|
ياالرياض جاك بلا رحبو معي بالمشاكل
|
يعني نحن ماقادرين عليك انت يا ابو الحسين تقوم تجيب لينا ساميه
رحبو معاي بي اخت الاخوان والبيتا مرتع الضيفان الاخت ساميه حامد زوجة البوردابي الارباب ابو الحسين بالنجليزي زوله جميله ودوده ومرحه تالفه اول ما تقع عينك عليها زات نظره ثاقبه وفكر واعد مشعل ضؤ واضافه حقيقيه لي بورداب الرياض الف مرحب بيك اختي ساميه وقشه ماتعتر ليك ولا حتى ود الصايم وابقي عشره علي بتاع المشاكل وانتي ابعدي منها حللتي اهلا ونزلتي سهلا
|
|
|
|
|
|
|
|
Re: ياالرياض جاك بلا رحبو معي بالمشاكل (Re: عفاف أبو حريرة)
|
الاخت الغالية الاستاذة عفاف
لكي التحية وشكرا ليك على الكلام الحلو وده من ذوقك الراقي وبعض ما عندكم
وانا جد احب اشكر الباشمهندس بكري لانو كان سبب رئيسي في اني التقي بي ناس جمال زيكم
واتمنى اني اكون عند حسن ظنكم وفعلا اكون إضافة وما اكون محسوبة على بورداب الرياض وبدون فائدة تذكر
وبتاع المشاكل باقية عليهو مية مش عشرة وشكرا على النصيحة الغالية
| |
|
|
|
|
|
|
Re: ياالرياض جاك بلا رحبو معي بالمشاكل (Re: ساميه حامد)
|
Quote:
واتمنى اني اكون عند حسن ظنكم وفعلا اكون إضافة وما اكون محسوبة على بورداب الرياض وبدون فائدة تذكر
وبتاع المشاكل باقية عليهو مية مش عشرة وشكرا على النصيحة الغالية |
مرحب مرحب اينعت واورقت الرياض قبل البورض وانتي اضافه حقيقيه قبل ماتكوني بوردابيه ونحن اصاله عن نفسي وكل ال البورداب جد سعدين بيك وارمي لي قدام
| |
|
|
|
|
|
|
Re: ياالرياض جاك بلا رحبو معي بالمشاكل (Re: عفاف أبو حريرة)
|
Quote: ياختي كله ولا راجلك ده انا بدعمك بمرق ليك القطيعه من البدايه دبابه كان ما ماخده الاذن والله للصباح مانوم |
بالله دي خوة دي !!!!!!!!!!!!!!
انا من امبارح فرحانة قلت لقيت لي مساعدين من هرشة واحدة تجري واطي
والله بالغتي عديل كده
| |
|
|
|
|
|
|
Re: ياالرياض جاك بلا رحبو معي بالمشاكل (Re: Al-Shaygi)
|
Quote: وانابقول لاحولا ولاقوة |
إنتي من الكوة و لا شنو ؟؟؟؟؟؟؟
الراجل من الكوة و شغال لي واحد نجضو نجاض قاعدين مرة بسمعو في أغنية من الأسكلا لو حل لي ميرغني المأمون و أحمد حسن جمعة عاين لي صاحبو اللي من الكوة قال ليه الزول دا لم جاء عندكم قال لا حول لا قوة لـييييييييييه ؟؟؟
| |
|
|
|
|
|
|
Re: ياالرياض جاك بلا رحبو معي بالمشاكل (Re: عفاف أبو حريرة)
|
إنتي من الكوة و لا شنو ؟؟؟؟؟؟؟
الراجل من الكوة و شغال لي واحد نجضو نجاض قاعدين مرة بسمعو في أغنية من الأسكلا لو حل لي ميرغني المأمون و أحمد حسن جمعة عاين لي صاحبو اللي من الكوة قال ليه الزول دا لم جاء عندكم قال لا حول لا قوة لـييييييييييه ؟؟؟
