التعصب الأعمى الذي صار سمة البعض من سكان سودانيز أو لاين وصحافة آخر الزمان مسَخت علينا (مكاواة ) الفوز والهزيمة بين الغريمين الهلال والمريخ كهلالابي أحب صحبة أمير الجمري وأساسي وود القاضي وحتى كوستا الذي هاتفني معتذراً إن أصابت مداخلاته الكثيرة عن المريخ أشياء شخصية تسعدني كاكات هارون دياب وصلاح شتات . ومحبة عمر عثمان ووليد الشفت وطلحة لفريقهم وصل الأمر أبعد من ما نتصور فصرنا نرسم السيناريو بما نريد ونكيل الإتهامات جزافاً ونفتى بما لا نعلم . مداخلات سخيفة ومهينة لتواجدنا هنا : Re: هيثم مصطفى يا كبير إستغلال سيئ لتقنيات يمكن أن تكون مصدر فرح لا كراهية : كارهي الهلال السوداني ( تيس البلد ) فرحت والله العظيم وأنا أسمع معتصم جعفر (المريخابي) وهو يتحدث بكل صدق وجدية عن هيثم مصطفى . شكري ومحبتي للصديق العزيز لؤي على هذا التسجيل المهم .
11-26-2010, 11:37 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: و لسه عند رآى انو هيثم مصطفى ده مثال سئ للرياضى و هو يمثلكم و يمثل امثالك
ودي مشكلتكـ يا محمد فأنت لا تعرفني إلا من خلال ما أنزله بواسطة (كي بوردي ) هنا ، وأعرف نفسي جيداً فلم ولن أفعل ما (يحط) من قدر احترامي لنفسي . عموماً قناعتي بأن طيِب الحديث أقصر الطرق لعنوان أفضل لشخصية الفرد (هنا) . إختر ما شئت مما يناسبكـ
11-26-2010, 12:24 PM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
انا ما حطيت من احترامك ابدا ، انت راجل حر و عاقل و عارف نفسك بتعمل فى شنو ، صح ؟
يعنى مثلا انت ممكن بتكون بتحب طبيخ البطاطس ، و انا بحب ملاح الرجلة ، و ما بطيق البطاطس ده
لمن اجى اقول ليك ، طبيخ البطاطس ده طعمو كعب ، و انت و امثالك ما عارف بتاكلو كيف ؟ اكون كده نبذتك ؟؟
ارجع لمداخلتى تانى ، و شوفها ،
قلنا اسلوب هيثم مع رئيس الاتحاد ما رياضى ، و ما قلنا انو نبذ رئيس الاتحاد ، اذا انت شايف ان اسلوب هيثم رياضى ، يبقى خلاص ، وافق شن طبقه، الا و اذا ، ادينا ادنه واضحة لتصرفو و قلنا اسلوب هيثم و الفاظو مع العجب فى الفيديو التانى الفاظ بذيئة و لا يمكن ان تصدر من رجل رياضى محترم ، اذا انت شايف انها عادى ، يبقى خلاص ياهو تفكيرك ذى تفكيرو و قلنا اسلوب هيثم فى التعبير عن التغير فى الفيديو التالت ما بيناسب كونو كابتن الفريق ، اذا شايف عكس كده يبقى تفكيرك زى تفكير و يبقى هو بيمثلك و يمثل افكارك او ادينا ادانهة واضحة ، عشان نتعذر ليك عن وضعك فى خانة امثالهم ... مع انى متاكد انك ما محتاج اعتذارى فى حاجة ... لكن ساعتها بيكون حقك
ولا يكون ما عندك اعتراض على تصرفات هيثم ،و عندها ما بكون انا غلطت فيك ، لانو تفكريكم واحد ، و انا غير مجبر افكر زيكم
11-26-2010, 12:08 PM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 10987
عمران اخوي لك التحيات والاخترام يا اخوي اعتقد اننا نمر بمرحلة خطيرة الهلال لعب النهائي مع الوداد وصفقنا لفريف الوداد ولعبنا مع الاهلي وطربنا وقدمنا نموذجا للعب والتشجيع النظيف ماذا حدث وغير النفوس لدرجة ان الصحافة الرياضية تقود التعصب الى حافة الحريق اخطاء اللعيبة الشخصية وخاصة جدا وووو الصور الكريهة الخ لقد اتاح الجمهولر المتعصب لراجي ان يشحن صدرة بالتصميم والمثابرة لبحرز هدفة ليثبت لنا ولهم انه لاعب كبير وخصومه هم زملائه في الفريق القومي من يفهم الجمهور المتعصب ؟ علينا ان نعيد من هنا الروح الرياضية الى ساخات الرياضة الجميلة
11-26-2010, 12:26 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: ماذا حدث وغير النفوس لدرجة ان الصحافة الرياضية
السني يا صاحب والله العظيم أنا ما طارح نفسي ( مندوب مدينة فاضلة ) إندثرت ، حسيت بالجرح والإحراج مما قلنا في راجي ، في أسرتي من يتعاطي (..) وأتعامل مع هذا بأن ( كل شاةً معلقة من رقبته ) ، القصد أن طريق الإساءات لا يمثل (فوزاً) ما . فإن جعل (اصحاب) الصحافة الرياضية طريق الإثارة والإساءات وسيلةً لبيع أكبر عدد ممكن من (المطبوع) فنحن لا مصلحة لنا هنا في الترويج (لموقع) يأتي الكسب لصاحبه فلم لا نمثل شريحة ( أكثر أدباً ) وإحتراماً وتتعامل مع الفوز والهزيمة بروح ( أجمل ) . أصحابي أهل المريخ ( هيثم ) كابتن فريق البلد ( بكل تحفظنا على ما فيها ) فاجعلوه رمزاً بدلاً من محاولة (تدميره ) .
