|
بلاغ للسيد مدير عام الأدارة العامة للمرور
|
سيدى المدير انا لاأريد ان اتحدث عن المرمطة ولاعن البهدلة التى يعانيها المواطنون عند استخراج او تجديد رخصة القيادة , ولا أريد ان اتحدث عن حركة الصفوف البطيئة والمملة ولا عن من يدعون انفسهم بالنظاميين من شرطة وجيش وعدم تقيدهم بالصفوف مع المواطنين , مع انهم يدعون نظاميين وبالتالى لابد ان يكونوا قدوة لنا نحن المواطنين . نعم لا اريد ان اتحدث عن هذا الأمر لأننا قد تعودنا على مثل هذه الأمور فى فى هذه البلاد وهناك منا من ادمنها, وحقا ما اسوأ ان تكون مواطنا. انا ياسيدى اتحدث عن النهب عينى عينك الذى يحدث عند تجديد رخصة القيادة مثل حالتى . فهناك مبلغ 10 جنيهات عبارة عن قيمة كتيب ارشادات مرورية وهذا المبلغ يدفع اجباريا بغض النظر عما اذا كنت قد دفعت من قبل قيمة هذا الكتيب عند تجديد رخصة القيادة او تجديد ترخيص السيارة .(انا شخصيا املك 6 كتيبات منها). بعد ذلك نأتى لفحص النظر والحالة العامة والنفسية للسائق وهى تبلغ 25 جنيه بدون اى مبرر لهذه القيمة المرتفعة لفحص لايستغرق دقيقتين . ثم نأتى لثالثة الأسافى وهى قيمة تجديد رخصة القيادة والذى تقول لك الضابطة التى تراجع المستندات وبكل قوة عين بأن المبلغ المطلوب هو 170 جنيه فيقوم المواطن المسكين بدفع هذا المبلغ , ولكن الأخت المحصلة تقوم بأستخراج ايصال مالى ب 163.25 جنيه فقط مع انه المستلم من المواطن هو 170 جنيه. اين يذهب باقى المبلغ ياسيدى المدير ؟ ويمكنكم ان تتخيلوا حجم المبلغ الذى لايعود للمواطن مضروبا فى عدد مئآت المواطنين المترددين على ادارة المرور يوميا. سيدى المدير اذا لم تكن هذه سرقة فكيف تكون السرقة اذن ؟
|
|
![Edit](https://sudaneseonline.com/db/icon_edit.gif)
|
|
|
|
|
|
Re: بلاغ للسيد مدير عام الأدارة العامة للمرور (Re: Hisham Ibrahim)
|
Quote: فهناك مبلغ 10 جنيهات عبارة عن قيمة كتيب ارشادات مرورية وهذا المبلغ يدفع اجباريا بغض النظر عما اذا كنت قد دفعت من قبل قيمة هذا الكتيب عند تجديد رخصة القيادة او تجديد ترخيص السيارة |
إضافة إلى أنه يتم تحصيل هذا المبلغ فى اى بلاغ ... مثلاً يوم أمس قمت بدفع نفس المبلغ لذات الكُتيب لإستخراج "عريضة بلاغ كسر زجاج" وعندما قُمت .. بسؤال "المتحصلة" عن فائدة الكُتيب لى فى حال إنى "مُحتاج"بلاغ كسر "غير جنائ للزجاج
رمقتنى بنظرة ... أقرب إلى السخرية وقالت
"حتشيلو غصب ... اصلا هو إجبارى فى أى إجراء مالى... يخص المرور" واللا شايف انو معينة انا عشان ... شنو
ناهيكــ عن الجرجرة لتلاتة أيام ... لبلاغ كسر زجاج ...من وكيلة نيابة "تحضر الساعة 11 صباحاً وتفطر بالمكتب حتى الساعة 12 ويمنع دخول اى عريضة لها أثناء الفطور !! حسبى الله ونعم الوكيل وبس
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: بلاغ للسيد مدير عام الأدارة العامة للمرور (Re: ودقاسم)
|
Quote: بس بصراحة أنا ما فتحت خشمي خالص خفت يعاكسوني في تجديد رخصتي .. |
الأخ ودقاسم بالضبط هذا هو الذى يجعلنا ان نقفل افواهنا ونحن مقهورين على اكل حقوقنا لمعاملات وخدمات لا تكلف الدولة ربع ماتأخذه فى المقابل من المواطن فى دولة من المفترض فيها انها تطبق شريعة الأسلام .
