نفس الشخصيات تلف وتدور في قنواتنا الفضائية " يوجد وجع وش" ...!!!

Quote: بحكم خبرتك الكروية ارجو الاضافة والافاضة في وجع الوش الرياضي اضافة الي ما ذكرهم الاخ فدياس الطاهر محمد عثمان علي قاقارين والساده

** إبن خالى ..
** مساءك خير..
## شوف ناس الكوره أغلبهم فاقد تربوى الواحد فيهم فى جمعيه أدبيه ماإتكلم ,, يجى يتكلم فى التلفزيون والله حِكم..

** الفنانين الظهرو بالاردب :- فنان وفنانه لكل مواطن سودانى فضل..

## وجهة نظرى :- الاوائل تجدع ليهم تيوه فى الميدان يشلتوها ويتخارجو والكاميرا مافى داعى تجيب وشوشم الرقم على الفنيله او الشورت يكفى ..
** الفئه التانيه :- تدق المزيكا (لان العازف السودانى أذكى من الكومبيوتر) ممكن ويعزف وراء إى زول/زوله عايزه تغنى بدون نوته وهيصه بس يوريهم عايز يغنى شنو ,,,, الجماعه ديل مافى مُذبع او مُذيعه يمشى يتفلسف ويسألهم عشان حاتشوف شتاره تندمك على اليوم الفتحت فيهو التلفزيون يغنى تلاته أربعه أُغنيات ويتخارح/تتخارج ويجى البعديهو هكذا دواليك..
** تفتقد الاجهزه الاعلاميه للمُبدعين ,, الله يرحم متوكل كمال , على المك , ابو بكر عوض ..
*** وحمدى بولاد وحمدى بدرالدين وادمون منير وكل مُبدعى بلادى من الزمن الجميل :-
(زمن الجوز 3 فرد والدسته 18[/green ,, والطلب فى المطعم معاهو وصله وكمان إحسانيه)
(ودام الود بيننا)

## كسره :- ياطارق نحنا اول دوله فى العالم العربى والافريقى دخلا التلفزيون الملون ,, وأول دوله فى العالميين ديل كان عندها أقمار صناعيه أرضيه فى كل ولايات السودان التسعه بالاضافه للمحطه الرئيسيه فى طريق جبل الاولياء الخرطوم (أبو / أم حراز)..
** ولايزال إعلامنا يُعانى التخلف فى كل النواحى ..