|
ما فضل فيها حاجة
|
لما تكون مضطر انك تلبس حالة خوف و تصطادك طلقة شعور مطاطي و تزفر دمعة سريه مكتومة بوح .. أركز و ما تركز.
لما تدخل يدك في جيب الهواء و تطلع مليانه غبار و سكون ... ركز و حا تشوف عيون بتسألك الدعوات و يقين عجيب
لما يغالبك نوم و تدفرك دقسة ... اوووعك تقاوم ادقس .. و نوم
ما فضل فيها حاجة !!!
|
|
|
|
|
|
|
|
Re: ما فضل فيها حاجة (Re: ناصر احمد الامين)
|
صالح قال: لما الزين يزعل من زول و عاوز يبستف حنانو .. بقول ليهو (الحومار الضكر)
و لكن الواقع بقول انو (الخروف) اكبر شتيمة من ا ل ح م ا ر
الشايف كدا منو؟؟ عشان نستفيد !!
| |
|
|
|
|
|
|
Re: ما فضل فيها حاجة (Re: ناصر احمد الامين)
|
لما تدخل حلتك بعد مرازاة موج البعاد .. وتلاقي الذكري مرسومة علي الفضلات و وشوش ضبلانه تفتش موضع حنيه.. و ارواح مطلوقة تنادي الالفة و ما هاميها الدنياالسافلة .. اعرف انك بين قوسين بيناتهم نقطة زي ديل (.)
ما قلت ليكم ما فضل فيها حاجة ؟؟
| |
|
|
|
|
|
|
Re: ما فضل فيها حاجة (Re: ناصر احمد الامين)
|
لما تكتشف انو الامل كان بخدعك و ناوي يشيل حسك دنيا و اخره، و انو الاحباط هو الواقف معاك و بصبرك .. مافيها حاجة لو اتنازلت عن تلاتة اربعة مبادئ !! عشان تعيش و تشوف اخرتك.
لما الهلال يغلب المريخ تلاتة .. اكيد حا يتسداها مسمار ..... عشان المعادلة تظبط و الجماهير تستعد لي نزال جديد لكين منو البوقف الجماهير الواقفة صفوف للكرامة قدام بيت الوالي و ادريس.
| |
|
|
|
|
|
|
Re: ما فضل فيها حاجة (Re: رانيه محمد الشيخ)
|
يا رانية يا حبيبة
Quote: لكن موضوع الخروف من الحمار ما فهمته بنووووووووووووووووب |
الحومار بين و الخروف بين و بينهما امور متشابهة ... لكن الحومار هو من احتمر و الخروف هو من اخترف فالاحتمار و الاختراف هما خطيئتان لا فكاك منهما .. الواقع بقول كدا.
| |
|
|
|
|
|
|
Re: ما فضل فيها حاجة (Re: ناصر احمد الامين)
|
لما يسيل العرق الحر و يلاقي جفاف .. بتزيد مرحلة الغربة الجوه و لما يعطر عبق الفريون جبهة جفاف نالت حظوه بزيدها توهط. و يبقي االحال علي ما هو
انت المالك لي قرارك .. بين الشمس الحارة الناشفة و بين العبق الكلو رزيلة
و تبقي الشمس هي وضوح و يبقي العبق هو زوال !!
| |
|
|
|
|
|
|
Re: ما فضل فيها حاجة (Re: حبيب نورة)
|
Quote: الخروف في ظروف حمارية
أفضل من إبن الك ل ب ده |
يا زول ما تتكلم في السياسة برنامجنا دا ثقافي ساكت يا حبيبها
13 مره قال ليها ما تتأخري لحدي الوقت دا ... و مافي فايدة !! و حالف المرة ال 25 الا يديها كف !
| |
|
|
|
|
|
|
Re: ما فضل فيها حاجة (Re: عفاف الصادق بابكر)
|
Quote: ها ها ها ها .. يومك الوطنى الهناك مبارك .. |
ههههههه .. الله يديك العافية انتي و يخليك لينا و يديك قدر نيتك يا عفاف يا بت الاصول
الدعوات مستجابة في اليوم الوطني .. بالمناسبة
| |
|
|
|
|
|
|
Re: ما فضل فيها حاجة (Re: ناصر احمد الامين)
|
الشباب من سن 20 الي ال 30 .. بيمثلو 70% من الطاقة الدافعة للتنمية في العالم ..
70% من شبابنا شغالين سواقين رقشات و امجادات !!!!!
معقولة البلد محتاجة للكمية الهائلة من وسائل المواصلات دي ؟؟ الناس دي ماشه وين؟؟؟؟؟؟؟
| |
|
|
|
|
|
|
Re: ما فضل فيها حاجة (Re: abas)
|
Quote: الدعوات مستجابة في اليوم الوطني .. بالمناسبة |
هاهاها الله يجازيك بالخير يا ناصر ...
