|
ليه ما نتصالح مع إسرائيل؟؟
|
العداوة دى حدها وين؟؟ هسع أصحاب الوجعة ذاتم دايرين يتفاضو ويتصالحو معاها.. نحن ليه نكون ملكيين أكتر من الملك؟ صدقونى حنستفيد من نواحى عديدة.. حدثنى أحدهم أن منتاجاتنا السودانية تباع فى أسواق إسرائيل.. وهى سلع رائجة عندهم!! ومن السلع المفضلة لديهم.. خاصة اللحوم!! اللا، كيف الكلام دا؟؟!!
المصريون من فلاحتم وفهلوتم بيستوردو منتجاتنا فى إطار الإتفاقات التجارية الخاصة بين البلدين، وباسعار خاصة.. ثم يقومون بإعادة تصدير هذه السلع إلى إسرائيل بأسعار عالية!! اللحوم، الكركدى، السمسم، الصمغ... وغيرها.. بى كدا يستفيدو ويصلحو ميزانن التجارى.. وعملتهم المحلية .. ويزيدو أردصدتهم بالنقد الأجنبى.. شفتو المصريين ديل نجاض كيف؟؟ نحن ليه ما نصدر منتجاتنا مباشرة لى إسرائيل؟؟ الآن كتير من الدول العربية قد طبّعت علاقاتا مع إسرائيل.. نحن ليه؟ إسرائيل بعد كدا عمليا ما فى طريقة لى إزالتها.. العداوة معاها غير مجدية.. وأحسن نخليها ونبدأ نتعامل معاها على أسس حسن الجوار والتعاون الدولى.. والتصالح مع إسرائيل لو ما حصل اليوم حيحصل بكرة.. فما من ذلك بد!!
|
|
|
|
|
|