الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
بهذأ التاريخ: 20-02-2007, 00:16 ص
رسالة على الايميل من الحبيب الاخ عبد الله العربى........
________________________________________________________________________________
أخي الغالي صديق ( مجيقا)
تحياتي لك ولاسرتك الكريمة وعبرك لكل الزملاء بالدفعة 83 العسكرية هذه الدفعة الفريدة وكل فرد فيها كان يحمل طابعا خاصا ، تلاقحت الافكار وتقاربت الرؤى فكونت مدارس كل مدرسة تحمل طابعا خاصا بها .
تكونت مدرستنا نحن الغبش اولاد الغبش ابان مسوحا مي وكان لنا عالمنا الخاص بنا والذي لم يخرج عن الاطار العام للدفعة 83 كان اولاد المصارين البيض ومن تشبه بهم يستعربوننا ولكنا كنا ( نستـ ....) وكان يا ما كان .... وكان عبدالكريم الكويس يحلم بفاطمة السمحة ولايراها ويهرب من طيفها فاتى المدينة المسخوطة والضكر والنتاية الحجل بالرجل وياما حدثته نفسه كثيرا ان يثأر لبنات عمو ويبدأ في المساخيط طعين وتمر الايام فاذا بـ عبدالكريم الكويس تدرسو مرة ( آمنة statistics) امد الله في عمرها ومتعها بالصحة والعافية فانني مازلت انهل من معينها الذي لا ينضب مستخدما البرمجة الخطية في الـ budgetary ، وبعدها بدت التنازلات ( المعايش جبارة ) صدقني يا صديقي ان اللدجر كان صادقا حين كان يتحرش بك لو كترت كلامك كان لحقت المرحوم خوجلي عثمان لكن عرفتها وتحاشيته وسوف احكي لك الكثير عن قصصنا مع الملس ويمكنكم الرجوع لحبيبنا الغاللي عبدالرحيم نفخو وأسالهوه عن قصة رختر ( اخونا الرائع قريب الله ) واتمنى ان يشاركنا اخونا الغالي والحالي بركات حسن أحمد فهو يحفظ لنا من القصص ويجملها باخراجه الخاص .
نحن اصلو كنا همباتا معروفين لكن الحكومة لوت ضراعنا نحن عيال ود ضحوية وبامسيكة لكن معليش يا ام ابوك الدنيا جات بالعكس ناقصين العقول كان طمبرولك ارقصي ...
نحن اولاد البادية والتقينا مع الغبش من الشمال امثال النجم الساطع مامون الشايقي ونقر من الهندوة والوسط .
عوض الكريم بابكر (عمو) في اول قدومه للمعهد شاف اتنين خالطين تسمر مكانه شاخصا بصره واعاد الكرة فرأى الفطور بين اثنين ضكر ونتاية فتبسمل وتشهق وتمطق وطنطن وتعوذ ولما شاف الساق يلتف بالساق والى ربك يومئذ المساق فلا صدق ولا صلى وتسمر مكانه ولم يبرحه حتى خرج منه بين الصلب والتراقي وقيل من راق ... حصل منه كل هذا وهو يبعد بعد النظر ولو اقترب بين غاب قوسين فيصيبه الوغب فما بالك لو كان مكانه .... كدا صدقت يا صديق بان الدجر كان صادقا ....
هذه اول قطرة من فيض غزير ات .....
اخوك
عبدالله محمد عبدالله (ود البوش)
(عبدالله العربي) الرياض _________________________________________________
صدقنى يا عربى....انا ما فهمته كلامك دها الا الليلة...تب...
نحنا ابناء بلد تلاقوا فى لحظة...سرقة من حبنا...بان....نكافأ بتشتت فى جمالات الانسان.... وبلدنا الغالى.....يفقد ....رؤنقه....و نفقد ...رؤنقنا....فاصبحنا اكثر بعداً....لكننا نحفظكم فى القلب.....الذى ازدان بكم و بطيبتكم التى جعلته....اغبشششششششششششششششششششششششش.....
فكان منجييغا....البسيط......وهى تعنى...
لك كل حبى و دعواتى بأن يوفقك الله و نزدان بك و ويحفظ اولادك واسرتك من كل شر.....
صديق القاعد بعيد
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
رسالة وصلتنى بتاريخ: 20-02-2007, 00:22 ص من الاخ و الصديق د. عبد اللطيف احمد عبد المطلب
يازول ياطيب.....و الله الدنيــا ليل...... و المشاكل هم....و جائييك ياصديقى الطويل طول الليل......مشتاق ليك شوق...كتير الوصف.....
مزيداً من التقدم و الازدهار....عبد اللطيف (دفعة) من دفعة المجانين....لم التقيه منذ أن تشتتنا فى الشتات....البعيد .. لكن جائييك يا عبداللطيف......
صديق-الدوحة_________________________________________________________________________________________________________________
أشعلت عود ثقاب على شمعة الذكريات ، فأضاءت فضاءآت في نفوس المعهديين الأنقياء السرائر الطاهرين الدواخل ، سحائب من الذكريات هطلت على أم رأسي و أنزلت عيني دمعة على تبكي أيام مضت و تستجدي المستقبل أن يعيد بعضاً من ألق ذلك الزمان لهذا الحاضر الذي ما زلنا ننتظر فيه لمة ... صديق مجيغا متعك الله بالصحة والعافية و أضاء لك الطريق كما أضأت هذه الشمعة في درب الشتات و أطلقت النداء أن "حي على اللقاء" وسيأتونك من كل فجٍ عميق وحتماً ستكتمل الصورة يوماً.
منك كانت ضربة البداية ولا نهاية لهذا الشلال المنهمر و المنساب من الذكريات والحكاوي التي تملأ الجوانح والحنايا..لنتعانق لإسكات هذا النائح من اجل اللقيا، لقيا كل ما هو معدي حتى لو كان في هذا الفضاء..... لك محبتي وخالص ودي.
غايتو بوستك الشبكة دا يا صديق حا يجيب ليك تماسيح كبار... ومتابعين معاك الصيد الثمين.
صديق يا أخوي كان بكري دا صاحبك كلموا يديني يوزر كان عندو شويت يوزرات باقية ، لأني قدر ما حاولت حلف بالتقطعوا ما يديني يوزر ويقسم فيها شمال ويمين شوف عيني ما جابوه لي قوالة ... دحين قوليه الكلام دا غلط.. الولد أب شعر دا ما عندو عوجة طب وما بجيبلك مشاكل وما بتشوف منو غير الكلام المليان.... أهـ غايتو الوصية في الذمة و أكان أداك اليوزر كلمني؟؟؟ سمح؟
تخريمه:
لو تذكر يا صديق لجنة الطعام بتاعت إبراهيم bursary
مرة في وجبة الغداء الطبيخ كان فيه طعم صابون (بنكهة الفنيك) وكان معانا الرجل الظريف الذي ليس له عدو (أحمد محمد علي المعروف بأحمد كوستي) فمعظم الطلبة ضجوا واحتجوا وخرجوا من صالة الطعام ، أحمد قال لي يا زول ما عندي شيء في جيبي عشان أمشي بيهو لعمك طه (الله يرحمه) .. قمت قلت ليهو كان كدي يا أحمد كتر ليهو الشطة ... و انفجرنا ضاحكين.
أخوك
عبد اللطيف احمد عبد المطلب
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
صديق القاعد بعيد
عيدك سعيد ,,,,,,,,,,,,
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
مشاركة بتاريخ 19-02-2007, 07:18 م من الاخ عبدالمنعم عثمان - B-Tech دفعة 84 ____________________________________________
سلام كتير للجميع .الاخ صديق فضلا راجع الماسنجر.مجدي شبندر وين البليله الف مبروك ولقدام.بكلمك، يا صديق ده زمن قرب لل20سنه ،ياخي انت اثرت كوامن ولواعج
.انا من قبيلة البتاكه تخرجت89 ،ابدأ من وين وأقول شنو ما
البصات حكايه وما الغربي قصة وما اغبش روايه وما وما وما.
