|
بالرغم من غياب القائد والمحترفين..الهلال يقدم مباراة العمر ينتزع التعادل من غانا في عقر الدار
|
قدم فريق الهلال بالأمس واحدة من أروع مبارياته وواصل سلسلة عروضه القوية التي ظل يقدمها خارجياً في الفترة الأخيرة بالرغم من النقص الطفيف لغياب بعض اللاعبين بدواعي مختلفة .. فقد غاب اللاعب هيثم مصطفى بداعي الاصابة وإجراء عملية جراحية فيما تخلف سادومبا المتواجد حالياً في زيمبابوي مع الأهل وبإذن من مجلس الإدارة فيما استدعي ديمبا للمنتخب المالي المرتبط بمشاركات دولية في ذات التصفيات بينما غاب يوسف محمد للإرهاق وخوفاً من تجدد الإصابة التي تعرض لها مع منتخب نيجريا في الأمم الإفريقية السابقة .. هذا وكان الهلال (المطعم بعدد قليل من لاعبي المريخ) قد بدأ المباراة بحذر شديد واعتمد على ملأ منطقة خط الوسط مع الاعتماد على الهجمات المرتدة التي اجاد فيها كاريكا .. بالنقطة ارتفع الهلال برصيده إلى 14 نقطة في صدارة المجموعة ليواجه ثاني مجموعة الصفاقسي والفتح وليترك المركز الثاني للإتحاد أو ديجوليبا المالي..
سفاري حل محل ديمبا ..وبلة جابر في محل يوسف محمد وراجي في محل كاريكا وقلق في محل القائد الغائب بداعي الاصابة هيثم مصطفى .. وعليه وعندما قدم الصحفي المريخي عبد المجيد عبد الرازق مقترح أن يلعب الهلال بإسم المنتخب القومي السوداني هاج الناس وماجو ######روا وها هم الان يعودون لنفس النقطة .. بالمناسبة وعلى عكس كلام الأخ طلحة فالمريخ لم يكن يوما هو الركيزة الأساسية للمنتخب القومي إلا في حالات نادرة يكون السبب فيها إما إعداد لاعبي المريخ ووقتها كان مازدا مدربا للمريخ ويريد تجهيز لاعبي المريخ أو لظروف غياب لاعبي الهلال ..غير ذلك فدوماً المنتخب القومي ركيزته الاساسية هم لاعبو الهلال..والقائد لاشرعي للمنتخب دوماً يأتي من مدرسة الوطنية الهلال السوداني ثم توكل وصافة الكابتنية للوصيفاب.. بالأمس لم يكن الكل نجوماً فهذا ظلم لبعض اللاعبين ومنح لاعبين اخرين مجهودا لم يبذلوه.. بالأمس كان علاء الدين يوسف هو اللاعب رقم واحد في المنتخب ووالله إني أرى في هذا العلاء الدين لاعبا في الدوري الأسباني عم قريب إن شاء الله .. ثم سيف مساوي وسفاري ..ويليهم خليفة والمعز ثم بلة وعمر بخيت .. المعز محجوب أكد أنه قائد وقائد قادم بقوة لخلافة سيدا حتى في إدارة اللاعبين داخل الملعب.. أعجبنتني النزعة الصوفية والتدين الواضح في حديث المعز وهو يقدم الشكر لله ومشيئة الله قبل كل كلمة عن اداء اللاعبين ويكرر هو توفيق مند الله اولاً ومن ثم مجهودات اللاعبين .. راجي عبد العاطي كان خصماً على المنتخب ولو كان مازدا شجاعاً لقام بما يقوم به ميشو ولأدخل بكري المدينة السريع في المقدمة وأعاد كاريكا للوسط في حال اراد ان يستمر في 4-5-1..
