|
|
 Re: ياجماعة الموضوع دا شنو؟ (Re: عابدون محمد عابدون)
|
الاخ عابدون
حسب ما فهمت، انو المشروع موجه لعلاج اسر المغتربين في المقام الاول
او المغتربين انفسهم ان كانوا متواجدون بالسودان
يعني يقوم يدوك بطاقة صحية ليك ولاسرتك First degree relative من جهاز المغنربين
القرابه من الدرجة الاولى تعني الاصول والفروع الأم والاب والابناء والزوجة
وقد يكون باسعار مخفضه نوعا ما اي باقل من اسعار المستشفيات الخاصة الاخرى
او هكذا يجب ان يكون عليه الحال
الشريحة المستهدفه كبيرة، فهناك مئات الآلاف من الاسر الموجوده في السودان وعائلها
مغترب، وقد ترهقهم مصاريف العلاج (ان وجد) بصورة تليق (بابن مغترب)
اضف الى ذلك ان مئات الآلاف الاخرى المغتربه تقضي في السودان على الاقل شهرين
في السنة غالبا يوليو و اغسطس، ودي شهور سخانه ومطر وابو الامراض زاتو بكون
فيها، يعني سوق في
لكن السؤال لييه؟؟
الكلام الفوق دا كله ما عندي معاه مشكلة، مع العلم لو الحكومة دي عملت مزيره
لازم افكر مرتين قبل ما اشرب منها
مشكلتي قضية مختلفه تماما
لييه الحكومة دايره تفصل ابناء المغتربين والمغتربين عن واقع السودان الكريه والمخيف؟؟
ابناء المغتربين العائدين الى الجامعات يرسلون الى معسكرات تدريب منفصله
ابناء المغتربين يريدون ان يبنوا لهم جامعة خاصة
ابناء المغتربين عملوا ليهم قناة فضائية خاصة
واليوم ابناء المغتربين يريدون ان يقيموا لهم مستشفى خاص؟؟؟؟؟؟؟؟؟
انا مغترب، والكلام دا مرفوض بالنسبة لي، فصل قرابه 6 - 8 مليون مواطن
عن واقع سوداني متدهور في مجال التعليم والصحة وبكره امكن يعملوا ليهم
شوارع خاصة ومطاعم خاصة ونوادي خاصة، دا بخلق مشكلة كبيرة في المستقبل
احنا لليله ما عارفين لينا مية سنة نطلع من حتة:
اولاد البحر واولاد البلد
الجلابة والغرابة
الاسياد والعبيد
نقوم نجيب لينا مصيبة تانية
اللهم لا تحاسبنا بما فعل السفهاء منا
|
|
 
|
|
|
|
|
| |
أحمد ابن عوف
فيس بوك
تويتر
انستقرام
يوتيوب
بنتيريست