|
واحــدة خالفة كراعـة وتشرب في الشيشة
|
محلات في احياء راقية بالخرطوم
تحت واجهة " قهوة سياحية " او مطعم سياحي
عادي جدا تلقى شابة سـودانية في ريعان شبابها
خالفة - كراعـة - وسط مجموعة من الشباب وتشرب في الشيشة
وكمان بـ( مزاج ) وآخـر ضحك وقرقرابة
|
|
|
|
|
|
|
|
Re: واحــدة خالفة كراعـة وتشرب في الشيشة (Re: عمر قسم السيد)
|
المصيبة ان هذه المحلات تعمل تحت علم الحكومة
وعينك يا تاجــر .. يعني عندهم تصاديق وكروت صحية وغيره من متطلبات المحلية
يعني لا كشـة لا يحزنون !
الكشــة - بس - لسـتات الشـاي الغلابا من ( الارامل وزوجات الشهداء والمطلقات ونسـاء الخيابا من الرجال )
| |
|
|
|
|
|
|
Re: واحــدة خالفة كراعـة وتشرب في الشيشة (Re: عمر قسم السيد)
|
محلات شـرب الشيـشـة خاصة التي تتواجد بها فتيات
هى مدعى لتفشي الممارسات الفاســدة
وهنا كلام عجيب قاله معتمد ولاية الخرطوم الدكتور عبد الملك البرير
قال في رده عن مخاوف تفشي الرزيلة والممارسات الفاسـدة بولايته ( ليست هناك مخاوف بهذا القدر
، انا اعتقد ان - القصـة - كلها " 500 " بنت في ولاية الخرطوم يديرن موضوع الفساد الاخلاقي ونحن
نرصدهن ونتابعهن )
بالله شـوف .. يعني في نظــرو الـ 500 بنت عدد بسـيط
عليكم الله هذا " راعي وعمر بن الخطاب راع "
| |
|
|
|
|
|
|
Re: واحــدة خالفة كراعـة وتشرب في الشيشة (Re: Hisham Ibrahim)
|
زمان في " زقاق ابو صليب " بالخرطــوم
كانت الحكومة بتقوم بالمرور على محلات " بيع الهوى " لإجراء فحص دوري للعاهرات
بواسطة وفد خاص من وزارة الصحة ..
وكان زقاق ابو صليب معلما بارزا لهذا الغرض الذي كان الموظف صاحب الطلب الاول لصاحب " الوكر "
والان .. ماذا يريد المعتمد ان يفعل ؟
| |
|
|
|
|
|
|
Re: واحــدة خالفة كراعـة وتشرب في الشيشة (Re: عمر قسم السيد)
|
عمر سلام مممممممممممممممممممممممممم كدي لصق لينا صورتك في البورد النشوفك انت العارف زقاق ابوصليب قدر شنو قالو البعرفونا ان شاء الله ما يحضرونا مالك يازول الدنيا حج وصيام
زمان وانا في سفارة السودان باستكهولم كنت ماسك القسم القنصلي جات واحده حبشية دايره تأشيره. اخر حشمه واخر ادب وعربي افصح من الجن بتحري معاها اقتنعت انها بتعرف الخرطوم اخير مني انا المتربي في السكه حديد الخرطوم . سألتها قلت ليها انتي كنت ساكنه وين؟ قالت: خرطوم تلاته قلت ليها : في خرطوم تلاته ..وين؟ قالت: شارع كترينا قلت ليها: سمح انا زول اقاليم ما بعرف الخرطوم كويس .. كدي براحه براحه كدي هاكي ارسمي لي شارع كترينا ووريني انتي ساكنه وين بالضبط؟ مسكت القلم جرت لي شارع كترينا وطلعت منو الشراع المارق قدام حديقة القرشي وبعد داك قامت رسمت لي الشارع الصغير البي وراهو وقالت لي انا كنت ساكنه في تالت ناصيه وده كان بيت عمك ............. الله يرحمه ويغفر ليهو ولينا
| |
|
|
|
|
|
|
Re: واحــدة خالفة كراعـة وتشرب في الشيشة (Re: محمد مصطفي مجذوب)
|
تحية الي ود المجذوب...القانوني ...الدبلوماسي...دكتور تقنيات التعليم.....تحت اي قبعة ترينا ان نخاطبك ....زميل الايام الحبلي دوما بذكريات الزمن الجميل ..ايام قال سند ...حليلك يا بريد الشوق وكت ما كنا في بالك...وزملاء البريد واللاسلكي...قبل ان نأتزر بازار المحاماة ...ثم الامساك بعصا التسيار الي ارض الله الواسعة ...العلم والعمل .....والساقية لسة مدورة...