تخريمة : المستفيد الأول والأخير هم لاعبو المريخ المشاركون في التشكيل الأساسي لوجودهم بقرب لاعبي الهلال ..
|
|
|
|
|
|
|
|
Re: بالرغم من غياب القائد والمحترفين..الهلال يقدم مباراة العمر ينتزع التعادل من غانا في عقر ال (Re: طارق الكوتش)
|
Quote: وماسي (غانا) - خطف المنتخب السوداني لكرة القدم نقطة ثمينة من مضيفه الغاني بتعادله معه سلباً في اللقاء الذي جمعهما الأحد في كوماسي ضمن الجولة الثانية من منافسات المجموعة التاسعة من تصفيات كأس أمم أفريقيا المقررة نهائياتها في الغابون وغينيا الاستوائية عام 2012.
وصمد المنتخب السوداني أمام نجوم غانا التي بلغت الدور ربع النهائي لمونديال جنوب أفريقيا، وفي مقدمتهم مهاجمو مرسيليا الفرنسي اندريه ايوو واسامواه جيان وهوفنهايم الألماني برينس تاغوي وصانع ألعاب اودينيزي الإيطالي اسامواه كوادوو.
وأكملت غانا المباراة بعشرة لاعبين إثر طرد اسامواه لاعتدائه على أخصائي العلاج الطبيعي للمنتخب السوداني (82).
وهي المرة الأولى التي يتعادل فيها المنتخبان في 9 مباريات جمعت بينهما حتى الآن، حيث فاز السودان مرتين وغانا 6 مرات آخرها في مواجهتيهما في تصفيات النسخة الأخيرة (بنتيجة واحدة 2-صفر ذهاباً وإياباً).
وهو التعادل الأول للمنتخبين بعد فوز غانا على مضيفتها سوازيلاند 3-صفر، والسودان على ضيفته الكونغو 2-صفر، فرفعا رصيديهما إلى 4 نقاط في صدارة المجموعة التاسعة بفارق نقطة واحدة أمام الكونغو التي تغلبت على سوازيلاند 3-1 في برازافيل. |
| |
|
|
|
|
|
|
Re: بالرغم من غياب القائد والمحترفين..الهلال يقدم مباراة العمر ينتزع التعادل من غانا في عقر ال (Re: الرشيد شلال)
|
Quote: والله نأمل دوما فى التفوق والتميز وكل من يلعب خارجا يمثل السودان اذا كان مريخ او هلال او غيره من الفرق ولنا ان نتوحد فى ذلك ، فالفريق القومى وعلى مر السنوات السابقة يتكون احيانا من معظم لاعبى المريخ واحيانا الهلال واحيانا اخر مناصفة الا من بعض لاعبى الفرق الاخرى وبنسبة بسيطة . لماذا لانقف مع الفريق القومى بعيدا عن نغمة هلال مريخ فلنتجرد مرة واحدة من الانية ونتحد مطلقا ، وفوز الهلال مفخرة وانتصار المريخ اوالموردة او الاهلى او غيرهم من الفرق هو انتصار للهلال ايضا . فلنرتفع وتسمو ارواحنا حبا فى الرياضة كما يفعل الاخرون وهانحن نتابع وبأستمرار معظم المباريات العالمية للاندية والمنتخبات فماذا تعلمنا منهم ؟ والله نحتاج الى ثقافة رياضية فى كل النواحى المتعلقة بالرياضة ، فليكون هدفنا الان تفوق الفريق القومى والهلال وان نعمل على ان يعود المريخ كما كان خارجيا .
