|
بودراب الدوحة 2022
|
غايتو ربنا يدينا طولة العمر لكن كمان في حديث ما متأكد من مدى صحته من ضعفه بيقول أمة سيدنا محمد دي عمرها بين الاربعين والستين .. في الأول لمن إختاروا قطر نططت وفنجطت والسبب ليس فوز دولة عربية وإسلامية والحنك العاضي ديك لالالا السبب إنو ياخ قطر دي تكلة بي جاي والواحد ممكن عادي بعد الدوام يدور (السيارة) ويمشي يحضر كورة المانيا والارجنتين ويجي راجع يبيت في الرياض.. تاني شطحت ونطحت (وكل ده في الوقت ما بين ظهور اسم قطر من الظرف وبين الاحضان ما بين امير دولة قطر وابناءه) وقلت ياخ ممكن اخد إجازة وقطر البورداب فيها طن والفرد ما يدوك الدرب والواحد ممكن عااادي يعمل حركات أهل العوض ديك ويجي يتكل مع واحد من الشباب في الصالون حقهم لي مدة شهر وكده .. الكلام ده كلللو فكرت فيهو وانا قايل إنو سنة 2022 دي باقي ليها تلاتة أسابيع !!! أجي يااا بري؟؟؟2022 ؟؟ 2022 دييييك؟؟ الباقي ليها 12 سنة ديك ؟؟هووووي ها!! 2022 هارون دياب ده بيكون رجع السودان والنوع البقا مشلهت وصوتو بقا واااطي وجنو شكية في المواصلات المصاريف حقت الاولاد ونحن لمن كنا في قطر ونحن العملنا اولاد قطر.. 2022 خليل يكون ظبطوهو ليك بي خروج نهائي زي الترتيب وبقا تاااكل في إستاد الهلال ويشرب ليك الجمبو ياخ نحن قطر دي بنيناها ..ياخ والله العظيم إستاد القرافة ده انا العملتو ..وشوفت التقاطع بتاع شارع حمد مع شارع الاميرة موزة انا سويتو .. أميرة الشيخ دي في 2022 يجيبوها ليك في قناة النيل الأزرق لابسة ليها توب أبيض وبتحكي عن نسوان زمان وكيف شرفو السودان وكيف كانت المرأة سفيرة بلادها وانا بتذكر لمن كنا في الدوحة الواحدة فينا لما تتحنن الخليجيات كلهن يسألونا الحنة دي سويتوها وين ؟؟؟ محمد عبد الرحمن حيكون رجع وعمل ليهو دكان في أربجي والنوع العندو عراقي مشروط داك وبينتظر ليك سوق الإتنين والخميس ويجي راجع اخر اليوم بي ربع كيلو لحمة في المخلاية.. طبعا نادوس زول راقي ورايق والقطريين ح يحنسوهو عشان يقعد معاهم لحدي 2022 لكن هو بيقول ليهم لالالا كفاي غربة .. ابو ساندرا المن أسة عمل عملية العيون ده غايتو في 2022 صعبتها علي .. عليه 2022 هو كأس العالم لأبناء البورداب عشان كده يا بكري عليك الله من أسة أعمل لي عضوية لي محمد وصلاح ديل وبالمرة أعمل عضوية لي أولاد هارون دياب وخلي الشباب ينسق من أسة .. نحن ما لينا في الشغلانية دي ..
|
|
|
|
|
|
|
|
Re: بودراب الدوحة 2022 (Re: haroon diyab)
|
سلام يا عمر
ياخوي رجعة لينا مافي
سنة 2022 يا داب بكون في عمر الزهور
يادوبك 42 سنة
ولي علمك من هسع عملت ميزانية لتذاكر النهائيات وفتحت
بيها حساب منفصل
لو امورك جايطة رسلي الورق بتاعك
تعال حصل المليارات دي قبل الزلمات ما يجونا
| |
|
|
|
|
|
|
Re: بودراب الدوحة 2022 (Re: khaleel)
|
غايتو يا هارون الحسنة الوحييدة في ولدك ده إنو إتوفق في الشعار اللابسو ده ..لكن الخوف يكون حمراني الهوى.. غايتو وللضمااان كده ولدك ده لو كورتو ما حبة إهتم ببيهوالزول ده ممكن يقعدك بي الجنسية عدييل كده ياخ ربنا يحفظو ويحفظ عيالنا كلهم..
| |
|
|
|
|
|
|
Re: بودراب الدوحة 2022 (Re: عمر الفاروق)
|
عمر الفاروق كنت مع الصديق عبدالعزيز السليطى رئيس مجلس ادارة اوكسينت المهم بعد ونسة عن الفوز والكتيكات القطرية ودهاء محمد بن همام وشطارة الشيخ محمد رئيس ملف قطر على فكرة الشيح محمد عمره 22 سنة المهم وبعد الونسة الجميلة وانا اغادر مكتب عبدالعزيز سألنى إبنك لبيد متى حا يتخرج من الجامعة قلت بعد سنتين قال زين لازم تبدأ في تدريبه على تسلم ادارة الشركة نخن مقبلين على حدث عظيم ثم ابتسم بخبث جيت البيت لقيتك كملت الناقصة
| |
|
|
|
|
|
|
Re: بودراب الدوحة 2022 (Re: بدر الدين الأمير)
|
وكمال سالم بكون النوع البجيبوهو فى النهائيات داك لابس شورت وما سائل فى زول ياكل فى اللب الشعر ابيااااااض .. وعادل سالم يكون اتفنش وهو ما لاقى حته يبيت فيها ... لوووووووب .
