|
بورداب الخرطوم تقديم واجب العزاء لـ معتصم دفع الله
|
العزيزات والأعزاء بورداب الخرطوم العزيز معتصم دفع الله وصل الخرطوم للمغادرة الى الرياض بالسعودية بعد ان قام بتلقي العزاء في وفاة والدته بالقلقالة وسيسافر بعد يومين انشاء الله وهو متواجد الآن بالجريف غرب بالخرطوم تخفيفاً للمشقة له في إستقبال عدد من المعزين في أوقات مختلفه أقترح ان نقوم بواجب العزاء له عصر غداً الأحد بمنزل شقيقته بالجريف غرب حيث يقيم حتى لحظات سفره ومغادرته للرياض وأقترح ان نتقابل غداً حوالي الساعة 4:30 عصر بـ تقاطع الشرقي مع شارع الستين ودا مدخل الشارع البوصلنا لمنزل شقيقته تلفون معتصم 0915371725 وانا لله وانا اليه راجعون لها الرحمة والمغفرة يا معتصم ولكم الصبر وحسن العزاء
|
|
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: عثمان نواي)
|
نعومى كتر خيرك كتير والله و ان شاء الله نجاملك فى السمح و كل المعزين كتر خيرهم و نجاملهم فى الفرح
و وافر الشكر الجميل لكم جميعاً من خالو معتصم
Quote: بـ تقاطع الشرقي مع شارع الستين ودا مدخل الشارع البوصلنا لمنزل شقيقته
|
اها حبيت اتم ليك باقى الوصف
فى نفس التقاطع فى اتجاه الشرق مدخل شارع الجريف غرب
توصل لحد نهاية الشارع الذى ينتهى بمنحنى متجها جنوب
على اليمين يوجد مركز (بسط امن شامل) تاخدى الشارع التانى
(يمين برضو) منه والذى بناصيته عمارة تحت التشييد نهاية المربوع
يوجد دكان تاخدى شارعه اول البيت ناصية شمال ...
-------------- غايتو لو وصلتوا العمارة تحت التشييد دى انتوا وصلتوا
وصف بتاع ركشات طبعا يا نعومة (ان شاء الله اكون وصفت صاح)
(توصلوا بالسلامة)
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: فادية اليمني)
|
إنّا لله وإنّا إليه راجعون
اللهم أرحمها وأسكنها فسيح جنّاتك اللهم باعد بينها وبين خطاياها كما باعدت بين المشرق والمغرب اللهم نقّها من الخطايا والذّنوب كما يُنَقّىَ الثّوب الأبيض من الدّنس اللهم أغسلها بالثلج والماء والبرد اللهم أبدلها داراً خيراً من دارها وأهلاً خيراً من أهلها اللهم أجمعنا وإيّاها في مستقرّ رحمتك اللهم إنّا نسألك بإسمك الأعظم أن توسّع مدخلها اللهم آنس في القبر وحشتها اللهم ثبّتها عند السُّؤال اللهم لقّنها حجّتها اللهم باعد القبر عن جنباتها اللهم أكفها فتنة القبر اللهم أكفها ضمّة القبر اللهم أجعل قبرها روضةً من رياض الجّنّة ولا تجعله حفرة من حفر النار اللهم إن كانت محسنةً فزد في إحسانها ، وإن كانت مسيئةً فتجاوز عن سيّئاتها اللهم ألحقها بالشُّهداء اللهم أفتح عليها نافذة من الجّنّة وأجعل قبرها روضةً من رياضها
إنّا لله وإنّا إليه راجعون
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: فادية اليمني)
|
محمد ابراهيم عثمان تعازيك توصل معتصم انشاء الله ويا فادية اليمني
Quote: وصف بتاع ركشات طبعا يا نعومة (ان شاء الله اكون وصفت صاح) |
طبعا يا فادية وصف ركشات مافيهو كلام انا زرت معتصم قبل كدا في بيت ناس أختو دا كان عندهم عزاء برضو وهسه سألتو تاني من الوصف وصف لي بس قلت يا إنعام ما تروّحي الناس ساي ونزلّت ليهم تلفون معتصم عشان يوصّف ليهم والح يمشي معانا بعد شوية بقدر أوصلهم غايتو
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: عبد القادر شادول)
|
معتصم البركة فيكم انعام حفيظ متلومة معاي عشان انا امس اول مرة اسمع بالبكاء دا
ولولا فادية ضربت لي ما كان جبت خبر ووايام النت كان قاطع عندي اظن ما شفت بوستات التعزية
عاد يا بت امي تلفون كان ما بكلف شي لكن يمكن ظروفك ما سمحت !!