وأنا أتفق معكـ أخي الباشمهندس طارق فقط لو ما الأستاذ معتصم جعفر (برأ ) الأمير هيثم من (سيئ) القول لاستمر هذا الموال زمناً بغرض تدمير (رمز ) الهلال الأقوى شخصيةً والأكثر (حرفنةً) في ملاعب البلد يبدو أن أهل المريخ لا يملكون (رمزاً ) يشيرون إليه بعين ( الرمز ) فكابتن العجب إلى (زول) بفعل الزمن وهو مقارنة بهيثم كان لا يملكـ ( الكاريزما ) التي تعتبره ( قوياً بما يكفي لأن يكون رمزاً ) عدم وجود رمز وسط لعيبة المريخ يشكل ( هزيمة ) لأهل المريخ وبالتالي (إغتيال) شخصية هيثم نداء العقل الباطن (لبعضهم) . هيثم إمتداد لشخصيات يحترمها أهل الهلال وما زال يشير إليهم بعين الرضى والاحترام والمحبة
11-26-2010, 12:37 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: لا عليك يا عمران تردي التشجيع جزء من تردي عام في البلاد
والله يا خليل في مكاواة تموتكـ من الضحكـ ، رغم انكـ مهزوم لامن تشوف رسم كاركاتوري أو صور ملعوب عليها بالفوتوشوب تتكيف للفكرة . ويظل الإحترام موجود رغم المغسة الممكن تكون حسيت بيها .
وده بعبر حقيقي عن حال هيثم وحالنا المشكلة وين ؟؟
11-26-2010, 01:02 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: ارجوا ياعمران ان تسحب الصور القبيحة اعلاه حتى لانساهم في زيادة نشرها ....
مع احترامي لرغبتكـ يا عمر ومحبتي لشخصكـ فإنني أقول المسكوت عنه كتير والمداراة على بعض السخف الذي يحيط بحياتنا معالجة سالبة ، مجرد دخول الناس هنا ورؤيتهم للصورة ورفضهم لها (كتابةً) سيضع حداً لما يمكن أن ينشر هنا ( حياءً ) وخوفاً من ردة الفعل . على الأقل هنا لنستمتع مستقبلاً (بالمكاواة وفقع المرارة بيننا) دون إساءات وتحقير .
11-26-2010, 01:02 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا محمد الأمين عندي سؤال لو ممكن من يوم حادثة هيثم و العجب انا كايس لي زول يديني النجيضة وشايف كلامك يوحي بإنك متأكد ممكن تشرح لي الحصل شنو بالضبط بين هيثم و فيصل و الكلام الإتقال - منهم إلإنين - شنو؟ ما تقول لي شوف الفيديو لأنو الصوت ما واضح ولأني ما قارئ شفاه
تاني بالنسبة للصور الجبتها دي الصورة الفيها هيثم و المعز قصتها شنو وفي ياتو مباراة و الحاصل كان شنو؟
اتمنى الإجابات ما تبدأ بي " قالوا"
_________________
سلامات عمران لما شفتك ختيت اللنك بتاع بوست فدياس افتكرتك ح تجيب مداخلة مين كدا ديسكو ولاّ رقيص عروس ما عارف بفتخر انهم جمهور المريخ - الصفوة - شتموا هيثم و ح يكرروها و ينهو مسيرته و الإتحاد ما بقدر يقبض مشجع - تخيل - وفاكر دي قمة الشجاعة في حين هو كتابة الشتيمة - كتابة ساي - هنا غالباه تماها نقط نقط
11-26-2010, 01:08 PM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
و الله يا عمران مسألة مقرفة لدرجة بعيدة، مهاترات الهلالاب و المريخاب أصبحت مصدر تفرقة بين مكونات المجتمع و ذلك يرجع للإسراف في التعبير بإستخدام وسائل تتعدى حدود اﻹحترام. فنرى تعمق الخلافات نتيجة للإنتماءات اللونية. أرى من الضروري أن يختلف نوع التشجيع داخل سودانيزأونلاين و المساطب. فليس من المقبول لبوردابي تم إنتقائه بكل دقة و تقدير و معرفة و تثنية لينضم لكوكبة مستنيرة من جميع اﻷطياف أن يجاري مشجع في المساطب لا يعرف عنه الكثير غير لونه الرياضي. من يمتلك الباسويرد هنا مفروض يعرف بأنه بيمثل أعضاء المنبر في كل كبيرة و صغيرة و يعكس نوعية و صفات أعضاء هذا المنبر. فنعدما يكتب عليه أن يتزكر بأنه يخاطب البشرية بلا حدود و بإسم من ينتمي لهم.
فهنالك فرق كبير بين مشجع في المساطب و مشجع يكتب في سودانيزأونلاين. مع إحترامنا لمشجعي المساطب، فنجد بينهم كل أطياف المجتمع من أخلاق رفيعة إلي دون ذلك. مشجع المساطب غير لونه الذي يميزه، ليس هنالك شئ آخر يقيده. فيفعل ما يراه من تصرف و لا أحد يعرفه. أيضا بالرغم من ضم المنبر لأطياف مختلفة من الوان الرياضيين، إلا أن طريقة اﻹنضمام لهذه الكوكبة تعتبر درجة يميز العضو.
فبالله كيف لمنبر نتفاخر فيه بتشر إنجازات مبدعينا من الداخل و الخارج أن ينشر فيه أغث أنواع التشجيع.