وهشام المجمر يوصف لى اولاده الحته دى كنا ساكنين فيها ياود .. دا قووون ؟؟ السمع ذاتو بقى مافى ..
عماد عبدالله هايم فى عوالم تانية وما عارف فى شنو .. يا بوى دا كاس العاااااالم ياود كاس شنو ؟ نحن عملنا الايشين قيم وانا جريت بالشعله .. تقول لى كاس العالم !! المولعه دى شعلتنا نحنا ..
كيكى التفكيكى الاسفيرى يكون رجع الكمبو وراحت عليه حتى الفرجة لانو بتكون انفصلت مع الجزيرة .. والقطر ذاتو فاتو ويكون بدعبش بى عكازو بفتش لى فى نت لانو الليل كله ما نام بدبج فى الردود الاسفيرية لحسين ملاسى .. ويجيهو الرد ياخ انت وين دا مات زمااااااان !!!
ـــــــــــــ ياالفاروق ياخ الكلام دا قريب خلاص انت ما بتتزكر جيت البلد دى ذى امس ؟ هسه تفتكر فى زحمة 2022 دى ما بلقى لى عريس ؟؟
| |
|
|
|
|
|
|
Re: بودراب الدوحة 2022 (Re: Sharif Nasirladeen)
|
Quote: عليه 2022 هو كأس العالم لأبناء البورداب عشان كده يا بكري عليك الله من أسة أعمل لي عضوية لي محمد وصلاح ديل وبالمرة أعمل عضوية لي أولاد هارون دياب وخلي الشباب ينسق من أسة .. |
أها .... والمهمة دي تقع على عاتق بكري أبو بكر ...... والا بيان بكري أبو بكر. ____ شلّعت العالم كلها ..... وبكري ده ديناصور؟ والاّ (مقرَّش)
| |
|
|
|
|
|
|
Re: بودراب الدوحة 2022 (Re: Sharif Nasirladeen)
|
الفاروق والفنان ناذر الخليفة:
Quote: ابو ساندرا المن أسة عمل عملية العيون ده غايتو في 2022 صعبتها علي .. |
ما سعبة واللا حاجة ( دي بلسان حبشي مبين ) هما إحتمالين في رأسك ، أن أكون اعمى أو أن أشتت مشتولآ في حفرة في ميسيمير
بس أخوك عندو فسحة أمل عريضة جدآ أعرض من حسن نواياه أنه بعد 10 سنوات يتقدم طب العيون والعين تفتح وستة على ستة وبعد 11 سنة يكون علاج السكري في متناول اليد من اي كنتين وقد يتم إكتشاف اكسير الشباب عشان الواحد عندو نية يطبق بتو وبيرتوويمشي الإستاد
الصالون ومعه غرفة اخرى بل ، الطابق الأرضي كله سوف يعاد فرشه لإستقبال القادمين من الدول المجاورة هذا بالنسبة للعزابة اما الأسر والسيدات فسوف نترك لهم الطابق العلوي وانا ورشود عندنا غرفة في السطوح
| |
|
|
|
|
|
|
Re: بودراب الدوحة 2022 (Re: أبو ساندرا)
|
Quote: هسه تفتكر فى زحمة 2022 دى ما بلقى لى عريس ؟؟ |
يادينا أرجو التوضيح : العريس عايزه هسه ولا فى 2022 ؟؟؟ لأنو بتفرق معانا .
عمر الفاروق إنت قائل السنين زى سنين زمان ؟؟ يمين بالله 2022 تجى وبوست كوستاوى لبدر الدين إسحق يكون لسه فى الصفحه الأولى ! يازول جهز حالك من هسه وأخد إجازتك وأنا بجهز ليك السكن ماعندك أى مشكله ,, بس التذاكر عليك .
| |
|
|
|
|
|
|
Re: بودراب الدوحة 2022 (Re: كمال سالم)
|
طبعا نادوس زول راقي ورايق والقطريين ح يحنسوهو عشان يقعد معاهم لحدي 2022 لكن هو بيقول ليهم لالالا كفاي غربة
يااااخ تسلم على الاطراء والثقة، والله يا عمر يا أخوي نحن كان قلنا كفانا، البقنع ناس محمد اللي من هسه مشى سجل في ناشيء كرة القدم بنادي الغرافة أقرب نادي لينا، شفت الناس ديل بدأوا اعداد منتخبهم من (الحين)، فاستقدموا كمية برازليين مدربين للنشء اللي 10 سنوات وما دون....
تقول نادوس يرجع والله محمد يعلنها عليك حرب
| |
|
|
|
|
|
|
Re: بودراب الدوحة 2022 (Re: nadus2000)
|
عمر ازيك ياخي
Quote: 2022 هارون دياب ده بيكون رجع السودان والنوع البقا مشلهت وصوتو بقا واااطي وجنو شكية في المواصلات المصاريف حقت الاولاد ونحن لمن كنا في قطر ونحن العملنا اولاد قطر.. |
صاحبي ده مالك عليهو مبشتنو كدة ياخي سنة 2022 يادوب يكون دخل الستينات يعني لسه شباب
| |
|
|
|
|
|
|
|