|
Re: يا جماعة بسأل ... وين الناس الحلوين ديل ؟؟ (Re: SHIBKA)
|
ا عبدالله.. ياود كسلا.. نحن صاح ناس شمالية.. ومن الشمالية .زلكن ثلاثة أرباع أسرتنا في كسلا.. ووقر.. الختمية وحي العرب.ز السوريبا.. وقر طوكر.ز تندلاي.. اروما.. هيا.. درديب.. هداليا.ز السواقي الجنوبية.. السواقي الشمالية آه من كسلا يا ود كسلا.. ذكريات .............. صحيح نحنا ما زي الكتاب ديل يا ود كسلا لكن نحن حبيناكم في الله ومن حقكم تتذكرونا.. ونحن عندنا كل كتاب سودانيز أون لاين.. أدباء وكتاب وفنانين.. وادباء وشعراء.. حتى الذين مرات يعادوا.. ماهو القبح إلا جمالاً مجروحاً ما عندنا فرز يا عبد الله ود كسلا ده كلام برضو يبقى نحنا قصدناكم وجينا قعدنا معاكم في تربيزتكم في غفطار رمضان ليس بالصدفة وإنما لمحبتنا لكسلا.. ولريدتنا لأهل كسلا.. ولعلاقتنا مع أهل كسلا.. ولمصاهرتنا لأهل كسلا.. ناس هلاوي في السوق وبابكر الطاهر.. وأستاذ إبراهيم سليمان معلم الأجيال في كسلا.. وغيرو وغيرو عييييك يا ÷لى في كسلا.. وناس ود عطا ومنقة كسلا حلوة وصافي لونا تومتي بريدا غرب القاش سكونا الغنية دي قيلت في مناصيرنا عندكم في كسلا يا ود كسلا مع تباشير العيد ياخي تفرز بين أعضاء منبرنا هنا.. ماضر بالسودان غير فرز الكيمان ياخي كل بوردابنا وبوردابياتنا هنا.. ناس حارة وكتابين... إلا أنا المنصوري ده القصدك وقعد معاك في تربيزتك ساعة إفطار رمضان وهي أعز ساعة وهي من الساعات التي يستجاب فيها الدعاء قصدناك وقعدنا جنبك ياخي ولاتعبرنا,, ده كلام ده؟a
| |
|
|
|
|
|
|
Re: يا جماعة بسأل ... وين الناس الحلوين ديل ؟؟ (Re: منصوري)
|
تحية طيبة
ما ذكرت اعلاه يتواجدون بشكل او اخر نعم ضعيف لكن المنبر يشهد حركة الاخ خالد عويس ومحسن خالد
ضعيف مشاركة لنا اما رافت فظهر بعد ان سال عنه احد الاصحاب بالاسم
من سجل غياب بفعل القهر او القهر
اشراقة مصطفي
عمر علي
ياسر الشريف
مها بشير
النور محمد حمد
عدلان عبد العزيز
واخرون واخريات
لك الشكر
| |
|
|
|
|
|
|
Re: يا جماعة بسأل ... وين الناس الحلوين ديل ؟؟ (Re: منصوري)
|
Quote: عبدالله.. ياود كسلا.. نحن صاح ناس شمالية.. ومن الشمالية .زلكن ثلاثة أرباع أسرتنا في كسلا.. ووقر.. الختمية وحي العرب.ز السوريبا.. وقر طوكر.ز تندلاي.. اروما.. هيا.. درديب.. هداليا.ز السواقي الجنوبية.. السواقي الشمالية آه من كسلا يا ود كسلا.. ذكريات .............. صحيح نحنا ما زي الكتاب ديل يا ود كسلا لكن نحن حبيناكم في الله ومن حقكم تتذكرونا.. ونحن عندنا كل كتاب سودانيز أون لاين.. أدباء وكتاب وفنانين.. وادباء وشعراء.. حتى الذين مرات يعادوا.. ماهو القبح إلا جمالاً مجروحاً ما عندنا فرز يا عبد الله ود كسلا ده كلام برضو يبقى نحنا قصدناكم وجينا قعدنا معاكم في تربيزتكم في غفطار رمضان ليس بالصدفة وإنما لمحبتنا لكسلا.. ولريدتنا لأهل كسلا.. ولعلاقتنا مع أهل كسلا.. ولمصاهرتنا لأهل كسلا.. ناس هلاوي في السوق وبابكر الطاهر.. وأستاذ إبراهيم سليمان معلم الأجيال في كسلا.. وغيرو وغيرو عييييك يا ÷لى في كسلا.. وناس ود عطا ومنقة كسلا حلوة وصافي لونا تومتي بريدا غرب القاش سكونا الغنية دي قيلت في مناصيرنا عندكم في كسلا يا ود كسلا مع تباشير العيد ياخي تفرز بين أعضاء منبرنا هنا.. ماضر بالسودان غير فرز الكيمان ياخي كل بوردابنا وبوردابياتنا هنا.. ناس حارة وكتابين... إلا أنا المنصوري ده القصدك وقعد معاك في تربيزتك ساعة إفطار رمضان وهي أعز ساعة وهي من الساعات التي يستجاب فيها الدعاء قصدناك وقعدنا جنبك ياخي ولاتعبرنا,, ده كلام ده؟a |
أخي الحبيب منصوري ...