بتتذكروا كشكشة الاغبش بالكبابي وهو حايم قدام الغرف
ويشاغل زول زولل التست كيف ونفخو كيف يا البتاكة الاسترينقس
كيف كان حافظ المواد البتجرس الناس .صدقوني أحن الى ذلك الشي
الذي كانة يسميه هو جنا رغيف.برجع لكم
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
أبراهيم سليمان...الدوحةبتاريخ 20-02-2007, 10:10 م أولاً الف مبروك للاخ ابراهيم نيله ال ACCA وقد كان ابراهيم قد نــال ال CAIB فى العام 1990....ابراهيم يعمل فى قطر منذ العام 1999...ربمــا كثيراً منكم قد تعلم من ابراهيم لكننى أكثركم.......البساطة..العلم الغزير....التواضع...وفوق كل ذلك الاصــالة....كان الاخ الراحل الاستاذ بشير حسين الخواض يصطفيه....لبساطته و زهده فى الفانيــة....لك حبى و أحتراماتى وتقديرى........أخوى أبراهيم....
سوف انشر الكثير من الصور التى جمعتنــا أنــا و الاستاذالراحل/ بشير و بقية العقد الفريد الذين عايشوه فى اخر ايامه هنا فى الدوحة...مبارك يس..محمد المهل عمر مساعد...عبد المجيد محمد آدم.... و كثيرون...... وهذه المداخلة من الاخ الصديق ابراهيم سليمان....... ________________________________________________________________________________
السلام عليكم
يا لله يا صديق..........منجيغا
كوة من الذكريات قديمة (20 سنة) ولكنها مازالت متقدة ومنيرة أيضا. ذكر الله بالخير من أشعلوها وما بدلوا تبديلا ورحم الله الذين اضاؤوا ثم انطفأت شموع ذواتهم. رحم الله استأذنا العميد محمد عوض وبارك الله في ولده النعمان بسلطنة عمان. ورحم الله العميد الأستاذ مبارك عجبنا و أستاذنا بشير الخواض (بشير law ( والأستاذ حسن رحمة الذي كان آخر الراحلين عن هذه الفانية.
والتحية لأشجار الصنوبر الأساتذة إبراهيم صديق و مصطفي توفيق و الأزهري وبقية العقد الفريد. اقترح أخي مبارك يس يوما أن نكرم هذه القامات ولما فكرنا كيف نفعل ذلك ؟؟؟ تضاءل كل تكريم.
الدفعات 80 - 91 كانت متميزة بكل معني الكلمة اجتماعيا وأكاديميا. داخلية الحلة الجديدة وشجرة النيم أمام كافتيريا الشاي ويسارا إلا قليلا ثم الليالي الثقافية والدا فوري وبصات التاتا وحفلات شرحبيل وكلية الفنون وأركان النقاش السياسية والمكتبة والأساتذة المؤهلين مهنيا وأخلاقيا والجو الاكاديمى بكل ضغوطه وتستاته أضف إلي ذلك الحرية السياسية وانتفاضة 85 خلقت جو متكامل للتميز لكل الدفعة وخلقت بينهم لحمة ما انقطعت حتى يومنا هذا. هذا زخم يثير فينا ما يثير وترفقا اذكر بعض الطرائف:
وإذا ذكرت العلم أو الطرفة لا تمر دون ذكر استأذنا إبراهيم صديق.
أوائل أيامنا بمعهد الكليات التكنولوجية، كلية الدراسات التجارية من العام 1983 وكنا دفعتين (الدفعة المجمدة) قسمت إلي ثلاث أو أربع مجموعات وكان أستاذنا إبراهيم صديق يدرسنا مادة المحاسبة ودخل علينا بكل زخمه الاكاديمي وطلاقته في التحدث باللغة الانجليزية وكان معظمنا لا يفقه من العربية إلا (الكع) بدارجة الأقاليم. واذكر يومها أن طلب منا أن نكتب في أول السطر (accounting is accumulation of financial information………etc ) . الكلمة الثانية مازال مكانها خاليا حتي يومنا هذا. وفي اليوم الثاني أو الثالث انبري أخونا محمد إسماعيل وهو من دارفور الفتية وكان أشجعنا وقال للأستاذ إبراهيم صديق:
I don’t understood this فكررها أستاذنا بصوته الساخر المألوف ??????? I don’t understood this أنت جاييني من وين؟ من ياتو خلوة ؟؟؟؟
وبعدها ما رفع احد منا صوته وذهبنا نبحث في المكتبة ونسأل زملائنا الآخرين السناير فكانت عبرة ومنهجا للبحث بجهدنا الخاص وبفضل طريقة الأستاذ إبراهيم التي لازمتنا واستفدنا منها كثيرا بعد التخرج و الذي يشير لك علي موضع العلم ولا يطعمك إياه بملعقة من ذهب. من ذلك الصف والذين عددهم لا يتجاوز العشرين كان عدد الذين حصلوا علي زمالة المصارف و زمالة المحاسبين البريطانية ودرجات مهنية وأكاديمية أخري فوق الجامعية وبجهدهم الخاص أكثر من ستة اذكر منهم الإخوة مبارك يس، قريب الله احمد، جلال الدين محمد زين، عبد الحليم عثمان، الغفاري إبراهيم وشخصي الضعيف. وآخرون تفرقت بنا وبهم السبل.
اجتمعنا علي قدر بمعهد الكليات التكنولوجية من مختلف أنحاء السودان وأقاليمه وقراه لا يفرق بيننا دين ولا سحنة ولا لون ولا سياسة كل علي حسب كسبه. حتى بعد التخرج ذهبنا نطلب الوظائف بلجنة الاختيار 87 (مكتب الخدمة الإلزامية الآن) و قامت لجنة معاينة مكونة من مندوبين من المراجع العام، و مكتب العمل، وبعض المهنيين من جهات محايدة مختلفة ما سألونا عن أقاليمنا ولا قبائلنا ولا طلبوا منا تزكية من أحزاب سياسية ولا ولاءات أو واسطة. نشهد لتلك اللجنة بالحيادية والنزاهة والقومية والعدالة والمهنية العالية. إذ وفرت علينا إراقة ماء الوجه كل حسب كسبه وجهده العادل تم اختيار ستة أو سبعة من زملائنا وآخرون من جامعة الجزيرة . احدهم من الخور (قرية من قري الجزيرة) و آخر من العباسية تقلي وثالث من أبو حجار من النيل الأزرق ورابع وخامس وسادس من سواد الشعب بلا تفرقة ولا عصبية ولا جهوية. أصدقاء لنا من أنحاء متفرقة من السودان ما كنا نعرف من أين منطقة هم لان ذلك لم يكن ذا بال في وطن واحد عادل. هذه دروس يجب أن يستفيد منها اللاحقون والحاضرون و الطالبون للعدالة والولاء للوطن. آه يا وطن.
وآه يا جامعات ومعاهد عليا. وآه يا خدمة مدنية
إبراهيم سليمان محمد علي E mail : [email protected]
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
عبدالعزيز محمد على المكى (سحسوح)
و انــا و عبد العزيز...ومامون الزهجان..وهويدأ ابراهيم...وأحمد كوستى....و اخرون..كنــا الدفعة التى تم تعيينعها فى الضرائب بعد التخرج مباشرة...تمددت بنــا ايام المعهد...و التاءمنــا....نكابد الم العمل بعد التخرج...تفرقت بنــا السبل فالتقينــا فى الدوحة فى العام 1998...ثم افترقنــأ ذهب هو الى أمريكا،، وظللت انا جالس فهنــا...وهاهو يعود...... الكلام كتير ياعبدالعزيز ...و صورك جاية ......
بس يازول الساعة عندنا بقت واحدأ صباحـــاً (يعنى الزول بكرة ما أمشى الشغل ة لا شنو؟؟؟؟؟.....لك حبى و تقديرى زمنتظر منك الكثير .... الكثير
صديق-الدوحة _________________________________________________________________________________________
Hi Mr.Siddig How are you “YA KALAS” Iam so excited with your nice post which looks like “DOAASH” softening and #######ing our hard life or in other way looks like a blanket that adds warm to our freeze winter. I toured your post and what is written flashed me back to the starving but nice era ….My great wishes to all those who show up and to all those who are unable, due to their known dilemma.. Am so sorry for not memorize in away or another and am sure that mine would enrich this post, but Iam barred by not having an Arabic key board.
