نص المذكرة التي سترفعها اللجنة السودانية الأمريكية للرئيس باراك أوباما

Quote: أيضا هذه الطريقة فى التفكير لا تشبه التفكير الأمريكى .. السياسة الأمريكية تقوم على فهم براغماتى يغلب مصلحة أمريكا ويدعم كل ما يرى أنه يصب فى هذه المصلحة... الرؤية دى صاح ولا غلط دا هو المهم ودا هو مدخل عمل اللوبى.. لكن مافى لوبى ممكن يطالب صانعى القرار بتغيير الوقائع.. وهنا الوقائع وا ضحة جدا وهى الحقيقة القلناها.. يعنى ببساطة ياناس الشمال أمريكا ما عندها لا الحق ولا الرغبة ولا حتى القدرة كمان فى أقناع اهل الجنوب بتغيير رأيهم... وأيضا أمريكا ملتزمة بتطبيق نيفاشا اللى غلبكم تفهموها أو تعاملتم معاها ببساطة ولا أدرى لماذا ظن الجميع بأن مثل هذا اليوم لن يأتى؟؟؟؟ دا نفس موقف الناس ديل من الأنتخابات ... أى زول كان عارف البيحصل شنو وبدل أعلان المقاطعة الجماعة صرفوا قروش أمريكا وهاك يا ما بنخلى الجماهير وشنو.. وشنو... وفى النهاية قالوا نقاطع والموقف دا بالمناسبة هو اللى خلى صانعى القرار فى العالم الغربى يفقدون الأمل نهائيا فى ما يسمى بمعارضى الشمال... وموقف الجمعية دى متسق تماما مع معارضة الشمال.. عشان كدة ما فى زول حا يشاركم مشروع أحلام وخيالات أساسها عقدة الذنب والخوف من فكرة أنفصال الجنوب.. ويا ناس الشمال أنتظرتم خمسين سنة... أهمها سنوات مابعد نيفاشا وما قدردتو تقنعوا ناس الجنوب ما ينفصلوا ..فكيف تحلمو باقناع كل الدنيا اليوم ...؟؟؟