فإني ارى يجب أن يتوقف التشجيع الطفولي الذي ينحدر بأهله إلي درجة التشمس (من كلمة شماسة). و أن لا يكون المنبر هذا أحد الوسائل لنشر هذا النوع المقرق من التشجيع. بل أن يركز المنبر لنقده وتعريته كما فعلت الآن.
أيضا على إدارة المنبر أن لا تطلق الحبل على القارب للمشجعين، وان يراقب ما ينفثوه من سموم أحيانا
11-26-2010, 03:34 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: بالله كيف لمنبر نتفاخر فيه بتشر إنجازات مبدعينا من الداخل و الخارج أن ينشر فيه أغث أنواع التشجيع.
تحياتي الفاضل سابل وإضافة للكلام الجميل بتاعكـ ده أضيف إنو نحن هنا يمكننا الإعتماد على أقلام نثق فيها وعلي طريقة طرح رأيها أن ترفض ( الرأي الفاسد ) بمنطق الأدب والرفض للمارسات الخاطئة ( التي لن تتوقف ) بالحجب والمنبر مثله مثل المجتمع فيه من (كل شيله كيله ) ، فقط علينا أن نقول لا وبعدها سيتوقف العبث ما زالت فينا منابع طيبة وأخلاق لم تنضب .
11-26-2010, 03:27 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
الأخ مدحت إذا كان هذا الأخ الجميل (المهووس ) بهيثم وبالهلال لم يأتي بفاحش قول فما بال من يلبسون (الفيونكا) ويتفاخرون بالتقنيات يعتمدون على الإساءة كتتويج لإنجاز ؟؟
11-26-2010, 01:12 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: لما شفتك ختيت اللنك بتاع بوست فدياس افتكرتك ح تجيب مداخلة مين كدا ديسكو ولاّ رقيص عروس ما عارف بفتخر انهم جمهور المريخ - الصفوة - شتموا هيثم و ح يكرروها و ينهو مسيرته
مراحب يا محمد البشرى انا طبعاً يا محمد لا أقصد التوثيق ، وكل من له علاقة بالتشجيع وكورتنا (الباهته) يعرف نوع مداخلات الناس هنا ، قد يحس من تقصده بأنه قد زاد (العيار) حبتين !! وقد يرعوي مستقبلاً بأن ثقافة الهزيمة والفوز يحتاج هو (إلى تعديل ) أدواته للتعامل معها . ياخي عجبني رفضكـ لما حدث لراجي والله يخلي لينا أمهاتنا وأمهات كل بني آدم نعرفه أو لا
11-26-2010, 01:40 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
جمعة مباركة.. هيثم مصطفى كابتن الهلال والسودان ولذلك ينبغي عليه أن يبعد عن كل تصرف قد يحسب عليه لسنا مجبرين على تصديق كلام معتصم جعفر وما قاله في حق هيثم مصطفى معتصم جعفر برأ هيثم من سئ القول ولكن تعابير هيثم وحركته التي شاهدناها لا تعبر عن ما قاله معتصم جعفر في حق الكابتن هيثم وخصوصا وان له سوابق في التصرف السئ. هنا مثال: سلوك وتصرفات الجمهور قد نجد لهم العذر فهم ليسوا صفوة المجتمع وفيهم الجاهل والفاقد التربوي الخ الخ ولكن اللوم يقع بالدرجة الأولى على النخب والمتعلمين والصحافة الرياضية . عمران يا اخوي الاحباط ملازمنا ومحوطنا من كل جهة الكورة دي وتشجيعها بقت الحاجة الوحيدة البلجأ ليها الشعب ويفرق بيها وينسى همومه ويفرغ شحنات الاحباط والقرف السياسي الصحافة الرياضية هي جزء من منظومة متكاملة كبقية الصحف السياسية والصحف الاجتماعية الاكثر سوءا في السودان الدار نموذجاً زي الدار ومن لف لفها ديل ما عندهم إلا ديك طلقوها وفلان عرس والشريف عزم الفنانات وشتت ليهم القروش الخ الخ الصحافة الرياضية جزء من كل والسقوط الاخلاقي عام ولذلك طالها ما طال غيرها من القطاعات الأخـــرى من تردي كل هذه التصرفات مسيئة وغير اخلاقية سواء كانت ضد لاعبي المريخ أو ضد لاعبي الهلال وكان ينبغي أن تكون الادانة عامة وشاملة ولكنك هنا ابرزت فقط السقوط والاساءات لهيثم مصطفى وهذا بدافع انتماءك ودفاعك عن الهلال والعدالة تقتضي أن تبرز كل السقوط من الجانبين بالامس ظهرت صحف الهلال ووصف المريخ بالدلاقين وردت صحف المريخ بوصف الهلال بالجلافيط إذن هي ردات افعال من الجانبين وطالما نحن نتحدث عن القيم والاخلاق ماف داعي نجيب امثلة للسقوط حتى لا نعيد انتاج الخبث ولو أردت ذلك لأتينا لك بما يشيب له الرأس. عمران ينبغي علينا محاربة هذه الظواهر بكل ما نملك لأن الكورة دي بقت ملاذنا البنفرق بيهو ولذلك تجدني اتفق معك تماما في ادانة مثل هذه السلوكيات فقط لا يجب تحميلها لطرف واحد دون الآخر مر بالهلال لاعبين أفذاذ كثر ولم يسئ لهم جمهور المريخ لأنهم منضبطين سلوكيا والعود لو ما فيهو شق ما بقول طق
كن بخير
11-26-2010, 01:51 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: ممكن تشرح لي الحصل شنو بالضبط بين هيثم و فيصل و الكلام الإتقال - منهم إلإنين - شنو؟ ما تقول لي شوف الفيديو لأنو الصوت ما واضح ولأني ما قارئ شفاه
تاني بالنسبة للصور الجبتها دي الصورة الفيها هيثم و المعز قصتها شنو وفي ياتو مباراة و الحاصل كان شنو؟
اتمنى الإجابات ما تبدأ بي " قالوا
يا ود البشري! محمد الامين لو جا صادي صحيني بالله
يا ربي حيجي صادي !!