Abdulaziz muhamedali Almekki Banking and Export 1987
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
تداخل معى الاخ العزيز معتصم عبد الحليم.....الذى يرفع راسنا عالياً هنا فى قطر....و ذلك بتاريخ 01-03-2007, 09:54 ص ________________________________________________
اخي صديق
تابعت هذا البوست منذ بدايته ، معللا نفسي بمقابلة احد ابناء الدفعه ، انا خريج 95، مريم عبدالواحد احد السناير ودفعتها كانوا اصدقائنا ، معز الشايب ومنال خضر وآخرون كثر .
نحن اول دفعه تم تحويلها من نظام الاضافية النظام العادى ، واول دفعه تم اخضاعها للدفاع الشعبي واول دفعه بتاعت العربي ، اول دفعه في عهد الانقاذ ، اول دفعه طبقوا فيها الرياضيات الحديثه في الابتدائى .
نشانا وقابلنا الكثيرون من السناير ، فتحي موسي ،حسن نقه، محمد المعتصم ، مجدي شبندر ، عبدالباقي ، طلال وآخرون كثر , من دفعتي عمر عوض الكريم ، خالد سليمان مدني ، مجد الدين ، راشد باقر ، وطبعا نحن اول دفعه تم فيها زيادة القبول (200 طالب ) اتخيل في زمنكم اعتقد اننا بنكون اكثر من عدد كل الكلية .
اعمل ببنك قطر الوطني
قبله عملت ببنك البركة في السودان
معتصم عبدالحليم عبدالجليل بنوك وتصدير [email protected] تحيه خاصة لك ولهذا البوست الجميل ، وامنياتي لمريم عبدالواحد
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
و كان ردى على معتصم عبد الحليم.... _________________________________________
الاخ معتصم...لك التحايــا والود....طبعاً اعرفك وتعرفنى و لكن لم يخطر على بالك أن أكون سينر على سينايرك....هاهاها....شوف البوست دهــا كيف؟؟؟؟؟
تقديرى لك زاد كل تقدير واحترام فمنذ أول مرة التقيتك تعبقت نفسى بشىء خفى وها نحن نلتقى فى اشياءً كثيرة...و اكيد اللقاء القادم سيكون لنــا من الذكريات أجملهــا...
صديق-الدوحة بنوك وتصدير خريج 1987
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
أمين يوسف عمر
أول رئيس لاتحاد كلية الدراسات الاضافية فى فترة الديقراطية الثالثة (المقبورة) منذ انشائها...
لمن لا يعرفون العلاقة بينى وبين الراحل أمين يوسف عمر، فنحن ابناء عمومة تربينــافى بيت واحد ونشاءنا مع بعضنــا الى أن توفاه الله فى العام 1992....أمين لم يكن انسانــاً عادى فلقد جمع كل شىء وفقد كل شىء...فمات.
أمين كان أول روؤساء أتحاد كلية الدراسات الاضافية بمعهد الكليات فى العام 1987....صارع واخوته على التلب و النصرى أمين النصرى و عمر الباقر وأحمد مدنى... وطارق حسيب وكثيرون اذكرهم تماماً....واترك الباقى للاخ النصرى أمين فهو ادرى منى بكواليس تلك الفترة وقتالهم من أجل مزيد من الديمقراطية فى زمن الديمقراطية الثالثة.
وهنــا فى هذه الصورة:
1- الاخ الفاضل عارف نجم الدين و الان يعمل فى وظيفة المدير المالى لمصانع سيغــا - الخرطوم بحرى 2- الفقيد أمين يوسف عمر 3- والصديق المهاجر الى أمريكــا بعد بريطانيا/ على التلب. رحلة بوتسودان 1987 و نحن فى الطريق الى جزيرة سنقنيب
صديق القاعد بعيد
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
اخي صديق
تابعت هذا البوست منذ بدايته ، معللا نفسي بمقابلة احد ابناء الدفعه ، انا خريج 95، مريم عبدالواحد احد السناير ودفعتها كانوا اصدقائنا ، معز الشايب ومنال خضر وآخرون كثر .
نحن اول دفعه تم تحويلها من نظام الاضافية النظام العادى ، واول دفعه تم اخضاعها للدفاع الشعبي واول دفعه بتاعت العربي ، اول دفعه في عهد الانقاذ ، اول دفعه طبقوا فيها الرياضيات الحديثه في الابتدائى .
نشانا وقابلنا الكثيرون من السناير ، فتحي موسي ،حسن نقه، محمد المعتصم ، مجدي شبندر ، عبدالباقي ، طلال وآخرون كثر , من دفعتي عمر عوض الكريم ، خالد سليمان مدني ، مجد الدين ، راشد باقر ، وطبعا نحن اول دفعه تم فيها زيادة القبول (200 طالب ) اتخيل في زمنكم اعتقد اننا بنكون اكثر من عدد كل الكلية .
اعمل ببنك قطر الوطني
قبله عملت ببنك البركة في السودان
معتصم عبدالحليم عبدالجليل بنوك وتصدير [email protected]تحيه خاصة لك ولهذا البوست الجميل ، وامنياتي لمريم عبدالواحد
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
كتب الاخ مامون احمد (Mamoun Ahmed) بتاريخ 02-03-2007, 09:56 م ____________________________________________________________________________
الاخ صديق
لا تفتح نار المواجع نحنا قبلكم شوية تخرجنامن الفنون 81 لكن لينا عليكم فضل
ناضلنانضال عنيف حتي يحصل خريجو المعهد علي البكالريوس لانو قيلها كانت دبلوم فكنا اول دفعة تحصل عليه ايام الاتحادات العظيمه ناس سلطان في التجارة وعصام في الفنون
بالمناسبة جابر برير موجود بالرياض وتلفونو
503251937-00966
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
مامون أحمد - فنون
لولا كلية الفنون الجميلة والتطبيقية و مكانها فى معهد الكليات لما أحسسننا بجماله، فلقد اضافت كلية الفنون لمعهد الكليات عبقاً على عبق....واكتشفت فينــا المواهب التى لم يسعفهــا الحظ فى السودان "العاسر" فى أكتشاف مواهبه....و اصبحنــا نعرف اللون و ضربة الريشة و فوق كل ذلك ...مبدعينــا و عايشناهم ...و ها أنت ترسم لوحتك فى هذأ البراح......متمنياً أن تضع لمســاتك وكل ما يذكرك بذلك الشامخ وذكرياتك التى جمعتك بالعمالقة فى عهدكم العامر بالجمــال،،،،،،تركتم إرثكم..منحوتات قائمة...و الوان زاهية وفكرة لن تُقتل مهما طــأل الزمن و تغير الانسان.......
منتظر منك الكثير و خاصة بعض صور لوحاتك للتوؤثيق الجميل......
و جائييك بذكريات الفنون...فلهــا فى الوجد خاطرة.....انشاء الله....
صديق-الدوحة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
و ظهر محمد المهل عمر مساعد (دفعتنا فى البنوك 1987)
ثم كان معنا الاستاذ الراحل/ بشير حسين الخواض (بشير LAW ) الذى رحل عنا فى يوم 29 يوليو 2005.
بشير زرع فينــا التقدير و الاحترام لبعضنــا منذ أن التقينــاه أول مرة فى العام 1983 فى السنة الاولى بمعهد الكليات فقد كان الاستاذ و المربى و الصديق و الاخ الاكبر الذى كان دومــاً فخوراً بنــا ودعائه الشهير لشخصى " انشاء الله انت لا تموت و لاتفوت"...
بينى وبين الاستاذ بشير كثير من الطرائف فلقد كان ذو نكتة حاضرة و ساخر... ووطنى شجاع وغيور على السودان......
الكثير الكثير عن بشير سوف اتىء به انشاء الله فى الايام القادمات. أشير الى أن بشير عند انتقاله الى الله تعالى كان يعمل المستشار القانونى لمجموعة شركات التيسير فى قطر و كان فخرنــا وكل السودانيون العاملون بقطر.