والله ضحكتني لما بطني وجعتني الله يضحكك يوم تلاقيه
| |
|
|
|
|
|
|
Re: ياالرياض جاك بلا رحبو معي بالمشاكل (Re: عفاف أبو حريرة)
|
Quote: مرحب بالأستاذة سامية حامد ونتطلع لقراءة الجديد المفيد ونتمنى لك طيب الإقامة في حوش بكري العامر.. |
اهليين بي قريبنا وشكرا ليك على الترحيب
والله إقدرني على الجديد المفيد بس ننتهي من الحرب دي ونبعد الدبابات
وكده نحن بقينا تلاتة شوايقة انا وانت وود جبريل والله يزيد ويبارك ونقدر نقيف في وش الارهابين ديل
| |
|
|
|
|
|
|
Re: ياالرياض جاك بلا رحبو معي بالمشاكل (Re: محمد عبدالرحمن محمد)
|
Quote: جنا جبرين ياها المحريي فيك.. [قريبتك دي] هيلنا لحم ودم!! __ حباب ساميه.. وسلام يا [صديق] الشاعر!! |
اخونا محمد لك التحية وشكرا ليك على الترحيب
وطالما انا هيلك لحم ودم اكيد ها تكون في صفي
ولوما جيت من زي ديل وآآآآآآآآآآآآآآآآسفاي وآآآآآآآآآآآمأساتي وآآآآآآآآآآآآآآآآذلي
| |
|
|
|
|
|
|
Re: ياالرياض جاك بلا رحبو معي بالمشاكل (Re: عفاف أبو حريرة)
|
Quote: كلام سر يا أبوحسين ___________________________________________ النسوان ما بينقدرن،،،، أسألني يابا.... |
والدليل : رحبو معي بالمشاكل ؟!
و .. من قولة تيت جابت ليها دبابات ؟!
غايتو لا نملك والحال هكذا إلا أن نرحب بأختنا سامية ونتمنى لها طيب الاقامة في هذا الحوش الذي لا يسع الدبابات ، ولكنه يسع كل أصحاب الرأي المستنير والذوق والفهم ومن لف لفهم .
ويا أخوي أبوحسين : كن على إستعداد دوماً ، ولا ترفع يدك عن الزناد حتى تضع المشاكل أوزارها .. أو حتى إشعارٍ آخر من ود الباوقة أو الشايقي؟! مرة أخرى .. ألف مرحب بأختنا الأستاذة سامية وحوش بكري يفخر بكن اخوات عزة .. إضافات ثرة وقوية له. وشكرا أختنا بت أبوحريرة على هذا البوست (الحربي) وظريف ؟!
مودتي ،
( ليمو )
| |
|
|
|
|
|
|
Re: ياالرياض جاك بلا رحبو معي بالمشاكل (Re: اساسي)
|
Quote: والله ود الباوقة خوفو كلو من الهجوم البري ...
غايتو اول مرة اشوف لي بوست ترحيب فيهو دبابات ..
الله يستر .. |
مرحب الاخت ام الحسين وابوالحسين ات الجابك هنا شنو ود الباوقه والله انا قت لى عفاف ابوالحسين الله يستر ما يفك فينا دانه وشايفو متجرس تب داير يفك اخرو
| |
|
|
|
|
|
|
Re: ياالرياض جاك بلا رحبو معي بالمشاكل (Re: ismeil abbas)
|
Quote: أختنا سامية البشوشة....مرحب بيك...
شكرآ أختنا عفاف بت الشيوخ....
أخى عادل....كده قسمو الثروة فى إستعمال النت وحق ألأولاد مايضيع.....
