|
Re: فيديو بنيتي سارة خمسة شهور بتناديني "بابا" (Re: عبدالله ود البوش)
|
رانى سلام ياخ ربنا يحفظه ليك وتشوف احفاده ؟؟ انا طبعا بتى الكبيرة نفس الاسم سارة ؟؟ لكن نصحية ليك ؟؟ انضم معاها عادى حتى لو هى ما فاهمة بس واصل الكلام والونسة وشوف النتجية بعد ما تكمل سنة ؟؟ اسال مجرب 00 ربنا يحفظه ليك ياحبيب ؟؟ بعدين اى سارة فى الدنيا دى 000حنينة
| |
|
|
|
|
|
|
Re: فيديو بنيتي سارة خمسة شهور بتناديني "بابا" (Re: طارق جبريل)
|
Quote: ربنا يحفظها الامتدادية دي |
تسلم ياود جبريل...
الامتدادية دي ماشي السودان الشهر البعد الجاي.. وحلفت الا ندفن ليها سنها هناك ما طال ما دفنا الصرة.. بالمناسبة في شهرها الخامس قامت ليها اربعة سنون.. واقعا فينا خربشة وعضغيض شديد.. غايتو الله يديها العافية ويحفظها.
. . وبالمناسبة.. ماك ماشي الامتداد قريب؟
ودي
راني السماني
| |
|
|
|
|
|
|
Re: فيديو بنيتي سارة خمسة شهور بتناديني "بابا" (Re: اشرف السر)
|
Quote: ربنا يحفظا وتكبر وتعمل ليك هارد تايم زي الليل |
ههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه
مافي اي زول حيكون فاهم حاجة هنا انا ماشي بهناك اضاير الشي داك
ههههههههههههههههههههههههههههه ههههههههههههههههههههههههههههههههههههههههههه هه
حبي
| |
|
|
|
|
|
|
Re: فيديو بنيتي سارة خمسة شهور بتناديني "بابا" (Re: معاوية المدير)
|
ما شاء الله و ربنا يحفظها و يخليها ليكم يا راني
Quote: وحاتكم علمتها بابا بالعربي.. وحبوبة كمان...
لكن لحدي اسي ما قدرت تقول ماما.
الله يديها العافية غايتو |
هههههههههه.. أمها حريفة و انت اتمقلبت يا أبو سارة...
النكتة بتقول .. الأم تشيل و تعلم في طفلها يقول بابا.. و الأب مبسوط و متكيف من الموضوع دا.. لما الطفل اتعلمها.. بقى يصحى بالليل يبكي و يقول بابا.. الأم بدون ما ترفع رأسها من المخدة بتقول للأب .. (الولد دا عايزك انت و بزازتو جنبو.. )
| |
|
|
|
|
|
|
Re: فيديو بنيتي سارة خمسة شهور بتناديني "بابا" (Re: Sana Khalid)
|
Quote: ما شاء الله و ربنا يحفظها و يخليها ليكم يا راني
هههههههههه.. أمها حريفة و انت اتمقلبت يا أبو سارة...
النكتة بتقول .. الأم تشيل و تعلم في طفلها يقول بابا.. و الأب مبسوط و متكيف من الموضوع دا.. لما الطفل اتعلمها.. بقى يصحى بالليل يبكي و يقول بابا.. الأم بدون ما ترفع رأسها من المخدة بتقول للأب .. (الولد دا عايزك انت و بزازتو جنبو.. )
|
ههههههههه صدقي دا الحصل بالجد والله... خليت ليهم الغرفة بقيت انوم في الغرفة التانية..
يديك العافية سناء
| |
|
|
|
|
|
|
Re: فيديو بنيتي سارة خمسة شهور بتناديني "بابا" (Re: rani)
|
Quote:
طبعاً انا.. لانو امها ولدت ولادة قيصرية وانا كنت حاضر العملية .. واول ما طلعت اخذتها..
ياربي يكون دا السبب في " بابا" " ودادي"؟ |
هههههههههه نفس الملامح والشبه دا السبب يا راني.. وما حتقول ماما بالساهل... لأني برضو عندي سارة مواليد 26 يناير 2010... التقول تومة زولتك دي.... وبرضو شلتها اول زول
وظنيت لليلة قايلاني امها... ههههههههههه
| |
|
|
|
|
|
|
Re: فيديو بنيتي سارة خمسة شهور بتناديني "بابا" (Re: اشرف السر)
|
Quote: هههههههههه نفس الملامح والشبه دا السبب يا راني.. وما حتقول ماما بالساهل... لأني برضو عندي سارة مواليد 26 يناير 2010... التقول تومة زولتك دي.... وبرضو شلتها اول زول
وظنيت لليلة قايلاني امها... ههههههههههه |
تسلم كتير اشرف.
انا جاي لندن ومعاي الاولاد يوم 24\10\2010 ما حاقعد كتير لكن حاجي يوم 23\11\2010 برضو
انشاء الله نلقي فرصة نتقابل ونتبادل تشاوف "سارة"
ودي راني السماني
| |
|
|
|
|
|
|
Re: فيديو بنيتي سارة خمسة شهور بتناديني "بابا" (Re: أحمد الصديق)
|
راني سلام
وامسك في كلام اخوك أحمد صديق ده قوي
Quote: ما شاء الله و صلوا على محمد. يا ناس خافوا من العين !! |
يا اخوي سؤال انت سروره دي امها خواجيه؟؟!! تكون خالك منطلق كده وهاريتها فيديوهات يا راني وحايتك امسح الفيدوهات دي واحرص على البنيه. لم اعرف العين واصدقها واتعلم التحصين الا بعد ان عرفت الامومه. فعليك الله يا راني البنيه دي خف عليها.عارفنك فرحان بابوتك ولكن صدقني الاطفال يصابوا بالعين بشكل مبالغ فيه. بتكلم معاك باحساس عمه حقيقيه وبطل طرطشه!واسمع الكلام.
