|
العمـــق العاشـــر
|
ختيتك جوة الذات وقفلت القلب عليك وسدت عيونك مجري الدم يامعنى البهجة الكيف والكم ياوطن الروح الشوق والنم جواي اتمددي زى ما يكون بتجاوز حسنك حد الكون متعشم بكرة أكونك بِنية وعيك ولون عينيك صحوة فجرك فينى تسافر وتدي الروح إلهام وثبات أزعل وافرح .. إنتي معاي أفرح واسرح .. برضو معاي أسرح وأشرح .. ليكِ غناي والغلب الطايل نور عينيك ياخطوة تساسق جوة دماي في العمق العاشر نيل وفرات الصبر الفاتل مُرُو حبال رقة حسك .. وروحي الفيك شالو الشوق الكان رحَّال بين إنسانك وحسن الفال صبراً يقدح نبض الروح الديمة تهاجر منك وليك الروح القابضة الصوت المبدأ بتخاف من حسِك يبقي سكات.
|
|
|
|
|
|