية حا ترقص مع ود الباوقة إسلولى ولو مك على ياود شيقوق بعدها ود الباوقة حا يجى هنا ويهتف رقيص ود الامير وسيبونا من رقيص البشير
11-26-2010, 10:13 PM
خالد المحرب
خالد المحرب
تاريخ التسجيل: 01-14-2007
مجموع المشاركات: 5705
Quote: وفي زواج صاحبى ونديدى محمد هجو صاحبتى اللبنانية حا ترقص مع ود الباوقة إسلولى ولو مك على ياود شيقوق بعدها ود الباوقة حا يجى هنا ويهتف رقيص ود الامير وسيبونا من رقيص البشير
تسلم ود الامير سيد الفهم والزوق
11-27-2010, 01:13 AM
خالد المحرب
خالد المحرب
تاريخ التسجيل: 01-14-2007
مجموع المشاركات: 5705
كدي هاكم الوصف دا دوبني جيتكم صآد: لعبيد: والله غايتو شيتاً يخلي حمارتك تقطع البحر ده ما في. إلا طه ود الفنجري ده زولا مو هيّن. الحبوب: آي والله صدق. زول أخو أخوان بالحيل... حاو... الله يخربك يا المسنوحة. الغفاري: يا جماعة الناس ديل ضحويهم شغال، دحين أكان ما جرتقنا العريس بسيطان فوق ضهرنا ده أوعو من نفطر والا ندليلنا موية في حلقنا. العبيد: أبشر بالخير. يا زول حرَم أنا تلقوني قدآمكم تب.
بدأ صوت الدلوكة والزغاريد منبعث من وسط غابات النخيل، ونسيم البحر الجميل يداعب جرايد النخل، فتبدو كأنها تتجاوب راقصة مع ضربات الدلوكة، وأنغام الطمبارة، وصوت الغناي يأتي بتطريب شجي مرددا الدخان والدلكة خلن عقلي لكة أنا يا ناس الله لي الليلة... أسرع شبان الفريق نحو الركب الميمون. الشبان : أهلا ... حبابكم ... أبقوا مندلين. أحد الشباب: يا ولد أمش قولهم الفطور... يا جماعة تعالوا علي المضيفة. الغفاري: يا زول نحن داخلين علي دارة اللعب دي، وحالفين كان ما إدقينا لا ناكل لا نشرب. أحد الشباب: قلتو كدي!. حرم إياهه المحرية فيكم. نزل ثلاثتهم إلي دارة اللعب، وإستقبلهم طه هاشاً باشاً يتفجّر محياه عن إبتسامة عريضة وقد بدأ الهلال متلألئ فوق جبينه, رابطا الحريرة في يده اليمنى وسوط العيسيت يندي بالقطران. فضجت النساء بالزغاريد وعلت الأصوات: أبشروا يا جماعة أبشروا بالخير... أبشر يا زول، وبعد جولة من العرضة إتمولصوا وإنتكلوا علي عكاكيزهم المضببة بجلد ضنب التور, ودآر حولهم طه شاهرا السوط في الفضاء، فإخطلطت زغاريد النساء بأصوات الرجال: أبشر... أبشريا زول... أبشروا بالخير. بدأ السوط ينزل علي ضهورهم فيزيدهم ثبات وخشونة وركزة مع إصرار عنيد منهم علي العريس أن يواصل الجلد، إلي أن تدخل حاج العبيد. حاج العبيد: حرَم كان تمرقوا, والله ما قصرتوا تب. وهكذا إستمرت أفراح ومراسم الزواج أسبوع، غادر بعده ثلاثتهم إلي الشاطئ الشرقي مُوَدعين بصبيان القرية حتي مشرع المراكب...
من اجل هييييييييييييييع نقية وطاهرة من دنس السياسة فانني اتقدم للاستاذ القدير والمربي المحترم خالد المحرب بمخاطبة المسنوح بكري ابو بكر معترضا على مداخلة من الاخ بدر الدين الامير التي قصد من خلالها افساد بهجة هييييييييييييع التي ظل يتابعها الكثيرون من القراء الذين اتوا هنا فرارا من البوستات الشامية والتراجية والهشامية والمحمودية والميادية وغيرها من بوستات السجال السياسي . لكل هذا اطالب الاخ خالد المحرب مطالبة الاخ بكري بتوجيه الاخ البدري اما بتعديل او الغاء هذه المداخلة حتى نواصل الاستمتاع بهييييييييييييييع الطاهرة هذه .
