|
|
 ونسة عصرية
|
نمه اولانيه
ريحة العويل
مسمرة فى صفحة كتاب الليل
طعم الهديل
زاد المسافر فى حشا الوجعة
ودريبو طويل
حزنك حجابك يا ولد
مطرك يبابك با بلد
حلمك مساسقة السواقى زمن
بين العطش الفى رجاك
ووجع النيل
بين اليباس التانى جاك
وزعل الفجة ساعة تنطفى
الغنوة وتموت
حزنك حجابك يا ولد
مطرك يبابك با بلد
مشهد القعدة
غيمات كسولة، تتكئ كل واحدة على كتف الأخرى، والشمس باسطة شعرها على وصيد الأفق الأوسط من براح السماء
مشهد ثانوى
أغنية مغبرة بفعل "كتاحة" تحبو لتخربش وجه الظهيرة، تسير فى صحبة بعض لعنات مجهولة المصدر، ربما الإسم ايضا
موسيقى مزركشة بطعم قهوة صبية، خجولة
قرنفل "يانى" فى صحبة نعناع "محمد كرم الله"
هسع خلاس باكر تروح وتسيبنى وحدى انا فى الودار
سايلة الدموع ابكى وانوح ما بفرز الليل أنا من نهار
النيمات تضمر فرحة لا تملك سوى أن تسيل على جنبات جذوع النهار الغبشاء، ربما محاولة غير مجدية لتشارك فى جوقة الخضرة والنغم
الحال من بعضه يا نسمات
نمه تانيه
ضحكك مشاباة التراب
تالا السحاب
صبرا جميل
مبلول مع سعف العنا
مشرور مع الحلم الرهاب
سفرا طويل
هد المسافات والغنا
ممدود كما الحلم البخيل
جوه الشرايين التجابد فى النفس
زى أمنيات أمى الزمان
ساعة تتاوق من شبابيك الغياب
مشهد القومه
من عمق السؤال تنبع الإجابة، ومن بين جيوب جلباب الإجابة تخرج العناوين فى هيئة طير بدون مواعيد مسبقة مع الجهات
أنا بس عايز أعرف
كيف قدر "مصطفى سعيد" يدس "عوليس" فى نوم النخلة الطرفانية ديك؟
وكيف قدر لملم احلامه الملخبتة ديك ودفن نصها جواه، والنص التانى اتبرع بيهو للناس الما بنومو بدرى ؟
"جان جينيه" زول خواف ساى سيبك منو، كان داير تشوف وتضوق طعم الناس الما خوافين، امسك بس فى ناس "بتهوفن" و "أبو صلاح" وركز على "الخليل" انجض زول فى الناس الما عاديين ديل، مشكلته بس استعجل المرقه وفات سريع
شفت "بت مجذوب" عامله زى الكسرة الخميرة الغالبن بتكون بايته، طوالى بتذكرنى فسحة الفطور فى المدرسة، ما عارف ليه
"دالى" ما مجنون، لكين بحاول بس يرسم الوقت وعقارب الساعة بتتحرك، وكلما يرسم حاجة العقارب بتتحرك، عشان كده قرر إنه لازم يوقف الزمن شويه
حاجة تزهج
سمعت أن "دانتى" وبعد أن بنى كوميدياه الإلهية، كان يمشى ذات صباح بارد قد خبأ جسده ووجله تحت رائحة الحبر لينعم بقليل من الدفء، فصادف فى طريقه حدادا يصنع حدوات الخيول، رأه يدفن المعدن فى قلب التنور الهادر بالجمر ثم يعود ليطيعه كيفما شاء، سأله دانتى قائلا، أمن الضرورى أن تغمس هذا الحديد فى قلب النار؟
لم يعبأ الحداد كثيرا بسؤاله، لكنه تمتم بصوت غطته صرخات المعدن وضربات المطرقة، لن يركض الحصان صوب الفردوس ما لم يشارك الجحيم فى صياغة خطواته
حينها أدرك دانتى أنه لا بد من النار كى تطفئ الحريق
أما بعد
وعلى قول صاحبنا المتشائم داك، قال ليهو
شايف النيل ده، إنتو قايلو شنو
مجرد دمعة سايلة على خد الواطا؟
|
|
  
|
|
|
|
|
| العنوان |
الكاتب |
Date |
| ونسة عصرية | أبوذر بابكر | 10-30-10, 06:49 AM |
 Re: ونسة عصرية | حبيب نورة | 10-30-10, 06:57 AM |
| Re: ونسة عصرية | احمد محمد بشير | 10-30-10, 07:02 AM |
| Re: ونسة عصرية | أبوذر بابكر | 10-30-10, 09:55 AM |
 Re: ونسة عصرية | حبيب نورة | 10-30-10, 07:06 AM |
 Re: ونسة عصرية | حبيب نورة | 10-30-10, 07:09 AM |
| Re: ونسة عصرية | حبيب نورة | 10-30-10, 07:29 AM |
| Re: ونسة عصرية | أبوذر بابكر | 10-31-10, 06:15 AM |
| Re: ونسة عصرية | أبوذر بابكر | 10-31-10, 07:25 AM |
| Re: ونسة عصرية | أبوذر بابكر | 11-02-10, 09:50 AM |
| Re: ونسة عصرية | أبوذر بابكر | 10-30-10, 02:50 PM |
| Re: ونسة عصرية | أبوذر بابكر | 11-01-10, 02:35 PM |
| Re: ونسة عصرية | أبوذر بابكر | 10-30-10, 09:20 AM |
| Re: ونسة عصرية | Abdalla Gaafar | 10-30-10, 11:21 AM |
| Re: ونسة عصرية | جورج بنيوتي | 10-31-10, 07:35 PM |
| Re: ونسة عصرية | حبيب نورة | 11-01-10, 00:07 AM |
| Re: ونسة عصرية | أبوذر بابكر | 11-02-10, 05:50 AM |
| Re: ونسة عصرية | أبوذر بابكر | 11-01-10, 09:26 AM |
| Re: ونسة عصرية | أبوذر بابكر | 11-01-10, 06:05 AM |
|
| |
أبوذر بابكر
فيس بوك
تويتر
انستقرام
يوتيوب
بنتيريست