|
Re: مفروض بكري يضيف ايقونة للسرقة (مسروق) (Re: Yassir Tayfour)
|
Quote: فكرة رائعة يا ود القاضي، وإقترح أن يكون رمز الأيقونة "يد داخل في جيب" |
فعلاً مقترح جميل ..يرفع للاخ بكرى ...بعدين( يد داخلة في جيب ) وليس ( يد داخل في جيب )..تعبونا الرطانة في المنبر ده ..
Quote: ___ تمبس قوم فحِط وسوق معاك صاحب البوست! |
اصلوا ماغلط الصورك جنب البرميل ...
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: فايزودالقاضي)
|
Quote: الايقونة ماضروري تخطط بالابيض والاسود .. |
رغم أني من غير المتابعين للموضوع لكن مجرد العنوان والتعليق المقتبس أراهما من أذكى ما قرأته مؤخرا. بالمناسبه في شنو يا فايز؟
___
سؤال يا فايز: هسه كان ،لاقدر الله ، سرقت لي (شتيمه) من الشتائم الكتيره في المنبر برضو بتقولوا سرقه (أدبيه)؟
بس عشان نكون في الصوره
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: محمد المرتضى حامد)
|
Quote: هسه كان ،لاقدر الله ، سرقت لي (شتيمه) من الشتائم الكتيره في المنبر برضو بتقولوا سرقه (أدبيه)؟ |
يا مولانا هذي يُقال عليها سرقة غير ادبية، كمثل الذي يسرق من "بيت الأدب"، فبئس السارق والمسروق.. __ عليك الله شوف مصطلح "بيت الأدب" ده سمح كيف؟ والناس تضع فيه "خلاصة مأكلها ومشربها" شفت خلاصة المأكل والمشرب دي كلغة سمحة كيف؟ ولكن في الواقع نستعيذ بالله من الشيطان ونحمده على خروج الأذى.. والحمد لله على كل شيء يا مولانا..
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: Yassir Tayfour)
|
Quote: عليك الله شوف مصطلح "بيت الأدب" ده سمح كيف؟ والناس تضع فيه "خلاصة مأكلها ومشربها" شفت خلاصة المأكل والمشرب دي كلغة سمحة كيف؟ ولكن في الواقع نستعيذ بالله من الشيطان ونحمده على خروج الأذى.. والحمد لله على كل شيء يا مولانا.. |
زي كلامك ده ماعنده علاقة بالسرقة... ده طوالي يعملوا ليهو ايقونة في شكل برميل وقدامها زول لابس ابيض ...ههههههه
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: محمد المرتضى حامد)
|
ود القاضى سلام ..
بعتمد على الموضوع .. يعنى لو نقلت قصيده بدون الاشاره لكاتبها مع ايهام الناس انى كتبتها .. دى سرقه لو استخدمت بناء لغوى او تصويري ابداعى لاحدهم ونسبته لنفسي .. دى سرقه لو نقلت فكره بذات اللغه واجريت التعديلات الضروريه لموائمة حال محدده .. فمفروض طوالى استخدم ايقونة السرقه المقترحه ..
.. منقوله اعلاه كانت تخص النقطه التى تداخلت بها ..
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: محمد المرتضى حامد)
|
استاذنا محمدالمرتضي ..سلامات ومنور البوست ياعم ..
Quote: بالمناسبه في شنو يا فايز؟ |
البورد مقلوب والحرامي من العسكري مامفروز وتقول لي في شنو ؟!!!
Quote: سؤال يا فايز: هسه كان ،لاقدر الله ، سرقت لي (شتيمه) من الشتائم الكتيره في المنبر برضو بتقولوا سرقه (أدبيه)؟ |
حسب الشتيمة ...اذا كانت الشتيمة اقل جرماً من السرقة كسرقة يتعامل معها على انها سرقة ادبية ..ولكن لو تجاوزت الشتيمة حدود الأدب فحينها تكون قلة ادب مسروقة ويحاسب السارق عليها وعلى قلتها ...