11-26-2010, 02:48 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: لسنا مجبرين على تصديق كلام معتصم جعفر وما قاله في حق هيثم مصطفى معتصم جعفر برأ هيثم من سئ القول ولكن تعابير هيثم وحركته التي شاهدناها لا تعبر عن ما قاله معتصم جعفر في حق الكابتن هيثم وخصوصا وان له سوابق في التصرف السئ.
هي معتصم دا كان واقف في المنصة و جمبو وزير و اتنين رؤساء مجلس ادارة واحد فيهم فريق و الكلام اغلبو موجه ليه و على بعد خطوات من هيثم وبعد دا ما مجبر على تصديقه !! أها و تعابير هيثم الشاهدتها على بعد آلاف الأميال دي تعبّر عن شنو النبي
يا عمران ما تتعب ساي الوصيفاب ديل التقول عندهم مشكلة شخصية مع هيثم وما ح يقتنعوا بكلام معتصم ولا الوزير هو زاتو معتصم غلطان كان يجيب معاه " برنت سكرين" للكلام القالو هيثم
حسبو ازيّك
Quote: يا ربي حيجي صادي !!
بجي اكيد
11-26-2010, 03:38 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: معتصم دا كان واقف في المنصة و جمبو وزير و اتنين رؤساء مجلس ادارة واحد فيهم فريق و الكلام اغلبو موجه ليه و على بعد خطوات من هيثم
يا ود البشرى قد يكون كلام متعصم جعفر صاح وقد لا يكون وحتى كلامو في الفيديو ما حاسم تماما كلو قد يكون وقد يكون أها نفترض جدلا اني صدقت كلام معتصم جعفر دا هل تعتقد إنو دي هي الطريقة المناسبة التي يوصل بها هيثم مصطفى كلامو؟ مش كان في تعابير تانية اجمل واحلى من كدا؟ يا ود البشـــرى رفض مصافحة المنصة ونتل الميدالية من رئيس النادي والقذف بها على الارض دا كلو سلوك حضاري مش كدا؟ وبعدين بدل نصلح ديك تعالوا نصلح في الحوش هنا أولا بصراحة في ناس هنا بتكتبو كلمة شينة وما جميلة عند احراز الاهداف وهي زووووووووووووووط أو zoooooooooooot او ايا كان شكلها بالجد كلمة شينة وحقو نحاربها في الاول
Quote: الوصيفاب ديل التقول عندهم مشكلة شخصية مع هيثم وما ح يقتنعوا بكلام معتصم
يا ود البشـــرى قول كلام يخش العقل ليه الناس ما تكلمت في غير هيثم مصطفى? في لاعبين كبار مروا بالهلال والمريخ وماف زول قدر يقول عليهم حاجة ببساطة لأنهم فرضوا احترامهم على الناس بسلوكهم داخل وخارج الملعب غايتو الا تكون داير تغالط بس والبرنت اسكرين زاتو ما بتقنعك
وان عدتم عدنا
11-26-2010, 03:59 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
حباب عودتك يا ود البشاري لاقنك وين احنا - بعد اذن عمران
Quote: يا ود البشرى قد يكون كلام متعصم جعفر صاح وقد لا يكون وحتى كلامو في الفيديو ما حاسم تماما كلو قد يكون وقد يكون أها نفترض جدلا اني صدقت كلام معتصم جعفر دا هل تعتقد إنو دي هي الطريقة المناسبة التي يوصل بها هيثم مصطفى كلامو؟ مش كان في تعابير تانية اجمل واحلى من كدا؟ يا ود البشـــرى رفض مصافحة المنصة ونتل الميدالية من رئيس النادي والقذف بها على الارض دا كلو سلوك حضاري مش كدا؟
يا عزيزي الكلام الدار في الاعلام و المنتديات ان هيثم أساااااااااء عديل كدة ووصفهم بانهم غير محترمين يبقى شنو مصلحة معتصم جعفر انو يبلع الإساءة و يكذب وينفيها ثم لو معتصم عندو مصللحة في اربعة خمسة اشخاص واقفين جمبو وفيهم شخصيات ليها وزنها هل تفتكر معتصم ح يكذب بقوة عين قدامهم come on يا بشاري وخلينا منطقيين شوية وما بفترض جدلا انك صدقت معتصم , المنطق و العقل و عدم وجود الاحكام المسبقة و القصد الشخصي بفرض انك تصدق معتصم اما حكاية تعبير هيثم مهذب ولا لأ دي موضوع تاني وتختلف فيها التقديرات أنا شخصيا لو كنت مكان هيثم ما كنت ح اتصرف بالطريقة دي وكنت ح احاول اسيطر على انفعالي بالنسبة لهيثم تقديره للامور مختلف ودي حاجة بترجع ليه لكن الحاجة الما بترجع ليه هي لو كان اساء و وصف رئيس الاتحاد بغير المحترمين ودا موضوع البوست
حتة اختلاف التقدير دي بتقودني للجزء التاني من كلامك عن تعبير زوووووووط - ما عارف المناسبة شنو لكن مادام السيرة جات الواحد يقول رايو أنا شايفو مافيه اي شي و شخصيا لا استحي من استخدامه في سياقه من يحمّلو غير ما يحتمل و يخرجه من سياقه هو المخطئ و عليه مراجعة تقديراته لذا لا اتفق معك في شناتها او ضرورة محاربتها اها تاني شنو ؟ أيوة ..
