|
Re: أحمد البنا..... أسم البنا أسم كبييييير أرعي بي قيدك (Re: ALGARADABI)
|
اخي القرضابي
تحية طيبة
Quote: الجقر عارف و مبسوط بيهو كمان...... و يوم داك كان قاعد معاهم في لقاء علي قناة هارموني هو و اصحابو .... الوحيد الاعترض من آل البنا كان عاصم علي ما اعتقد ..... و حصلت ضجة في الجرايد لكن بعيدن عاصم رجع و اعتذر. |
اولا لو تكرم الاخ محمد الامين احمد ان يوضح لينا الموضوع شنو والاعتراض علي شنو؟ وايه الضجة الحصلت في الجرايد لاني بصراحه اول مره اسمع بهذا الحديث. ثانيا انا المزعلني انو اولاد البنا كلهم رجال محافظين في غناهم او حتي في لبسهم و"اللوك " بتاعهم ماعدا هذا الرجل. ثالثا كثير من الكتاب او الفنانين او الشعراء يتحدثون عن الاغنية الامدرمانية ومطربي حي العرب وخلافه بل وبعضهم تحدث عن ان امدرمان منبع الغناء
مع كامل احترامي لام درمان وفناني امدرمان لكن هذا الرجل تحدث من قبل وقال ان ناس بحري والخرطوم لا يعرفون الغناء...تصور ؟؟؟ قلت لمن حولي هو فنان من الشباب وامام ناظري الان فناني بحري من الشباب في عمره فليذكر لي من من هؤلاء يبزهم فنا او تطريبا طه سليمان او فرفور او محمود عبد العزيز او هشام درماس او حتي شموس ؟؟؟
فعلا الاختشوا ماتوا
| |
|
|
|
|
|
|
Re: أحمد البنا..... أسم البنا أسم كبييييير أرعي بي قيدك (Re: طارق ميرغني)
|
Quote: لكن هذا الرجل تحدث من قبل وقال ان ناس بحري والخرطوم لا يعرفون الغناء...تصور ؟؟؟ |
يا طارق ميرغني سلامات .. أولاً الجهل مصيبة وتكون المصيبة أعظم عندما يكون الجاهل لا يعرف أنه جاهل. ثانياً: النوع دا لمن يلقى الهبوب بضرِّي .. وما في زول بقول ليهو عينك في راسك. وما بعيد يجيك يوم يقول ليك: ما كان في فنان اسمه أبو داؤود. يا أخوي الحكاية كلام والسلام والكلام لا عليهو جمارك ولا ضريبة... خليهم يقولوا زي ما الناس يقولوا.. حلاة الجمعة يوما وحلو شمبات مقيلا... ولا دي كمان ما سمع بيها. تحياتي.
كبـّـاشي الصـّـافي
| |
|
|
|
|
|
|
Re: أحمد البنا..... أسم البنا أسم كبييييير أرعي بي قيدك (Re: محمد الامين احمد)
|
الأخ محمد الأمين تحية ورمضان كريم شكراً لرفدك البوست بمواضيع ذات صلة لكن والله العظيم لم أسمع بأي خلاف الا من هذا البوست والذي دعاني لكتابة البوست حلقة رأيتها الأسبوع الماضي بقناة هارموني وأخري مساء أمس وبصراحة الولد ماعجبني خالص ولم أزعل من الفنانين المعاهو في الحلقة سوى قرقوري ولا نزار المهندس ....الخ لأن دي طريقتكم كده وكل فولة وليها كيال لكن أن يأتي فنان من عائلة البنا بهذا المظهر والجوهر ، فهذا ما حّز في نفسي عائلة البنا من الشيخ عمر البنا لادريس البنا للفرجوني للأمين لمبارك لسعد لعاصم وحتي نادية كلهم احترام للفن وللمتلقين خاطبوا وجدان الشعب السوداني فأحببناهم وصار اسم البنا مرادفاً للفرح و الابداع و كل جميل لذلك كان استنكاري لهذا المسخ الفني فان كان يريد أن يكون كما هو الآن فليترك اسم البنا ويعود لاسمه أحمد الجقر. قال تعالى (ادعوهم لآبائهم هو أقسط عند الله)صدق الله العظيم والله فرحت بموقف عاصم الفنان الملتزم ولكن أسفت لأعتذاره وكان يجب أن يقف موقف أصلب ففي أسم البنا لا يجب أن يجامل أبداً
| |
|
|
|
|
|
|
Re: أحمد البنا..... أسم البنا أسم كبييييير أرعي بي قيدك (Re: جمال محمود)
|
يبدو ان الغناء لما يغلب الواحد
يبدا ويقول ناس الخرطوم ولا بحري ما بيعرفوا غنا
او انه لم يسمع بالكاشف
وانا في رايي ان من لم يسمع الكاشف او لم يسمع به
ليس جديرا ان يغني ولا ان نستمع له ولو كان زرياب
ولا اظن ان الكاشف او اسرته يتشرفون بان يعرفه هذا المسخ المشوه
وعاصم البنا له الف حق فيما قال
وهو بكل صراحه نوارة ال البنا
| |
|
|
|
|
|
|
Re: أحمد البنا..... أسم البنا أسم كبييييير أرعي بي قيدك (Re: خالد درق)
|
Quote: البنا ليس مدينة او محطة او لقب البنا قبيلة لها ارثها وتاريخها الممدود على عاتق الزمن ناصع وحافل بما فيه من عطاء اجيال واجيال واذا كان احمد الجقر مدعاة اللشتيمة والاشمئزاز لهذا الاسم فمن الافضل ان يسمى نفسه احمد الخور ولا فرقعت هو حر ولكني اكرر رائ وبوضوح لم ولن اعتذر لاي على اي كلمة طالما كنت علي حق ... والدليل هذا البوست ... كان من الاولي ان يكون عن سيرة او |
يا عاصم شيلو منو الاسم دا سريع...قبال ما يرتبط في اذهان ناس الزمن دا...ويجي زمن يلخبطوا بين احمد البنا واحمد الفرجوني...وانا وغيري نعلم الفرق الغير قابل للقياس اصلا بين الاتنين...فاذا كان احمد الجقر مفتكر فرفور الكاشف معجبينو"واكيد بكون ليه معجبين في الزمن الكعب دا"
حا يكونوا مفتكرينو...البنا...الببني طوبة حب...ويرمي مونة محنة...وتانين مفتكرينو اخوك...وآخرين قرأوا عن جده في كتب المدارس...(الحرب صبر)...شيلو الاسم دا سريع.... لأنو أحمد الجقر لا يشبه أحمد البنا...وحا يشوه عليكم الاسم العائلي في اذهان الناس...