مداخلتكم اثارت اشجاتي ..عن تلك الدروب..والمسالك والمهاوي الغائرة...مثلما اهاج الهوي انين السواقي...
وهذه ايضا فرصة طيبة اتاحها صاحب البوست له التجلة والاحترام...بعد ان اصبحنا نقتات من رصيد الماضي...ونتعاطي شجن الزمن الجميل ..لك وله الاحترام ...ود الكامل
| |
|
|
|
|
|
|
Re: واحــدة خالفة كراعـة وتشرب في الشيشة (Re: عمر قسم السيد)
|
Quote: واحــدة خالفة كراعـة وتشرب في الشيشة |
يعني ما تخلف رجلها وهي بتشرب في الشيشة؟!!
تنميط أنو البتشرب شيشة بالضرورة ما كويسة ظالم شديد ..
الشوام مثلا معظم النساء "مشيشات " بحضور أزواجهن وأخوانهن وإمكن اباءهن بدون مبالغة (دي ثقافتهم ) ، عندنا ما مقبول إجتماعياوما ثقافتناـ حتى للرجال ـ ماقلنا شيء، لكن كمان ما بالضرورة يخلينا نكون فكرة كاملة عن شخص لمجردانو خالف رجله وبشرب في شيشة!(من باب إحسان الظن بالناس ) ..
ـــــــــــــــــــــــــــــــــــ
بالنسبة لي الشيشة والسجائر والتمباك وكل ماهو مؤذي للصحة هو إنتحار بطيئ
| |
|
|
|
|
|
|
Re: واحــدة خالفة كراعـة وتشرب في الشيشة (Re: محمد عبد الماجد الصايم)
|
يا عمر
سلام قبيل ماسلمت عليك ..
Quote: والبت الخالفة كراعة ما اظن تخلي الشيشة
لان الموضوع في البداية " تربية " |
خلف الرجل عدم تربية .؟!! طيب البتقعد مالامة رجليها مربية ؟!
بتخيل طريقة القعاد دي إتكيت ولباقة إجتماعية قبل مايكون راجع للتربية، يعني في ناس أهلهم مربنيهم كويس لكن ما قاعديين ينبهوهم يقعدوا كيف !!
ماقادرة أربط الموضوعين مع بعض !
| |
|
|
|
|
|
|
Re: واحــدة خالفة كراعـة وتشرب في الشيشة (Re: محمد عبد الماجد الصايم)
|
الأخ عمر سلامات يبدو أننى لم أفهم وجهة نظرك تماما , وحتى أتمكن من الفهم أو التفهم وبالتالى النقاش,أرجو أن توضح لى الآتى :- أين الخطأ ? وعلى أى معيار تقيس? * وجود محلات للشيشة (سياحية كانت أم شعبية ) * وجود بنات فى تلك المحلات. * شرب البنات للشيشة * خلف البنات لأرجلهن . * قهقهة البنات . * الدوله وقوانينها . كذلك أرجعت الموضوع إلى ( التربية ) ,وهذا (كلام عام ) ,فهل يمكنك التحديد والتوضيح ? لك تقديرى
| |
|
|
|
|
|
|
Re: واحــدة خالفة كراعـة وتشرب في الشيشة (Re: محمد مكى محمد)
|
الاخ / محمد مكي
1- شرب البنات للشيشة كظاهرة دخيلة على المجتمع السوداني
2- وجود محلات تعمل بشكل منظم في ( امدرمان ، الخرطوم العمارات ونمرة 2 و .. ) وبتصديق من المحلية في تقديم هذه
الثقافة الدخيلة - إذا صح التعبير -
3- تواجد بنات " فتيات سودانيات " خاصة الطالبات داخل هذه المحلات في جلسات مختلطة مع الشباب يتعاطين هذه المصيبة
4- اغلب من يمتلكون او يديرون هذه الملحلات " اجانب " بمعني لا يهمهم تدمير المجتمع او غيره
5- هو عمل منظم لا شك فيه بغرض تفكيك المجتمع السوداني
وغدا سـأسرد لك ( عملية التفكيك المنظم التي كانت منتشرة ايام السبعينات في الخرطوم وامدرمان وديوم بحري والزقاقات )
| |
|
|
|
|
|
|
Re: واحــدة خالفة كراعـة وتشرب في الشيشة (Re: داليا حافظ)
|
داليا ..