ــــــــــــ دخول الاذكياء في هذا البوست يصعب علىّ ادارته ..
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: محمد عبدالرحمن محمد)
|
محمد عبالرحمن ..سلام ..
Quote: ياتو برميل يا فايز؟ أيواا.. نيفرمايند.. اتذكرت، دا أيام مشى للعرس، صاح؟ ؛ فإن كان أعلاه صاح، فربما -ربما- قاصد بي ["يد داخل في جيب"] دي حاجه مش ولا بد! الثعلب ما مضمون!! |
اذا قصدك الصورة الكان لابس ابيض فيها وقاعد جنب برميل الزبالة فانا ابداً تفكيري مامشى هناك ...لذلك زي حالتك دي عايزة ايقونة للخبث الاسفيري ..
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: Yassir Tayfour)
|
الاخ فايز ود القاضى لك التحية وللمتداخلين ايضا
انا دخلت لانو عنوان البوست اضحكنى كثيرا اليومين ديل المنبر
ناشف عضام بس . يا اخوى انا ماعندى علاقةلا بالسارق ولا المسروق
لكن ممكن اشارك ..! ايقونة مسروق ممكون تكون وجه لابس نظارة سوداء زى الحرامية
فى الكاركتيرات ...........
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: ندى صالح الطيب)
|
ندي صالح ...سلامات ومنورة المنبر ...
Quote: اليومين ديل المنبر ناشف عضام بس |
كترت السرقات نشفته ..
Quote: ايقونة مسروق ممكون تكون وجه لابس نظارة سوداء زى الحرامية فى الكاركتيرات . |
مقترح يرفع للجهات المسئولة بالمنبر ....لكن ياندى وجه لابس نظارة سوداء ده حرامي ولابتاع مباحث؟!!!
شرفتينا ..
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: فايزودالقاضي)
|
إذا تم تفعيل هذه الأيقونة اللعينة فسوف يتحدم التنافس بين الأعضاء والأدمنستريتور في بوستات ومداخلات على شاكلة "من أقوالهم" الله يكفينا شر القواله وإذا رفع الكليك من الأدمنستريتور بإعتبار أنه صاحب صوله وصاحب جوله فبي كده بتكون الخيل تجقلب والشكر للحصين والرماد كال حماد وآخرين. أنا غايتو في حته السرقة دي إذا تم إقرارها فسوف أسرق رويترز عملاً بفلسفة "كان سرقت أسرق جمل" بسنام أو ملتي سنامات لا مشكلة. في بعض الأحيان بتكون الحكاية ظاااااااهره يعني لا عايزة ليها جوجل لا غوغل وبيكون وجه المقارنة بين الموضوع وكاتب الموضوع زي إسكندنافي لابس عراقي ومدقر السفه. المهم بحكم العشرة الإسفيرية حبذا لو نطلق على هذه الأيقونة "شرود" أو "تسلل" بدلاً من سرقه وكله في النهاية أوف سايد. وقد يغفل هذا أو ذاك عن رفع الراية وتوووووش قون ولك الله يا غافل من النيران المعادية والصديقة.
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: almulaomar)
|
الملا عمر ..سلامات ..
Quote: المهم بحكم العشرة الإسفيرية حبذا لو نطلق على هذه الأيقونة "شرود" أو "تسلل" بدلاً من سرقه وكله في النهاية أوف سايد. وقد يغفل هذا أو ذاك عن رفع الراية وتوووووش قون ولك الله يا غافل من النيران المعادية والصديقة. |
توقير واحترام السرقة برضو مطلوب خاصة وانها سرقة مفيدة لذا مقترحك مرفوع ومدعوم من قدامى الحرامية للاخ بكرى ...وشكل الايقونة (راية وصفارة) ..