طيب نشرح لك حكاية بابا اول ليه قبال ماما وقبال داجي بالانجليزي!!
Quote: وحاتكم علمتها بابا بالعربي.. وحبوبة كمان...
لكن لحدي اسي ما قدرت تقول ماما.
الله يديها العافية غايتو |
لو سألت ناس اخصائي النطق حتعرف انه حرف الباء عموما اسهل في نطقه من الميم و الدال,لذا بابا اولا وقبل دادي وكذلك حبوبه....اما ماما فهي اصعب فعلا,
واضحكني زميلنا القال لك شلتها اول عشان كده مصدقه اني امها(هههههه)
Quote: طبعاً انا.. لانو امها ولدت ولادة قيصرية وانا كنت حاضر العملية .. واول ما طلعت اخذتها..
ياربي يكون دا السبب في " بابا" " ودادي"؟ |
يا حبيب لو في اخوها مثلا...ودي حتلاحظوها في بقية ابنائكم وبناتكم لو في زول اسمه مثلا بدري حتنطقه قبال الاسمه محمد مثلا!! وقع لكم!!
وعموما البنات ينطق قبال البنين!! والاولاد بيمسكوا الكوب اسرع من البنات!!
عشان كده بنطلع متحدثات اخطر من الرجال ولكن الرجال ممكن يكونوا عضليا اكثر تركيزا مننا!!
| |
|
|
|
|
|
|
Re: فيديو بنيتي سارة خمسة شهور بتناديني "بابا" (Re: doma)
|
Quote: يا تراجي يا اختي كلامك دا انت بتقوليه جاده ؟؟ لو كدي الاطفال البجيبوهم في الافلام ما كان انقرضوا زمان. بالمناسبه سوزان بتي دا اول يوم ليها في الحياه اي زول بجي يشوفها بيقول دي خدود ولا تفاح وكانت من اجمل الاطفال لما تمت 8 شهور اتذكر مشينا الاجازه والشعر كيرلي واطرافه دهبيه وغزيز طبعا مامتل شعر اطفال الخواجات والعيون والرموش مبالغه وجضوم وبغبغه شديده وفوق دا كله جنها ضحك اي زول تشوفه تضحك . ما تبكي الا لما ابوها يكون ماشي المكتب في ناس بيوقفوني في الشارع عشان بس يشوفوها ؟ اها يا ختي مالهم ما سحروها ؟؟؟ولا بعرف تحصين ولا شئ بس مؤمنه ايمان تام انه لن يصيبنا الا ما كتب الله لنا الموضوع دا موضوع اعتقاد اكثر من انه حقيقه .
هوي انا ما بقدر اشوف الفديوهات عشان ما تقولوا كمان سحرناكم شفتوا الطرطشه دي نسيت اقول لراني ربنا يحفظها ليك البنات اصلهم بحبوا ابهاتهم وح تكون متعلقه بيك اكثر من تعلقها بالام . |
والله يادومه ياختي غايتو الله يديك العافية، ريحتي لي قلبي. انا كنت متحير في انو تراجي دي يردو عليها كيفن!! المصيبة انو لو ما قالت لي كلامها دا في التليفون قبل كدا كنت بقول بتهظر. لكن برضو تعالي ما نستبعد انو تكون بتهظر. انا كنت قايل الايمان بهذه الاشياء حكر لي ناس حبوبة الما مشو مدرسة ولا تابعولهم طلبة!! عجبي...
| |
|
|
|
|
|
|
Re: فيديو بنيتي سارة خمسة شهور بتناديني "بابا" (Re: doma)
|
Quote: يا تراجي يا اختي كلامك دا انت بتقوليه جاده ؟؟ لو كدي الاطفال البجيبوهم في الافلام ما كان انقرضوا زمان. بالمناسبه سوزان بتي دا اول يوم ليها في الحياه اي زول بجي يشوفها بيقول دي خدود ولا تفاح وكانت من اجمل الاطفال لما تمت 8 شهور اتذكر مشينا الاجازه والشعر كيرلي واطرافه دهبيه وغزيز طبعا مامتل شعر اطفال الخواجات والعيون والرموش مبالغه وجضوم وبغبغه شديده وفوق دا كله جنها ضحك اي زول تشوفه تضحك . ما تبكي الا لما ابوها يكون ماشي المكتب في ناس بيوقفوني في الشارع عشان بس يشوفوها ؟ اها يا ختي مالهم ما سحروها ؟؟؟ولا بعرف تحصين ولا شئ بس مؤمنه ايمان تام انه لن يصيبنا الا ما كتب الله لنا الموضوع دا موضوع اعتقاد اكثر من انه حقيقه .
هوي انا ما بقدر اشوف الفديوهات عشان ما تقولوا كمان سحرناكم شفتوا الطرطشه دي نسيت اقول لراني ربنا يحفظها ليك البنات اصلهم بحبوا ابهاتهم وح تكون متعلقه بيك اكثر من تعلقها بالام . |
والله يادومه ياختي غايتو الله يديك العافية، ريحتي لي قلبي. انا كنت متحير في انو تراجي دي يردو عليها كيفن!! المصيبة انو لو ما قالت لي كلامها دا في التليفون قبل كدا كنت بقول بتهظر. لكن برضو تعالي ما نستبعد انو تكون بتهظر. انا كنت قايل الايمان بهذه الاشياء حكر لي ناس حبوبة الما مشو مدرسة ولا تابعولهم طلبة!! عجبي...
| |
|
|
|
|
|
|
|