انا اتحدث عن شرب البنات للشيشة وهى - دخيلة - على مجتمعنا " الكان محافظـ"
وانت ذكرتي ( بالنسبة لي الشيشة والسجائر والتمباك وكل ماهو مؤذي للصحة هو إنتحار بطيئ )
وقعدات الشيشة بتتبعها حاجات تانية وتالتة
والبنت اذا مرقت من اليد تاني ما بتتلحق ( وموضوعها ببوظ )
| |
|
|
|
|
|
|
Re: واحــدة خالفة كراعـة وتشرب في الشيشة (Re: عمر قسم السيد)
|
صاحب البوست سلام...
- إنت عارف إنو أصلاً بقى لا في واحد ولا واحده بيخلف رجلو أو ما بيخلفها في محلات الخرطوم ويشرب شيشة ؟ القصة دي يا عمر ما وقفت ياخي ليها اكتر من شهرين إنت كنت وين ؟ وجينها وقتها وقلنا ما المغزى .
- أما مسألة إنو دي ظاهرة دخيلة فمحتاجها لي تفكيك حبة .. يعني شنو ظاهرة دخيلة ؟ مش السودان ده فيهو مناطق عندهم الأسر (نسوان على رجال ) بيقعدوا يشربوا شيشة في الشارع ؟ طيب دخيلة على منو تحديداً ؟ إحتمال إنت ما بتقبلها .. بس أنا بقبلها .. إذن دخيلة عليك إنت .. ولا شنو ؟؟
- إعتبار إنوالبتشرب شيشة ولابتدخن سجائر (بي خلفة رجل ولا بدونها ) دي مفروض بروفايلها يكون ملان بلاوي .. دي نظرية فاسدة .. إنا حبوبتي كانت بتسف وبتسجر (في روايات ) أها وين المشكلة ..
الشيشة والسجائر مضرات بالصحة وليس بالسمعة ..
| |
|
|
|
|
|
|
Re: واحــدة خالفة كراعـة وتشرب في الشيشة (Re: عمر قسم السيد)
|
Quote: داخل اوكار ومحلات ما معروفا |
؟؟؟؟؟؟ ومنو الجاب سيرة الأوكار هسي يا باشا ؟ مش ده كلامك :
Quote: محلات في احياء راقية بالخرطوم تحت واجهة " قهوة سياحية " او مطعم سياحي
|
وQuote: المصيبة ان هذه المحلات تعمل تحت علم الحكومة وعينك يا تاجــر .. يعني عندهم تصاديق وكروت صحية وغيره من متطلبات المحلية
|
إذاً إنت - قطعاً - بتتكلم عن أماكن معروفة وعلى قولك ذاتك مصدق ليها .. والنسألك هنا .. هل القضية .. شرب الشيشة ولا .. الأوكار ونص الليل .. بس شان الواحد يعرف يرد عليك .. ولّا لمتهم الاتنين ؟ موضوع الأوكار دي موضوع مختلف ومرفوض حتى لو كان فيهو مويه ساكت خلي الشيشة ...
لكن موضوعك - إذا ما غيرتو وما اديتنا خبر - تدخين الشيشة للبنات على إنو :
-Quote: منتهى البجاحـة وقلّة الأدب |
Quote: هى مدعى لتفشي الممارسات الفاســدة
|
وجيت ربطت بين البشربن الشيشة والعاهرات (ده لمن أقحمت قصتك بتاعت زقاق أبو صليب )
وأنا قلت ليك الآتي ياخي ... دي ما ظاهرة دخيلة ... ما تربط بين العهر وشراب الشيشة لو سمحت ياخي .. كده عيب ... وقلت ليك إنت كنت وين ؟ لأنو موضوعك ده Expired بإعتبار إنو ما في محلات شيشة في الخرطوم في اللحظة دي .. لا للرجال .. لا للبنات البيخلفن رجليهن ...
فهمتني ؟؟
| |
|
|
|
|
|
|
|