|
|
 مافي زول سأل مني ؟؟
|
عشان نفرز الكيمان ساي كده 
القصد لي شهر ما شفت الحوش ولا ناسو الحلوين
مشيت البلاد وجيت بي دشليون عضة باعوض
وزيهم أحضان أهلي الدافين
والقصد ياخي انا ساكن هنا وغبت عايز أشوف لو في قطيعة فاتتني
يعني محمد عمر الفكي قال شاغلني في بوست
أها اقوم افتش البوستات دي كلها ولا كيف ؟
المعني أذاكر
_____________________________
لا نرجسية في الامر ، والله شوق سااااااااااااااااااااي 
|
|
  
|
|
|
|
|
|
|
 Re: مافي زول سأل مني ؟؟ (Re: عمران حسن صالح)
|
محمد عمران الوصيفابي الت..افه جاء راجع ويردد بدون مناسبة :
وش البامية ما ياهو
دي الثقافة الجا شايلة
انا قتَ الولد يفارق الحيط دي شوية يمشي يعرف حاجات البلاد ويذاكر عشان ما يطلع لي حنكوش
| |
|
|
|
|
|
|
|
|
|
Re: مافي زول سأل مني ؟؟ (Re: ياسر معتصم)
|
| Quote: اخبار ابى الوالد حسن وامى الحاجه شنو؟ |
ما زالت الإبتسامة متوفرة بينهم يا يسري
هم السبب الاساسي لمشقة زيارة البلاد
أصغر وآخر الأخوات ( إخلاص ) تم زواجها بالعيد وكانت المناسبة ( مناسبة ) لرؤية واقع الناس ومعايشم وحركة الفرح بين الناس يا يسري 
| |
|
|
|
|
|
|
|
|
|
Re: مافي زول سأل مني ؟؟ (Re: طارق جبريل)
|
| Quote: انا تراني حجزت للعيد في شبا فووووووووق في البركل |
بعد ما يستقبلكـ مطارنا الأنتيكة ويكون عفشكـ جاء معاكـ أركب أقرب بوكسي لى شبا ولا تعد لخرطوم اليوم إلا وأنت في طريق العودة ، نصيحة لوجه الله عشان خوتكـ السمحة دي
| |
|
|
|
|
|
|
|
|
|
Re: مافي زول سأل مني ؟؟ (Re: طارق الكوتش)
|
| Quote: بس انا زعلان منك ما اجهتدت لى فى تمريرة البرنس البالكعب |
يمكن كان ماسكاني ( أم فريحانة ) السفر يا كوتش
غايتو ( سداسية ) الليلة دي بتكون نستكـ زعلكـ
موعدنا الأتحاد إن شاء الله
| |
|
|
|
|
|
|
|
|
|
Re: مافي زول سأل مني ؟؟ (Re: عمران حسن صالح)
|
حمدالله ع السلامة يا عمران
وكل عام وانتم بخير
و مبارك زواج الأخت ربنا يهنيها و زوجها و يسعدهم إن شاء الله
ومبروك عودة الصدارة لأهلها
و مبروك اللميت في الشنطة و مبروك اللقيت حجز ترجع بيه
تاني شنو
| |
|
|
|
|
|
|
|
|
|
Re: مافي زول سأل مني ؟؟ (Re: محمد البشرى الخضر)
|
حمدالله على السلامة 00
ومبروك للوسي اخر العنقود000
وبكدا وصلت الرسالة تمام ياخال000
وعقبال محمد 000
اكيد جاي مليان حكي وغنا 00
عارفاك بتكون عاينت كويس للسودان الشقيق((وش بيغمز )))
00
| |
|
|
|
|
|
|
|
|
|
Re: مافي زول سأل مني ؟؟ (Re: عفاف علي ميرغني)
|
Quote: مشيت البلاد وجيت بي دشليون عضة باعوض
وزيهم أحضان أهلي الدافين
|
سلامات وعودا حميدا وبركه الرجعت بالسلامة
وكيف ناس اهلنا وحينا
وتكون كمان اتجغمت ليك شايا كارب
مع كعك العيد
ومالك بتنوم عينك بيضا للبعوض
| |
|
|
|
|
|
|
|
|
|
Re: مافي زول سأل مني ؟؟ (Re: osman righeem)
|
والله العظيم وكتابه الكريم ..... كنت عاوز افتح بوست اقول وين عمران .........