-- يا فادية دا مش معتصم القال عليه بيت مكسر ومشينا نفتش في البيوت المكسرات
-- الحمد لله لاقينا معتصم وعملنا الواجب واللوم بجي بالقفلات !!
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: انعام حيمورة)
|
Quote: انعام حفيظ متلومة معاي عشان انا امس اول مرة اسمع بالبكاء دا
ولولا فادية ضربت لي ما كان جبت خبر ووايام النت كان قاطع عندي اظن ما شفت بوستات التعزية
عاد يا بت امي تلفون كان ما بكلف شي لكن يمكن ظروفك ما سمحت !! |
انعام ازيك وشايفه جابت ليها لوم أسفيري!!!
يعني انا سمعت الخبر دا هنا في المنبر ودخلت عزيت وانا على إتصال لا ينقطع أصلاً بـ معتصم دفع الله ويا انعام انا ما قاعده أحاسبك على الحاجات دي قبل كدا كتبتي بوست وقلتي بورداب الخرطوم يمشوا يعزوا نادية عثمان انا شخصيا ما جاني إتصال منك وقريت البوست ومشيت واتصلت عرفت الوصف ووصلت وعزيت انا منزّلة البوست دا من امس وانتي بتكتبي في بوست غادة عبد العزيز ممكن ووارد جداً تكوني ما قريتي البوست النزلتو انا هنا وعادي جدا ما أقدر اتصل بالناس وأكلمهم بالعزاء بتاع اليوم لأنو الناس ظروفها يمكن ما تكون سمحت زي ما قلتي !!!
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: انعام حيمورة)
|
Quote: الحمد لله لاقينا معتصم وعملنا الواجب |
طيب دا المطلوب والحمد لله عملتي الواجب
Quote: واللوم بجي بالقفلات !! |
بـ الغفلات من غفلة والله يا انعام حيرتيني شديد!!! لـ والدة معتصم الرحمة والمغفرة وله الصبر وحسن العزاء الدنيا دي فانية يا انعام ودا موت منو مفروض نتعظ والموضوع بسيط شديد وما بستاهل ويستحق الكلام دا كلو وانا ما ملزمة أحكي ظروفي في الأيام الفاتت للكل هنا في المنبر دا
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: Tabaldina)
|
غايتو يا تبلدينا اتمروحت بسببك امبارح جنس مروحة
وانا جاي من الشرقي شايفك واقف انت ومعاك عربية تانة لونها سماوي جم بتاعين الركشات الفاتحين شمال ديل
استعدلت في شارع الستين وجيتكم راجع لانو الفتحة بعيده ما لقيتكم سلقط ملقط
لفيت الجريف دي كلها لم كملت الشوط الاول في كورة الهلال في الاخر رجعت
هسع طبعت العنوان الكتبتو بت اليميني وماشي عليه
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: وليد محمد المبارك)
|
.. .
Quote: وانا جاي من الشرقي شايفك واقف انت ومعاك عربية تانة لونها سماوي جم بتاعين الركشات الفاتحين شمال ديل |
بس دا ما الاكسنت .. الودر حنانى زاتووووووو :)
Quote: لفيت الجريف دي كلها لم كملت الشوط الاول في كورة الهلال في الاخر رجعت |
على ما يبدو جلياً سرقوا موبايلك .. او ضيعت .. رقم المحروس ..
Quote: هسع طبعت العنوان الكتبتو بت اليميني وماشي عليه |
برضو حتروح .. :)
-----------
وانت فى الستين متجه من الجنوب للشمال وقبال تقاطع الشرقى الشوارع مرقمة بالرقام خش بشارع 3 واتجه شرقا وامشى مسافة 800 متر على اليمين وناصية تلقى دكان الناصية على اليسار دا البيت رمادى يفتح شرقا وشمالا .. وبس ..
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: Tabaldina)
|
.. .