المداخلة يقول فيها بدر الدين الاتي :-
ولو مك على ياود شيقوق بعدها ود الباوقة حا يجى هنا ويهتف رقيص ود الامير وسيبونا من رقيص البشير
شيخ العرب خالد المحرب كل سنة أنت والأسرة بخير أعاده الله علينا وعليكم بالخير والبركات الفيديو بتاعك نزل بحبر بصلي ما ظهر عندنا ( ممكن نكون خارج شبكة عرضك وعرضتك )
هل البطان ثقافة متخلفة ؟؟؟ نقول عن البطان ما نعلمه البطان يقال أن البجة كانوا أول من تباطنوا بالسوط جلدا في أفراحهم معظم القبائل في السودان في شرقه وغربه ووسطه وشماله فيا ثقافة البطان
البطان عمرو ما تخلف وقد قال ود بادي في ذلك وكفّى من المعاني التي تشفي من راوده اعتقاد أنه تخلف
هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدورو تشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق ضرب الصوت والركزة بيفرق الناس عشان زينوبة ما بتحوق وعاد تتحزم الجنيات وتتنظم تقيف في روق وكل واحد يهز ضرعاتو والحجبات تزح لافوق جفير الخوسة فايت الكوع وسيرو مع العضل مطبوق والطاقية تحت الحاجب المعقود هدية أم زين وما مشرية من السوق ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيهو بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق هناك الحال مغير جد وهيجة الناس تفوت الحد وكان حجازو مد الليد بتسمع كع
وفعلاً ضرب السوط والركزة بفرق الناس عشـــــــان زينوبة في خدرها ما بتحوق
يا الامير يا اخوي لما الدلوكا دي تدق صوف راسنا بقوم خلي البطان كان بقى فيها الضبح بنرقد لي وهييييييييييع ومحل رهيفة التنقد
Quote: البطان عمرو ما تخلف وقد قال ود بادي في ذلك وكفّى من المعاني التي تشفي من راوده اعتقاد أنه تخلف
هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدورو تشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق ضرب الصوت والركزة بيفرق الناس عشان زينوبة ما بتحوق وعاد تتحزم الجنيات وتتنظم تقيف في روق وكل واحد يهز ضرعاتو والحجبات تزح لافوق جفير الخوسة فايت الكوع وسيرو مع العضل مطبوق والطاقية تحت الحاجب المعقود هدية أم زين وما مشرية من السوق ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيهو بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق هناك الحال مغير جد وهيجة الناس تفوت الحد وكان حجازو مد الليد بتسمع كع
وفعلاً ضرب الصوط والركز بفرق الناس عشــــــــن زينوبة في خدرها ما بتحوق
يا الامير يا اخوي لما الدلوكا دي تدق صوف راسنا بقوم خلي البطان كان بقى فيها الضبح بنرقد لي وهييييييييييع ومحل رهيفة التنقد
ابو احمد حبابك واليوم السعيد الليله جابك اخونا هجو وفلذة كبده هاله من يومي متبخابته بيهم لكن صدقني الامير ده تحت تحت ليه فهم كبير ومافي شي بوضح الامور غير عرس نديده محمد الاقرع ويجي ود الباوقه ومقصه فيهو يحلف عليه يخت حق الخوة والنداده وينجلد صوتين
11-27-2010, 08:39 PM
Al-Shaygi
Al-Shaygi
تاريخ التسجيل: 11-16-2002
مجموع المشاركات: 7904
شيخ العرب خالد المحرب كل سنة أنت والأسرة بخير أعاده الله علينا وعليكم بالخير والبركات الفيديو بتاعك نزل بحبر بصلي ما ظهر عندنا ( ممكن نكون خارج شبكة عرضك وعرضتك )
هل البطان ثقافة متخلفة ؟؟؟ نقول عن البطان ما نعلمه البطان يقال أن البجة كانوا أول من تباطنوا بالسوط جلدا في أفراحهم معظم القبائل في السودان في شرقه وغربه ووسطه وشماله فيا ثقافة البطان