تعرف كل شيء جائز هنا ما تستبعد الحاصل ..
| |
|
|
|
|
|
|
Re: ما فضل فيها حاجة (Re: نيازي عبدالله مرحوم احمد)
|
Quote: مطالب اجدادنا القدماء ناس (ق م)قبل الميلاد الماكل المشرب الملبس المامن نفس المطالب تااااااااااني قامت |
الاساسيات يا نيازي ... نحن لسه في مرحلة الاساس و القطر فرتق يا مان .. و مافي زول منتظر في المحطة الا نحن بنسأل عن موعد الرحلة القادمة
و للاسف كل الرحلات القادمة .... راجعة
| |
|
|
|
|
|
|
Re: ما فضل فيها حاجة (Re: ناصر احمد الامين)
|
كل مره بيظهر مجنون (عام) جديد
مجانين الشوارع والصواني .. مجانين الكباري .. مجانين شجر الجامعات والمراكز .. مجانين الجوامع .. مجانين ستات الشاي ...الخ
اخر واحد ظهر .. بتحرك في منطقة الرياض و الطائف و ما علق بهما. بيقيف في التقاطعات و بيشاور للناس و العربات .. و بحييها زي كل الرؤساء و الزعماء (بي يدو اللفت)
و أغرب حاجة انو (دايما) بيكون شايل قزازة (ريد ليبل) في يدو اليمين
ملحوظة: القزازة فاضية
| |
|
|
|
|
|
|
Re: ما فضل فيها حاجة (Re: أميرة فاروق عبد العال)
|
Quote: يعني مافضل فيها حاجة!!!
ياخي قبل شوية كبست على نعسة...
أصلا ماقاومتها...
أصلو الباقي باقي...
|
هههههههه
اميرة يا (كوين) .. الايام دي بطاطين الصوف البرتقالية بقت موضة.
تخيلي: بطانية برتقالية مع سقط مع كبسة نعسة ...... دي زي صحن الفول الحار بي الشمار و زيت السمسم و فوقو رشة جبنة دراش دراش
و فعلا القزازة ما فضل فيها حاجة
| |
|
|
|
|
|
|
Re: ما فضل فيها حاجة (Re: ناصر احمد الامين)
|
المجنون التاني يعتبر (سينير) بتاع القزازة
مسك الشارع قبلو .. لكين غرامة مع الحافلات
ضخم الجثة .. جريده ملفوفة في يدو و دقن كاربة و جلابية ######انة مكوية
بيقيف في نص الزلط ... اي عربية عادية تمر .......... حافلة ترجع !!
دا بالذات منطقتو الجغرافية واسعة شوية .. و الغربية انا دايما بلاقيهو في اليوم الواحد مرتين الاولي بالصباح في شارع الستين .......... و التانية بالعصر في شارع المقرن
| |
|
|
|
|
|
|
Re: ما فضل فيها حاجة (Re: ناصر احمد الامين)
|
الفيس بوك دا اكبر ماسوره .... و الله العظيم
رغم كدا .. نسبة الهاربين من سودانيز اون لاين للفيس في ازدياد
و دا نوع من الهجرة القسرية برضو ... الجواز مجرد كلكات و الموافقة طوالي.
القلوب مع سودانير اون لاين و السيوف بيد الفيس بوك
| |
|
|
|
|
|
|
Re: ما فضل فيها حاجة (Re: ناصر احمد الامين)
|
اظهر مسح أجرته الأكاديمية الأمريكية لمحامي الزواج مسؤولية موقع الفيسبوك الاجتماعي عن ارتفاع نسبة الطلاق في أمريكا و أن 20% من حالات الطلاق تحدث بسبب اكتشاف خيانة احد الزوجين للاخر عن طريق رسائل المغازلة و الصور الشخصية الموجودة علي صفحته الخاصة علي الموقع.
و يتفق المسح الامريكي مع اخر بريطاني اثبت مسؤولية الفيسبوك الذي يستخدمه 23 مليون بريطاني عن 20% من حالات الطلاق في النصف الاول من العام
| |
|
|
|
|
|
|
Re: ما فضل فيها حاجة (Re: osman righeem)
|
يا ملك
انت وين ؟؟؟؟ حدد موقعك الجغرافي عشان نفهم حاجة ...
و بالنسبة للحملان و الدحشان ... الزول البعضيهو حومار بشوف الدنيا دي كلها حمير
اما لليماني بتاع المندي .. انا رحلت خليت ليهو الحله كلو كلو
والبطيخ دا ما بقدر اقاومو ..صراحة !!!
و دايرك ضروري.
| |
|
|
|
|
|
|
|