|
عشاق الفيس بوك....تغيرات كبيرة
|
الان ...الاربعاء ..الساعة تسعة ونصف بتوقيت السودان.....مؤتمر صحفى من ادارة الفيس بوك. تغييرات كبيرة فى الموقع. اهمها اضافة القروبس. يعنى ناس المكتب ما لازم يعرفوا شكلتك مع اولاد عمك امس فى الحفلة. و مديرك فى الشغل ما ضرورى يعرف انك اليوم ما عيان لكن ماشي السوق او ما عندك مزاج للشغل. الان (او بعد قليل) يمكنك وضع اصحابك فى قروبات وكل قروب بيكون مفصول من التانى تماما تفاصيل اكتر بعد نهاية المؤتمر الصحفى
|
|
|
|
|
|
|
|
Re: عشاق الفيس بوك....تغيرات كبيرة (Re: Nazik Eltayeb)
|
To sum it up, there were three things announced today:
A new groups product that lets you connect with other Facebook users and manage all that information in one space.
A way to download everything you've ever posted to Facebook (including photos and videos) in one big Zip file.
A dashboard where you can manage your connections with Facebook applications and see what data they're accessing, and when that happened. It will also come with controls to revoke access.
| |
|
|
|
|
|
|
Re: عشاق الفيس بوك....تغيرات كبيرة (Re: smart_ana2001)
|
سلامات يا نازك.... ما عرفتك حقيقي بتتكلمى عن اى حلقة. لو حكيتى لى قصة الحلقة ...بلقي ليك الصورة ......طوالى. اكتر حاجه باسطانى حكاية القروبات دى. يا اخى ناس الشغل عاملين لى ارهاب فى الفيس بوك. لو كتبت حاجه بالعربى شكلهم كده بيمشوا يترجموها فى قوقل. * __________________________________________________________ * ما اظن يكونوا فاضين لى بالدرجة دى. لكن كمان بخاف اقطع فى المدير و يقوم يفهم ولا حاجه
| |
|
|
|
|
|
|
Re: عشاق الفيس بوك....تغيرات كبيرة (Re: smart_ana2001)
|
Quote: ما عرفتك حقيقي بتتكلمى عن اى حلقة. لو حكيتى لى قصة الحلقة ...بلقي ليك الصورة ......طوالى. |
الحلقة الكان عامل فيها مشكلة في مكتب المديرة دكتور ليزا بسبب السجادة ومستولي عليهو وحايم بطلابو من مكان لمكان كانت فيها البنت المراهقة العندها مرض غريب خلاها تتعلق بدكتور هاوس ودكتور ليزا دخلت معاهو في مشكلة بسبب البنت برضو اضافة لمشكلة السجادة وطبعا كعادتو عمل ما فاهم انو البت قاصر لكن كان عامل حسابو كالعادة في النهاية
| |
|
|
|
|
|
|
Re: عشاق الفيس بوك....تغيرات كبيرة (Re: smart_ana2001)
|
ده كلام سمح عديل كده!! بعد ما زهجنا من (شمار بوك) ده, وفترنا منو!,كده يعني ممكن تكون في (خصوصية ) أكتر ياخي بالله ورينا كل التغيرات الجديدة, شان نمشي نطبق!!
__ تحياتي وإحترامي يا (إسمارت أنا) وشكراً كثير ,أختي الكريمة.
| |
|
|
|
|
|
|
Re: عشاق الفيس بوك....تغيرات كبيرة (Re: منتصرمحمد زكى)
|
سلامات اخونا هوارى.... ده مقال نزل اليوم عن التغييرات. ح احاول الخصها....فى مداخلة قادمة ان شاء الله. http://www.pcmag.com/article2/0,2817,2370386,00.asp _________________________________________________ شكرا على التحيات و الاحترمات. و لك مثلها....و اكتر
سلامات منتصر....كلامك صحيح....نسبيا. هم ما مهم بالنسبة ليهم المعلومات فى حد ذاتها. مهم عندهم انهم يكونوا عارفين عنك كفاية بالمقدار الى بيخليهم يرسلوا ليك اعلانات مفصلة عليك. مثلا...انا من البروفايل بتاعى عرفوا انى ساكنة فى المدينة الفلانية. و عرفوا برضوا ان بحب استايل الكوميدى بتاعت ساينفيلد. فى يوم لقيتهم خاتين لى اعلان عن عرض بتاع ساينفيلد فى مدينى. حقيقي اندهشت. لكن ده حقيقة الانترنت اللى بنقضي فيها يومنا كله.
| |
|
|
|
|
|
|
Re: عشاق الفيس بوك....تغيرات كبيرة (Re: smart_ana2001)
|
شكرا smart_ana على مشاركتنا الخبر.. وسؤالى هو: متى يمكن لمستخدمى الفيسبوك (نصف مليار حول العالم) استخدام هذه الخواص؟
الفيسبوك -كما الميسنجر- لم يعد مجرد موقع او برنامج للدردشة والتواصل الاجتماعى فقط..وانما اضحى يؤدى ادوارا هامة ومعقدة على الصعيد العلمى والعملى. ولا غنى للفيسبوك لاى طالب علم او اى شخص مهما كان اهتمامه، مهما كان اهتمامك ستجد مجموعة تشاركك اهتماماتك .. مثلا طالب الطب فى السنة الخامسة سيجد فى الفيسبوك مجموعات لطلاب فى نفس عامه الدراسى فى جامعته او اى جامعة اخرى حول العالم يشاركونه عناوين الويب الهامة، والمذكرات والكتب الهامه..حتى المحاضرات المسجلة على ام بى ثرى او فيديو..
