|
|
|
 Re: شاب مصري يهجو الحكومة المصرية...كرامتنا متهـانة.. (Re: الطاهر ساتي)
|
شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت
عايش بدون لازمة
ولما مرة شكيت
إدونى بالجزمة
أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه
علا صوت أدانك جرس
فى الشدة صاحينلك
من امتى كانوا الحرس
هما اللى باقينلك
بعتينى علشانهم
وعنيكى معصوبة
ياهلترى خاينة
ولا زيى مغصوبة
علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة
الحب مش شعر وقوالة
الحب حاجة ما تتوجدش فى وسط ناس
بتجيب غداها من صناديق الزبالة
| |
  
|
|
|
|
|
|
|
|
Re: شاب مصري يهجو الحكومة المصرية...كرامتنا متهـانة.. (Re: عمر عبد الله فضل المولى)
|
عمر.......
اختيار موفق
تعليقى ليس حول القصىيدة انما حول البرنامج الذي قدمت من خلاله القصيدة
برنامج -العاشرة مساء- الذي تقدمه مني الشاذلي في قناة دريم الثانية
بالمناسبة الموسيقي في نهاية القصىدة هي الموسيقي المصاحبة لشعار البرنامج
رغم ان البرنامج يغلب عليه الاهتمام بالشان المصري في معظم حلقاته الا ان مقدمته الشابة-وهي في الاصل صحفية- تتميز بالجراة و الثقافة
العالية و الموضوعية سواء
في الطرح او اختيار الضىوف للحوار حول موضوع معين واعطاء الفرصة للرأي والرأي الاخر كما سبق لي مشاهدة مادة مميزة مع فيلم مصور عن حديقة (محمية) الدندر كانت غاية في الامتاع من خلال العاشرة مساء
كما ان هذه القناة (الخالية من افة الفيديو كليب) تقدم برامج ممتازة لصحفيين وكتاب مصريين مثل جمال الغيطاني وواْيل الابراشى وبلال فضل والراحل مجدي مهنا واحمد فواد نجم و ابراهيم عيسي و المسلماني واشعار لفاروق جويدة .
للطاهر ساتي اقول انجح برامج هذه القناة يقدمها صحفيون
.
.
.
يا عمر .....برة الموضموع
وجود النجمة بتاعتنا شجع برضه علي التداخل .....مع تحياتي لك
| |
|
|
|
|
|
|
| |
عمر عبد الله فضل المولى
محمد المختار الزيادى
الطاهر ساتي
عباس محمود
فيس بوك
تويتر
انستقرام
يوتيوب
بنتيريست