ـــــــــــــــــــــــــــــــــــــــــــــــــــ
هجمة مرتدة :
وكت جيت السودان مالك ما سالت مني ......
| |
|
|
|
|
|
|
|
|
|
Re: مافي زول سأل مني ؟؟ (Re: omer osman)
|
الوجيه جنابو عمر
إزيكـ يا وصيفابي | Quote: وكت جيت السودان مالك ما سالت مني ... |
كنت قايل يومكم طويل ورخيس يا عمر ( زي زمان ) **..
ياخي يادوب الأسبوعين وكملت الخميرة كلها
الباقي تميناهو مس كولات سااااااااااااااي
____________________
زمان دي قبل سنتين بس يا جنابو
| |
|
|
|
|
|
|
|
|
|
Re: مافي زول سأل مني ؟؟ (Re: osman righeem)
|
عثمان يا رغيم
ياخي حمدا لله على سلامتكـ وان شاء الله الصحة بقت عال العال .. | Quote: ومالك بتنوم عينك بيضا للبعوض |
يا خال ياخي بقى في دهان تتمسح بيهو وتنوم وعينكـ بيضاء عادي والباعوض يجي يحاحي بى بعيد
______________________
الترجمة ممكن في الأعداد القادمة
| |
|
|
|
|
|
|
|
|
|
Re: مافي زول سأل مني ؟؟ (Re: عفاف علي ميرغني)
|
| Quote: عارفاك بتكون عاينت كويس للسودان الشقيق |
عارفه يا عفاف ونحن في نادي الضباط ( بعد سنوات ما شويه ) علقت لى زول قاعد جنبي
وقلت ليهو مش حرام ناس زي ديل يحزنوا ويكون يومهم اكلو وأشربوا ؟؟ في اللحظة ديك كان في زول واقف قدام القيصر محمد الأمين وبيرسل ليهو في البوسات في الهواء وكل الناس تتمايل بى فرح حقيقي
ناس ختت كل هم بكره بى وراها وجات تغني
مش لى أيِ زول
للقيصر وهو يغني مشتاق ليكـ يا جميل يارائع
والناس كلها حافظاها رغم لحنها الصعب ..
.
.
.
.
وتاني أخخخخخخخخخخخخخ
| |
|
|
|
|
|
|
|
|
|
Re: مافي زول سأل مني ؟؟ (Re: عمران حسن صالح)
|
يازول بطل حركات ديش
اول حاجة قلته مسافر الضحية....!!!!
تاني هم سافرت في رمضان......!!!!!
تالتة الاسافي قافل تلفونك......!!!!
رابع هم صوتنا بحه ونحنا بنسأل
رابع اجمل حاجة.....مبروك زواج الشقيقة
وعودا حميدا مستطاب
| |
|
|
|
|
|
|
|
|
|
Re: مافي زول سأل مني ؟؟ (Re: خالد المحرب)
|
Quote: ما زالت الإبتسامة متوفرة بينهم يا يسري
هم السبب الاساسي لمشقة زيارة البلاد |
...................................................................
عمران
والله عشان كلامك السمح ده وبرك لولديك بنقول ليك ناس المنبر العام كلهم سائلين منك.
| |
|
|
|
|
|
|
|
|
|
Re: مافي زول سأل مني ؟؟ (Re: اميرة السيد)
|
أختنا أميرة السيد
ياخي أخبار ووووووووووووباتكـ شنو ؟؟
الليلة وووووووووب قلتها كتير في شوارع البلد الإتملت ( نمتِي ) **
خاصةً لامن يشوفني العسكري ويجي عليا شايل الدفتر ويطقطق بى يدينو ( تلاتين ألف )
بقوا حريصين على تحصيل المخالفات بدقة شديدة
رؤساهم اتبعوا معاهم سياسة ترويج المبيعات وقامو أدوهم نسبة جيدة من التحصيل اليومي للمخالفات
__________________________
** امجاد - أتوس - رقشات - كاروهات
| |
|
|
|
|
|
|
|
|
|
Re: مافي زول سأل مني ؟؟ (Re: خالد المحرب)
|
أبو احمد ( الـتِلِب ) كيفنكـ يا خي
حال البلد ياته
الخرتوم نصين
نص بى شارع الستين وعبيد ختم
ونص ماكل هواء مع الجمرة الخبيثة وكيلو الضان الفات العشرين
حال أهلي الشايقية بلحم طلع وايامم سكوبيس
على الأقل الشهرين القدامنا ديل
الشمارات مالية المخيخ وخزناها لى يوم الوعيد
والدنيا هناكـ بقت غريبة وسط أحياء ولاد البلد
واحد كان عندو محل بيع جلاليب وطواقي في المهندسين
شال اللوحة القديمة وعلَق واحدي جديدة سماها ( ملاح دوت كوم )
ببيع ملاح شرموط وعصيدة !!!!!!!!!!!!!