Quote: يا ود البشـــرى قول كلام يخش العقل ليه الناس ما تكلمت في غير هيثم مصطفى? في لاعبين كبار مروا بالهلال والمريخ وماف زول قدر يقول عليهم حاجة ببساطة لأنهم فرضوا احترامهم على الناس بسلوكهم داخل وخارج الملعب غايتو الا تكون داير تغالط بس والبرنت اسكرين زاتو ما بتقنعك
كدي اخد الكيس الأخير مثال بعض جماهير الهلال استهدفت راجي بهتاف مسيئ يتعلق بالحادثة التعرض ليها مؤخرا انتقام بعض جماهير المريخ مما حدث كان بتوجيه هتاف مسيئ لهيثم دونا عن بقية لاعبي الهلال والامثلة كتيرة اقلاها زي محاججتك لمعتصم جعفر ومغالطتك ليه في كلامو عشان برأ هيثم راجع كلام عمران عن القيادة والكاريزما و ما ادراكا الفوق دا بديك فكرة عن الحاصل
غايتو يا عمران اعفي لينا احتلينا البوست بتاعك دا لكن المهم إنو النقاش يصب في صلب موضوع البوست فلك العتبى حتى ترضى
حباب ود البشـــرى
غايتو انا ما عارف لكن من الله خلقني وعرفت الهلال والمريخ الهلالاب اصلهم ما بقتنعوا بسهولة تغلبهم يقولوا ليك الحكم الاتحاد الخ الخ في النقاشات العادية دي اقناعكم صعب خلاث ما عايز اطيل في الكلام واكتر حته حسمت بيها النقاش هي الاتي:
Quote: أنا شخصيا لو كنت مكان هيثم ما كنت ح اتصرف بالطريقة دي وكنت ح احاول اسيطر على انفعالي
ود البشـــرى دا كلام زي السكر ومعناها إنك ضمنياً تدين سلوك هيثم مصطفى وتصرفه وهو المطلوب اثباته
دم بخير
11-26-2010, 04:40 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
هههههههههههههه وانا يا ود البشاري لاحظت دايما في نقاش الوصيفاب في البورد بعزّلو من كلامك الحتة البتعجبهم و يتجاهلو الباقي يعني اسي البهمّك جزئية انتزعتها من كامل الكلام وطلعت بيها ادانة كيف ما عارف لسلوك هيثم و خلاص وبرضو تقول لي ما مستهدفين هيثم طيب ياخي وقت كلامي سمح كدة و بتتفق معاه اتوقع تغير رايك في زووووط برضك كلامي عنها كان ايجابي ولاّ كيف؟
11-26-2010, 05:10 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: طيب ياخي وقت كلامي سمح كدة و بتتفق معاه اتوقع تغير رايك في زووووط برضك كلامي عنها كان ايجابي ولاّ كيف؟
ود البشـــرى يا حبيب
والله انا وجهة نظري الكلمة دي ما حلوة وحمالة أوجه كتيرة باختصار كدا ما سمحة وتبقى وجهة نظر شخصية احكي ليك نكته نفك بيها التنشن بتاع النقاش دا الحكاية دي حكاها لي واحد بعرف معد برامج رياضية شهير في الاذاعة والتلفزيون السوداني المهم الزول دا بدايتو كان عايز يبقى معلق وهو ميولو مريخابية المهم قاموا عملوا ليهو اختبار في مباراة المريخ وكوبر كوبر السنة ديك مولعة نار فيها العجب وكانت متقدمة على المريخ 1- 0 المهم باقي دقائق بس والكورة تنتهي والمريخ لو اتعادل او فاز بشيل الدوري المهم ومن ضربة ركنية كمال عبد الغني سجل هدف التعادل في آخر الدقائق وصاحبنا المعلق دا نسى نفســــوا وباعلى صوتوا قام فوق وقال: آآآآآآآآآآآآآآآآآآآي زوووووووووووووووووووووط المهم بعدها ما شاف التعليق ولا الميكرفون ومن يومها وهو شغال معد برامج رياضية أها وحاتك زووووووووط دي ما حلوة وانت حر يا حبيب
كن بخير
11-26-2010, 04:48 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: غايتو يا عمران اعفي لينا احتلينا البوست بتاعك دا لكن المهم إنو النقاش يصب في صلب موضوع البوست
البشاري يا حبيب اجمل مافي المنابر انكـ ما بتجي تكب الحنكـ وتتخارج لانو في راي تاني مخالف ، ولأنو في علماء في كل المجالات وتفتيحة اكتر ومنجضين الشغل اكتر بيجوا يقولو غير كلامك وغير رايك . كل موضوع يتم طرحو هنا مؤشر نجاحو أو نجاح رسالتو كثرت المتداخلين والآراء وبالتالي فالعنوان هو ملكـ لصاحب الباص ويرد فقط لا غير بالعكس يسعدني جداً وجود كل ( الآخر ) شخصاً أو رأياً . . . ياصهيوني
11-26-2010, 05:21 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: أصحابي أهل المريخ ( هيثم ) كابتن فريق البلد ( بكل تحفظنا على ما فيها ) فاجعلوه رمزاً بدلاً من محاولة (تدميره )
عشان الجملة دى يا عمران قلنا انه (يمثكلم) و لا يمثلنا ... لا ارحب به كابتن للفريق السودانى بهذة الاخلاق ابدا ! و انا حر فى رآى برضو ولا شنو؟
Quote: اسوة بما فعل الاتحاد الاوروبي بشان الاساءة الي اللاعب الافريقي ايتو
طيب يا استاذ طارق ميرغنى كمل جميلك ، و ادينا رآيك فى (البعض) من جمهور الهلال فى المبارة ، ولا ديل ما عملو حاجة !!!
