|
|
|
 Re: يا ناس الهلال .. سايقين الطبل وسايبين مفتاحهم هنا .. وعاوزين تغلبوا؟ (Re: Maawya Hussein)
|
| Quote: مباراة الصفاقصي اهم لي ميشو من مباراة الامل ومباريات الدوري الممتاز ..ودا تفكير سليم واحترافي من ميشو ..والدوري ملحوق |
يا معاوية
مباراة النيجر نعم الهلال اراح فيها لاعبين بمزاجه
لكن في مبارات الامس دفع الهلال بكل اسلحته ما عدى هيثم مصطفى ...
هجوم الهلال عقيم رغما عن خطورت تحركاته
والدليل انه هداف الممتاز حتى الان وارقو المشى ليبيا سنة اسكت
ويليه لاعب وسط الهلال مهند
ثاني هدافي الهلال افريقيا
برضو لاعب وسط ( بشة )
؟؟؟
!!!
| |
  
|
|
|
|
|
|
|
|
Re: يا ناس الهلال .. سايقين الطبل وسايبين مفتاحهم هنا .. وعاوزين تغلبوا؟ (Re: وليد محمد المبارك)
|
بتفق معاك يا وليد في أثر غياب هيثم على صناعة اللعب في الهلال
لكن كونك تقول هجوم الهلال بدون هيثم عقيم و تدلل على انو الهدافين من لعيبة الووسط دي ما بتفق معاك فيها
أولا المهاجم في الكورة الحديثة ما دورو بس انو ينتظر الباص المحسن و يجيب قوون
بل هو المدافع الأول و صانع لعب لززملانه و تحركاته و خاناته البياخدها بتخلق فرص للاعبي الوسط - أو اللاعبين القادمين من الخلف بصورة عامة - حتى يتمكنوا من التهديف بارتياح
و أمس هجوم الهلال خلق ولقى فرص ضاعت بسبب شفقة بكري المدينة وسوء تهديف كاريكا و مهند لكن السبب الرئيسي في رأيي يرجع لتألق محمد آدم و عمار مرق
و بصورة عامة لو لعب خليفة مكان يوسف من بدري شكل المباراة احتمال كبير كان يتغير
| |
|
|
|
|
|
|
|
|
|
Re: يا ناس الهلال .. سايقين الطبل وسايبين مفتاحهم هنا .. وعاوزين تغلبوا؟ (Re: محمد البشرى الخضر)
|
مرحب ود البشرى
كلامك متفق معاك في اغلبه
لكن تظل المهمة الرئيسية للمهاجم هي احراز الاهداف
فعلا مهند كان سيئ جدا .. وهو من اسباب الخسارة ..
يا ود البشرى ما كل كورة داخل الصندوق فرصة كاملة ..
ميزة هيثم مطفى بدية الباص بعد ما يعمل اجراءات قبليه بتخلي المهاجم مرتحا
يموه اولا مما يبعد ويشتت تفكير المدافعين
يقيم وضه المهاجم حتى يعطيه الكرة في المكان المناسب الذي لا يحتاج منه الى تعديل كثير للتعامل مع الكرة
يلعبها بالمقاس
مهاجم تديه كورة جوة السته .. مع تركز كامل للمدافعين وفي وفع يحتاج الى تعديل .. دي ما فرصة كاملة لانها تحتاج الى تعديل كتير من المهاجم نفسه
في باصات هيثم التعديل الوحيد البحتاجة المهاجم ان يضعها في الشباك غالبا
| |
|
|
|
|
|
|
|
|
|
Re: يا ناس الهلال .. سايقين الطبل وسايبين مفتاحهم هنا .. وعاوزين تغلبوا؟ (Re: وليد محمد المبارك)
|
سلام يا شفت:
انا في تقديري ميشو لم يكن موفقا في ادارته للمباره علي الاطلاق و زي ما انت عارف المدربيين ذي اللاعبيين ممكن يكونو في يومهم وممكن يكونوا لا. اها ميشو ما كان في يومو والزاد الطين بله انو مهتد كان في اسوأ حالته خاصة في الشوط الاول حتي انا جاني احساس انو الهلال لاعب ناقص
1/ الامل عطبره معروف للقاصي والداني انو بيعتمد علي تكثيف منطقه الوسط عندما يلعب امام الهلال والمريخ (قدام المريخ كان لاعب 3-5-2 امس قدام الهلال كان لاعب 3-6-1) ما ممكن انت تلعب قدامو بثلاثه لاعبين في الوسط واحد فيهم اهم عيوبه عدم الالتحام عشان كده تاه وسط الهلال امس ولولا قتاليه علاء الدين يوسف لانهزم الهلال امس. - منذ البدايه وسط الهلال امس مفروض يكون عمر-علاء-مهند- مساوي
2/ لا يمكن لاي مدرب ان يدفع بكل خيارته مره واحده والمثل المعروف بيقول ( لاتضع كل بيضك في سله واحده) وهذا ما فعله المدرب بالدفع بكاريكا وسادومبا وبكري لذلك لم يكن له اي خيارات هجوميه فعاله في الشوط الثاني عندما وضح تمركز مدافعي الامل الممتاز في الشوط الاول
3/ تبديلات المدرب كانت متاخره جدا جدا فخليفه نزل في الدقيقه 75 واحمد عادل نزل في الدقيقه 82 و ماعمل التبديل التالت لانو اصلا ما عندو زول تالت ممكن يغيرو رغم انو لو كان طلع مهند ومانزل بدلو زول كان ممكن يكون افيد للهلال
4/ غياب هيثم واضح وضوح الشمس واي زول يقول غير كده يكون بيكابر
| |
|
|
|
|
|
|
|
|
|
Re: يا ناس الهلال .. سايقين الطبل وسايبين مفتاحهم هنا .. وعاوزين تغلبوا؟ (Re: Hassan Senada)
|
يا شيخ سنادة Quote: طيب ياودالبشري وكت عارفين هليفة احسن من يوسف محمد العجوز الماسورة فوق دا كلوا عندو الصليب
الرباطى ليه جبتوا الراجل دا تانى |
يوسف لما سجلناه كان لاعب في كاس العالم و محترف في سيون السويسري دا غير سيرته وفترته اللعبها مع الهلال وكان من أميز المحترفين الأجانب في السودان
أصيب بـ( قطع في الرباط الصليبي ) ووقف قريب سته شهور من الكورة وقتها كان في عقد والتزام بينو وبين الهلال و للأسف ما رجع لمستواه الزمان
التزامنا معاه زي التزامكم مع الدافي المسجل ليه سنة و شوية وقاعد ضارب دولارات الحكومة في المغرب
| Quote: عندو الصليب الرباطى |
عاد الربّاطي بتاعك دا قدر ما حاولت أفرزوا ما عرفتو
شيخ سنادة ياخي ما تستعجل وتكتب من راسك ساي
أرجى عمود مزمل ينزل النت وتعال كوبي بيست بدل البشتنة دي 
| |
|
|
|
|
|
|
|
|
|
Re: يا ناس الهلال .. سايقين الطبل وسايبين مفتاحهم هنا .. وعاوزين تغلبوا؟ (Re: وليد محمد المبارك)
|
يا شفت
انا برضو زيك في مساوي بعتبرو لاعب تكتكي رقم واحد ومن دخل تشكيله الهلال الاساسيه لو عملت حصر للمباريات البيكون فيها مساوي كويس مستحيل الهلال ينهزم وحتي لمن يكون كعب. اي نعم بيخرمج كوره الهلال لكن كمان بيخرمج معاها كره الفربق الخصم.