كل الود واكيد الاحترام |
كلامك سمح يا الرشيد ومنطقي .. لكن اغلبية اهل السودان يحملون في دواخلهم احد اللونين اما (احمر وهاج) او (موج ازرق) ولا يختلف اثنان لحظة تزاوج اللونين وتكوين المنتخب ولمن ينفرد كاريكا بالمرمى والله نكون معاهو بي كلللل احساسنا زي لمن يطلعها سفاري من خط ستة احساس واحد بان اللاعب لاعب المنتخب بس وبمجرد انتهاء المباراة تبدا المناكفات ومهما عملنا ومهما سوينا ما حا نغير حاجة في نظرية المريخاب والهلالاب وانتمائهم لفريقهم وحبهم الجارف له وطبعا يا الرشيد مافي زول بيرضى في حبيبو ونحن والله كان زول هبش احمرنا الوهاج ما بنقدر نسكت النصيحة لي الله .
بس الوطن في حدقات العيون .. وتحت تحت كده (مريخنا فوووووق) .
| |
|
|
|
|
|
|
Re: بالرغم من غياب القائد والمحترفين..الهلال يقدم مباراة العمر ينتزع التعادل من غانا في عقر ال (Re: ارصد محمد جلال)
|
الأخ العزيز عمر الفاروق الهلالابي الأصيل تحياتي العطرات حقيقة أنا من أكثر الناس الذين يفتقدون كتاباتك في هذا المنبر عندما تضن علينا بها، ومن المتابعين لها دوما ولكن الحق يقال بأن هذا البوست اليوم لا يشبهك إطلاقا، بالرغم من أن مناكفاتك مع الإخوة المريخاب، تجعلنا نبتسم ونسعد إلا أنني أعتقد أنك اليوم ذهبت بعيدا وذهابك اليوم بعيدا أعتقد أنه إستجابة لإستفزاز بدأ به بعض إخوة الكرة (اللدودين) الفريق القومي والله وهو يلعب كانت كل أوصالي ترتجف حتى إعلان الحكم لصافرة النهاية ثم طفقت أقفز واعرض، حتى أن صغاري ظنوا أن أباهم قد جن كان كل منهم بطلا، ولم نحس بغير لون السودان يكسوهم هذا الوطن الذي يقف اليوم في مفترق الطرق يحتاج منا لكل لحظة حب ويحتاج منا لنبذ الفرقة، وللتسامي فوق التعصبات الضيقة كن سعيدا بإذن الله
| |
|
|
|
|
|
|
Re: بالرغم من غياب القائد والمحترفين..الهلال يقدم مباراة العمر ينتزع التعادل من غانا في عقر ال (Re: كمال حسن)
|
إنتو فرحانين ولا شنو ؟ كدي دقيقة النجيكم للجد وقت عاملين فيها وطنيين .. وين المشكلة في البوست حقي ده ممكن أعرف؟ الغلط فيهو شنو ممكن أعرف؟ هل فيهو معلومة مغلوطة ؟ هل فيهو كلام ما صاح؟ كذبت عليكم في حاجة ؟ جبت شي غير الحاصل؟ وبعدين وين المشكلة لو شال لاعبين الهلال الفريق القومي؟ ووين المشكلة لو قلت الهلال هو من مثل السودان ؟ بقولا وح اظل اقولا طالما ده الحاصل.. سيبونا من سودان وامدرمان وخرطوم وووطن.. ياخ اسة المهدي ده لمن عمل المهدية عملا براهو ؟ العلم بتاع الاستقلال ده رفعوا الازهري براهو ؟ مش كان معاهم ناس كتااار لكن ما كان في مانع ينسبو الانتصار للناس الكانوا في الواجهة ديل مش؟ ياخ سموها المهدية عديييل .. وسودانيين كتااار مقتنعين انو الازهري هو الجاب الاستقلال.. وانا اسة مقتنع إنو الهلال هو الجاب التعادل من غانا.. يعني اسة في رايكم كده يا ربي جريدة وهج مايروكا الصادرة في اسبانيا بتكون كتبت عن وطنية المشجع الاسباني؟ الكاتلونيين كلهم مجمعين إنو من حقق الفوز لأسبانيا بكأس العالم هو برشلونة وكلامهم صااااح .. 8 لاعبين اساسيين في المنتخب مقابل 3 من الريال وين المشكلة .. دي حقيقة اي اسباني عارفا ما جا قال ليهم لا إنها اسبانيا فالنترك التعصب ولنترك ووو ولنلتف حول اسبانيا .. واسة اسة هم حا يثبتوا بيان بالعمل لأنهم قرروا يشاركوا بي منتخب منفصل يمثل كاتلونيا والفيفا وافقت ليهم وح يثبتو للأسبان أها خمو وصرو وشيلو كاس العالم لاكرونيا وبي الميريا وبي فالنسيا سمح ؟ اها نفس الشي اسة طلعوا لاعبين الهلال وما تعملوا لي ازعاج وجيبو منتخب من لاعبي المريخ الحاليين ومعاهم الموردة وجزيرة الفيل والأمل خلاص..؟ كلامي كلام زول واااضح ما بيتلولو .. إنتو قايلين الوطنية دي في الكلام؟ أكضب عليكم يعني؟ الهلال هو من حقق الانتصااااار .. بعد كده بي اسم السودان بي اسم الثورة بي النص ده ما شغلنا .. ووالله ح اذكركم بعد شوية لمن نفس المنتخب ده يخسر شوفو ناس الوطنيةديل ح يكتبو شنو ؟ الهلال ولاعبيه ضييعو البلد.. لاعبو الهلال اضاعو السودان.. الهلال سبب كفوة المنتخب ..
تخريمة : ماف زول قال لي الهلال مفروض يترفع بي النقاط لي 13 مش 14 !! لكن هي 14 عشان التعادل مع غانا بي نقطتين سمح؟
| |
|
|
|
|
|
|
Re: بالرغم من غياب القائد والمحترفين..الهلال يقدم مباراة العمر ينتزع التعادل من غانا في عقر ال (Re: فيصل نوبي)
|
Quote: سيبونا من سودان وامدرمان وخرطوم وووطن.. ياخ اسة المهدي ده لمن عمل المهدية عملا براهو ؟ العلم بتاع الاستقلال ده رفعوا الازهري براهو ؟ مش كان معاهم ناس كتااار لكن ما كان في مانع ينسبو الانتصار للناس الكانوا في الواجهة ديل مش؟ ياخ سموها المهدية عديييل .. وسودانيين كتااار مقتنعين انو الازهري هو الجاب الاستقلال.. وانا اسة مقتنع إنو الهلال هو الجاب التعادل من غانا.. |
يا فاروق و الله في بوستيك ده جليتها لامن اتفنقلت! استشهادك بالمهدية و الأزهري ما في محلو اللهم إلا إذا كنت مقتنع بكلام خليفة المهدي القال: هدي أرواح الكفرة في يدي.. و كانت النتيجة حصاد ما يزيد على العشرة آلاف بالمكسيم في الساعات الأولي صباح موقعة كرري.. البقول ليك فلان براهو (عمل) في حاجة قومية ده زول محدود شديــد يا عمر هسة لو الفريق القومي ده اترش تلتاشر كان تشبكنا: فريق كلو صهاينة!