العفو يا أخي يا منصوري ... معقول بس ما أعبِّرك يا منصوري ... بعد كل الكلام الجميل ده ..
واللحظات الأجمل القضينها مع بعض يوم الإفطار الجماعي ...
إنت تعتبر من كسلا ... وكسلا تفخر بيك وبإنتماءك ليها يا أخي ...
وإنت لا تقل عن هؤلاء الكتاب في شئ .. ولكن إختفاء كل صاحب قلم جميل .. خسارة للمنبر ...
يا ريت الناس تختلف .. بس بإحترام الرأي الآخر ... وبدون مهاترات وإساءات شخصية ...
تعمل على تنفير (وتطفيش) أقلام يمكن أن تعمل على إثراء المنبر ... ويمكن الإستفادة من كتاباتها ..
وحنتواصل بإذن الله يا منصوري ...
وربنا يديم الخوة والمحبة بين الناس يا حبيب ...
| |
|
|
|
|
|
|
Re: يا جماعة بسأل ... وين الناس الحلوين ديل ؟؟ (Re: SHIBKA)
|
شكراً أختي العزيزة شِبكة ...
أتمنى فعلاً عودتهم للمنبر بصرف النظر عن سبب غيابهم ...
هو فعلاً عثمان محمد صالح يا شِبكة ... شكراً للتصحيح ...
وأعتقد أنه قد تعرَّض لبعض المضايقات فقرر ترك المكان ...
أتمنى أن يعود .. فهو صاحب أحد الأقلام المبدعة حد الدهشة ...
نتمنى عودته... وعدم ترك المنبر لأيٍّ كان .. فعاشاق كتاباته هم الأكثر ...
شكراً مرة أخرى لمرورك يا شٍبكة ...
| |
|
|
|
|
|
|
Re: يا جماعة بسأل ... وين الناس الحلوين ديل ؟؟ (Re: lana mahdi)
|
أختي الحبيبة الأميرة لنا ...
أنا ما سألت من فراغ ... وما جبت حاجة من عندي ...
كنت متابع وقارئ لسودانيز اونلاين لسنوات طويلة ...
وعارف أصحاب الأقلام الجريئة والمفيدة ... وأصحاب الأقلام المهاترة والفارغة...
وإنتي طبعاً واحد من الأقلام الكنت بفتش عن كتاباتها .. وحواراتها ..
وبستمتع بمتابعة كل حرف تكتبيه لأني عارف إنك ما بتبادري بالعداء ولا بالخصومة ...
وبالرغم من إعترافك بأنك مرات بتهاتري ...
لكن مهاترتك بتكون بالتأكيد رد على مهاترة سابقة لا يمكن السكوت عنها ...
ومن حقك طبعاً تردي على من يبادرك العداء والخصومة ...
أما أخونا خالد عويس .. فهو بطبعه مقل في الكتابة ... لكنه لمن يكتب بيطلِّع درر ...
وطبعاً بحب برضو أقرأ ليهو .. وأتابع كتاباتو ...
وغياب كل المجموعة دي ... والكتير من المبدعين الآخرين ... هو حقيقةً ... فقد وخصم على المنبر ...
أتمنى عودتكم من جديد ... وياريت تستقطعوا جزء من وقتكم عشان نقرأ ليكم .. ولو مرة في الأسبوع ...
والحمد لله إنتي أهو رجعتي .. بس ما تختفي تاني ... بالرغم من غيابك أمس عن حضور اللقاء بالروائي أبكر آدم ... مع وعدك بالحضور ..
وكنا نمني النفس بلقياك ... لكن الجايات أكتر بإذن الله ...
