|
المادح حاج الماحي وقصة التمساح...
|
Quote: في عصر ليس بالبعيد ارهق تمساح اهلنا في شمال السودان وذلك بقتل عدد كبير من اهلنا الشوايقة في النيل وصعب عليهم اصتياده فذهب سماحة الشيخ المادح حاج الماحي الي المنطقة وانشد قصيدته المشهورة التمساح .. ومن حكمة ربنا استجاب الله لدعائه .. ووجد التمساح ميتا بعد ثلاثة ايام علي ضفاف النيل وهي قصة مشهورة في السودان والقصيدة هي : الموضوع الأصلى من هنا المادح حاج الماحي وقصة التمساح | من موقع : منتديات المعهد العربي
التمساح
يا رحمان ارحم بى جودك
يارحمـان ارحم بى جودك دلى الغوث ينزل فى بلودك سم يا فمى اذكر معبودك قول يا واحدا حى فى وجودك يا مسعد اسعد بسعودك ونحن نصلى على مريودك ***** يا رحمان ارحم بى برك يا حافظ فى بحرك وبرك فى وليانك اطلق سرك خل نيشاتن اليتحرك ***** آمين آمين يا كاشف الغمه جنب ها الدابى تصبحو رمه تسلط واحد ايدو مدمه يعجل قتلو قبيح القمه ***** يا الخلفا الحالكم مرضيه يا اهل البيعه العقدوا النيه التمساح سكن الشايقيه خلو اليروح نسيا منسيا ***** يا ابن ادريس عدل نيشانك فوق الكل عامر ديوانك هم يا شيخ الناس حيرانك فى التمساح بين برهانك ***** يا ابن ادريس شيخنا النورانى يا صاحب الفتح الربانى يا ابنو العركى ويا السمانى ارمو سهامكم يا فرسانى ***** شئ لله يا ذات التجلى صاحب السر والفتح الكلى يا الغوث البى الكون متولى التصريف هيلك عجلى ***** يا عبد الوهاب التازى يا اب درعا منسوب بى حجازى التمساح تمساحا خازى درنا العوم ادونا الاجازى ***** يا الداسوقى وشيخو رفاعى يا حسن التواع كون واعى الشبلى وشيبان الراعى ارمو سهامكم يا شجاعى ***** شئ لله يا اهل الدايره يا الفى الكون اسراركم سايره ارخو السر فى السحره الغايره خلو الدايره التصبح نايره ***** وينكم لى وينكم يا قومنا سهرانين نحسب فى نجومنا التمساح حجر لى عومنا ان ما جيتونا عليكم لومنا ***** وينكم وينكم يا ديله يا اهل ا لحضره الليله الليله اجتمعوا وخلوا البهديله التمساح احموهو الشيله ***** وينكم لى وينكم يا كمل يا لحاق فيكم بتأمل يا الفوت البى الكون اتحمل عرض الدار روح يتهمل ***** وينكم لى وينكم يا كسر يا لحاق فيكن بدثر التمساح بلحيل انجسر امرو عليكن ماب يتعسر ***** شئ لله يا حسن البصرى صهيب الروم ذا النون المصرى يا الدباغ ابو سرا يسرى يا ابن المحجوب الناس متحسرى ***** شئ لله يا اب جلابيه يا عثمان شيخ الختميه يا الصلاح جمله الاولياء التمساح شوفولو اذيه ***** شئ لله يا راجل البقعه يا اهل الحضره البعد الهجعه يا الفكى شيخ الهام اب تسعه شيل الدابى تحتكم بدعه ***** شئ لله يا عبد القادر محى الدين البحر السادر يا ود زينب قوم لى مبادر يا ود حاج قول جيتكم حاضر ***** شئ لله يا راجل البركل يا قايم الليل ماب تكسل يا عايم بالله اتوكل قول للدود من بلدى اتفضل ***** يا اهل الركب الفات بى ليلو ما فيكم واحدا شاد حيلو احمد واحمد واحمد شيلو ود عدلان فوق راسو اديلو ***** يا ياسين يا ود حميده يا اهل القبه الباقيه فريده انتو ما ابتا طيتو اكيده ما بتغلبكم هذى الصيده ***** يا رجاله نورى اتلموا خلو الغفله جميعكم هموا محمد صالح قام بى عمو لطم الدود بالسر فوق فمو ***** يابا حمدتو اب نايبا شوكه صاحب سر وايدك مبروكه يا اب نيران الحقنا بابوكا هم يا شيخ الناس زموكا ***** يا الفكى شيخ العبد الصالح يا لحاق فى بحر المالح ود بيلى و عووضه القارح وين حاج عيسى القدر الطامح ***** يا اب شارب واولاد السته امانى عليكم ليش ها السكته اسمع يا شيخ القول ليك انت جرت الحين فى بلادكم نكته ***** الزرق ابوات ود حاج موسى يا الكمل ما فيكن دوسه البلد الكانت محروسه اتحجر العوم والناس محبوسه ***** يا ود جابر ليك بنادى قوم با خوانك لا البولادى يا العجمى اب رزقا صيادى