صابكم زين ياهل النمة
الاخوين كمال عكود,,الطيب العباسى,,,لملمتو معاكم,,صحفين متل قريبتى حليمة ومحامين متل ودشيقوق,, وجابت ليها رسامين متل قيسان,,ود النعيم,اها قلنا اخير نهندسها ليكم حبة,,,وما اشك فى انكم مهنين ايضا
لكن عندى كلام مع قريبى الطيب العباسى,,,,لقد ذكر العجبة هو احد الهمباتة وانا عندى جدى لابوى اسمه امحمد ويلقب بالعجبة لكن ما بعرف عنه شىء غير انه كان من المعجبين بنفسه وله سبعة بنات فقط,,ومن ضمنهن حبوتى لابوى ,,هو كاهلى عاش فى منطقة النيل الابيض بين القطينة وجبل الاولياء فدحين لو عندك خبر عن الزويل دا ادفرنى بحاجة حتى لا يفوتنى ذلك الشرف,,,
عموما انا من المصنقرين فى بوستكم دا فى جوا الرياض الماطر,, من امس العشاء رياض الخير سحبها دوائر ومطرها برد,,لو لقت شخيى ود الشلهمة او جدى ودشورانى كان صورها زى البطانة,,,عرب المملكة ديل عندهم شعر فى المطر لكن زى اكل اللبان اولها طاعم واخرها بلوة,,الا تتفها فى الزبالة,,,اها امس لدن بتى تقبض فى البرد لاول مرة وتلوك فيه قايلاه اسكريم,,,
من امس العشاء رياض الخير.. مطرها نازل عم السقوف ,, وشوارعها منه.. كابه جداول لو حضرها شيوخ النميم.. فى زمنا,الحافل كان سمعنا خريره على عمائر القزاز المائل تسلمو
ود ابقوتة
(عدل بواسطة abuguta on 04-14-2010, 07:41 AM)
|
|