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: فايزودالقاضي)
|
ازيك يا اهلنا يا جماعة عايزة فتوى صريحة تريح ضميري
هل الاعتماد على مرجع محدد في بحث ما مع استخدام مراجع اخرى بدخل الزول/ة في شبهة السرقة؟ انا غايتو مرة عملت كدا، والقصة دي لانه ما محبزة من اساتذنا الدرسونا زمان مناهج البحث عاملة لي حسكنة( زول/ة يقول لي حسكنة يعني شنو مافي) المهم في مقالي عن التنميط والصورة النمطية من الطباعة الى الممارسة السياسية اعتمدت على ما كتبه اراداه الجبوري بشكل اساسي واستخدمت مراجع تانية طبعاً واشرت لهم جمعياً كل في موضعه لكن الحسكنة ابت تروح بعد الفتوى تورني الكفارة شنو سمح؟
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: فايزودالقاضي)
|
Quote: Quote: Quote: هسه كان ،لاقدر الله ، سرقت لي (شتيمه) من الشتائم الكتيره في المنبر برضو بتقولوا سرقه (أدبيه)؟ |
يا مولانا هذي يُقال عليها سرقة غير ادبية، كمثل الذي يسرق من "بيت الأدب"، فبئس السارق والمسروق.. |
ياسر العريس، مداخلتك من عيون الأدب ماشاء الله ، طبعا قصدت من مداخلتي عقد مقارنة بين أنواع السرقات الحلال والحرام وما بينهما، يعني زي ما تقول زي سرقة المال المتقوم وغير المتقوم وكده، يا ياسر في ناس بيسترقوا السمع ويسرقوا النظر وباقي الحواس ، والأخطر منهم البيسرقوا القلوب ديل ياخ، يعني لاقدر الله ، نعم ، لاقدر الله لو قمت سرقت ليك قلب قارئة ، لاقدر الله ، كوستاوي ومن لف لفه ديل حايقولوا شنو وحكمهم شنو؟ برضو لو ، لاقدر الله ، واحده سرقت قلبك هنا، يعني لاقيتا وقت السحر وصحيت الصباح لقيت تحت الضلوع مافي شي ، ببَح، تشتكي لمنو وتفتح بلاغك وين؟ ما ياهو بس تقعد تغني بهناك : طار قلبي وقال ماهو عارف،
تعرف يا ياسر ، صاحبنا ودالقرشي كل يوم يلطشو كلامو عن الحقيبة في المنابر البنابر، وينسبوه لأنفسهم لدرجة إنو الموضوع دا بقى ما بيشغلو كتير، قلت ليهو ياخ دي ما سرقه ، دا توزيع للياسمين بواسطة موزعين غير معتمدين فقط لاغير مش همك إسعاد البشر؟
Quote: عليك الله شوف مصطلح "بيت الأدب" ده سمح كيف؟ والناس تضع فيه "خلاصة مأكلها ومشربها" شفت خلاصة المأكل والمشرب دي كلغة سمحة كيف؟ ولكن في الواقع نستعيذ بالله من الشيطان ونحمده على خروج الأذى.. والحمد لله على كل شيء يا مولانا |
يا ياسر، ياخ أنا هسه فكرت أعمل بوست بعنوان ( سرقة العطور في فقه ياسر طيفور) بعملو، حرَّم ما تقول حاجه،
| |
|
|
|
|
|
|
Re: مفروض بكري يضيف ايقونة للسرقة (مسروق) (Re: خالد العطا)
|
Quote: ماجاوبت علي سؤال سابق عن محلات السواكنية (اللبسة) في جدة منتظرك |
يازول انت تسالني في بوست ماعندي علم بيهو ؟!!!
معاك التلفون ..واى وكت تجي جده جاهزين وياحبذا تديني خبر قبلها بيوم عشان انسق مع الراجل ..مع العلم الراجل بكون في قهوة البحر الاحمر بالهنداوية بعد العشاء يومياً ..
قلت تسرق سواكنية بدل العلم ده ؟!!
| |
|
|
|
|
|
|
|