Quote: عدم وجود رمز وسط لعيبة المريخ يشكل ( هزيمة ) لأهل المريخ وبالتالي (إغتيال) شخصية هيثم نداء العقل الباطن (لبعضهم)
ليه عمران !! ليه بتحاول تقلل من قيمة العجب عشان ترفع من قيمة هيثمك ده !! ممكن نمدها صفحات و صفحات فى هذا الشأن اذا عندك تعليق على اخلاق العجب او تصرفاتو فى الملعب ،،، حبابك جيبو و نشوف ،،، لكن غير كده كلامك ما مقبول و ده البعتبرو اغتيال
Quote: ولم نشهد كلمة صفيرابي ولا غيرها
ببساطة لانهم ما صفيراب و فازو بـ كاسات عشان مده طبعا ما ح يكون عندهم صفيراب !
Quote: على الأقل هنا لنستمتع مستقبلاً (بالمكاواة وفقع المرارة بيننا) دون إساءات وتحقير
ده كلام جميل يا عمران ... و يا ريت تقرط عليهو
يا محمد البشرى خضر ، بما انك ما عايز كلمة (قالو) فصراحة ما عندك ليك اجابة لكن (النجيضة) على قولة ود الصائم انو الصورة ده ما اتخادت فى حفل غداء مثلا!! و بالنسبة للفيديو كونك ما قارئ شفاة ، هيثم قال للعجب ( معليش يا كابتن ما تزعل دى ما كورة) !!! اذا عايز نقاش جادى يا ود البشرى خليك جادى واحد من اسباب قلة ادب هيثمكم ده كما قلتم ، انو رئيس الاتحاد قعد مقعد المتفرج و هو يسمع الاسأت ، و هو ما تفعله انت و كل الأخوة و انتم ترون هذا الفيديو الواضح من غير قرآة شفايف و تتحاشون حتى مجرد الرد عليه
شكرا يا Medhat Osman على الفيديو الروعة الرجاء من الجميع الرجاء من الجميع الرجاء من الجميع الرجاء من الجميع الاستماع الى نهاية الفيديو ، و الجمهور الهلالابى يطلب من السيد (عجورة) ان يطربهم برائعته الآخرى (راجى السكران) و تقول لى شنو و تقول لى منو !!!
Quote: فهنالك فرق كبير بين مشجع في المساطب و مشجع يكتب في سودانيزأونلاين
شكرا يا فاضل ، كلام عاقل جدا
Quote: ياصهيوني
دى يا عمران دايره ليها مداخلة براااااااااها ، بجيك ليها
انا محمد الأمين احمد ده ما قلت ابدا انو هيثم اتلفظ مع معتصم جعفر ، قلنا تصرفو حركاتو يدو ما كانت تصرفات شخص مفروض يكون كابتن ! الفاظ هيثم بتلقوها ( للناس البتعرف تقرا الشفايف بس طبعا ) فى الفيديو حقو مع العجب ، الما بيعرف يقرا الشفايف يعمل باص و شخص مثل هيثم مصطفى لا يمثلنى ... انتو عايزين بى شنو ؟؟؟ مش كافية انو بيمثلكم و يمثل امثالكم !!!
11-26-2010, 06:21 PM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
اهه نجى لشائعة الصهاينة دى و التفسير ادناه تحت بند المناكفات
لانو دى حقيقة من الحاجات البتفرس كده لـ ما فيها من كذب و تغيب متعمد
و لازم نستعمل هنا 3 مستندات
المستند الاول ... شعار المريخ
المستند الثانى ... شعار الهلال
المستند الثالث ... علم الصهاينة
لمن يجبى عمران و يقول لـ البشاري يا صهاينة بيكون اعتمد على شنو ؟
على كون ان المريخ شعارو النجمة ؟؟؟ و الصهاينة شعارهم النجمة ؟؟؟
طيب فى الحالة دى ما مفروض يقول ليهو يا صيهونى ، مفروض يقول ليهو يا فيتنامى
لانو علم فيتنام هو الاقرب لشعار المريخ ... بالمناسبة نحنا كمشجعين للمريخ مفروض نسجل رحلة فيتنام لهذا السبب
ما عليكم الا انت تذهبو الى القوقل و تقوقلو كلمة علم فيتنام و شوفو براكم
نرجع لعلم الصهاينة المكون من اللونين الازرق و الابيض ! و بنفس تكوين الوان نادى الهلال
يعنى اسه فى البرامج العامة و الجرائد و كده (بيقولو) ليك انو
الناس البتحب اللون الاحمر عندها صفات مشتركة و هى كذا و كذا و كذا الناس البتحب اللون الازرق عندها صفات مشتركة و هى كذا و كذا و كذا الناس البتحب اللون البنفسجى عندها صفات مشتركة و هى كذا و كذا و كذا الخ الخ الخ
و لمن الواحد يجى يجكس ... اول الحنك بيكون ، انتى بتحبى اللون الفلانى ، سبحان الله انا زاتى بحبو (شرط ما يكون بمبى بس)
يبقى يا ترى ما هى الصفات المشتركة بين الهلال و الصهاينة
و منو هو الاحق يقول للتانى يا صهيونى عمران ام البشارى
و شكرا
11-26-2010, 07:53 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
محمد الامين ياخوي دا كلام شنو سالتك سؤال بسيط - سؤالين آكشوالي - كتبت قيامة رابطة و ما رديت على السؤالين ما مشكلة يا زول اعيد ليك السؤال و اشيل الحتة الماعجبتك اها الدار شنو بين هيثم و العجب في الفيديو الجبتو دا "قالوا" ليك شنو؟ وبالمرة ما دام بتجي قراءة الشفاه اقرا لي هيثم طمبل معاك قال شنو هنا
وما تنسى لي السؤال التاني شايفك جليتو في مقالك الأول
الصورة الفيها معز وهيثم قصتها شنو؟
و بالمناسبة بروفايلك دا فيه خطأ في قصة العقد الماضي
لماذا لاتمسح الصور التي في حسابك- الخاصة بورقة التوت؟!