صدبق القاعد بعيد
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
من الاخ زميل البورد مجدى الشبندر بتاريخ 04-03-2007, 12:29 م _____________________________________
إتصلت علي الاخ جابر برير وقلت ليهو في بوست عاملو صديق عن خريجي معهد الكليات عليك الله ادخل سودانيز اون لاين وشوفو ....وبي خلعةوخوفة كدة, قال لي (صديق دا قاعد يقول في شنو )..عموما عليك الله يا صديق رفقا بالقوارير وناس جابر ديل لحمهم بقي هش وأحتمال يكون مات ,,عليك الله اذكروا محاسن امواتكم ويبدو انك امين سر الجماعة وشاهد ملك كمان ...والله جابر برير يغالطني في حاجة تاني اقول ليهو بنادي ليك صديق .....
هكذا كان معهد الكليات التكنولوجية تلك المؤسسة التي لم نفارقها حتي ايام الاجازات ...
والبوست دة (دراويش لاقو وداح) عليك الله امدح يا صديق وخلي الجماعة يعرضو ...
يا شيخ الطريقة المعهدتكنولوجية وحنعمل لينا خيمة في ميدان المولد وهاك يا ذكر
مدددددددددددددددد مددددددددددد مددددددددددد مدددددددددددددد مددددددددددد
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
جابر برير الشيخ
جابر صديقى ودفعتى بمدرسة النيل الابيض الثانوية العليا فى أوخر السبعينيات من القرن الماضى. أصوله من العرشكول و جده لامه الشيخ الوسيلة الشيخ السمانى (يعنى ود شيوخ). تزاملنا فى معهد الكليات ومعنا لفبف من ابنــاء الدويم، منهم عبد الله الوسيلةالشيخ السمانى الذى درس المساحة لمــامأً و هو الاديب و الشاعر الساخر و قريب الله الشيخ قريب الله الصافى عدلان وعلى عبدالسلام (عليه رحمة الله). وعلى رحل عنــا فى قليل الايام الفايتة ثم مدثر اسماعيل المتعافى وكثيرون كثيرون من الدويم الحبيبة و هى تضم قبر والدى.
جابر زارنى فى الدوحة وهو كثير التنقل بحكم عمله كمشرف التسويق فى شركة البيبسى كولا و روافدهــا وهو متزوج من زميلتنــا هويدأ ابراهيم و يقيم فى السعودية. جابر "جلكن" كما فى الصور و لكنه مازال ذلك الجابر الذى أعرفه. من المواقف الطريفة لجابر فى العام 1987 و فى حفل استقبال الطلاب الجدد فى كلية الدراسات التجارية و كنا قد اتقفنــا مع الفنان وردى الصغير (محمد عبد اللطيف وردى، الذى شرفنــا باحيأء ذاك الحفل. تقدمت علوية التوم و بتقديمهــا الجميل مع الجميل صديق النور تم تقديم الاستاذ/ وردى الصغير، لم نجده و ظلننا نبحث عنه انــا و جابر و كنــا فى اللجنة المنظمة. واخيراً وجدنــاه خالط مجموعة فى أحد الاركــان فمــا كان من جابر الا و بادره بعفوية " أنت جابينك تغنى و لا تخلط؟؟" و انفجرت ضــــاحكــاً.
جابر فى الدوحة العام 2004 وانا وبناتى
جابر من اليسار و عصام عبد العال و اليوغندى "الجنو اكل" رونالدو" فى رحلة كنانة - 1987
جائييكم......
صديق - الدوحة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
كتب عضو البورد و زميل الدراسة المهندس عبد المنعم عثمان "fidyas"05-03-2007, 09:40 م __________________________________________________________________________
الرائع صديق ،شايفك اون لاين والبوست بقى تقيل جدا وما يفتح بسرعه ،يستحق القعده والانتظار ما ظهرت فيه زعامات تخليه يبرك رب مبارك يس ،وليد ،الحسن عثمان،بجبوج،ياسر،وعيييك.أول حاجه عايز احاول أكتب ناس دفعتي ومن الذاكرة لانه لاقيت واحد معاي هنا وحكيت له عن البوست لقيته بخر حتى دفعتنا.
مدنيةB.Tech 1989 تاني دفعه 1الصافي الفضل رمضان ادم عبدالمجيد الحسين المرحوم محي الدين عمر ادم محمد عبدالله الجدع عبد الله الصادق عبدالله محمد علي ادم ابراهيم العبيد الدرديري(خليفه ابراهيم عبيد ابراهيم هارون طارق ادم مهلب الضو لطفي محمد امين صفاء سيد محمد اسماغيل المرحوم جون جعفر عبدالله ماجد علي عثمان علي فرح ابوبكر علي جاه الله عبد المنعم عثمان عبد الرحبم عبدالله.برعي عباس مضوي عبدالله دكتور سامي عبدالله علاء جلجال الحاج سهير الضوي بشير ماجك الدفعة كانت 34 يعني في 4 زاغوا مني
اظن ابراهيم بيرسري طبعا هو من الدفعه الاولى مع مجموعة من الاخوة بالطبع
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
كتب عبد المنعم عثمان.... 05-03-2007, 10:07 م ______________________________
ميكانيكا،بي تيك،89 وليد عبدالفناح نور الاسلام طاهر سلامه ...سلامه(ابراهيم،صاح) وليد ابوسنينه(يا لروعته) محمد عوض جيلاني داؤود طارق حامد فتح العليم الطاهر ثروت امبر ...عبدالقادر عبده قمرشميت عادل محمد البشير تاني منو با ولبد؟ عماد جلجال كهرباء89
مرنضى سيف الدين مها محسي صفاء سيد ربيع السماني(وين يا زعيم) البروف قاسم رافت سيداحمد مايكل(كسح قبل التخرج) الطيب البلاع يوسف ابكر تميتوا با ربيع؟ الصافي الفضل يا مرجع افتيناحتى لو عبر الايميل واللا لسه مباري الهلال؟
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: هاجر التهامي ياسين)
|
تحياتي ياصديق ياقاعد بعيد ... يعني نحنا نقول شنو ؟!...
بختك .... بين الزهور متصور..
من زمان راجي ناس دفعتي يظهروا ... أخيرا طلت حاجه مريم عبدالواحد ، لها التحايا الخالصه ولكل أصدقاء الزمن الجميل وأتمني أن يظهر باقي الدفعه من خلال زاويتك التي إمتلأت شجنا وحنين لأيام لا أحسبها عائده ... ومن هنا أجدد لهم التحايا ولك صديق ...كل عام وأنتم بخير جعلها الله سنه مباركه علينا جميعا ...
أحي أيضا أخونا العزيز معتصم عبدالحليم ، كل عام وأنت بخير وكل الدفعه الورانا كانت دفعه مميزه ومرحه والتحايا عبرك لراشد والباقر ومجدالدين وكل سنه وأنتم بخير ...
مودتي ...
الشابك
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: محمد الشابك)
|
Quote: أحي أيضا أخونا العزيز معتصم عبدالحليم ، كل عام وأنت بخير وكل الدفعه الورانا كانت دفعه مميزه ومرحه والتحايا عبرك لراشد والباقر ومجدالدين وكل سنه وأنتم بخير ...
مودتي |
تعرف يا محمد.....اخوى....
دفعتكم...دفعة "المجانين"...معتصم عبدالحليم....يشأر اليه بالبنان....نجاح... وصديق عزيز....و يصعد...و يرفع راسنا عالياً...نجاح...فى نجاح.....و حب بحب....و ربنا يوفقنا جميعاً.....الى التوثيق الجميل....لكل جميل....
بالله شاركونى...فانا ما زلت فى البداية....
صديق القاعد بعيد
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
الاخ صديق القاعد بعيد جيت اولا اسلم ليكم .. لانو جدودنا زمان وصونا على الوطن وعلى المعهد العالي .. معهد الزمن.. طبعا احنا مش برالمتكم فحسب احنا طلابكم عديل لانو دفعتكم كانوا تيوتارز في زمنا.. احنا دخلنا المعهد .. يا ريت.. اقصد دخلنا جامعة السودان حفيدة المعهد سنة 91 .. ولكننا شلنا سمعة المعهد الفني عديل.. دفعتنا انتشرت في ارض الله الواسعة وخصوصا في الخليج كم واحد كدة حصل على الزمالة الاميركية والاخرين في الطريق.. وفاتحين بوست مماثل لبوستك دا موجود في الرابط دا بعد اذنك كلية الدراسات التجارية - جامعة السودان (معهد الكليات) -...0-1996 دعوة للتواصل .. والله ما كنا عارفين من البداية.. عشان كدة ادينا خاطرك.. احنا البوست حقنا فرعي من حقك دا.. حيث ان بوستكم يشمل حتى ثورة عبدالفضيل الماظ.. اخوكم/ معتصم احمد صالح كلية الدراسات التجارية.. قسم البنوك والتصدير نيويورك
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: معتصم احمد صالح)
|
Quote: اخوكم/ معتصم احمد صالح كلية الدراسات التجارية.. قسم البنوك والتصدير نيويورك |
معتصم....اخوى لزم....
