|
|
 Re: الخلل ؟؟؟؟ (Re: أسامة الفضل)
|
استاذنا ابوبكر ..
ساذكر المدخل التالى نحو الخلل, وهو مدخل غريب الا انه عالق بذاكرتى
فى نهاية التسعينات وعند اول شارع الدكاتره بامدرمان, احكم رجال المرور عمل كمين لا يمكن تجاوزه ابدا
فالشارع اتجاه واحد ومقفول تماما من كل الاتجاهات الا صوب هذا الكمين المحكم.. وكنا مجموعه من الاطباء والصيادله نجلس امام عيادة احدنا, جلبنا الكراسي من داخل العياده وموضعناها فى شارع الدكاتره فى عنايه فايقه ذاك الصباح ( نتوسط مدخل العياده ومحلات الانترنت للعماري السيوبرولافتته الانيقه حقا والمكتوب فيها بخط يدوى جميل : الانترنت للعماري , يوصلك لشبكة الراس طوالى), موضعناها هناك قبل ان نتفرغ لمراقبة المواقف الناتجه عن ذاك الكمين المحكم, فى الواقع كان احد العساكر صديقا لنا وكثيرا ما يمضى وقته فى تلك العياده( هل من الممكن مشاهدة موقف غرائبي كهذا فى هذه الدنيا) .. اكثر ما كان يلفت انتباهى هو مراقبة احاسيس اليأس فى وجوه من يقعون فى الكمين وهم يتحركون ببطء لملاقاة حتفهم المالى القريب, وأشدهم جزعا هم الخمسينيون فما فوق, واغلبهم من موظفى الخدمه المدنيه بعرباتهم الخاصه المتهالكه او العامه المتهالكه ايضا, تكاد تعرف من سيماهم كم عدد ابناءه فى الجامعه او عدد بناته المقبلات على الزواج, فالهم لا يجيد التخفى..
صاحب هذا المدخل الغريب لفهم الخلل كان يقود حافلة ركاب مصرحه للعمل فى خط محدد داخل الخرطوم, كانت اوراقه سليمه وكان يبدو شديد الاطمئنان حتى فاجأه الصادق (العسكري صديقى) بالسؤال
- يا زول انت شاحن الشهدا-الخرطوم ليه
- والله ياابنى انا ساكن امدرمان الثوره, وبشحن فى طريقى للخرطوم محل الخط بتاعى
- الكلام ده مخالفه يا حاج
- يا ابنى, الناس ما لاقيه حاجه توصلهم, واهو انت شايف الزحمه, ففيها ايه يعنى لو شلت الناس
واستفدت واستفادوا, فيها ايه يا ابنى!؟ وانا زى ما قلت ساكن الثوره و
- فيها ايصال ب 25 الف يا حاج , خارجنا بالله
فترجل الرجل من عربته ولسانه معقود من الدهشه وهو يتمتم
- 25 الف, 25 الف, ده كلام فارغ, انت فاكر نفسك مين, ده كلام فارغ
- يا حاج احترم نفسك ولا ازيدها ليك هسع
- تزيدها ليييييه , لييييه, فى شنو غلط
- يا زول هسع دى انت موش لابس شبشب؟! ده براهو بخلينى اشخط ليك ايصال تانى 5 الف
- 5 الف, 5 الف عشان لابس شبشب !؟
وسكت مسافه حتى خلته سينفجر بالبكاء, الا انه التفت نحو الصادق قائلا فى هدوء
- تعرف يا ابنى مشكلة البلد دى شنو ؟!
- شنو يا حاج !
- مشكلتنا ما مسكنا لينا رئيس تكيناهو وضبحنا !... ميتييينك وميتين ده بلد دى
ومشي وبذات الشبشب لا يلوى على شيء, تاركا العربيه والركاب والصادق
ف حبيت استحضر وجهة نظرو هنا
انو البلد دى ما مسكنا لينا فيها رئيس, تكيناهو وضبحنا!!!!!
(عدل بواسطة محمد حيدر المشرف on 11-21-2010, 07:08 PM)
|
|
  
|
|
|
|
|
| العنوان |
الكاتب |
Date |
| الخلل ؟؟؟؟ | abubakr | 11-20-10, 03:18 PM |
| Re: الخلل ؟؟؟؟ | الوليد محمد الامين | 11-20-10, 09:29 PM |
| Re: الخلل ؟؟؟؟ | abubakr | 11-20-10, 09:51 PM |
| Re: الخلل ؟؟؟؟ | Elawad Eltayeb | 11-21-10, 09:07 AM |
| Re: الخلل ؟؟؟؟ | محمد أبوالعزائم أبوالريش | 11-21-10, 09:33 AM |
| Re: الخلل ؟؟؟؟ | abubakr | 11-21-10, 09:35 AM |
| Re: الخلل ؟؟؟؟ | abubakr | 11-21-10, 09:38 AM |
| Re: الخلل ؟؟؟؟ | محمد أبوالعزائم أبوالريش | 11-21-10, 09:45 AM |
| Re: الخلل ؟؟؟؟ | abubakr | 11-21-10, 09:46 AM |
| Re: الخلل ؟؟؟؟ | طارق اسماعيل | 11-21-10, 03:23 PM |
| Re: الخلل ؟؟؟؟ | abubakr | 11-21-10, 03:42 PM |
| Re: الخلل ؟؟؟؟ | abubakr | 11-21-10, 04:01 PM |
| Re: الخلل ؟؟؟؟ | Elawad Eltayeb | 11-21-10, 03:48 PM |
| Re: الخلل ؟؟؟؟ | abubakr | 11-21-10, 08:10 PM |
| Re: الخلل ؟؟؟؟ | أسامة الفضل | 11-21-10, 04:07 PM |
| Re: الخلل ؟؟؟؟ | محمد حيدر المشرف | 11-21-10, 07:04 PM |
| Re: الخلل ؟؟؟؟ | طارق اسماعيل | 11-21-10, 07:25 PM |
| Re: الخلل ؟؟؟؟ | jini | 11-21-10, 07:34 PM |
| Re: الخلل ؟؟؟؟ | abubakr | 11-21-10, 08:28 PM |
| Re: الخلل ؟؟؟؟ | abubakr | 11-21-10, 08:39 PM |
| Re: الخلل ؟؟؟؟ | abubakr | 11-21-10, 08:19 PM |
| Re: الخلل ؟؟؟؟ | abubakr | 11-21-10, 08:47 PM |
| Re: الخلل ؟؟؟؟ | abubakr | 11-22-10, 06:31 PM |
| Re: الخلل ؟؟؟؟ | abubakr | 11-22-10, 06:35 PM |
 Re: الخلل ؟؟؟؟ | Siddig A. Omer | 11-22-10, 07:57 PM |
| Re: الخلل ؟؟؟؟ | osama fadlalla | 11-22-10, 11:32 PM |
| Re: الخلل ؟؟؟؟ | abubakr | 11-25-10, 06:33 PM |
| Re: الخلل ؟؟؟؟ | abubakr | 11-25-10, 07:15 PM |
| Re: الخلل ؟؟؟؟ | سيف اليزل برعي البدوي | 11-25-10, 09:01 PM |
|
| |
محمد حيدر المشرف
فيس بوك
تويتر
انستقرام
يوتيوب
بنتيريست