بحرش حسين وأخوانوا عليكم...تقديرى. |
اهلا بي اخو الاخوان سمعة ومرحب بيك اخا مسالما ومساندا في بوست الحرب ده
وهو كدي انا النلقى حقي كامل صاحبك ما مدينا فرصة نهائي إلا نجي نص الليل زي الخفافيش
| |
|
|
|
|
|
|
Re: ياالرياض جاك بلا رحبو معي بالمشاكل (Re: خالد المحرب)
|
Quote: مرحب الاخت ام الحسين وابوالحسين ات الجابك هنا شنو ود الباوقه والله انا قت لى عفاف ابوالحسين الله يستر ما يفك فينا دانه وشايفو متجرس تب داير يفك اخرو |
اهلا بيك الاستاذ خالد
عليك الله أسألو هو جا وبس هو إستلمو عديل كده
غايتو الدانة دي لو ها تطلع ها أوجها طوالي على إسكان الخرج لانو صاحبة البوست هي اللي إبتدت
وانا برررررررررررررررره
| |
|
|
|
|
|
|
Re: ياالرياض جاك بلا رحبو معي بالمشاكل (Re: اساسي)
|
Quote: مرحب بالاخت ام الحسين وان شاء الله الديار ترحب بيها , واخونا ابو الحسين يسحب الفرامل شوية |
هلا وغلا بالاخ اساسي
وصاحبك ده الله يعلم إفرمل هو يا دوب لقى ليو سبب إدخل بيو ما شايفو مستلم البوست ده
وينك يا شيخ من زمن ام علي والكراميل ما شفناك تاني
| |
|
|
|
|
|
|
Re: ياالرياض جاك بلا رحبو معي بالمشاكل (Re: عفاف الصادق بابكر)
|
Quote: مليييار مرحب بالاخت سامية .. نتمنى ليك إقامة طيبة بيننا ..
شكرا يا عفوفه يا راقية .. دائما تجى منك الاخبار العسل زيك .. يا ست الكل .. |
والله انت العسل وده شرف كبير لي إنك ترحبي بي مرتين
وإقامتي إن شاء الله تكون طيبة بوجود امثالك وامثال الاخت عفاف
وشكرا ليك
| |
|
|
|
|
|
|
Re: ياالرياض جاك بلا رحبو معي بالمشاكل (Re: عفاف الصادق بابكر)
|
Quote: مليييار مرحب بالاخت سامية .. نتمنى ليك إقامة طيبة بيننا ..
شكرا يا عفوفه يا راقية .. دائما تجى منك الاخبار العسل زيك .. يا ست الكل .. |
اهلللللللللللللللللين بي ست الناس كلهم ونوارة البورد صدقني ياعفاف ساميه زوله حلوه شديد وتحبيها اول ماتشوفيها وتشعري كانك بتعرفيها من زمان
| |
|
|
|
|
|
|
Re: ياالرياض جاك بلا رحبو معي بالمشاكل (Re: abdulhalim altilib)
|
Quote: غايتو لا نملك والحال هكذا إلا أن نرحب بأختنا سامية ونتمنى لها طيب الاقامة في هذا الحوش الذي لا يسع الدبابات ، ولكنه يسع كل أصحاب الرأي المستنير والذوق والفهم ومن لف لفهم . |
الاخ ليمو لك التحية ومشكور على الترحيب
وبالمناسبة ده البوست التاني للترحيب بي وتكون فيو شنكبة عنكبة عضلات تبش
والله إستر من الجاي
| |
|
|
|
|
|
|
Re: ياالرياض جاك بلا رحبو معي بالمشاكل (Re: مهيرة)
|
Quote: الف سلامه لي الاخت الرائعة سهام والف لاباس عليها |
الله يسلمك أختي عفاف ويعطيك الصحة والعافية دوماً ، وسهام بتقول ليك كتر خيرك ، وبتعتذر ليك كمان عن عدم تمكنها من مصاحبتكم لزيارة أرملة زميلنا الراحل العزيز ود الامتداد (العمدة) لظروفها الصحية .
مودتي ،
( ليمو )
| |
|
|
|
|
|
|
Re: ياالرياض جاك بلا رحبو معي بالمشاكل (Re: محمد عبدالرحمن محمد)
|
الاربابة بت ابو حريرة
لكي التحية وشكرا ليك على الكلام الحلو وده من ذوقك الراقي وبعض ما عندكم
وانا جد احب اشكر الباشمهندس بكري لانو كان سبب رئيسي في اني التقي بي ناس جمال زيكم
واتمنى اني اكون عند حسن ظنكم وفعلا اكون إضافة وما اكون محسوبة على بورداب الرياض وبدون فائدة تذكر
وبتاع المشاكل باقية عليهو مية مش عشرة وشكرا على النصيحة الغالية
عافي منك ما بتجيبي ليك زولة ساهلة
الف مرحب بيك يا سامية ونحن في انتظار اسهاماتك الطيبة
| |
|
|
|
|
|
|
|