|
Re: وين باقي الحدود؟ (Re: Tragie Mustafa)
|
منعم أويتلا سلامات وأشواق ترسيم الحدود دي ذكرتني وفد هيئة علماء السودان لما مشى نيفاشا وجاب الديب من ديلو "يسمح لغير المسلم بشرب الخمر في الخرطوم شرط ألا يترنح" واحد أخونا قال أنا لو مكان الجنوبيين بسكر وأمشي عديل وتاني يوم ما بسكر وأمشي إترتع في الشارع، ضر ساكت
| |
|
|
|
|
|
|
Re: وين باقي الحدود؟ (Re: Ashraf el-Halabi)
|
لا تستبعدي أي شيء في دولة المشروع (الضاري)* دي يا أم حازم الناس دي بتمارس في ساديتها بالجلد القطع والرجم بجيبوا ليهم هوا المجتمع الدولي وهم ناس فقه تقية لكن كمان شريعتهم دي كان يطعموها شوية! أتؤمنون ببعض الكتاب وتكفرون ببعض يا كيزان الجن!؟؟ يعني ما ممكن، عشرين سنة في دولة الشريعة دي، التسعين في المية من سكانها تحت خط الفقر، ما في لص سرق عشان تقطع يده! ما في محصن زنى عشان يتردم حجار!! كل يوم جلد جلد جلد!!! لو كدا احنا ما محتاجين رئيس!! محتاجين صول!! ــــــــــــــ *المصطلح تبع د. بشرى الفاضل
| |
|
|
|
|
|
|
Re: وين باقي الحدود؟ (Re: الطيب رحمه قريمان)
|
Quote: لو كدا احنا ما محتاجين رئيس!! محتاجين صول!! |
قلت لي قال يسكر وما يترنح أها شن الفايدة، بعدين حكاية يمشي عديل دي تبقة زي مباراة الدبيب والضب لما إتغالطوا في منو البيسكر أول هههههه. الدبيب لما إستوى خلاص قال للضب أنا ماشي .. ومن مكانو دا وراح ماشي عديل زي الخيط . طبعا الضب بكون قال شوفو زولكم . أما حكاية الصول دي الله يعلم الصول كان رحيم لأنو عندو أولاد بيقفل المخزن ويدق هدوم الكديت .
| |
|
|
|
|
|
|
Re: وين باقي الحدود؟ (Re: الصادق اسماعيل)
|
والله يا صادق لليلة ما فارز قدو قدو ياتو فيهم وكنت ناوي أعمل بوست تضامن معاهو لكن بوب سبقني. أنا شفت الفيديو مرة واحدة وما عندي قدرة أكررها لكن ما عندي شك إنو كلهم (بأبو كرفتة ذاتو) ضحايا نفسيين لسستم مأزوم أو زي ما بقول واحد أخونا "عميان بـ### في ميت"
| |
|
|
|
|
|
|
Re: وين باقي الحدود؟ (Re: Ashraf el-Halabi)
|
عارف يا اشرف زمان كان الكيزان عندهم شعار بيقول (شريعة شريعة ولا نموت، الإسلام قبل القوت) الغريبة هسة لا لمينا في شريعة ولا في اسلام ولا في قوت زاتو.
بالمناسبة أنا زاتي ما عارف قدو قدو ياتو وأنا شفت الفديو مرة واحدة وأصابتني حالة من الذهول والغيظ والغضب والله يا أشرف ما طالبني حليفة اول مرة في حياتي احس إني مهزوم وضعيف و########. غايتو الله غالب
| |
|
|
|
|
|
|
Re: وين باقي الحدود؟ (Re: الصادق اسماعيل)
|
لاحظ كمان البرود والفمليرتي مع المشهد دا من التيم المنفذ!! عندي قريبتي لما كانت صغيرة كانت بتدخل في كوما لو شافت أي دم دخلت كلية الطب كنت خايف تعملها في محاضرة التشريح سألتها قالت في الأول بس لاوزت شوية لكن لما المسألة تكررت تعودت قلت ليها لياتو درجة قالت ياخ أنا أسي بكون ماسكة المشرط باليمين وبالشمال ماسكة سندوتش الفطور!!
المحيرني العسكري التاني الدخل يجلد دا، سيطانو دي محسوبة ولا هوادة ساي!
| |
|
|
|
|
|
|
|