يشهد الله انا من ما قريت اسمو وسمعتو...عرفتو ملصق البنا دي بي صمغ ساكت...
اكتبوا تعميم لكل الصحف والتلفزيونات دي تسميه احمد الجقر... وابوه راجل فنان وموسوعه...حقوا يعتز بيه بدل ما يلصق ليه بنا بي صمغ...
| |
|
|
|
|
|
|
Re: أحمد البنا..... أسم البنا أسم كبييييير أرعي بي قيدك (Re: abubakr salih)
|
الأخ أبوبكر أحمد الجقر ينتسب لآل البنا من ناحية الأم الجقر الكبير تشرف بنسب آل البنا والجقر الصغير ما عاجبو لقب الأبو بالاضافة لأسم البنا يعتبر جواز مرور لقلوب الشعب السوداني لذلك اختار أن يكون أحمد البنا والله لو كان قدر الاسم ما كان حايكون عندنا أي أعتراض على أن يختار اسم أهل أمو فهم بحق يشرفو ولكن البنا وسلاسل وختم و غنا هابط؟؟؟ والله ما راكبة تب
| |
|
|
|
|
|
|
Re: أحمد البنا..... أسم البنا أسم كبييييير أرعي بي قيدك (Re: Sayed Bekab)
|
بركة الوقعت ليكم وانا واثق من وعيكم دائما ... والله ثلاثا انا واحد من الناس لم اذكر اسمه من قريب او بعيد والغائب عليكم ان الموضوع بدايته انه فى جريدة الدار فى لحظة تجلى نشر احمد الجقر انه غير مقتنع بى عاصم البنا ولولا برامج اغاني واغاني لم يجد كل هذه الشهرة والقبول وانهن يقدم لى نصائح فى البت وانه يسمعها من هنا ويخرجها من هنا ... ناسيا هذا الاهطل باني قبل برنامج اغاني واغاني مثلت السودان فى جيبوتي فى مهرجان القرن الافريقى وشرفنا بالمركز الاول بحضور سفير الايقاد وسفير السودان بجيبوتي . فالشهرة من احمد الجقر اخير منها مشوار احمد شرفي والاغرب الوالد الجقر تابع ابنه وانهال على بالشتم بالجرايد بدلا من تقويم ابنة والان هو يتودد للاعتذار ولكن كل اناء بما فيه ينضح ..
قريبا سنصدر بالصحف اليومية مقالا مشترك من ابناء واحفاد البنا لتوضيح مسالة الاسم دى للجميع واتنبيه الاجهزة الاعلامية رسميا بمراعاة حقوقنا كاسرة .. واذا اراد احمد ان يردف اسم البنا للشهرة فاليكن على قدر المسؤوالية ولن يجد من يعارضه حتى لو كان مابعرف لان التقييم عند المتلقي ولكن هناك ملا يضينا هنا لنا وقفة .. تاخرت بسبب تصورنا بان الامر سوف ينتهى منه وله ولكنه استشرى ودخل الاعلام والغريبة الاعلام ارخص من كده مافي . والله نحن يومي بنتشتم بى سببه طوال رمضان الغنا يطير ويسلم البنا الخلانا لينا مكانة فى المجتمع سمحةوخط طريق البطلع منو ما من البنا وربنا يسهل بالمناسبة ابحث فى قوقل تجد اكتر من احمد البنا هناك اخرين ايضا يسمون بالبنا التكية ده .
ابناء الشيخ عبدالله البنا المغنين / الفرجوني , والامين , وسعد , ومبارك واحفاد عبدالله البنا / حاتم ,وعاصم ,وكان امين محمد عبدالله البنا رحمة الله علية والشاعر يوسف عبدالله البنا شاعر البادية , والعقيد سيف الدوالة عبدالله البنا له اسهامات بسيطة وهو متخفي . احمد الجقر والدتو بت الشيخ عبدالله البنا يعني ابن عمتي ا
وغير ذلك الا البنا يكون استنسخ والسلام [/B
ولايهمكم
| |
|
|
|
|
|
|
Re: أحمد البنا..... أسم البنا أسم كبييييير أرعي بي قيدك (Re: عاصم البنا)
|
أول مرة أسمع بالزول الإسمو الجقر دا غايتو كلامو دا بدل على مستوي فهمو:Quote: وأكد أن لبسهم كفنانين شباب شئ شخصي (يلبسو سلاسل ولا ما يلبسو شئ يخصهم وعلى الناس بالغناء المقدم لهم فقط)
|
بالله دا كلام بتاع زول عامل فيها فنان ..؟ تلبس سلسل تلبس خاتم تلبس من غير هدوم فعلا دا شىء شخصي بعود ليك انت .. بس لو كان في بيتك لكن ليس في التلفزيون يا اللخو .
| |
|
|
|
|
|
|
|