البطان عمرو ما تخلف وقد قال ود بادي في ذلك وكفّى من المعاني التي تشفي من راوده اعتقاد أنه تخلف
هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدورو تشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق ضرب الصوت والركزة بيفرق الناس عشان زينوبة ما بتحوق وعاد تتحزم الجنيات وتتنظم تقيف في روق وكل واحد يهز ضرعاتو والحجبات تزح لافوق جفير الخوسة فايت الكوع وسيرو مع العضل مطبوق والطاقية تحت الحاجب المعقود هدية أم زين وما مشرية من السوق ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيهو بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق هناك الحال مغير جد وهيجة الناس تفوت الحد وكان حجازو مد الليد بتسمع كع
وفعلاً ضرب السوط والركزة بفرق الناس عشـــــــان زينوبة في خدرها ما بتحوق
يا الامير يا اخوي لما الدلوكا دي تدق صوف راسنا بقوم خلي البطان كان بقى فيها الضبح بنرقد لي وهييييييييييع ومحل رهيفة التنقد
بت أبو حريرة غايتو لا بكضب ولا حاجة، لكن كان أبو أحمد المحرب حلف علي بتوكل أكل السوط الأول وبعد داك بسوي سواة ود عمي وأرقد لي فوق رأي....
الشايقي اخوي وحاتك اكان الفهم بتقاس بالركزه لي الصوت انت المفروض تاخد 100 جلده انماهي لغه يعبر بها اناس بسطا عن مشاعرهم التي ادمنت الالم في كل خطوات الحياه التي يعيشونها هو تحدي لكل شئ وصرخه قويه بعد الموت في شنو ؟ لكن الافظع من الموت هو الالم ديل بلاقو الموت بي صدورهم والالم لغة الفرح عندهم وشعارهم طالماهم احياء عدم الانصياع هو تمرد علي طبيعه قاسيه وكانها لغة الغاب والبقاءللاقوى
11-28-2010, 00:27 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: لو كنا في امريكا او اوربا كنت بلغت على وحشيتهم الشرطة واخدنا عيالنا منهم نحن في عصر رقائق السلكون والانتر نت والخريطة الجينية والبصمة الوراثية شوف زي كلام المتخلف جعلى البلد هجو
ود الأمير، سلآمات. والله العظيم يا بدر الدين اخوي، هنا لمان تكون في مباراة (U F C) البلد كلها بتتعطل، والناس كلهم بيكونو قاعدين قدام شاشات التلفزيونات عشان يشاهدوا إتنين زي التيران داخل قفص حديد يضلربو ودمهم ركبة. في حين المشجعين يجغمو في البيرة السااااقطة ويشجعو بحماس طاغي، والبعض منهم يراهن كمان، ولا تُعد وحشية إنما تعد رياضة ويتعاملوا معاها عاااادي، وما فيش حدي بينكر لأنها دول متحضرة ومتقدمة، وممكن تنكر علينا ثقافتنا وعاداتنا وتقاليدنا، وتعتبرها جريمة يعاقب عليها القانون في حين إنها تفعل فينا مفعول السحر...
Quote: والله العظيم يا بدر الدين اخوي، هنا لمان تكون في مباراة (U F C) البلد كلها بتتعطل، والناس كلهم بيكونو قاعدين قدام شاشات التلفزيونات عشان يشاهدوا إتنين زي التيران داخل قفص حديد يضلربو ودمهم ركبة.
ود المدير كلامك دا يدل على ان امريكا بلد الجعليين ... وناس هجو وودالباوقة مشعبطين في العباس فوق ام كم ماعارف
11-28-2010, 10:54 AM
هالة الأقرع
هالة الأقرع
تاريخ التسجيل: 10-04-2010
مجموع المشاركات: 463
باسطاني الكلمة و بتكيفني شدييييييييييييييييييييييييد
هالة انا كنت فاكرك اخت محمد اتاريك حبوبة محمد انا حا اعمل دراسة عنك وعن عمتك عفاف بعنوان جامعيات يحرضن على البطان وعندهن مستشار قانونى اسمه ود شيقوق يشق عليه ان يتقدم ويتحضر البشر وحا ارسل منها نسخة للامين العام للامم المتحد ة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة