|
Re: ادارة الفنادق والسياحة التخصص الذي لا يرغب فيه اهل السودان(توجد صور) (Re: د.نجاة محمود)
|
DrQuote: . Nice topic I was in KL a couple of weeks ago. I went to IIUM for a short presentation and asked about Prof Zain (an old prof of mine) but he wasnt office |
سلامات يا اخي الكريم
في الفترة التي كنت فيها ابراهيم كان يعمل كعميد لمعهد الفكر الاسلامي والحضارة وهو في مدينة اخرى ولكن انتهت مدته وعادالى الجامعة الاسلامية باذن الله المرة القادمة تجده في الاسلامية
وشكرا ليك وان شاء الله ابلغه بانك بحثت عنه فهو يقدر طلابه جدا.. خاصة لو درسك في جامعة الخرطوم قبل هاركين مأمون حميدة فتلك فترة يعزها كثيرا ..
| |
|
|
|
|
|
|
Re: ادارة الفنادق والسياحة التخصص الذي لا يرغب فيه اهل السودان(توجد صور) (Re: د.نجاة محمود)
|
أحد الأخوة الأثيوبيين من معارفي الذين عملوا بالهيلتون بالخرطوم حببني وقربني لمهنة الفندقة وكان ذلك في فترة مبكرة من حياتي ، فتعلقت بالتخصص درجة أني تقدمت لأحدى المعاهد العربية التي كانت - وما زالت على ما أعتقد - تقوم بتدريس هذا التخصص، ولكن خاب فألي للأسف الشديد عندما عرفت أن من ضمن شروط القبول في ها التخصص هو النجاح في إمتحانات سيعقدها المعهد في مادتي الفيزياء والكيمياء ,, إضافة للرياضيات!! ,, ولما لم يكن لي أي إلمام بهذا (الضرب) من المواد العلمية فقد تجاهلت الموضوع برمته ,, وكنت أتهكم على نفسي وذاك المعهد في كل سانحة لأصدقائي ، أقول لهم :- فيزياء وكيمياء ورياضيات مرة واحدة؟! ,, أصلو أنا في الفندقة بعدين حا يكون مطلوب مني أطبخ (حلة),, ولا أصنع (قنبلة نووية)؟!.. ولكن في كل الأحوال في أوروبا الآن يتجهون لمثل هكذا تخصصات ، لأنها حقيقة تختصر الزمن وتدر مالاًوفيراً عن حق ,, ولا أعتقد أن الأجيال الحالية من السودانيين ستتردد إن وجدت تسهيلات لمثل هذه التخصصات والدراسات وهي تخصصات محترمة وتتساوى في (دخلها) أحياناً مع كثير من التخصصات المتعلقة بالطب والهندسة إن لم أكن مبالغاًّ,, خاصة والمعايش أصبحت جبارة ! ____________ دكتورة نجاة كيفنك ,, وكل عام والأسرة بخير
| |
|
|
|
|
|
|
Re: ادارة الفنادق والسياحة التخصص الذي لا يرغب فيه اهل السودان(توجد صور) (Re: حسن الجزولي)
|
سلامات يا دكتور حسن
عجبتني قصة الفيزاء والكبمياء دي تكون مشيت صار وشك الصرة السودانية ديك قالو يطفشوك.
اتمنى ان ينتبه الاباء لانه حقا هم البختاروا تخصصات اولادهم بطريقة يكون واحد مهندس كهرباء واحد مهندس مدني واحد مهندس ميكانيكا والبتين طب... دي الرصة السودانية
الادبي بيقتلوه او ينكروه حطب اي يقرأ قانون بس
لكن تخصص ادارة الاعمال ما بجو بجنبو مرة واحد رسللي شهادة ضعيفة جدا لولدوا قلت ليه ولدك افضل حاجة يدرس ادارة اعمال قالي ارسلو لاخر العالم يقرأ بالدولار عشان يطلع سكرتيرة؟؟!! وبعدها اختفى نهائيا..
شكرا للاضافة الضافية التي اتمنى ان يقراها الاهل ويفهمون ان العالم من حولهم قد تغير كثيرا..
| |
|
|
|
|
|
|
Re: ادارة الفنادق والسياحة التخصص الذي لا يرغب فيه اهل السودان(توجد صور) (Re: د.نجاة محمود)
|
يا دكتورة نجاة موضوع موفق جدا بس ما اتناولتي فيهو اي جانب يعني اول حاجة عرفينا بالتعريف الرسمي بهذا التخصص وما ذا يعني اين يدرس ما هي التخصصات الفرعية هل الشغلانة كلها طبيخ في طبيخ والله فيها استقبال وادارة فنادق ادارة منتجعات تسويق فندقي
بعدين لمن تخلصي من الحتة دي تعالي لي موضوع بوستيك الذيذ ده الشخصية السودانية وليه ما تظبط مع الشغلانة دي
مساهمة من عندي عشان افتح شهيتك
في راي جميل للبروفسور حسن مكي يقول الطرق الصوفية اثرت بشكل كبير في تشكيل الشخصية السودانية يعني الزهد في ترف الحياة يعني في الشارع السوداني مافي فرق كبير في الزي ( الملابس ) ما بين الشخص العادي ومابين شخص تاني ( لبيونير ) نفس الجلابية (تقريبا) ونفس المركوب (تقريبا) وهكذا ....
الواحد اول ما يبدا يهتم بي مباهج الحياة تلقى كل الناس حولو يقولو ليهو يا اخي انت مضيقا فوق كم الدنيا ما بتستاهل
في جدل كبير حول هذا الموضوع عند المغتربين هنا في الرياض تلقى المغترب وضعو المادي ممتاز عايش في حي تعبان جدا سايق عربية من زمن حبوبتي بت السيد عايشا تقول ليهو اشتري عربية زي الناس يقول ليك انحنا قاعدين لي متين هو تلقاهو قاعد ليهو مليون سنة في الغربة يعني عمرو كلو ضيعو يلم في القروش وما استمتع بيها
هذا الكلام لو سقناه على مسالة السياحة والفندقة الشغلانة يا دكتورة نجاة شغلانة راقية ترتبط بشكل رئيسي بالاهتمام بالمظهر مظهر اللبس مظهر المكان مظهر الطعام الاتيكيت في الكلام الاتيكيكت في تناول الطعام تناسق الالوان تناسق الزهور النمطية الراقية في استقبال الناس ووداعهم
ودي كلها شغلات مالينا فيها نصيب نحن السودانيين
كلام ما راح يعجب ناس كتيرة لكن عشان نفتح ليك شهيتك لي بوستيك الحار ده
تحياتي
| |
|
|
|
|
|
|
Re: ادارة الفنادق والسياحة التخصص الذي لا يرغب فيه اهل السودان(توجد صور) (Re: ashraf mukhtar)
|
دكورة بيان ســـــلام,
أنا أتفق مع الاخ شــادى فى هذا الاقتباس
Quote: هذا الكلام لو سقناه على مسالة السياحة والفندقة الشغلانة يا دكتورة نجاة شغلانة راقية ترتبط بشكل رئيسي بالاهتمام بالمظهر مظهر اللبس مظهر المكان مظهر الطعام الاتيكيت في الكلام الاتيكيكت في تناول الطعام تناسق الالوان تناسق الزهور النمطية الراقية في استقبال الناس ووداعهم
ودي كلها شغلات مالينا فيها نصيب نحن السودانيين
كلام ما راح يعجب ناس كتيرة لكن عشان نفتح ليك شهيتك لي بوستيك الحار ده
تحياتي |
| |
|
|
|
|
|
|
Re: ادارة الفنادق والسياحة التخصص الذي لا يرغب فيه اهل السودان(توجد صور) (Re: Adam Omer)
|
Quote: سلامات يا الصادق
لا ادري اذا كان هناك دراسات فندقية في السودان اتمنى اذا في زول عنده معولمات يمدنا بيها
اكرر انها دراسة ممتازة جدا وفرص العمل واسعة لدرجة بعيدة
اتمنى لو الناس غغيرت فكرة طب وهندسة دي وبدأت في تخصصات اخرى. |
د. نجاة
الدراسات الفنية زي الفندقة والسياحة حقيقة عايزة حملة بتاعة تثقيف وتوعية بأهميتها وبالفرص الجيدة لخريجيها، والمشكلة أن الدولة في السودان منذ الإستقلال وحتى الآن بتتكلم على المستوى النظري لكن مافي تطبيق، أتمنى أن يكون عندنا معاهد من هذا النوع، وخصوصاً الفندقة والسياحة.
وعلى العموم السؤال التاني:
ما هي التكلفة للدراسة في ماليزيا للراغبين في ذلك وطرق التقديم وشروطه؟
ودمتي
| |
|
|
|
|
|
|
Re: ادارة الفنادق والسياحة التخصص الذي لا يرغب فيه اهل السودان(توجد صور) (Re: الصادق اسماعيل)
|
سلامات يا الصادق
في ماليزيا هناك عدد مقدر من الكليات يدرس ادارة الفنادق والسياحة هناك برامج ماليزية وبرامج اجنبية البرامج الماليزية تعني ان تتخرج من جامعة ماليزية والاجنبية ان تتخرج من جامعة في فرنسا او سويسرا او بيرطانية او استراليا بنظام التوأمة من الافضل ان يبدا الطالب او الطالبة من السودان بعمل دبلوم ادارة الفنادق ثم بعد ذلك يرفعون الى بكالريوس دبلوم ادارة الفنادق والسياحة بستغرق سنتين ونصف وهو دبلوم مهني بعدها يدخل الطالب الى مرحلة البكالريوس ويدرس عامين
وبذلك يتخرج بصورة مرضية حيث ان الغالبية لم يدرسوا في حياتهم موادالادارة التي يدرسها الطالب الماليزي من السانة السابعة..
الشروط هي الشروط العامة للدراسة الجامعية حيث يكون لديه5 جيداذا رغب في دخول البكالريوس او 3 جيد اذا رغب في دخول الدبلوم تختلف التكلفة من جامعة الى اخرى ولكن السنة قد تبدأ من 4 الف دولار الى 7 الف دولار في السنة على حسب الجامعة وهناك ابضا ماجستير يكلف حوالي 12 الف دولار..
طبعا يدرس الطالب اللغة الانجليزية في البداية..
طريقة التقديم 1- 8 صور فوتغرافية 2- الجواز كامل من الغلاف للغلاف مجدد 3-الشهادة الدراسية باللغة الانجليزية موثقة 4=معلومات ولي الامر وبعض الجامعت تطالب باثبات القدرة المالية 5- رسوم التقديم تحتلف من جامعة الى جامعة
| |
|
|
|
|
|
|
Re: ادارة الفنادق والسياحة التخصص الذي لا يرغب فيه اهل السودان(توجد صور) (Re: abuarafa)
|
فندق اكسلسيور في السبعينات وموسيقى البي جيز - وكت الخرطوم نظيف ومعافى]
السودان كان رائدا في مجال الفندقة والسياحة وكان المورد الاول للكوادر المدربة في هذا المجال لدول الخليج و حتي اليوم هنالك العديد من الكوادر التي تدير العمل الفندقي في الخليج. تاريخ الفندقة والسياحة في السودان يعود الي نهاية الخمسينيات حيث مصلحة المرطبات التي كانت تضم السكة حديد والنزل السياحية حظيرة الدندر ومنتجع اركويت وجبل مرة ..... الخ وفي عهد مايو تم تاميم فندق السودان والفندق الكبير وتم ضم هذه المرافق لهيئة لهيئة السياحة والفندقة التي كانت تتبع لوزارة الاثار والمتاحف علي ما اذكر. وبهذه المناسبة كانت توجد مدرسة لدراسات السياحة والفندقة تابعة لوزارة السياحة مقرها الفندق الكبير سابقا وكانت تخرج سنويا حوالي مائة طالب يتم استيعاب بعضم بالفنادق بالداخل وجلهم يهاجر للخليج وكان بالمعهد قسمان قسم للضيافة وتدرس فيه مواد اصول فن الخدمة.
|
ونحن من ضحايا التهجير القسري لهذه المهنة التي اندثرت
| |
|
|
|
|
|