الأخ عبد اللطيف تحياتي صاحب البوست زميل يجمعكـ معه حوش بكري ويكتب باسم حقيقي تم توزيعه له بمجرد أن خرج إلى الدنيا وهو عمران حسن صالح ، ارجو أن نخاطب بعضنا باحترام . اما طلبكـ فهو على راسي فقط إن كانت لكـ وجهة نظر مغايرة (ومقنعة) غير التي خاطبت بها الأخ عمر والتي تقول :
Quote: مع احترامي لرغبتكـ يا عمر ومحبتي لشخصكـ فإنني أقول المسكوت عنه كتير والمداراة على بعض السخف الذي يحيط بحياتنا معالجة سالبة ، مجرد دخول الناس هنا ورؤيتهم للصورة ورفضهم لها (كتابةً) سيضع حداً لما يمكن أن ينشر هنا ( حياءً ) وخوفاً من ردة الفعل . على الأقل هنا لنستمتع مستقبلاً (بالمكاواة وفقع المرارة بيننا) دون إساءات وتحقير .
علماً بأن الصورة ليست في حسابي بل موجودة على رابط كارهي الهلال .
_____________________________________________ قد أكون مخطئاً في إحساسي ، إن كنت كذلكـ فالأعتذار حق لكـ أبذله لكـ مسبقاً
11-26-2010, 10:13 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
اها الدار شنو بين هيثم و العجب في الفيديو الجبتو دا
الاجابة
معليش يا كابتن ما تزعل دى ما كورة
السؤال
الصورة الفيها معز وهيثم قصتها شنو؟
الاجابة
ما عندى ليك اجابة لكن (النجيضة) على قولة ود الصائم انو الصورة ده ما اتخادت فى حفل غداء مثلا!!
بالنسبة لطمبل ، بالجد ما عرفت اقراها ، لو عندك واحدة (هاى ديفينشن) جيبها يمكن تكون اوضح ، زى حقت هيثم
و شكرا على التنبيه عدلنا صورة البروفايل
لكن لحدى اسه انت ما قلت ليى رآيك شنو فى التلاته فيدوهات حقت هيثم دى ، هل تعتقد ان فى واحد منهم ما محترم ولا كلها تصرفات عادية حسب نظرك؟
الفيديو الاول - فى المنصة الفيديو التانى - كلامو مع العجب الفيديو التالت - تصرفو بعد ان تم استبداله
=================================================
Quote: انت رايك في الاساءة دي شنو
الاستاذ طارق ميرغنى
اى اساءه للاسر اكيد مرفوضه و مدانه كمان (مع انو والله ما عارف الاساءة دى شنو اساسا) ، بس همتك معانا عشان الناس المدورة فى المنبر هنا (راجى السكران ) ودى اساة واضحة و عندك اثبات برضو الفيديو الفوق الخاتيهو مدحث عثمان بتاع (عجورة) الهلالابى و التى يطالبه الجمهور باعادة رائعته (راجى السكران)
11-26-2010, 11:29 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الحمدلله مافى مشاكل ، يبقى مافى اخونا عمران و الحبان يزعلو لمن اقول ليهم هيثم مصطفى يمثلكم و يمثل امثالكم ، مش كده مادام الزول ما غلط من وجهة نظركم ، مش كده
== عكلته ساكت == يا زول اثبت ان القارورة دى حقها مدفوع هههههههههه
و هاكم حديث معتصم جعفر من قناة النيل الازرق ، هو فى مشكلة فى الصوت ما عارفها من الزول الرفع الفيديو ام من عندى
11-27-2010, 06:35 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: يا محمد الأمين ( لا ضغينة ) يظل الإحترام موجود لكـ شكري
يا سلام عليك يا ابو محمد ياااخي .... دي اهم حاجة في الهيصة الحاصلة دي كلها ... ان يظل الاحترام موجود وان تنتفي الضغائن وان نحب بعضنا البعض ... فالبيت الواحد فيه المريخابي والهلالابي واقرب مثال محمد عمران الولد العاقل وابوهو القام بي جهلو ... هههههههههههههههاي .
واظل اردد يا حلوين المريخ والهلال كبيران ووجهان لعملة واحدة لا تعتمد قيمتها الا بهما معاً...
