|
تعالي يا .. لا .. شوفي .. آآي .. سوّت فيني شنو !!
|
عم عبد اللطيف راجل طيب ظريف مرح سريع بديهة .. محبوب من الجميع لطلاوة صوته حين يشق بصحبة خيط الفجر مؤذناً بدخول يوم جديد داعياً لبدءه بوضع الجبين على الارض والابتهال الى المولى عزّ وجلّ ان يفتح ابواب رحمته ورزقه على عباده
العم عبد اللطيف عنده كنتين صغير في سوق الصحافة تقصده حريم الحي ليشترين منه لوازمهم البسيطة .. وهو يقتات منه قوت اليوم باليوم ... يبيع ويديّن وكمان يدّي بلا مقابل للما عندهم فهو ادرى بظروف كل اهل الحي
في يوم الصباحية واثناء ما هو منهمك في مبايعة زبوناته من حريم الحي جاءه واحد وقال ليهو : حاجات عبد اللطيف السلام عليكم بالله كدي تلفونك دا دقيقة وعمنا وفي وسط انهماكه وبطيبة شديدة ردّ السلام وشااال الموبايل ومداهو للزول .. الراجل اخد الموبايل واتصل وبدا يتكلم وهو ماشي ببطء ويلوح بيديه وماشي وماشي وماشي الا ان توارى واختفى عن الانظار .... وعمنا عبد اللطيف خلص بيعو واخد ليهو دقيقتين تلاتة قاعد ساي وفجأة سأل جيرانو انتو آآ جماعة الزول الشال تلفوني وينو!!! الناس اتلفتوا يمين شمال ولا اثر للرجل ... سألوهو هو لابس شنو ؟ قال ليهم والله ما شفتو ولا شفت شكلو كيف بس قال لي ادني التلفون اديتو ياهو ! لكن بجيبو يكون عندو موشوع ما داير يتكلمبو قدامكم .. وظل منتظرا حتى موعد آذان الظهر ومشى العم عبد اللطيف على الجامع ورفع النداء للصلاة وجاء جميع من في السوق لاداء الصلاة الا الزول الشال الموبايل .... وبعد الصلاة سأل عمنا عبد اللطيف الجماعة وهو مبتسم اها آآ جماعة زولي ما جاء ؟ قالوا ليهو ما جاء ضحك ضحكة عرييييضة وقـــال :
(تعالي يا.... لا ..... شوفي ..... آآي ... سوّت فيني شنو!!!)
|
|
|
|
|
|
|
العنوان |
الكاتب |
Date |
تعالي يا .. لا .. شوفي .. آآي .. سوّت فيني شنو !! | امير عوض الجمري | 12-07-10, 06:20 PM |
Re: تعالي يا .. لا .. شوفي .. آآي .. سوّت فيني شنو !! | امير عوض الجمري | 12-07-10, 06:24 PM |
Re: تعالي يا .. لا .. شوفي .. آآي .. سوّت فيني شنو !! | بله محمد الفاضل | 12-07-10, 06:35 PM |
Re: تعالي يا .. لا .. شوفي .. آآي .. سوّت فيني شنو !! | امير عوض الجمري | 12-07-10, 06:47 PM |
Re: تعالي يا .. لا .. شوفي .. آآي .. سوّت فيني شنو !! | khaleel | 12-07-10, 06:28 PM |
Re: تعالي يا .. لا .. شوفي .. آآي .. سوّت فيني شنو !! | امير عوض الجمري | 12-07-10, 06:40 PM |
Re: تعالي يا .. لا .. شوفي .. آآي .. سوّت فيني شنو !! | ابو جهينة | 12-07-10, 06:41 PM |
Re: تعالي يا .. لا .. شوفي .. آآي .. سوّت فيني شنو !! | طارق الكوتش | 12-07-10, 06:43 PM |
Re: تعالي يا .. لا .. شوفي .. آآي .. سوّت فيني شنو !! | امير عوض الجمري | 12-07-10, 08:01 PM |
Re: تعالي يا .. لا .. شوفي .. آآي .. سوّت فيني شنو !! | امير عوض الجمري | 12-07-10, 08:03 PM |
Re: تعالي يا .. لا .. شوفي .. آآي .. سوّت فيني شنو !! | مجدي عبدالرحيم فضل | 12-07-10, 08:10 PM |
Re: تعالي يا .. لا .. شوفي .. آآي .. سوّت فيني شنو !! | امير عوض الجمري | 12-07-10, 08:19 PM |
|
|
|