تصدق
| |
|
|
|
|
|
|
|
|
|
Re: مافي زول سأل مني ؟؟ (Re: haroon diyab)
|
| Quote: مبروك زواج الشقيقة |
الوصيفابي الحلو هارون
عقبال تباركـ لى الكاس ياخي
_____________________________________
بالمناسبة كنت عايز اقول ليكـ جاييكـ بس خليها لامن تنجض
| |
|
|
|
|
|
|
|
|
|
Re: مافي زول سأل مني ؟؟ (Re: عمران حسن صالح)
|
Quote: حال البلد ياته
الخرتوم نصين
نص بى شارع الستين وعبيد ختم
ونص ماكل هواء مع الجمرة الخبيثة وكيلو الضان الفات العشرين
|
الحبوب عمران .. حمدلله بسلامة العودة .
و الله ما طمنتنى على اهلى فى الخرطوم (3) و السجانة .. اكيد يكونوا رقدوا سلطة ؟ .. آسف هو فضل فيها سلطة !!
الآ ما قلت لينا .. اها : وحدة ولا انفصال .. ولا حرب ؟
احسن بقينا ما فاهمين اى حاجة !!!!
مودتى
| |
|
|
|
|
|
|
|
|
|
Re: مافي زول سأل مني ؟؟ (Re: يوسف محمد يوسف)
|
| Quote: الآ ما قلت لينا .. اها : وحدة ولا انفصال .. ولا حرب ؟ |
مراحب يا يوسف ياخي
تعرف السؤال ده يا يوسف أنا ما سألتو !!
تصدق
مرات بقول لنفسي بياتو قانون ومنطق أقول أنا مع أو ضد الإنفصال أو حتى الحرب
فلا عشت مرارة الجنوبي أو أفراحه حتى أكون لجانبه أو ضده !!
ولا كنت سبباً للحكم الحالي كغيري مالين البلاد في واطة الله الواسعة دي
أنا لم أشاركـ الشيئين فكيف أحكم ؟؟
أما الحرب فلا عاقل يقبل بها أبداً كحل لأيِ إشكال
| |
|
|
|
|
|
|
|
|
|
Re: مافي زول سأل مني ؟؟ (Re: محمد إبراهيم علي)
|
كانت شايلاني لهفة كل الحاجات البسمع بيها وبشوف صوره هنا
انسدت النفس من اول يوم وصار الهم ( أخلص واتخارج )
الشوق حدو أحضان الإستقبال وكرامة الوصول
ويبدأ نزيف الزمن والجيب " في حاجات ما عليكـ منها "
حتى ناس البيت المليان شوق ليهم يبدأ يومهم التالي لوصولكـ بذات الوتيره
جري ورا جري وما لاحقين
تفاصيل لو كتبتها هنا لتم اتهامي بالتنصل من ( الوطن ) وبأن لعنة ( دلع ناس الخليج ) قد أصابتني
فالحقيقة ( مُرَه ) ولا سبيل لقولها .
كل الأشياء ( التي نعرفها ) ماتت
اتولدت أخرى جديدة شالت الروح والطعم واللون
اتحكَر ( نفس ) الهم ، وصار رزق الناس ( متوِر نفسم ) طول اليوم ،
فقط لا غير .
| |
|
|
|
|
|
|
|
|
|
Re: مافي زول سأل مني ؟؟ (Re: أيمن دياب)
|
| Quote: منتظرنك تفتح شوالات الحكاوي.. |
يا حليلكـ يا أيمن انت من زمن حكاوي بالشوالات والحكاية وصلت تيرا بايت
والمصيبة حكاوي البلد التيرا بايت زاته بقت غير صالحة لتحديد كمها .
