|
Re: ارحموا عزيز قوم زَل .. (Re: د.نجاة محمود)
|
وهبه ..
يعنى مقتنع بتشبيه ( المعدده ) ومختلف معاى فى وجود المأتم !؟.
.. وعطفا على توجيهاتك الموقره بأن ( نوطى الساوند سيستم) فقط نتساءل .. متى صدر حكمكم الموقر بادانة طلال يا وهبه .. لانو ما عندى خبر .. فظننت إثما ان المأتم غير موجود ..
..
قال إيه .. ونائحا فى البورد ليتنى لو فقدت باسووردى .. وسارع بفتح البوستات يدعو الناس للترحم والرحمه على أحد أعزاءه..
هناك يا وهبه صوره نمطيه فى المسلسلات العربيه .. عن ( اليهودى الخبيث ) .. وهى ناتجه من تصورات محدده تخدم رسالات اعلاميه مشوهه الا أن ما يهمنى هو تلك الصوره النمطيه ال.. بالله عليك يا وهبه الصوره دى مش امقس مقاس لصاحبك !؟
.. عليك الله شفت مخاتله زى دى ؟!!
| |
|
|
|
|
|
|
Re: ارحموا عزيز قوم زَل .. (Re: اساسي)
|
اساسى يا عزيزي وعزيزي هنا جد جد .. لا مخاتله
إن احسنت الظن فى الناس .. بقول انو فى فكره غلط عن اخويه مزعومه عند الشيوعيين .. وعن قداسة ما يحسونها تجاه الحزب والكلام ده ابدا ما صحيح .. كما وتدور فى الاذهان صور ضبابيه عن دهاليز العمل السري وصرامة النظام الداخلى والمركزيه الديمقراطيه الخ .. وهى صوره مستوحاة من أخيله ساذجه
ولكن ما يحدث يجعلنى أغادر حسن الظن الى غير رجعه ..
وخذ هذه الخطوات واحده واحده
- ظهر بوست ل امير جابر يهنئ وائل طه .. - تقاطرت مجموعه من اصدقاء الرجل للتهنئه .. وفيهم من أظن أنتماءه للحزب الشيوعى وبديهى جدا - الارجح أن تواجدهم كان من منطلقات اجتماعيه .. - لم أشارك فى التهنئه , وتداخلت بإدانه واضحه لما تعرضت له منال خوجلى - لم يفتنى انتهاز الانتهازيين الفرصه لتوجيه الصراع نحو مواجهه بين الضحيه - منال خوجلى - والحزب الشيوعى .. - فتح الاخ علاء بوست القسم العظيم .. لم يتداخل أحد من الشيوعيين الى أن مارس الانتهاز السخيف ذات اجنداته السخيفه .. فتداخلت فى الضد من هذا .. للفت انتباه الاخت ماجده لما يجرى .. وسجلت إدانتى التامه لما تعرضت له منال.. - إعتذرت الاخت ماجده عن قبول منطقى من خلال مداخله رصينه جدا .. وتفهمت ذلك - تقاطر ذوى الاجندات الواضحه فى الضد من الحزب على البوست يرفعون قميص القضيه العادله وانهالوا على الحزب .. كلا حسب ما وسعت ضغينته والانتهاز وفقدان النزاهه.. - ما قد يلفت النظر هنا هو ابتعاد الشيوعيين .. لا تناديهم للاحتشاد تحت رايات مقدسه - وحتى مداخله طلعت الطيب المستفزه .. يمكن اتهام الشيوعيين بالوداعه والحيطه القصيره بتاعت البورد .. - طبعا الكلام ده بعجبكم جدا ( انت فيهم ).. ومزعج جدا خروج البعض عن الصمت لرد الاتهامات والدفاع عن انفسهم فيتم دمغ اى زول بيقيف فى الضد من توجيه القضيه لهذا المسار .. يتم دمغه بمعاداة ( القضيه ) .. - والكلام ده يفتقر للنزاهه تماما .. بس النزاهه دى اصلا مفقوده عندهم وغير ( محريه) فيهم - ويبقى قدامنا خيارين يا نسكت تأكيدا لمفهوم الحيطه القصيره .. ولا نمارس حق طبيعى جدا ضد أى زول يتهجم على الحزب بغير وجه حق .. ونقبل وقوع بعض الاذكياء زيك فى فخ ( معاداة القضيه )
ده الموضوع باختصار ..
| |
|
|
|
|
|
|
|