علاء الدين يوسف ومساوي هم الترمومتر الانا بقيس بيه اداء الهلال من اول خمسه دقايق في اي مباره كويسين بكون ضامن انو الهلال ما حيتغلب علي الاقل, كعبيين بكون خاتي ايدي في قلبي.
صاحبك خليل ومحمد عبد الرحمن في مباره الاتحاد الليبي الاولي قلت ليهم سيف احسن خيار كمتوسط قلب دفاع في ظل اصابة سامي عبد الله قربو يشيلوني يرموني بره (الغريبه هم حاضريين معاي الكوره في بيتي ) لحدي ما هددتهم بانو الما بيتفق معاي في كلامي ده يمشي يشوف ليه مكان تاني يحضر فيه الكوره. من اليوم داك امنو بسيف مساوي لكن انا ما عارف هل اقتنعو بكلامي ولا ما لاقيين حته يحضروا فيها الكور
اها نجي لكلام سيف في الوسط. العكس يا وليد انا بفتكر انو لو سيف كان في النص الهلال كان انتصر امس. انا ما مختلف معاك انو هو شال الدفاع خاصه في الشوط التاني لكن الضغط الحصل للدفاع اساسا حصل لانو خط الوسط مختل ولو سيف كان في الوسط كان ظبط الاختلال ده وسامي وديمبا ممكن يلعبو مرتاحيين.
في مبارة الامل العام الماضي الامل وقف مع الهلال نفس الوقفه دي والانقذنا سيف مساوي باحرازو هدف الفوز الوحيد للهلال
| |
|
|
|
|
|
|
|
|
|
Re: يا ناس الهلال .. سايقين الطبل وسايبين مفتاحهم هنا .. وعاوزين تغلبوا؟ (Re: وليد محمد المبارك)
|
ازيك وليد - والمعاك برضو ازيهم
| Quote: فعلا مهند كان سيئ جدا .. وهو من اسباب (الخسارة ).. |
يا ربي الهلال امبارح خسران ؟؟
سبب نكسة الهلال مهند احيييييييييييييييييييييئ انا
والمريخ يشيل الممتاز - مستحيل مستحيل
والمريخ يشيل الممتاز - مستحيل مستحيل
والمريخ يشيل الممتاز - مستحيل مستحيل
| Quote: يا ناس الهلال .. سايقين الطبل وسايبين مفتاحهم هنا .. وعاوزين تغلبوا |
بالطبل ديل ..
يا وليلكم وسواد ليلكم يا مريخاب لو الهلال ما جاب الكونفدراليه -
برضو يا وليكم وسواد ليلكم لو الهلال جااااااب الكونفدراليه ...
وذمان الغني المبدع جمال فرفور
في الحالتين حا يأكل فول مدمس !!
| |
|
|
|
|
|
|
|
|
|
Re: يا ناس الهلال .. سايقين الطبل وسايبين مفتاحهم هنا .. وعاوزين تغلبوا؟ (Re: Hassan Senada)
|
| Quote: لحدي ما هددتهم بانو الما بيتفق معاي في كلامي ده يمشي يشوف ليه مكان تاني يحضر فيه الكوره |
عالم ما بتجي الا بالعين الحارة!
___________
ازمة الهلال في مهند
مهند لاعب غير منتج وجبااااااان وعالة وعبء ثقيل على وسط الهلال
شنو يعني كل 5 او 6 مباريات يجيب ليهو قون من كورة طائشة ؟
لابد من البحث عن بديل قوي ليهو وليوسف محمد والهلال ليس مزبلة ولا ملجأ للعواجيز
سلام ياوليد
| |
|
|
|
|
|
|
| |
وليد محمد المبارك
Maawya Hussein
haroon diyab
محمد البشرى الخضر
Omar Bob
امير عوض الجمري
الحاج حمد الحاج
nazar hussien
عبدالله كع
عبدالوهاب علي الحاج
الوليد الرشيد وراق
فيس بوك
تويتر
انستقرام
يوتيوب
بنتيريست