اخدوا الشكره العادى العادى ***** يا اولاد جابر بى عجميكن قوم الخمسه واكربوا سريكم نادوا اب رابعه وخلوا يجيكم قتل الدود مو قاسى عليكم ***** يا وراق يجن حوباتك فى التمساح بين آياتك خلو يصوب من بلداتك لا يتمسخر فى زوراتك ***** شئ لله يا رجالتنا شرف الدين فرسان المتنه صالح السلمى اسمعوا كلمتنا احبسوا الدود لا يطل صفحتنا يا النبى بى جاهك ثبتنا احفظنا واستر عربتنا اكوى اعدانا وكيد شامتنا فى الدارين اكتب راحتنا ***** البنيان يا جمله صحابى الغوث يا قطب الاقطابى الشبلى وبدوى النشابى ارخو السر فى هذا الدابى ***** على المحبوب صل يوت يا برا عدد مخلوق جميع لا الذره نظملوا الماحى قصيده وجرا تنجى الامه فى يوم الحرا ***** صلاه الله عدد ما لبا وقاف الحج وطواف الكعبه سلاما جابوا الماحى معبا يعم السيد والال والصحبا
|
|
|
|
|
|
|
|
|
Re: المادح حاج الماحي وقصة التمساح... (Re: سيف اليزل برعي البدوي)
|
Quote: يا رجاله نورى اتلموا خلو الغفله جميعكم هموا محمد صالح قام بى عمو لطم الدود بالسر فوق فمو
|
الاستاذ سيف اليزل برعي البدوي شكرا علي هذه الاضاءة الباهرة ، و قبل الشروع في كتابة مساهمتي ارجو شاكرا من احفاد المشايخ المذكورين في قصيدة المادح الجليل حاج الماحي ان يفيدونا باقوال اهلهم عن اسلافهم
الشيخ الجليل محمد صالح الذي قام بعمه فلطم الدود بالسر في فمه هو جد العوضاب من سكان الكنيسة( و جزيرة مساوي) بالقرير مركز مروي و اتشرف بالانتماء لهذه المجوعة. سمعت عند اهلي ان الناس عندما طلبوا الغوث و المعونة من الشيخ محمد صالح في امر التمساح قال لهم ربما مخاطبا احد العوضاب في منامه قد قال الشيخ " الدود ما داير القراية الدود ينضرب بالبندق" عندما تم قتل التمساح قد وجد ختم الشيخ محمد صالح في باطن جلد التمساح. و يروي عن الشيخ محمد صالح انه كان يقول لاتباعه أن الديوان هو بيت الضيف و ليس جزءا من البيت و كان الرجل يحتفظ في ديوانه بازيار بها الماء و المشروبات الاخري مثل الشربوت و العسلية و البقنية و كان هنالك امداد مستمر للضيوف بصنفين هما الشواء و الفطيرة الرهيفة باللبن . وجد الحيران حرجا من أن الديوان يقدم الخمر فرد الشيخ علي هواجسهم بالقول " الديوان بيت الضيف و ليس بيت صاحب الدار" كان الديوان او المضيفة هو غرفة كبيرة مفروشة بالكراسي و الاسرة و الطاولات و لها حمام مجاور يقع جميعها خارج بيته ، بينها و بين الديوان حائط له باب ، يغادر الشيخ محمد صالح ديوانه بعد انقضاء صلاة العشاء و كان الرجل يحتفظ بخلوة في داره، عمل اماما لمسجد العوضاب و تعلم علي يديه الكثيرون في مسيد العوضاب بمساوي ، انتقلت عترة العوضاب الي الكنيسة بعد ان دمر الهدام مسجدهم و مسيدهم. الشيخ محمد صالح هو جدي لابي و امي من جهة ابي هو جدي السادس و اعتتقد أن الرجل قد عاش في القرن الثامن عشر و ربما قبل ذلك بقليل. عليهم الرحمة و له الاجلال
طه جعفر
| |
|
|
|
|
|
|
Re: المادح حاج الماحي وقصة التمساح... (Re: سيف اليزل برعي البدوي)
|
Quote: على المحبوب صل يوت يا برا عدد مخلوق جميع لا الذره نظملوا الماحى قصيده وجرا تنجى الامه فى يوم الحرا ***** صلاه الله عدد ما لبا وقاف الحج وطواف الكعبه سلاما جابوا الماحى معبا يعم السيد والال والصحبا
|
الاخ سيف تحياتي وسلامي
لو لاحظت في هذه المدحه انها ختميت بصلاتين علي الرسول
طبعا الصلاه الاخيره بتكون زي التوقيع
يصلي فيها المادح علي الرسول ص ويدعو فيها لنفسه ويذكر اسمه كالتوقيع الاخير
اشتملت المدحه علي صلاتين وذكر الماحي اسمه مرتين
نسي ابن حاج الماحي الصلاه في نهايه التمساح فالف صلاه من عنده ووقع عليها
اسم ابيه لتكتمل المدحه
فيقال انه رأى اباه في المنام ولقنه الصلاه الصحيحه
فاحتفظت المدحه بالصلاتين الاخيرتين
نسال الله الرحمه والمغفره
| |
|
|
|
|
|
|
|