11-27-2010, 09:08 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
سلامات يا عمران .. وكل الأخوة الفي البوست دا .. خلينا نبتدي من محل الناس بتقيف أو من محل الناس وقفت .. هيثم مصطفى .. خلينا نشوف داخل المنبر كمية الحقد .. والكلام الشين البجيبوهون متعصبين المريخ .. أمثال محمد الأمين دا ومعاهو كم واحد كدا .. ودي ما ظاهرة جديدة ولا ضربت شمش .. بل هي ظاهرة موسمية وعبارة عن (مراقة) .. بشجع كورة من الله خلقني وبحب الهلال من قبل ما يلدوني .. ما حصل قدرت احقد لي على لاعب في فريق خصم .. بل بالعكس .. بتمنى دائما لعيبة الند انها تكون في أعلى مستوياته .. وأيام الراحل ايداهور كنت بتمنى من جوه قلبي إنو يكون مشارك علشان يظهر لي قوة فريقي من ضعفها.. الهجوم على هيثم مصطفى بي كل الاساليب القبيحة دي .. هو شئ بيوكد عظمة هيثم لو هيثم انتبه للفكرة دي .. والرد من جماهير الهلال ومحبي الهلال على سقوط كارهي الهلال وكارهي هيثم مصطفى تحديدا بيؤكد عظمة الهلال .. الفئة البسيطة جدا من (فاجري) المدرجات في المنبر دا نحن القدامك ديل ولو راجعت مداخلاتم ح تلقاهم بيوجهو لينا الاساءة المباشرة البعيدة كل البعد عن عناوين التشجيع و المكاواة اللذيذة .. الاتعودنا عليها ومتبعة هنا في المنبر دا من قبل الاقلام القلتها دي وتفضل علاقتنا بيهم علاقة مود وصداقة ومحبة واستمرارية لي حبنا للكورة .. من ناحيتي اسقطعت من فترة طويلة جدا كتير من الاقلام وبقيت امر مرور الكرام على اي عنوان أو أي مداخلة تكتب بإسم اقلام محددة .. هيثم مصطفى دا يا عمران نوعيتو بتعمل ليها نصب تذكاري أو ينطبع في العملات الوطنية بتاعت البلدان ونوعيتو بتكون حافز إنو بقية اللعيبة يسلكو دربو .. وفي نفس الوقت بتلقى النقيض تماما من النوعية بتاعت النماذج البتشكل عدو لنفسها وعدو لنجاحات غيرها وديل طبعا مفترض الواحد فيهم يبطل يدخل نفسو في أي شان عام .. علشان ما يفسد متعة الآخرين زي ما بتعمل البصلة الفاسدة الواحدة في باقي الشوال الكامل..
11-28-2010, 10:12 PM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
Quote: خلينا نشوف داخل المنبر كمية الحقد .. والكلام الشين البجيبوهون متعصبين المريخ .. أمثال محمد الأمين دا ومعاهو كم واحد كدا
تانى يا تمبس نرجع و نقول ، انا الفيدوهات الجبتها دى كلها حقيقة و الصور حقيقة ، يعنى ما فوتوشوب! ورينى بالضبط وينى كلامى الشين الانت بتقول عليهو ده ؟ و المداخلة حقتى حتكون تحت عشان تورينى بالضبط وين كلامى الشين ده ؟
Quote: هيثم مصطفى دا يا عمران نوعيتو بتعمل ليها نصب تذكاري أو ينطبع في العملات الوطنية بتاعت البلدان ونوعيتو بتكون حافز إنو بقية اللعيبة يسلكو دربو
ده مربط الفرس هنا ، انا ما شايف انو هيثم ده بيستاهل اى نصب تذكارى (طبعا كلاعب فى منتخب السودان) اما كلاعب فى الهلال انتو احرار ان شاء الله تبنو ليهو متحف ، عشان كده قلت و اكررها هيثم مصطفى ده يمثكلم انتم و لا يمثلنى باى حال من الاحوال ، و لاحظ برضو عشان ما تلخبط الكيمان انو انا ما قلت انو هيثم ده ما بيعرف يلعب كورة ، مكسب
يله ورينى وينى كلامى الشين فى مداخلتى الجابها عمران كـ مثال
Quote:
فعلا ... فعلا ... هيثم مصطفى هو خير ممثل لك و لـ امثالك و هو فعلا كبيركم
هيثم مصطفى هو خير ممثل لك و لـ امثالك و هو فعلا كبيركم و هو خيركم فى كيفية تقديم الاعتراض الرياضى و احترام اللعبة
هيثم مصطفى هو خير ممثل لك و لـ امثالك و هو فعلا كبيركم و هو خيركم فى انتقاء الالفاظ مع زملائه اللاعبين و امام المشاهدين
هيثم مصطفى هو خير ممثل لك و لـ امثالك و هو فعلا كبيركم و هو خيركم فى تقبل قرارات المدرب و ضرب المثل و القدوة
هيثم مصطفى هو خير ممثل لك و لـ امثالك و هو فعلا كبيركم و هو خيركم فى التعامل مع الجمهور
هيثم مصطفى هو خير ممثل لك و لـ امثالك و هو فعلا كبيركم و هو خيركم فى تصدر الصحف مع انجازات فريقه
هيثم مصطفى هو خير ممثل لك و لـ امثالك و هو فعلا كبيركم و هو خيركم فى اظاهره لسلوككم فى الخارج
هيثم مصطفى هو خير ممثل لك و لـ امثالك و هو فعلا كبيركم و هو خيركم فى رابطة الجأش و الثبات عند الخسارة
هيثم مصطفى هو خير ممثل لك و لـ امثالك و هو فعلا كبيركم و هو خير ممثل لهذة الجماهير
هيثم مصطفى هو فعلا كبيركم ... من قلبى والله بدعى معاهو ربنا يديهو الـ فى مرادو
لانو فعلا حرام كل مره
** جميع الصورة اعلاه منقولة من مواقع متنوعة حفاظا على حقوق الملكية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمران حسن صالح
محمد الامين احمد
محمد سنى دفع الله
omer osman
khaleel
محمد البشرى الخضر
Medhat Osman
الامين موسى البشاري
حسبو عكاشة
عبداللطيف حسن علي
امير عوض الجمري
tmbis
فيس بوك
تويتر
انستقرام
يوتيوب
بنتيريست