|
البشير صرفتو جات ..وين المشكلة ؟
|
إنتو قايلين البشير ده رئيس ليهو سنتين ؟ شكلكم ناسين عمر البشير ده رئيس ليهو 21 سنة يعني زيييو زي كريم 21 .. البشير خاشي في صرفة حقت الرؤساء والصرفة 9 مليار وين المشكلة ؟ إنتو قايلين الرؤساء ديل كمان صندوقهم زي صندوقكم ؟ نظام يا جماعة الختة عشرة ألف ونهاية الشهر الصرفة يتقسموها إتنين !! ونظام معليش ياخ انا الشهر ده ما عندي خلاص اخصموا بعدين من صرفتي لمن تجي ..وهناي داك بما إني ما دفعت ليهو في صرفتو فخلاص خلوهو ما يدفع لي في صرفتي !! الصندوق حق الروؤساء ده مشترك فيهو القذافي وشال الصرفة الأولى بددددري ومعاهم حسني مبارك (خاشي بي سهمين هو وأولادو) ..طبعاً ناس الخليج ديلك صندوقهم براااهو ناسنا ديل ما بيقدروا عليهو ولا بيقدروا يخشوهو .. بالمناسبة البشير ده لو قادي ليهو علبة لبن فورموست وبيرمي فيها راتبو القروش دي بيلمها .. اوكامبو ده اليشوف ليهو موضوع تاني وشغلة تانية القصة دي ما جايبة همها .
تخريمة : مساطيل قاعدين جمب البحر جا ماشي فيهم صندوق سجاير .واحد قال للتاني لو خشيت ليك في الصندوق ده تديني شنو ؟ قال ليهو بديك الصرفة الأولى ..
|
|
|
|
|
|