انا لا افرق ما بين معهد الكليات و جامعة السودان....لننى كامل الثقة بأ توثيق التاريخ لابد..ان يكون بنفس الصدقية...فانتم واجهتم,,,ظروف تعليمية..و اجتماعية,,, اقتصادية...و سياسية غير التى عبرت من خلالنا....ثم ما يؤلم اكثر...انتم واجهتم اقسى الظروف الاكاديمية...التى فيها اصبح التعليم "مسيس"....و التعليم لا يسيس...بل "حق"...فى ان نعيش عالم اليوم.....و ليس عالم "الامس"....بمعنى ما نتلقى من علم و منهجية فيه!!!!
تعليمكم.... و بالرغم من انكم من جيل "العمالقة"، لم ترون فيه غير الفوارق... والفروض السياسية... والمجتمعية....و الاقتصادية...أما نحن فكنا نعيش فى داخلية واحدة.."نحكى" همومنا" و هموم وطن.....ثم نمضى الى قاعات الدراسة فنجد...اساتذة اجلاء....يرفعون رؤوسنا المرفوعة دوماً بهم.....ثم نعود الى البيت الكبير "الداخلية" نتسامر و نتناقش... ونتعارف و نتحابب كاى...اخوان لا يفرقهم الزمن و لا المكان.....ثم كان ما كان...!!!!!
ليته لم يكن!!!!
و ليتنا تعارفنا و تواصلنا كما كنا.....و ليتهم تركوأ لنا نظام تعليمنا على الاقل و لم يسيسوه...على شاكلت كل مشاكل السودان....
منا من كان لا يقرأ الا..اذا ....ذهب و ادء الفريضة...صلاة.....من قلبه....المملؤ بغدٍ افضل ودعوات تهز الجبال بأن نظل نحن...نحن.... ومنهم من تجمهر يعيد حكايات الصبا...فاغلب الدفعة كانوا اخوان...اتوأ من كل اصقاع السودان الجميل حينذاك.... و يعيدون...حكايات الصبا.... ومنهم من التقى لماماً.....و منهم الاستاذ و منهم المهندس و منهم العامل... وخاصة ناس الفنون......لا تجد من بينهم الا المبدعون.....فى كل نواحى الحياة...ثم ياتون....بتجربتهم ..حب...و ممازجة الوان السودان.....
الكلام...ممتد.... وحبك...ممتد...افتح الف بوست عن مهدنا.... وجامعتهم.... و لكنك فى النهاية ابن السودان...الذى اتمنى له كل التوفيق و السداد و النجاح.....
ارفع راسك....فانت سودانى.....
خليك معاى بجاى وانا برضو معاك بهناك......
لك حبى و احترامى و تقديرى...اخوى...معتصم.....
صديق القاعد بعيد بنوك وتصدير 1987
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
اصدقني القول يا معتصم أهي رحلة لا عودة منها؟
آآآآه يا صديقي آآآآه يا نديدي آآآآه يا رفيق دربنا اهكذا انت عجول دائما ؟ اهذه فقط كل ايام حياتك معنا ؟ الا يعلم هؤلاء انهم عجلوا بنعيك ؟ الا يعلموا انك ما زلت فتيا علي ان تنعى؟ اهكذا تتسلل من بيننا دون ان تخبرنا حتي؟ اين لي بمعتصم يناكفني وقلبه عامر بودي ؟ اين لي بمعتصم اشاكسه فيهذبني بنهجه ؟ الا يعنيك حزننا ؟ الا يعنيك ألمنا ؟ الا يعنيك جرحنا ؟ كيف لك ان ترحل هكذا دون ان تهيأنا ؟ لمن وكلت حمل حقائب احلامك التي اعددتها؟ لمن وكلت عيش ايام افراحك التي لم تعشها؟ اهكذا تتركنا للنحيب والبكاء دون حتي ان تمسح اعيننا؟ بح صوتي يا رجل وانا ابكيني . بح صوتي يا رجل وانا انعيني كيف لي ايام قادمات دون معتصم ؟ كيف لنا يا نادوس ان لا يكون بيننا معتصم ؟ كيف لنا يا بكري ان لا يكون فينا رقم صفر؟ كيف لنا يا ود عزة منبر بدون صديقنا ونديدنا ؟ كيف لكم الدوحة دون عزيزكم يا بوردابها ؟ وكيف لي صديقا لا يهاتفني مرة اخري ؟ اااااااااااااااااه يا معتصم اني فقدتك يا رجل اسال ان يشملك الله برحمته ويتغدمك بواسع مغفرته وان يتقبلك عنده القبول الحسن وان يصبرنا من بعدك , وان يجبر كسرنا ويعيننا علي مصيبتنا
__________________________________________________________________________________
نعم.......دنيا يملكها...من لا يملكها......
أغنى اهاليها...سآدتها......الفقراء.....
العاقل...من يآخذ منها...ما تعطيه...على استحياء.....
والغافل من ظن الاشياء هى الاشياء........
صديق...معتصم...عبد الحليم....أخى....الغائب...من دنى...الاشياء...
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
الاخ منجيقا
انت لازلت تودع معتصم ومازالت سرادق العزاء منصوبة في الزاكرة وقلوبنا ممتلئة بالحزن حتي داهمتنا فجيعة أخري .
رحيل الاخ الصديق الصدوق الخلوق
عمار عبد القادر ( عمار اللعوتة ) تخرج عمار عبدالفادر في كلية الدراسات التجارية محاسبة تخصص تكاليف والادارة عام 1990 حقا لقد فقدنا عظيم وعزيز لدينا.
نواصل الحديث عن هذا العظيم عمار
لكم العزاء وله الرحمة والمغفرة
مجدي شبندر
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: مجدي شبندر)
|
وصلنى الايميل ادناه من الاخ سيف الاسلام....