آخر إجابة ودون الإستعانة بصديق يا أيمن تاني بنبلع بس
| |
|
|
|
|
|
|
|
|
|
Re: مافي زول سأل مني ؟؟ (Re: Mayada)
|
يا ميادة أنا أساليني عن الشربوت ( أقصد الشامبيون البااااااااارد )
شارب لي سبعين قزازة لامن جيت
حا نكون لجنة برئاسة ود الصايم لمتابعة الأمر مع الجهات الرسمية بالمملكة لإستيراد هذا المشروب السحري لأبناء الوطن بالمهجر
لووووووووووووووول
| |
|
|
|
|
|
|
|
|
|
Re: مافي زول سأل مني ؟؟ (Re: عمران حسن صالح)
|
كل ما سألت عليك صدوني حراسك ردو الجواب قاسي مع إني من ناسك ،،،، ترا ترا ترا رررررر
الشفيف عمران حسن صالح حمد لله على السلامه وكل عام أنتم بألف خير .. البركه في الرجعة ,,, وأنا أقول الزول ده في العيد ما شفناه في الحلاق وعمل لينا زحمه مالوا ،،، لووووووووووووووووول ،،
تحياتي : ياسر العيلفون
| |
|
|
|
|
|
|
|
|
|
Re: مافي زول سأل مني ؟؟ (Re: ياسر السر)
|
| Quote: وأنا أقول الزول ده في العيد ما شفناه في الحلاق وعمل لينا زحمه مالوا ،،، لووووووووووووووووول ،، |
وتاني لوووول يا ياسر يا فنان
لأنو الموضوع بتاع الحلاقة ده بالذات فقدت فيهو صاحبنا مهدي
قتَ يا ولد الأتراكـ ديل محلهم كلو أنوار أكيد شغلم نضيف وهاكـ يا مشوار للمؤسسة بحري ويجيني ليكـ التركي الوجيه وأقنعني ليكـ بي ( قناع ) وصنفرة وحلاقة بى ( .. ) جنية سوداني المهم ما حلاقتو ولا صنفرتو ، الراجل شابكني ليكـ كلمة وأنا ما ناقشه ، شويتين واكتشفت انو يقول لي يا سيدي وفار الدم في عروقي ، قلت ليهو يا الحبيب كلمتكـ دي ما ياها قول أخوي ، أبو محمد ، يا زول ، قال لي عشان كده أنا جيت من قطر على السودان وما كنت مقتنع في الأول لأني سايرت إصرار أخوي ، بس كل يوم بتأكد إني في بلد لا تشبه الأخريات .
طبعاً الأخيرة دي برضو حسيت بيها مكنه ما قسًَمت معاي
| |
|
|
|
|
|
|
|
|
|
Re: مافي زول سأل مني ؟؟ (Re: علاء الدين يوسف علي محمد)
|
أووووووووووووووووه علاء الدين كبير مشاغبي السودان الشمالي
كيفكـ يا قريبي
ياخي والله النفاج العارفو حاولت أدخل بيهو واتصلت عليهو وعرفت بى حادث أخونا معتصم مع والده
وانتظرت يرسل لي رقم معتصم
وانتظرت دعوة لمة العيد عشان الباقين
وفي نفاج صغير تاني حاولت أدخل بيهو خزلني وباعني زي المافي حاجة
لا تلفون مباركة لزواج اختي
لا عيد مباركـ
المهم البيع حصل
والأهم انو الحكاية كانت خمستاشر يوم راحن بين عيد وزواج .
الله يجيب زمناً نحضروا نجي نقضي ( إجازه حقيقية ) في بلدنا يا علاء
نشوف فيها كل الناس ونحسب في أيام الإجازه يوم يوم مخافة انها تكمل
| |
|
|
|
|
|
|
| |
عمران حسن صالح
طارق جبريل
حيدر حسن ميرغني
محمد علي شقدي
ياسر معتصم
محمد البشرى الخضر
عفاف علي ميرغني
osman righeem
omer osman
بدر الدين الأمير
محمد إبراهيم علي
haroon diyab
خالد المحرب
Elawad
يوسف محمد يوسف
محمد عبد الماجد الصايم
الصادق صديق سلمان
Mayada
ياسر السر
سيف الدولة كامل
علاء الدين يوسف علي محمد
فيس بوك
تويتر
انستقرام
يوتيوب
بنتيريست