|
Re: والله الليلة محّنتا ليكم القووقل جنس محنة !! (Re: امير عوض الجمري)
|
حالات زي دي قاعدة تجيكم يا جماعة وللا انا خلاااااث جنيت وقفلتا باب الريد!!
غايتو اكان جنيت وللا غنيت .. جزم (يا عملات خليل) قووقل دا ما بخليهو .. ياخي اكتب ليهو قرقريبة فووووو يجيب لي قرقيبة واسكراتش والحريم خلن القرقريبة وبقن يعوسن بالاسكراتش ... عليكم الله قووقل دا الوداهو تكلنا شنو ؟!!
| |
|
|
|
|
|
|
Re: والله الليلة محّنتا ليكم القووقل جنس محنة !! (Re: khaleel)
|
خلي الحبيب تحياتي ومبروكين تيمان الدكتور ويتربوا في عزكم
Quote: شكلك خميس ضارب زينا وكدة
تسمع غناء
ورينا عايز شنو ونحن حاضرين |
خميس مفطّس خااالث يا خليل ... وكمان جابت ليها قطيعة في ضهري حامياني الحركة بس منبطح وحاضن اللابتوب دا ...
يعني الليلة لا حوامة ........................................ لا حوامة .. هههههههههها.
اغنيتين ابوعفان .. اغنيتين ابداؤود (ان شاء الله تغنيهم عزة) واغنيتين من عبد الحميد يوسف .... كدا الخميس بكمل ونختمها بتتعلم من الايام ام بكاء ديك وننوم على كدا ... امممممممممكن تفك ناس قووووقل ديل مني الليلة ... هههههههههها
| |
|
|
|
|
|
|
Re: والله الليلة محّنتا ليكم القووقل جنس محنة !! (Re: ناصر جبريل)
|
سألت القووقل عن : ماذا تسمى حالة التلفظ بكلمات لا معنى لها .. واعني هنا حالتي هذه .. فأجابني :
Quote: فقدان القدرة على الكلام (الحُبسة) (Aphasia تلفظ [əˈfeɪʒə] أو تلفظ [əˈfeɪziə]) هو اضطراب مكتسب في اللغة بما يعنى وجود ضعف في أى من الوسائل اللغويه. وقد يشمل ذلك صعوبة في إنتاج أو فهم اللغة المنطوقة أو المكتوبة.
تتوقف قدرة ومعاناة شخص ما ممن يعانون من فقدان القدره على الكلام على المنطقة التي لحق بها الضرر بالمخ ومداها. فمن الممكن أن يكون الشخص قادرا على الكلام دون الكتابة ،والعكس صحيح، أو أن يظهر أى وجه من أوجه القصور المتعددة في فهم اللغة وإنتاجها، مثل القدرة على الغناء دون الكلام. ويمكنُ حدوث فقدان القدرة على التعبير جنبا إلى جنب ٍ مع اضطراباتٍ أخرى في الكلام، مثل اضطراب التلفظ (التلعثم)أو اضطراب عدم التوافق في التلفظ (اللاتناسق اللفظى، عجز الحركة)، واللذان ينتجان عن تلفٍ في مناطق من الدماغ أيضا.
ويمكن تقييم فقدان القدرة على الكلام بوسائل عديدة، بدءا من الفحص الإكلينيكى السريع، حيث يكون المريض راقدا في السرير أو الفحص الممتد لساعات عدة بالأجهزه المخصصة للكشف على العناصر الأساسية في اللغة والتواصل. ويختلف التشخيص كلية من فرد إلى آخر، حيث يتوقف على عمر المريض، موقع وحجم الإصابه، ونوع القدرة اللغوية المفقودة. |
ضرر بالمخ واكلنيكي .. دا شنو الكلام الكبار كبار دا ؟!
| |
|
|
|
|
|
|
Re: والله الليلة محّنتا ليكم القووقل جنس محنة !! (Re: امير عوض الجمري)
|
الاخ امير الجمرى لك التحية
اقول ليك كلام قوقل ده رفع مستواى فى الطبخ اكتب تحضير سمك يجيب لى مائة صنف
مرة متحيرة فى مقاسات ملابس دخلت جاب لى المقاسات الانجليزية الامريكى الصينى
مش كدة جداول عديل .
غايتو نحن النساء معانا طحنية ولا واحدة تقول ليك علمتك ده ولا وريتك داك .
النكتة فى السودان قالو كان اديته لون لبسة بجيب ليك باقى التطقيمة ...!
| |
|
|
|
|
|
|
Re: والله الليلة محّنتا ليكم القووقل جنس محنة !! (Re: ندى صالح الطيب)
|
ندى كل سنة وانت طيبة .. ومقووقلة .
Quote: اقول ليك كلام قوقل ده رفع مستواى فى الطبخ اكتب تحضير سمك يجيب لى مائة صنف |
يعني انهى دور الامهات في دخيل بناتن المطبخ وتعليمن الطبيخ تمهيدا لزفهن لبيوتهن جاهزات يعني الواحدة ما تضيع زمنا مع امها ساي تبرطع زي ما دايرة وتجي بعدين تلقاها بااااردة مع ابو القواقل دا ...
Quote: مرة متحيرة فى مقاسات ملابس دخلت جاب لى المقاسات الانجليزية الامريكى الصينى
مش كدة جداول عديل . |
اها عليكي الرسول شوفي جنس التحشر دا .!
Quote: النكتة فى السودان قالو كان اديته لون لبسة بجيب ليك باقى التطقيمة ...! |
بعملا بعملا .. دا لو ما بخاك بي ريحة كمان ... ههههههههههههها
| |
|
|
|
|
|
|
|