Quote: وصف لي بس قلت يا إنعام ما تروّحي الناس ساي |
الحالة .. لكن هى جنس روحه .. الواحد توغل فى حوارى ودهاليز الجريف .. حلوة .. الصدف .. ولا قصدى الروحه عموما عمرك ما تتبع عربية اسكنت .. اصلو الكورى دا .. بودر .. :)
-----------
دا بوست وصف يا جماعة مش ما تفهمونا غلط .. وقلنا نرطب الجو شوية
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: انعام حيمورة)
|
Quote: Quote: يا انعام ودا موت منو مفروض نتعظ
نتعظ وما الومك ولا شنو ؟
انا اسفة على اللوم من اساسا ذاتو ياخ
انتو الحتيرتونا ذاتو |
نتعظ يا انعام لأنو الحياة أقصر من نضيّعها في لومني وألومك وفي علامات التعجب دي نتعظ ونساعد أنفسنا كي نظن الخير دائماً وإنتي عارفه إني ما بحب اللوم نهائي
Quote: تبلدينا ما تدخل بين التفاحة وقشرتا بالله !! |
كدى أول ورينا مين التفاحة ومين قشرتا وتبلدينا دا بهظر ما تسأليهو ياخ
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: انعام عبد الحفيظ)
|
Quote: وإنتي عارفه إني ما بحب اللوم نهائي |
عشان عارفة الحتة دي عشان كدة حبيت اغيظك
ولا سمؤال داك يصل ي القلقالة وما يكلمني
غايتو بقيتوا كعبين ولا انا البقيت ما عارفة
ياخ معتصم دا في عرسو نصل ليهو في القلقالة في بكى امو ما نمشي ؟؟
والله دا المزعلني وانا طيلة الفترة الماضية النت كان قاطع وظروفي برضو صعبة شديد وبرضو ما بتتحكي هنا زي ما قلتي ..
لكن الله غالب يا قشرتا
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: انعام عبد الحفيظ)
|
Quote: فادية اليمني غايتو امس طشينا ورحنا روحة شديدة
|
نعومة ازيك
يعنى لو مشيتوا بوصفى ما كان روحتوا بس اقول شنو:"كلام القصير ما بتسمع"
يا ناس الصين بالله ما بلقى لي هرمونات للطول..لووووووول
والحالة قلتى لى بتعرفى البيت وشنو ما بعرف ...
تبلدينا كان تتصل علي كان وصفت ليك ووصلت قبل بتاع الاكسنت ده
ما عايزة اقول ليك عجبنى ليك ..بس بركة الوصلتو فى النهاية
اها الشفت خبر شنو ياربى؟؟؟ لسه؟؟
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: Tabaldina)
|
فاديه : زى ما قلت ليك امبارح انا قلبي حاسه بطشه كاربه كدا مع ان وصف معتصم كان واضح.
واهو كسلت وما مشيت واتلومت ...لكن اتمني لو لقيت فرصه لملاقاته.
ويا انعام عبدالحفيظ : ردك وتلفونك جاني متاخر شديد وضربت ليك بدون رد .
انشاء الله الجايات اكتر من الرايحات .
ياترى بعد ما يرجع من الجزيره المره الجايه ممكن نلم فيهو؟
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: Mahassin Ibrahim)
|
Quote: ويا انعام عبدالحفيظ : ردك وتلفونك جاني متاخر شديد وضربت ليك بدون رد .
انشاء الله الجايات اكتر من الرايحات .
ياترى بعد ما يرجع من الجزيره المره الجايه ممكن نلم فيهو؟ |
محاسن سلامات لقيت تلفونك متأخر وانا اصلاً ما عندي رقمك دا لكن قدرت وقلت بكون واحد من الناس الطلبوا تلفوني في المسنجر ورجعت ليك وما لقيت رد منك وبخصوص الوصف انا أصلاً ما حاولت أوصّف البيت ختيت تلفون معتصم عشان موضوع الوصف دا وجيت في مواعيدي 4:30 ولقيت تبلدينا واقف إنتظرنا الناس شوية ولما إتأخروا مشينا وطبعا أخدنا روحتنا انا وتبلدينا وإتصلنا على معتصم ووصّف لينا البيت تاني ولما وصلنا جاني كم تلفون أديت ود أختو وصّف ليهم ويا محاسن ما عارفه ظروف معتصم كيف تاني على العموم هو ح يسافر ضهر اليوم القلقالة وبجي بكره لأنو سفرو 9 م الثلاثاء بكره فما عارفه ح تقدروا تلاقوهو ولا لا إتصلي بـ معتصم وشوفي برنامجو كيف رغم انو الجو حزين إلا كنت ح أكون سعيدة بمقابلتك
| |
|
|
|
|
|
|
Re: بورداب الخرطوم تقديم واجب العزاء لـ معتصم دفع الله (Re: انعام عبد الحفيظ)
|
الي انعام أ وب
تحياتي واشواقي
واحدة فيكم قافلة تلفونها ولما واحد يكون رايح في الجريف ويظن انو ممكن تنجدو يجدها لايمكن الوصول اليها
والتانية توصف ليك بي طريقة تخليك تتوه اكتر لكن برضوا ماقصرت بعد الاستعانة بي صديق
دا كلو كوم وتبلدينا المابرد علي التلفون كوم اخر
وبرضو كلكم رائعين وعزيزين وربنا يحفظكم لكن تاني ماتعملو كدا
سمح
ما بتاعة نادية عثمان
| |
|
|
|
|
|
|
|