لك خالص ودي وتقديري ...
| |
|
|
|
|
|
|
Re: يا جماعة بسأل ... وين الناس الحلوين ديل ؟؟ (Re: عبد الله كسلا)
|
حقا نفقتقدهم بشدة. من العدل ان نعرف ما الم بصديقنا الاسفيري غثمان محمد صالح صاحب التوابيت الشهير ووددت لو ان نوجه له نداء بالعودة الطوعية الى المنبر.
اما خالد عويس فهو قد اصابنا بادمانه ثم غدا شحيحا في جرعاته لنا. حزنت يا عم خالد لمغادرتك واشنطن حيث كنت امني نفسي بالمزيد فاضحى لقائي بك في حفلة استقبالكم في نادي الصحافة في واشنطن هو الاخير.
اما محسن خالد فهو اشبه ما يكون ب: too good to be true عندما بدات اقرأه تمنيت الا يحدث ما قد يوقفه عن الكتابه هنا ابدا.
اقترح تأميم هؤلاء الكتاب مثلما فعلت البرازيل مع بيليه في السابق وعندها يصبحون ملكا لنا جميعا.
ايزابيلا القلم الرشيق النافذ دعي الكسل واطلي علينا.تاج السر الملك"الهاوي" لعمري انه لا يقل موهبة عن الساخر احمد رجب و الراحل محمود السعدني. هناك ايضا المدعو ash رجوته عندما التقيته صدفة في واشنطن ان يعود فقد ابهرتني كتاباته عن فتره الدراسة في المغرب ووعد ولم يعد" اقترح تطبيق لائحه اشبه بيت الطاعة لهؤلاء".
الشاهد يا جماعة ان في هذا المنبر اقلام ابهرتني برصانه لغتها وعمق فكرها وسلاسة كتابتها يعوضوننا عما نفتقده في صحفنا. صدقوني لو شارك هؤلاء في صحيفة تصدر في الخرطوم لصعدت منذ اول يوم لصدورها الى مرتبةالصحيفة الاولى. الناس متعطشون لمثل هذه الكتابات فلا تبخلو علينا فان الوقت قد فات للاقلاع عن تعاطي كتاباتكم.
عماد حسن على احمد
| |
|
|
|
|
|
|
Re: يا جماعة بسأل ... وين الناس الحلوين ديل ؟؟ (Re: ALZOLZATOO)
|
Quote: ان شاء الله بس ماتضربوا عقرب |
حبيبنا الزول زاتو ...
نحنا ناس كسلا ... ناس العقارب والدبايب ...
عادي اللدغة بناكلها في حنانا ...
بس هم كيف يجو ... كيف هم بس يجو ؟؟
ضم صوتك لصوتنا ... وتعال نناديهم .. مبدعينا ...
التحايا ليك بالكوم والردوم يا حبيب ...
شكراً لمرورك يا ظريف ...
| |
|
|
|
|
|
|
Re: يا جماعة بسأل ... وين الناس الحلوين ديل ؟؟ (Re: جعفر محي الدين)
|
مرحباً أخي جعفر محي الدين ...
نتمنى عودتهم فعلاً يا جعفر ...
فغياب أصحاب الأقلام المبدعة عن المنبر ... خسارة وأيُّ خسارة ...
ليتهم لا يأبهون بالمشوشين وأصحاب الأغراض ...
ويركزوا على محبيهم .. ومحبي كتاباتهم ...
ليتهم يفعلوا ذلك ...
ليتهم يسمعوا النداء .. ويستجيبوا له ...
| |
|
|
|
|
|
|
Re: يا جماعة بسأل ... وين الناس الحلوين ديل ؟؟ (Re: imad hassan)
|
شكراً أخي عماد ...
هم حقيقةً يعتبروا ثروة قومية ...
ونعتبر أنفسنا محظوظون للغاية بتواجدهم معنا في هذا الوطن الإسفيري الجميل ...
ليتهم يعودوا بجمالهم .. وأدبهم .. وأخلاقهم العالية ... ليزينوا المكان ...
والآن .. لنامهدي .. عادت لنا... وتبقى منهم..
عثمان محمد صالح .. أسامة الخواض (المشاء) .. خالد عويس ... رأفت ميلاد .. إزابيلا .. تاج السر الملك ... شيري (الهتراشة) .. محسن خالد (موجود ولكن مقل) ... وash ... وهناك بالتأكيد غيرهم ... فهم كثرٌ ...
ليتهم يعودوا فنحن نفقتقدهم بشدة في هذا المكان ...
شكراً يا عمدة على الإضافات الجديدة ..
وشكراً على المرور ...
| |
|
|
|
|
|
|
|