| |
|
|
|
|
|
|
Re: بالرغم من غياب القائد والمحترفين..الهلال يقدم مباراة العمر ينتزع التعادل من غانا في عقر ال (Re: طلحة عبدالله)
|
طلحة يا صاحبنا اللدود : عارف الأيام دي عندي حاجة غريبة جداً قايمة علي .. قاعد اتكيف من لامك وكلام ود البشرى يلا أقول ليك حاجة جادة ..انا متكيف منك شدييد لأنك زول شفت بالجد وبتعرف تخاطب العقل الباطن حق الشعب السوداني ده وفارز نفسياته كويييس.. عارف يوم نزلت بوستك حق هل فعلا هذا هو المنتخب ؟ وجوة كتبت عن لاعبي الهلال ..والله عرفتك زول مجججرم وشفت وواقعة ليك الشغلانة .. انا ما تميت البوست وما عارفو وصل وين لكن جيت لقيت الناس شكرتك وقالت ليك شكرا يا طلحة ويا لك من حقاني وانك فعلا تقول الحقيقة لكن انا بشوف غير كده وما عايز اخش في نواياك يا حبيب.. لكن انت بي بوستك ده اشتريت راحة بالك وريحت نفسك من ضوضاء ما انزل الله بها من سلطان سواء من الاصدقاء أم من الأعداء ..انت اتغديت بي كللل الناس دي قبل تتعشا بيك ياخ انت زولي تب والله يا طلحة .. بيكيفني الزول الواقعة ليهو الشغلانة ..وإنت واقعة ليك بي هنااااك .. ياخ اقول ليك حاجة ؟ شيل ليك صندوق .. واوووعا من الفاضي.. ولا اقول ليط ؟ شيل ليك كرتونة شعيرية
| |
|
|
|
|
|
|
Re: بالرغم من غياب القائد والمحترفين..الهلال يقدم مباراة العمر ينتزع التعادل من غانا في عقر ال (Re: عمر الفاروق)
|
طلحة
Quote: الحق حق أنا واحد من الناس لو المنتخب دا إتغلب كان قلت السبب لاعبي الهلال لانهم كانوا الاغلبية في المنتخب . |
كرة القدم لعبه جماعيه > النجاح او الفشل بتحسب للكل >>> تعرف رغم انى عندى قناعه بمستوى بعض اللاعبين فى الهلال من حيث المردود و المجهود و الفكر لكن عمرى ما حملتهم مسئولية الهزيمه لوحدهم دون بقية اللاعبين + وبرغم قناعتى انو لاعب واااحد ممكن يكون تيم بحاله ( مارادونا 86 ) لكن برضك لولا مجهود واداء لاعبين آخرين لما حققت الارجنتين كاس العالم ...
...........
>>>> يا عمر الفاروق انشاء الله تكون فهمتنى ليه ذكرت ليك > بوست غير موفق > بعد ما ترجع لردى الخاص بطلحه
+ البدعم كلامى ده برضو التناقض فى كتابتك والانت جادى فيها حسب ما ذكرت والتى على ضوئها ذكرت ان التعادل للاعبى الهلال فقط وده حسب العنوان >>>> وفى الداخل اشرت لمستويات سفارى و بله جابر الجيده > طيب كيف ؟ اها واقول ليك حاجه من عندى وحسب فهمى فى التيوه لولا علاء يوسف وسفارى كان السودان اتغلب بمزااااااج
تخريمه يا عمر برجع ليك بهناك بس ده بعد ما كنكوجى يرتاح واشيل لى كيس مكرونه من دكانك >> لوووووولز
| |
|
|
|
|
|
|
Re: بالرغم من غياب القائد والمحترفين..الهلال يقدم مباراة العمر ينتزع التعادل من غانا في عقر ال (Re: طارق الكوتش)
|
Quote: وبرغم قناعتى انو لاعب واااحد ممكن يكون تيم بحاله ( مارادونا 86 ) لكن برضك لولا مجهود واداء لاعبين آخرين لما حققت الارجنتين كاس العالم ... |
يا كوتش سلامات مارادونا ده حااااالة خاااصة ومتفردة ولن يجود الزمان بمثله والدليل انك ضربت بيهو مثلك والكلام ده كان قبل 25 سنة تقريبا
Quote: علاء يوسف وسفارى كان السودان اتغلب بمزااااااج |
دي نسبياً صاااح بس برضو ادي خليفة حقو لانو طلّع كورة من جوووة الشبكة وكانت قون مضموووون للغانييين لولا يقظته.
لكن برضو لاعبي المريخ كانوا افضل من لاعبي الهلال .. (دي لي عمر الفاروق) هههههههههههها
| |
|
|
|
|
|
|
|