__________________________________________________
الاخ صديق
السلام عليكم
انا سيف الاسلام احمد خريج معهد الكليات التكنلوجيه معامل احياء طبيه العام 1990 والله يا اخي انا الفتره التي قضيتها في المعهد كانت من اجمل الايام في حياتي ولا انسي ابدا داخلية الشيش الجميله ذات التصميم الانجليزي البديع كنا حتي في الاجازات نظل في الداخليه واحلي حاجه لمن يجي وقت العشاء حيث نذهب للنوادي المنتشره في الديم لنضرب البوش كنا نعرف بعض حتي ناس الكليات الاخري وكانت مكاتب الجمعيات واذكر انو نحن وناس مدنيه كنا جيران يعني كان كل طلاب الجامعه بيتاعرفوا لانهم كانو بسيطين في العدد ويا حليل البصات لمن تجي تترص كلها وتشيلنا الماشه لي الحله الجديده والماشه لي الجنوبي المهم كانت ايام لا تنسي وانا من هنا ادعو كل من يعرفني ان يراسلني علي العنوان البريدي الاتي [email protected] وانا اسال من الاخ بشير حسن بدوي من اهالي القضارف وهو متخصص فيزياء
منى تحياتي للجميع
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
الاخ صديق البوست ذو شجون وجعلنا نجتر الذكريات ونزرف الدموع علي فراق ذلكم الزمن الجميل. 22 عاما مضت منذ ان تخرجنا في 1988 وتفرقنا لكن لم ننسي تلكم الايام ويا لها من ايام المرحوم امين حسن عمر ذلك الفتي الجميل في مظهره ومخبره رحل سريعا عن هذه الفانية في باكورة شبابه ويا له من رجل رائع جمع الكرم والشهامة حيث كنا نزور دارهم بالحاج يوسف وفي معيتنا طارق محمد الحسن حسيب مبارك شمبول صابر اسماعيل واخرين وكان يكون في خدمتنا والده المرحوم العميد يوسف عمر واخوته وكنا نبيت في منزلهم احيانا وكان العلاقة بينه ووالده اشبه بالصداقة نسأل الله ان يغفر لهم ويجعلهم من اصحاب اليمين ويوسع لهم في مدخلهم نحن دفعة 1984 وتخرجنا في 1988 واذكر علي سبيل المثال بعض الزملاء 1- لطفي صالح العوض ( موجود الان بمصانع سيقا) وكانت له لحية اشبه بلحية بن لادن لكن الان حلقها 2- مبارك شمبول ( بمصنع سيقا 3- عبد اتلمنعم احمد الشيخ ( بالسعودية) 4- هالة زاكي الدين بلال 5- ميري وليم عبد النور 6- نجوي احمد المتوكل ( موجودة بامريكا) 7- هويدا حسن الرشيد 8- نوال احمد النور 9- الهام خليل فرح 10- ابتسام قاسم 11- ضوينا حاج علي ( بصحيفة رأي الشعب) 12- احمد الصادق البشير ( البنك الاسلامي السوداني) 13- صلاح زيادة 14- ابرهيم وداعة الله 15- نبيل عوض 16- سليمان رمضان 17- مزمل كمالدين 17- مبارك مأمون ( بنك الشمال) 18- ابو عبيدة ( مدير بنك فيصل السوق العربي) 19- انصاف الامين 20- رجاء عباس 21- ام سلمة مكي 22- الصادق صديق نميري 23 - علي التلب 24- عادل عباس 25- سليمان عبد الله 26- عبد اللطيف 27- ياسر 28- زكريا 29- حماد 30- علي التلب 31-صابر اسماعيل 32- مبارك نور الدائم الكرنكي 33- طارق محجوب 34- هويدا عوض الطيب 35- بتالي شارلس وذكر من الاساتذة الاستاذ المرحوم بشير الخواض رحمه الله وغفر الله له وكان رائعا بمعني الروعة ورغم اني كنت بالتجارية الا انه حبب لي دراسة القانون وبالفعل درسته الاساتذة ابراهيم صديق (نفخو), مصطفي توفيق(النقر) , عبد العظيم (economic) , نبيل جرجس , امنة, ازهري, لطفي , قاسم رزق الله , احمد الحاج وهنا لا يفوتني ان اذكر الاخ النصري صديق الدفعة حيث كان يسبقنا بعام وكان خير معين لنا ونحن برالمة يا لها من ايام لا تعوض حيث كان لا نعرف قبائل بعضنا البعض كما يحدث الان وكانت الروابط الاقليمية كان روابط تجمعنا لتقديم الخدمات في الاجازات الصيفية للاهل من كورسات تقوية او قافلات صحية اما الان فحدث ولا حرج وسنواصل اجترار الذكريات اخي صديق
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: عبد العزيز عبدالكريم نهار)
|
Quote: وسنواصل اجترار الذكريات اخي صديق |
اخوى عبدالعزيز....يالله زكرتنى بتلك القائمة من العمالقة الذين ذكرتهم و زكرتنى بابن عمى و صديق طفولتى أمين يوسف عمر، أول رئيس لاتحاد كلية الدراسات الاضافية بمعهد الكليات التكنولوجية و كثيرون لازالت تمتد بنا الذكريات و لازلنا نعيش بها و تجرى فى حياتنا و زكرياتنا و مبادئنا....من اجمل اللحظات....
انا سعيد جداً بوجودك و اضافتك الكبيرة لهذأ البوست الذى سوف احمله هماً الى أن يكتب الله امراً كان مفعولاً....
لولا تهكير موقعنا سودانيزونلاين لكنت الان ازكر لك الكثير عن الذين ذكرتهم اعلاه و هم اخوة لا زالت تربطنى بهم روابط لن تنفك و اعرف اخبارهم واحداً واحداً لكننى فى سياق هذأ السرد سوف اتئ كل على حدة....
خليك معاى نوثق لزمن و جيل عظيم مملؤ بالاخلاق و النبل و الطهر و فوق كل ذلك اصالتنا كسودانين و اهل نحلم بان نكون.....لابد....
صديق القاعد بعيد
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: عبد العزيز عبدالكريم نهار)
|
Quote: ويتحدث من بعده سيد املس واخرون |
و الله يا عبد العزيز....جيت فى قلبى....تذكر تماماً الاخ سيد محمد على أملس...(عود الصندل و الابنوس) كما كنا نسميه....شخصية كرازيمية....يمتلكك بغير استئذان...و ينفخ فيك روح...الثقافة و التعلم و يرشدك بغير ضغينة و لا حسد...بل...بكل حب ....
ولد البلد الاصيل... و الذى يحلم بأن نكون....
شكراً يا مان....الزكريات لابد أن تتدفق...بالحب....
اخوك.....القاعد بعيد...حتى عودة...للبلد الجميل....
صديق
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
12-03-2007, 05:52 ص
Siddig A. Omer ________________________________________________________ الراحل على عبدالسلام أحمد فضيل...الدويم
على لم يكن طيف من الاشجان و الحب و العقل...بل كان انساناً جميلاً بهدؤيه وحبه للسودان وأهله.....زارنى واسرته فى منزلى بالدوحة وهو فى طريقه للسودان للعمل بمصفاة الجيلى و قبلهــا كنــا قد درسنــا بمدرسة النيل الابيض الثانويةالعليا بفارق سنتان، فأنــا بالسنة الثالثة وعلى فى السنة الاولى زميل أخى عمر عبدالمنعم. ثم التقينــا بمعهد الكليات التكنولجية ثم مهندســاً يشار اليه بالبنان فى قطر للبترول ثم كان الوداع الاخير فى العام 2004.
له الرحمة ولاسرته الصبر الجميل.....
صديق-الدوحة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
12-03-2007, 06:00 ص Siddig A. Omer _________________________________________________ صديق النور و شلته
ارسل لى الاخ أبراهيم سليمــان هذه الصورة و هى تضم من اليمين الى الشمال وقوفاً:
1- أنور 2- عبدالباسط 3- الذاكرة خربت (ذكرونى) 4- عبدالله العربى 5- الذاكرة خربت (ذكرونى) 6- أبراهيم سليمان
جلوســاً من الشمال الى اليمين:
1- خالد عبدالرحمن 2- موســى 3- صديق النور 4- أحمد أبكر عيسى
اين انتم؟؟؟؟؟؟
صديق القاعد بعيد
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
12-03-2007, 06:09 ص Siddig A. Omer _________________________________
محمد المهل عمر مساعد
محمد...صديقى و أخى لم نفترق...ذهبنــا الى ليبيا سويــاً...وكانت فكرته...و يالهــا من فكرة؟؟؟ تركته فجلس 3 أعوام وعاد ثم عشنــا فى السودان من 94 حتى 97 واتيت الى الدوحة....واتئ....ثم لم يحتمل الغربة فعاد الى السودان...وهو يعمل الان مزارعــاً بمشروع الجزيرة..."ما وش نعمــة" و هذه الصورة عند أول ايام حضوره الى الدوحة فى العام 2003 قبل أن يتجزر مرة أخرى.
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
على التلب وعارف نجم الدين
قصدت أن اجمعهمــا فى التوثيق، فهم تؤام تظنهم اخوان ( مش الاخوان ديلك)،، على لا زال هو هو، هاجر الى بريطانيا و أصبح مواطنــاًثم الى "أمريكــأ" و عارف صبر على السودان فصار المدير المالى "لسيقــا"....تشاركنــا رحلة بورتسودان العام 1987 و كانت هذه المشاهد و الذكريات:
على و عارف......"وبورتسودان"
"الحلة" فى بيت ناس وليد عبدالفتاح فى "حى العظمة" بورتسودان العام 1987
تعالوأ و لا "نجئ".....و الله انشر الصور العندى كلهــا....ياخوان دهــا ما معقول ..أكتب براى ذى المجنون.....
جائييكم....