لذا -وبغض النظر عن سياسة الخصوصية التى تتبعها فيسبوك- يتعين على الجميع فتح حسابات لهم هناك..
| |
|
|
|
|
|
|
Re: عشاق الفيس بوك....تغيرات كبيرة (Re: ombadda)
|
سلامات د. امبده كل مستخدمين الفيسبوك يمكنهم الان عمل قروبات. ده رابط لصفحة عملتها ادارة الفيس بوك للاجابة على الاسئلة http://www.facebook.com/help/?page=414
Quote: How do I create a group? You can create a group by clicking "Create Group" in the left hand col... You can create a group by clicking "Create Group" in the left hand column of the home page. A pop-up box will appear, where you will be able to add a group name, invite members and select the privacy settings for your group. Click "Create Group" when you are finished. You can also create a group from http://www.facebook.com/Groups.
Next, you will be able to add a group description and a group picture. You can change these settings at any time by clicking "Edit Group" on the group’s main page. |
كلامك صحيح عن فائدة الفيسبوك....بس الناس لازم تكون فاهمة سياسة الخصوصية بتاعة الموقع و تكون عارفه عاوزه to share شنو مع العالم كلو
| |
|
|
|
|
|
|
Re: عشاق الفيس بوك....تغيرات كبيرة (Re: حامد محمد حامد)
|
سلامات بكري عباس علي القروبات خاصية كتنت موجوده من زمان فى الفيسبوك...الان هم عاوزين يخلو الناس تستعملها اكتر. و عشان يشجعوا الناس على استخدامها قرروا يرفعوا مستوى الخصوصية فيها.
سلامات حيدر حسن ميرغني بالمناسبة "up" ده اسم فلم كرتون ظريف جدا...لو عندك وقت احضره....انا بس اتزكرته من رفعك للبوست...شكرا
سلامات حامد محمد حامد ...شكرا على الكلمات الطيبات. الادمان على اى شئ ما كويس. رجع للفيسبوك...بس شويه شويه... لسه شايل بلاك برى... ؟؟؟ الموضه الايام دى "الاندرويد"..
| |
|
|
|
|
|
|
Re: عشاق الفيس بوك....تغيرات كبيرة (Re: smart_ana2001)
|
Quote: لسه شايل بلاك برى... ؟؟؟ الموضه الايام دى "الاندرويد".. |
شايله لسع طبعا وحاولت ان اغيره ب 4 جى اس بس غالى جدا هنا واما عن الجديد اللى ذكرتيه دة فلا علم لنا به هنا الرجاء القاء المزيد من الضوء عليه حتى فى بوست اخر .
| |
|
|
|
|
|
|
Re: عشاق الفيس بوك....تغيرات كبيرة (Re: حامد محمد حامد)
|
سلامات حامد محمد حامد... عارف ؟؟؟ناس ابل ديل ما نصيحين. كيف يعنى التلفون يكون سعروا 600 دولار؟؟ قبل اسبوع نوكيا طلعت تلفون ثمنه 790 دولار بالتمام الكمال. انا شخصيا ما عارفه منو ممكن يدفع قروش قدر ده فى تلفون!!!
اما عن الاندرويد اوالAndroid فهو نظام تشغيل تلفونات عاملاه قوقل. اما التلفونات شخصيا فهى انواع مختلفة. اشهرها HTC او موترلا او ال قى لكن كل التلفونات دى بتستخدم نفس نظام التشغيل. ذى الوندوز...الوندوز نظام تشغيل بيشتغل فى كومبوترات حختلفة ذى دل او توشيبا او HP و كده.
الناس مسمية التلفونات دى كلها انرويد...و بينى و بينك هى تلفونات جميلة جدا..و حاليا ده هو المشغل الوحيد المنافس للمشغل بتاع ال اى فون اصحابك ناس بلاك برى ..خلاص ....راحت عليهم.
| |
|
|
|
|
|
|
Re: عشاق الفيس بوك....تغيرات كبيرة (Re: smart_ana2001)
|
Quote: بالمناسبة "up" ده اسم فلم كرتون ظريف جدا...لو عندك وقت احضره....انا بس اتزكرته من رفعك للبوست...شكرا |
سلامات smart_ana2001 طلعت بفائدة.... يعيش وش الكتاب كنت بحضر مع العيال - للمرة الكم كده- فيلم Karate Kid بطولة ابن Will Smith up ده حايكون سهرة بكرة شكرا للبوست المفيد
| |
|
|
|
|
|
|
Re: عشاق الفيس بوك....تغيرات كبيرة (Re: حيدر حسن ميرغني)
|
Quote: اصحابك ناس بلاك برى ..خلاص ....راحت عليهم. |
يا سمارت انا....طبعا هنا الوضع يمكن مختلف شوية واقصد الخليج والدول العربية عمنا البلاك برى لسع عايش ايامه وبشهرة كبيرة وخصوصا بعد الضجة اللى حصلت بخصوصه فى بعض الدول العربية وكمان سعره الرخيص يجعله فى يد معظم الشباب بالاضافة الى توزيعه مجانا لبعض الموظفين الغلابة ( امثالنا) بالشركات الخاصة لتتبعهم بعد ساعات العمل.
بالمناسبة ال اى فون 4 هنا باكثر من الف دولار امريكى حتى الان.
| |
|
|
|
|
|
|
|