صور حول معاناة السودانيين في عمرة هذا العام(توجد صور)...

Quote: الاخ سيف سلامي اولا: نشكر لكم متابعاتكم لكل القضايا التي تخص المواطن السوداني خصوصا قضية المعتمرين السودانيين في هذا العام(1431هـ) الاخ سيف صادف في احدي الايام وكنا بفندق ديار المدينة وكان احد المقيمين بالمملكة والذي كان يتردد علي الفندق ليتفقد احوالنا كغيره من اهل المدينة وكان يملك جهاز كمبيوتر محمول ويتصفح الانترنت فشدنا عنوان البوست تشرد السودانيين بالمدينة المنورة فاجتمع عدد من نزلاء الفندق السودانيين حول جهز الاب توب فسرهم هذا الاهتمام من قبلكم لانهم وجدوا من يقف خلف قضاياهم الحزينة هذه الاخ سيف انا واسرتي كنا من الضحايا اذ كانت قصتي من البداية دفعت مبلغ 3مليون ومائة جنيه سوداني للوكالة قمنا علي متن طائرة صن آير في 17/رمضان ولم نجد مندوب الوكالة في مطار الخرطوم حتي يقوم بسداد رسوم المغادرة وهي 35 جنية لكل جواز ووصلنا صباح نفس اليوم وسارت الاجراءات علي مايرام حتي خرجنا الي اخر صالة وقامت السلطات بجمع الجوازات حتي تصور و تسلم لمندوب الوكالة فوجدنا مندوب الوكالة الخاصة بنا (مندوب شركة بن ثابت ) وكان من بين اخوتنا السودانيين من لم يجدو مناديبهم. فقام المندوب بالاتصال علي احد حتي يحضر السيارة وقال له ان عددهم 6 اشخاص وبعد مضي حوالي 4 ساعات حضر بسيارة صغيرة تسع اربعة اشخاص فقط وقال بنضاير المهم بعد جدل اقتنعنا نسبة لطول مدة الانتظار بالمطار واضاينا كما قال وصلنا فندق بشارع فلسطين اسمو غسان ونزلنا في غرفة اشبة بعنابر الجيش فيها كمية من سراير الحديد لمن احتجينا قال كلها ساعات ونسفركم مكة وجلسنا علي هذا الحال حتي منتصف اليل وقام جاب بص واحد فقط ومن المفترض كان يجيب باصين نسبة لعدد السودانيين قمنا عملنا جوطة شديدة معهو وهو سوداني اسمو حسن وطلبنا منو يسلمنا جوازاتنا عشان نسافر برانا عما بان هناك جماعة كانت بالفندق من اليوم القبلو فرض اعطائنا الجوازات ولمن سالناهو من الباص التاني قال وبكل بساطة صاحب البص مابرد التلفون ولما ضيقنا عليه قام ارسل وجاب بص تاني وكان الوقت قد مضي منه الكثير وكانت المشكلة الاخري في شكل الباص التعبان شديد ونسبة لطول مدة الجدل اقتنعنا ونحن مجبورين بركوب البص الذي اوصلنا مكة صباح اليوم التالي ونزلنا في فندق مبارك بلازا 2 وهو الاخر به مشكلة انو بعيد من الحرم وكنا نقوم بايجار تكسي بي 25 ريال انا واسرتي والمشكلة الاخري انو مابوصل الحرم لانو الشارع مقفول وكنا بنمشي باقي الشوار علي الارجل ونحن بنعاين للفنادق الفخمة والمتاخمة للحرم ويحضرنا خاطر متي سنكون مثلهم وللحديث بقية