صديق- الدوحة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
12-03-2007, 07:09 ص Siddig A. Omer _______________________________________________________________
صديق عبدالمنعم عمر " المجنون"...هكذأ احب أن ادعو "نفسى"
الايميل المايل ذى ما بقول أخونــــا المجنون "الآخر"
[email protected]
و التلفون ياعبد العزيز المكى المشهور "بسحسوح" مش تلفون "المكتب" و يوم السبت كمان؟؟؟؟ مانحن بقينــا زيكم "بنجاز" يوم السبت......تمتعتَ بصوتك فى التلفون "هو هو"...جادى وصارم كما عرفتك......
موبايل: 9745872612
و جائييكم،،،،،
صديق المجنون فى غياهب الخرتوم
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
12-03-2007, 09:23 ص Siddig A. Omer _______________________________________________________
الناس خايفة....................؟؟؟؟؟؟؟؟؟؟؟؟؟؟؟؟؟
و الله يا أخوى النصرى....لو ما جيت جائيـــك و فيديو كمــــــان....انت القال ليك تجيينى هنــا ...منو؟؟؟؟
لك التحايـــا و الحب و لى أخونــا بكرى كل الحب و التقدير و الاحترام الذى جمعنــا ها هنــــــا.....
حبى و تقديرى.....
أخوك المجنون القاعــــد هنـــــــــــــــــــــاك......صديق
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
17-03-2007, 11:34 م Siddig A. Omer _____________________________________ المعـز شايب - بنوك 1993
الاخ معز... لك كل التحايــاو الود و الاحترام لمشاركتك لى فى هذأ البراح و الذى مازال فى بدايته. فنحن لولا ظروف الحياة لجلسنــا نكتب ليل نهار عن تلكم الذكريات الجميلة التى عشناه فى ذلك الصرح العظيم.
منتظر منك الكثير إنشاء الله و شكراً كثيراَ على المشاركة...
صديق - الدوحة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
17-03-2007, 11:34 م Siddig A. Omer _______________________________________
أبو القاسم صديق (قاسم الصغير)
لا أزال أذكر ديباجة غرفتك و نحن فى داخلية الحلة الجديدة فى السنة الاولى......
أبوالقاسم صديق (العريباب)
ياخى معقول.....ياصديقى الجميل....و يا أخى كم اشتاق لك وكم اشتاق الى ايامنا الجميلة و حبنا و احترامنا لبعضنــا....ابحث كاالمجنون فى صورى الكثيرة لصورتنا الاولى فى رحلة السنة الاولى فى العام 1983 وكنت منسقهــا.....سوف اتيك بهــا ...انشاء الله.....
هل تذكر قصتى مع ميكرفون الجامع فى داخلية الاستوبل...ربمـــا ...سوف ارويهــا لا بد....
وصلنى هذأ الايميل الجميل من الاخ أبوالقاسم صديق...وكما كنــا نفرقه عن ابوالقاسم ترارى بى ابو القاسم الصغير......لا بد أنى عائد لك....لك احترامى وتقديرى...
صديق - الدوحة
________________________________________________________________
From abulgasim osman Sent Wednesday, March 14, 2007 2:29 pm To [email protected] Subject
الرائع صديق
تحياتي
فتحت بدواخلنا جميع أبواب الدهشة والإنصات عمل رائع بروعة مبدعه منييييغا حبذا لو خصصت صفحة لقاسم كسلا
فقدكان فاكهة دفعة 87 بجميع كلياتها
تحياتي للزول الجميل مبارك
نلتقي قريباً بإسهاب
قاسم صديق (قاسم الصغير )
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
18-03-2007, 12:28 م Siddig A. Omer ___________________________________
محمدعبدالله الشابك
العزيز محمد الشابك، لك كل الحب و التقدير و الاعزاز،،،،،
معذره أنا من زوار سودانيز أونلاين ولكني لم أستطيع التسجيل للعضويه. _________________________________________________________________________________
الأخ صديق
لك خالص التحايا ولك التقدير كله لهذه اللفته البارعه ومحاولتك للم الشمل بعد كل هذه السنوات التي مرت سريعه ولم نحس بها. المعهد الفني ، معهد الكليات التكنلوجيه ثم جامعة السودان هذا الصرح الشامخ الذي ضم مجموعه من الصفوه والأحباب . رغم طول الزمن والمسافات والذاكره الخربه إلا أن بعض الذكريات لازالت عالقه بالذهن.
دعني أعرفك بنفسي أولا أسمي محمد عبدالله الشابك خريج تجاريه قسم البنوك إضافيه 1993 دفعة كل من مريم عبدالواحد ومعز الشايب ، لازلت أذكر كثير من الأسماء بالدفعه وعزرا اذا سقطت سهوا بعض الاسماء ولكني أذكر
معز الشايب ، أنور ، محمد الزبير ، عبداللطيف (الحاج عبدالله) ، محمد قرشي عوض السيد، ياسر ابنعوف ، الصادق عبدالرسول، النزير،محمد صالح، أيمان أحمد، بهيه، ساره المامون،
محمد عبدالله ومحمد عبدالله هذا كان زميل ودفعه وراجل فنان وكان يحمل الثلاثه اسماء الأولي من اسمي ، حدث أنه لم يجتاز أعمال السنه في مادة الأنجليزي وعن طريق الخطأ لبسني ليها أستاذ الماده الذي نسيت اسمه حقيقة، وعشان شرف البورد آنذاك كان لازم أجلس الامتحان مره أخري بدلا منه ، حقيقة كان موقف صعب وكان الشتاء في أصعب أيامه وحدث أنه كنت بمعسكر الشهيد عيسي بشاره بالقطينه لآداء خدمة الدفاع الشعبي لقبولي بجامعة الخرطوم وقتها كان ذلك في 1990 وكنا بالصف الثاني بكلية التجاره ، وتكبدت كل المشاق من القطينه (الصلعه كيري ومتعلق في باص حطب والبرد جامد قوي) ، الله يسامحك يامحمد عبدالله ، وجدت في انتظاري الدفعه محمد قرشي الرجل الشهم وكان متأهب لدخول الامتحان بأسمي حتي لا أتخلف من الدفعه. حقيقة كانت أيام وكنا برفقة أخوان ورجال لم نعرف مثلهم قط. أعود بك مرة أخري من الاسماء بالكليات الأخري مثل مهلب الطيب ، محمد حسن الطيب بورتسودان ، تمارا وليام ألمانيه سودانيه وكانت دفعه، الأخت اخلاص من أبو عشر، ومن أبناء كسلا صالح إدريس، ملك أبراهيم، محمد أحمد بابكر، شهاب الشفيع، محمد الحسن مصطفي، وحيد قايد، نزار وناجي كلية الفنون، شذي دفع الله، ايمان الفكي، وكثير من السناير أستحصر منهم أيمان أبوحس.
والله الذاكره خربه وأكيد هنالك كثير من الأحبه لم تسعفني الذاكره بذكرهم في هذه العجاله ولكن لي عوده موثقه انشاء الله بكثير من الاسماء والصور والمواقف والأحداث. كنت مقيم بدبي وشاءت الظروف أن ألتقي بكثير من خريجي المعهد هناك خصوصا خريجي 1994 و 1995 . ألتقيت بمهلب وكان يعمل بمدينة العين والمرحوم تاج السر حسن الطيب طيب الله ثراه، وعملت بمكتب عبد الله باجنيد للمحاسبه الفانونيه وكان يضم أكبر عدد من خريجي المعهد كان تقريبا معظم الموظفين بالمكتب الرئيسي بالسعوديه وفروعه بدبي واليمن من خريجي جامعة السودان ، كوكبه من الاساتذه الأفاضل ، الاستاذ مصطفي شنقراي ، الاستاذ جلال صالح سليمان ، الاستاذ محمد صالح والذين استفدنا من خبرتهم الطويله في المحاسبه.
الحقيقه للمعهد زكريات كثيره وجميله لاتعد ولا تحصي ، كنا تقريبا آخر دفعه قبل التعريب وكانت ضغوط استاذ عبد الفتاح مادة القانون واستاذ الفاتح بالمرصاد وشبح التعريب علي الأبواب فكانت دفعة التحدي. والحمدلله تخرج الجميع في نفس الدفعه في 1993. لكنها ايام باقيه في الذاكره ويحتل المعهد مساحه شجن كبيره بالقلب كما داخلية الجنوبي والحله الجديده.