| |
![Edit](https://sudaneseonline.com/db/icon_edit.gif)
|
|
|
|
|
|
Re: بلاغ للسيد مدير عام الأدارة العامة للمرور (Re: قلقو)
|
تحياتي ياقلقو أخوي والله المدير ما فاضي وفايق ليك - لا تزعجوا المسئولين والسلطان وهي جريمة في قانون جنايات 91 ... وبعدين يأخ أنت شوف تفاصيل الإيصال العندك شوف إنت بتدعم كم جهة حكومية يعني كثيرة كم جنيه تتبرع و تدعم بيها المساكين القاعدين بخدموا فيك وفي غيرك ومتحملين تلك الوجوه المصائب ... ياقلقو - شوف عين لمن طلعت رخصتي من مدني اشهد الله لقيت فيها كم جنيه دعم ولائي ، وكم جنيه اتحادي ، ودمغة لمكتب الوزير وكمان الدمغة عندها إدارة منفصلة تراجع وتحصر كل الإيصالات عشان يحسبوا كم وصل مكتب الوزير ... لا تحلموا بعالم جميل ياقلقو الشفيع ابراهيم
| |
![Edit](https://sudaneseonline.com/db/icon_edit.gif)
|
|
|
|
|
|
Re: بلاغ للسيد مدير عام الأدارة العامة للمرور (Re: Alshafea Ibrahim)
|
قلقو ... السلام عليكم .. شرطة المرور وما أدراك ماشرطة المرور ... قصص وحكاوى لا ليها أول ولا آخر .. ديل ياسيدى المفسدين فى الارض زى مابيقولوا ... وظاهرة الرشوة اصبحت متفشية بصورة كبيرة جداً وسط افراد شرطة المرور واى زول سائق عربية عارف الكلام دا ... قبل فترة جاى من بحرى فى يوم جمعة حوالى الساعة 5 مساء والشوارع فاااااضية ، وقفت فى تقاطع........... فى الأشارة الحمراء جانى تلفون قلت للمتصل دقيقة ورجع ليك .... وقفلت الخط والاشارة اتحولت للاخضر اتحركت وقلت بعد الأشارة أجنًب من الشارع واتصل بزولى فجاءة ظهر لى شرطى مرور يبدو انو كان قاعد فى الكرسى التحت الشجرة وأشر لى .. جنًب .. جنًب .!! وقفت .. _ أهلاً ياجنابو ... _ رخصتك ... _ أتفضل ياجنابو ... _ عندك مخالفة 75 جنية ..! _ حقت شنو ياجنابو .؟ _ كنت بتتكلم فى الموبايل ... مش عارف ممنوع ..؟ _ بس ياجنابو أنا كنت واقف فى الأشارة الحمراء ؛ يعنى ماسايق العربية ..! _ يازول فى النهاية كنت بتتكلم فى التلفون ... صاح .؟ _ ايوة ياجنابو ... صاح وأنا غلطان ..! _ خلاص نستفتح بيك الدفاتر الجديدة ابو 75 دى رايك شنو .؟ _ ياجنابو 75 شنو .؟ يا خ انا ماشايل 75 جنية ..! _ طيب الحل شنو .؟ اعمل ليك شنو يعنى .؟ _ انا معاى 40 جنية بس والله ماعندكم ايصالات ابو 30 جنية .؟؟ _ ماعندنا لكن ممكن نعمل لسيادتك واحد مخصوص ( بتهكم ) ..! _ طيب الحل شنو ياجنابو .؟؟ _ الساهلة ...!!! _ نعم ..؟؟ _ الساااهلة ...! _ طلعت 20 جنية عصرتها ليهو.... و مشيت ..! مافى زول يقولى لى ليييية لانو مافى حل غير دا ... ! شرطى المرور فى بلدنا هو القاضى وهو الجلاد ياسادة ...!
| |
![Edit](https://sudaneseonline.com/db/icon_edit.gif)
|
|
|
|
|
|
Re: بلاغ للسيد مدير عام الأدارة العامة للمرور (Re: Alshafea Ibrahim)
|
الأخ الشفيع ..[ /B]Quote: والله المدير ما فاضي وفايق ليك - لا تزعجوا المسئولين والسلطان |
حااااااضر يا شفيعو امرك ماش . من هنا ورايح سوف لن نزعج مسئولينا المهمومين ومشغولين بقضايا الوطن الكبرى وسوف نعمل الف حساب حتى لانعكر مزاجم, وكفاية عليهم بيصطبحوا بوجوهنا العكرة من صباح الرحمن .
| |
![Edit](https://sudaneseonline.com/db/icon_edit.gif)
|
|
|
|
|
|
Re: بلاغ للسيد مدير عام الأدارة العامة للمرور (Re: Hisham Ibrahim)
|
.. . والله إدارة المرور ومديرها . تحتاج لبلاغات مش بلاغ واحد .. هاكم دى .. حيث اننى اقطن جنوب المدينة فى اتجاه المدينة الرياضية مع امتداد شارع افريقيا _ المطار_ يعتبر خط سيرى ان امر بالقرب من السوق المركزى .. حيث يلاحظ ان تلك المنطقة بها اكتظاظ واضح بسبب اانها ملتقى طرق وتوزيع للمواصلات المتجه الى الخرطوم والكلاكلات وسوبا وعبيد ختف _ كما يعرفه دينق _ وشارع مدنى .. والازهرى .. الخ ولاحظت منذ يومين ان هناكـ اكتظاظ متزايد فى منطقة السوق المركزى .. وعزيت الامر فى بادئه الى اعتصام سائقى الحافلات والهايصات .. والامجاد ضد قرار التسويات والغرامات الجديد..
-------
يتبع
اعتبروهو مسلسل مكسيكى
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
|