|
Re: المريخ وياي..هنو وياي ..راجي وياي.. (Re: osama idris)
|
مبرووووووووووك يا حموووووده
إنت عارف لو ما غلبتوا حتبقى كارثة للكرة السودانية، فالحمد لله ربنا لطف و أنقذها من هيمنة القطب الواحد.
و أنا أمس قلت في أحد المداخلات، هذه المباراة للعيبة المريخ مسألة حياة أو موت، فبعدها قطع أرزاق .
و كان وارد بأننا ننهزم بسبب الثقة الزائدة باﻹضافة إلى ليس بعد الخروج من الكنفدرالية شئ.
| |
|
|
|
|
|
|
Re: المريخ وياي..هنو وياي ..راجي وياي.. (Re: Elfadil Sabeil)
|
Quote: مبرووووووووووك يا حموووووده
إنت عارف لو ما غلبتوا حتبقى كارثة للكرة السودانية، فالحمد لله ربنا لطف و أنقذها من هيمنة القطب الواحد.
و أنا أمس قلت في أحد المداخلات، هذه المباراة للعيبة المريخ مسألة حياة أو موت، فبعدها قطع أرزاق .
و كان وارد بأننا ننهزم بسبب الثقة الزائدة باﻹضافة إلى ليس بعد الخروج من الكنفدرالية شئ. |
شكراً يادكتور الفاضل سبيل .. بالله انت برضو منهم هههههههههههههههه. ياأخي جمهوركم دا مالو بيفلق؟ خليه يشوف جمهور الصفوة ..
| |
|
|
|
|
|
|
Re: المريخ وياي..هنو وياي ..راجي وياي.. (Re: عبد الله كسلا)
|
Quote: هارون دياب ياصفوة .. واصل توثيق الافراح .. مبروك لسودانا عودة فريق البطولات المحمولة جواً.. |
هارون دياب صفوة دي ما عندنا فيها كلام نهائي ..
بس يا حمودة صدقنى لو الهلال ما اداكم الفرصة دي ..
كان جماعتك ديل عيشهم اتقطع ... بس ناس سيدا ادوكم ليها مع الرآفة ..
يعنى الحكاية كانت تعاطف وكده ...
وعشان تعرف سيدا واخوانه حساسين وعندهم شعور عظيم قدر شنو .. اتنازلوا ..
معقولة بس .. الممتاز جاب السكري وكمان كأس السودان يجيب الضغط .. لا لا لا ..
عموماً الف مبروووووك ... هدية سيدا واخوانه ..
| |
|
|
|
|
|
|
Re: المريخ وياي..هنو وياي ..راجي وياي.. (Re: Mohammed Ibrahim Othman)
|
برلومنا العزيز كل سنة و انت طيب و ربنا يحقق الامنيات.
أولا مبروك يا حمودة الانتصار على كل حال لانو الكورة يا غالب يا مغلوب يا تعادل رغم اني ما شايف كورة امس دي كورة.
ثانيا رغم هلاليتي الا انني فرحان بفوزكم امس و ما زعلان خالص لهزيمتناو ذلك للأسباب الاتية:
1- عدم وجود دوافع الانتصار عند الهلال 2- اذا انتصر الهلال كانت كل الارهاصات تنذر بكارثة لا تبقي و لا تذر بدأ بتدمير الاستاد و نادي المريخ وانفراط عقدالند و الوصيف الدائم مما يستدعي البحث عن وصيف جديد و قالو وصيفا تعرفو و لا وصيفا تتعرف بيهو من أول و جديد. 3- لا بد من الحفاظ على جذوة المنافسة مشتعلة 4- ترككم نائمين في عسل الانتصار على الهلال في نهاية الموسم ووهم ان فريقكم بقامة الهلال مما يسهل عملية القزقزة بالحمام الموسم القادم.
5- و اخيرا انني اشم رائحة طبخة جامدة أوى من خلف الكواليس لاخراج المباراة بهذا الشكل.
و برضو مبروك يا غلابة و موعدنا الموسم القادم و هو ليس ببعيد.
| |
|
|
|
|
|
|
Re: المريخ وياي..هنو وياي ..راجي وياي.. (Re: Mohammed Ibrahim Othman)
|
مبروووك تاني يا حموده
لأنه يا حمودة توهان المريخ و وهانه في خلال الفترة الماضية كانت بمثابة كارثة، فصرف أنظار المريخاب لمتابعة الهلال في كل كبيرة و صغيرة، فهمهم الأول أن لا يتقدم الهلال للأمام. فما حكاية الشكاوي و السفر بين نيجيريا و القاهرة ببعيد. و التوانسة و حكاية التجسس لم يجف المداد. يا أخي بدل تسجلوا لعيبة يبهرونا و يتعلموا منهم الأولاد الصغار فنون الكرة تجيبوا ناس يعلموا لنا الأولاد التجسس و زيادة الحقد. ها الكأس حيمشي تونس و يرفع من قدر الكرة التونسية.
يا خوي ما يغرك لعب الجماعة بتاع مباراة واحدة فقط. فالجماعة لم يلعبوا عشانكم، لعبوا عشان يخلصوا ضنابينهم من القطع، و شوف بداية الموسم و الرقاد سلطة من جديد.
أظن النتيجة تخدم الهلال، بحيث يعيش المريخاب في غمرة و ينسوا كل الماضي و يعيشوا في العسل، كما بلع أحدكم بوستيه الذي يهدد لعيبة المريخ بأن الوضع فيه غربلة شديدة بعد المباراة، فإذا بمعظمهم أثنوا علي قوة الفريق و فيهم من بشر بثلاث سنوات قادمات إنشاء الله طيبات للمريخ و نسوا قبل أيام الفريق ده كان مهزوم.
| |
|
|
|
|
|
|
Re: المريخ وياي..هنو وياي ..راجي وياي.. (Re: خالد درق)
|
الف مبرووووووك يا حمودة وان شاء الله عودة المارد الأحمر في الموسم القادم اكثر توهجاً واتقاداً . المريخ ظهر بمستوى جيد نسبياً واحسسنا بروح المريخ القتاليو بدأت تسري في الجسد من جديد هنيئاً لنا بمريخ جديد في الموسم القادم بكل عنفوانه وقوته المعهودة وان شاء الله ظروف ووكسات الموسم الفات دا ما تعود تاني
تاني مبروووك علينا فوز الزعيم بكأس السودان ومسك الختام.
دمت يا صفوة وكل سنة وانت طيب
| |
|
|
|
|
|
|
|