لك التحيه صديق ولكل أسرة خريجي معهد الكليات التكنلوجيه أتمني من الله أن يظل هذا الرباط القوي بيننا ويلم هذا الشمل في أسعد الأوقات، ومعذره لكل من لم تسعفني الذاكره بذكره في هذا التجمع الكبير.
لكم خالص الود أخوكم محمد الشابك مقيم بالولايات المتحده عنواني: [email protected]
Elshabik
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
20-03-2007, 03:35 ص ASAAD IBRAHIM _________________________________________ اسعد عليك الله....Post it againn .....................................
اما الصورة الظريفة دي ففي سطوح "العمارة" الحلة الجديدة
ويظهر بالخلفية مطعم عمك " "
وفي الصورة يظهر الاخوة :
الجالسين من الشمال
نور الله ناصر
عمار عبد القادر
أحمد
الواقفين كمان من الشمال
صديق
عبد الغفار
ابوبكر نصر
والله يا صديق معاي صور تحف بالجد
لسة التقيل وراء
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: عبدالله ود البوش)
|
الان اتصل علي عبدالرحيم نفخو ولكنه اتصل بقرش ونص عاودته الاتصال نسوي شنو ( البزاق مننا ) ؟ طلعت منو بقصة لذيذة دارت بين الطيب السر وعصام شبور في سكن الكنبو وذات صباح اخرج الطيب السر فرشته وبدأ يحوم بها كرامة يا محسنين عصرة معجنون حتى ولو ابو وردة ولمح عصام شبور في يده اليسرى فرشة من النوع الممتاز وفي يمناه سيقنال تو سمين سال له بزاق الطيب السر حتى كاد ان يبل فرشته وقبل ان يشحدو قام عصام شبور جدع المعجون جدعة يصعب الحصول عليه صباح غدا بسهولة وكرب قفل الدولاب ولفح البشكير فوق ضهروا ومرق ووقف الطيب السر طويلا كفحل الضباع وتعوذ من الشيطان الرجيم وزفر نفسا طويلا متل زفرة ابو اللمين العولاق داك ( ام برروا ياخ ) وخرج لايلوي على شئ الا السلف الكريم من احد اغنياء الداخلية ولي غباه مشى لي عبدالرحيم نفخو اللسع مفلس وبتصل بقرش ونص عبدالرحميم ياخي سلفني عشرين جنيه يوم البيرسري برجعا ليك عبدالرحيم قال ليهو انا ما عندي لكن بوصف ليك زول تتدين منو ( متعودة ) اها منو قال ليهو عصام شبور الطيب السر قبل لي غادي وقال ليهو والله عصام شبور كان بقى البنك الدولي ما اتدين منو ياخي دا شحت منو معجون كسر الدولاب ضلفة ضلفة دا اكون قروشو لرقبتو خايف عليهن من روحو
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: عبدالله ود البوش)
|
Quote: بعد الارشفة. . مجيغا يا لذيذ تحياتي بعد الارشفة ياخي البوست دا اجروا لي الربع دا و شوف اطلع ليك منو شنو ( فتة كوارع بالليمون ) انت زول مجنون والناس دي خايفة منك
تكون يوم في حالة غيبوبة تكب المحن هنا ونبقى لي بعدين في حاو وهش
اول حاجة ادينا الامان والراجل بربطو من كيبوردو ( المشكلة ات كان ربطناك من كنجولك مافي ضمان ) كااااااااااااااااااااااك |
عبد الله العربى.....
والله انا بقيت زى طارى الحال.....خليه أحسن!!!!
خايفين......هاهاهاهاهاه
و الله الخوف عندهم.......هم شافوا "حاجة"
بس خليك مع اخوك هنا و حا تشوف "العجب".....
العجب منو؟؟؟
العجب أمو.....هاهاهاهاهاه
صديق القاعد بعيد
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
محمد المهل عمر مساعد
محمد...صديقى و أخى لم نفترق...ذهبنــا الى ليبيا سويــاً فى العام 1989...وكانت فكرته...و يالهــا من فكرة؟؟؟ تركته فجلس 3 أعوام وعاد ثم عشنــا فى السودان من 94 حتى 97 واتيت الى الدوحة....واتئ....ثم لم يحتمل الغربة فعاد الى السودان...وهو يعمل الان مزارعــاً بمشروع الجزيرة..."ما وش نعمــة" و هذه الصورة عند أول ايام حضوره الى الدوحة فى العام 2003 قبل أن يتجزر مرة أخرى.
صديق القاعد بعيد
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
22-03-2007, 11:23 ص
Elmuez Shayeb
تاريخ التسجيل: 12-09-2006 مجموع المشاركات: 87 ____________________________________________________________________________________________________________ لابد ان ياتي زكر داخلية انور عندما تجي سيرة معهد لكليات هنالك معالم فى هذه الداخلية العجيبة والحقيقة هى بيت (ملجن) خرابه بالواضح كنا ساكنيني فيها رجالة مع البعوض والمجاري المهم تجمع فريد جمعني مع كوكبه من اقضل الشباب الاخ فتحي موسي عبدالباقى الجيلي حسن نقه نورالدين عطا السيد الاخ نصر الدين من ابناء النهود --------------- نورالدين التجاني العوض وقدورة احد الظرفاء لقمان ابن المفرن
واهم شخص ( النقر ) تلفاه حايم جووه وست الشاي قسمه ان لم تخني الزاكره بسال عن احد الاسماء المعروفه فى المعهد الكـــــــــــــــــــــامل احد الشخصيات المميزه نفتقده بشده لا احد يعرف عنه شيئا منذ ان ترك العمل ببنك البركه
المعز الشايب
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
22-03-2007, 08:07 م Siddig A. Omer تاريخ التسجيل: 06-04-2005 مجموع المشاركات: 2946 _______________________________________
المعز الشايب...و داخلية "أنور"
طبعــاً أول مرة زرته داخلية "أنور" فى العام 1984 و كنت أسكن بداخلية "الحلة الجديدة" و بحثت فى كل الطرق....تاريخــها معروف فلقد كانت تبعث التاريخ من تحت الارض... لكن ساكنيهــا كلهم مهمون بالهم بي الشان العام و الخاص منهم من اراد أن يكون قريب من المعهد للتحصيل... ومنهم من اراد أن يكون من الاتحاد مثل الاخ أحمد عطية ومنهم من كان أن يريد ان يكون قريب من سينما الخرطوم غرب و منهم ومنهم.......
يا مان نحنا كنــا فى داخلية الحلة الجديدة...عشان داخلية الهليتون و السطوح و لا مش كدهــا.....هاهاهاهاهاه
عمك طه و عبدالعظيم الاغبش و التلفزيون.......
أذكر فى العام 84 كانت قناة الخرطوم الانجليزية مع قناة التلفزيون المعروفة و طالب أحد الاخوة الجنوبيون (زكريــا) بالتحول الى القناة الانجليزية و كانت الساعة ساعة المسلسل العربى......و تقاتل زكريــا مع أحد عاشقى المصرين حتى الاغبش (عبد العظيم) شال التلفزيون و دساه فى المطبخ عشان ما اتكسر......
لك الحب
صديق- الدوحة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... "2" (Re: Siddig A. Omer)
|
21-03-2007, 06:01 م
shahto تاريخ التسجيل: 17-02-2006 مجموع المشاركات: 4394 _____________________________________________________________________
صدبق الحبيب ابو يسن اذكروا محاسن مجانينكم
Quote: عبدالباقي شحطو دا مصاغرني فى كل حته 0 فى المعهد كان معاي مشيت المركز الثقافي الفرنسي لقيتو قدامي جيت البورد لقيتو بيكتب 0 هو وواحد صاحبو أسمو خالد سندباد كان ساكن فى الـ أس تي أس 0 إلتحق بالمركز الثقافي الفرنسي لأنو شحطو دا زول حريف جداً ، كان بجانب الفنون بيدرس فى الفرع قانون 0 وناس قانون فى الفرع عندهم مذكرة مصطلحات قانونية باللغة الفرنسية 0 فمعظمهم كانوا بيدرسوا فرنساوي بالمركز الثقافي الفرنسي 0 |
_________________________________________________________________________
صديق القاعد بعيد
| |
|
|
|
|
|
|
|